Në vijim të investimit për mirëmbajtjen e rrjetit, në datën 4 Nëntor do të kryhen punime në linjën 35kV Korçë – Bilisht. Punimet do të kryhen në intervalin kohor 11:00-14:00. Pa energji do të mbeten këto zona : Pjesërisht: Qendër, Bitinckë, Miras, Kapshticë, Progër, Hoçisht, Vranisht, Stropan, Vishocicë, Baban njofton Bashkia Devoll.

Po vdesin !

Brezi më i mirë është duke vdekur…
Ato që s’kanë bërë shkencë, por që kanë dhënë gjithçka për fëmijët.
Po zhduken familjet e mëdha, me shumë fëmijë dhe që respektonin prindrit. Rinia e sotme nuk njeh kushërinjtë. Po vdesin gjyshrit e varfër por që kane kapercyer me zemër të madhe gjithë veshtiresitë financiare .. Jane duke vdekur..

Ata kane njohur kohë lufte, kohë kur kanë shtrënguar rripat dhe janë kënaqur me pak, kanë njohur dhimbje dhe vuajtje, shpesh kanë punuar si kafshe…dhe nuk ankoheshin kurrë! Ata kerkonin grimca të thjeshta lumturie…dhe sot kerkojnë vetëm të perjetojnë çaste te lumtura me niperit dhe mbesat e tyre …

Ata po ikin nga kjo bote pa shqetesuar njeri, gjithmone ata s’kane shqetesuar …ata po ikin pa u thënë lamtumire fëmijve

dhe nipave që janë në emigracion.

Shqipëria po humb një gjeneratë që do i zhduket kombit tonë brez pas brezi….

Do na mungoni shumë…..❤️❤️❤️❤️

(Shkroi: Kreshnik Spahiu Janar 2021)

Në Portin e Durrësit është kapur një sasi kokaine prej 33.5 kg, në kontejnerin e kompanisë së bananeve, “Banaking”, në pronësi të Trifon Murataj. Kontejneri vinte nga Amerika Latine, konkretisht nga Ekuadori. Skaneri nuk e ka evidentuar drogën, por policia e cila ka patur informacion për ngarkesën, ka kryer kërkim me qen, i cili e ka nuhatur dhe pikasur kokainë në banane. Policia ka shoqëruar punonjësit e kompanisë që prisnin ngarkesën dhe punonjës të portit. Deri tani janë shoqëruar tetë persona. Sipas policisë janë sekuestruar 31 pako me lëndë të dyshuar narkotike kokainë, me peshë totale 33.5 kilogramë.

Kokainën nuk e kapi skaneri, por e kapi qeni/ Ja a "heroi" që i bëri gropën "BanaKing-ut" (video) pic.twitter.com/Llrji8aqBG

— KorcaBlog.com (@korcablog1) November 3, 2022

Pas ngjarjes së rëndë të ndodhur në Pejë ku një infermiere e një qendre për të moshuar u filmua duke goditur dhe u talluar me një grua në moshë, ka folur për Shqipëria Live në Top Channel, djali i saj. Lidhur me rastin, ai tha se për momentin ia kanë lënë drejtësisë të merret dhe se nuk ka kontaktuar akoma me familjarët e infermierës që bëri gjestin e rëndë. “Mua më morën në telefon. E rëndësishme për mua të vi këtu se unë jetoj në Belgjikë, Nëna do qëndrojë me mua këtu në Kosovë, në Bekgjikë do shkojmë pasi të bëhen procedurat ligjore, E kam vendos që nëna kurrë të mos jetë e tjetërkujt përveç se e imja dhe e motrës time,” tha djali i saj.

Ermal Mamaqi ka prezantuar librin e tij të parë me titull “Në garë me veten”. Ai thotë se ky libër nuk duhet lexuar, por duhet studiuar. Miqtë e mi, nëse do t’ju jepja një këshillë për këtë libër do të ishte kjo: Mos e lexoni. STUDIOJENI. Gjithë çka unë di e kam shprehur në këto faqe: dhjetra vite, momente dhe situata nga të cilat kam marrë mësimet e duhura që më kanë sjellë pikërisht këtu, tani.

Unë e di se secili nga ne ka brenda vetes më shumë se sa shfaq.

Dhe tani është koha më e mirë që ta shpalosësh veten drejt një realiteti të ri, drejt një jete të re..

Kreu i Partisë Konservatore, Kujtim Gjuzi ka shpallur kanidaturën për të garuar për Bashkinë e Tiranës në zgjedhjet vendore 2023. Gjuzi përmes një shkrese i ka kërkuar kryetarit të Partisë Demokratike, Sali Berisha, që ta regjistrojë për Primaret. Ja dhe dokumenti që, Kujtim Gjuzi i dorëzon Sali Berishës me nje
gramatikë e pastër që meriton vëmëndje për të votuar njeriun e duhur. Deri më tani Belind Këlliçi, Gerti Bogdani dhe Ilir Alimehmeti janë kandidatët që do marrin pjesë në primaret e brendshme të Partisë Demokratik për të garuar për Bashkinë e Tiranës.

Aktorja dhe aktivistja Kaltrina Zeneli, e cila publikoi videon e tmerrshme të dhunës së infermiereve ndaj të moshuarës në azil, është kërcënuar me jetë. Zeneli u shpreh se mes qindra mesazheve që i kishin mbërritur, mes tyre ishte dhe një kërcënim me jetë. Edhe pse anonim, sërish ndaj aktores është bërë një kërcënim i frikshëm. Ajo shpjegoi se një ndër mesazhet kërcënuese shkruante: “Veç mos të pafsha në rrugë se kam me t’mbyt”.

“Unë punoj në Artpolis, një organizatë feministe dhe reagojmë për raste të ndryshme kur ka dhunë familjare. Gjatë kohës që kam qenë me kolegët pak para provave, më ka shkrujt dikush dhe ka kërkuar me dit qysh me raportu një dhunë. I thashë thirre Policinë, ata të drejtojnë ku duhesh me shku. Më tha, a mundesh me ma gjet një numër që merret këto raste dhe po më tregon që është ushtru dhunë ndaj një të moshuare.

Unë prapë i thashë thirre Policinë. E vazhdova ditën. Pas dy-tre ore, e pyeta a ka marrë një iniciativë.

Më tha që ishte duke pritur për të shkuar në Polici. Por aty ma ka dërgu videon. Pasi e kam pa, nuk mujta me prit më dhe e kam postuar menjëherë. Nuk kam mundur ta shoh videon deri në fund. Jam shtangur, nuk kam dit me reagu. E kam qit nënën time në vend të saj. Nuk e di… s’po gjej fjalë të përshkruaj”, u shpreh aktorja.

Ministrja e Infrastukturës dhe Energjitikës thotë se duke filluar nga viti i ardhshëm, një faqe e re do të hapet në historinë e Shqipërisë për hekurudhat. Teksa prezantoi projektet në Komisionin Parlamentar për Veprimtaritë Prodhuese, Tregtinë dhe Mjedisin, Balluku njoftoi nisjen e ndërtimit të disa linjave të reja hekurudhore.

Pjesë nga deklarata e Ballukut:

Qeveria shqiptare e ka prioritet transportin hekurudhor, është një prej fushave që bshkëpunojmë me Bashkimin Europian. Krijimi i autoritetit hekurudhor, i sigurisë hekurudhore, duke hapur kështu një faqe të re në historinë e hekurudhës shqiptare dhe duke e menaxhuar atë sipas të gjitha rregullave. Sot në hekurudhat shqiptare ne kemi të njëjtën mundësi si te aeroportet për ta menaxhuar.

Drejtoria e inspektimit hekurudhor të të shkrihet, i kalojnë autoritetit për inspektimin e incidenteve hekurudhore. Rehabilitohet linja hekurudhore Durrës, Terminali Tiranë si dhe ndërtohet linja Tiranë-Rinas, projektet këtë vit. Vorë-Hani i Hotit do të rehabilitojë 12 stacione dhe godina.

Standartizohet hekurudha me atë të Malit të Zi. Puna që po bëjmë me BE është inkludimi i Shqipërisë në korridoret e njohura tashmë.

Studim i fizibilitetit Durrës-Prishtinë, hartim i projektit të detajuar për linjën Durrës-Rrogozhinë, dhe projekt Rrogozhinë-Pogradec-Lin. Në vitin 2023 nis ndërtimi i linjës hekurudhore Durrës-Prishtinë, ky projekt pritet të jetë 700 milionë euro, nuk gjykojmë që do të marrim fonde nga WDF.

Zhaneta Nura, e bija të moshuarës ndaj të cilës u ushtrua dhunë në azilin e të moshuarve në Pejë “Orenda” ka thënë se është e shokuar me atë që i ka ndodhur nënës së saj. Nura ka thënë se menjëherë pasi pa videon, e cila u shpërnda sot në media, e ka tërhequr menjëherë nënën e saj nga kjo qendër. Ajo ka thënë se para 4 ose 5 ditësh kishte vërejtur shenja dhune në fytyrën e nënës.

“Minimumi një herë ose dy herë në javë e kam vizitu nënën. Tash para 4-5 dite kam qenë në rezidencë, në herën e fundit, e kam parë një shenjë dhune në faqe, por s’më ka shkuar mendja që ka dhunë në një rezidencë me standarde zivcerane”, ka deklaruar ajo, shkruan Express.

“Kam qenë në punë kur më ka ardhë video. Mamën e kam tërhequr automatikisht prej aty dhe tani shpresoj që drejtësia ta qes në dritë këtë punë. Nënës time i ndodhi, por mos t’i ndodh dhe të tjerëve”, ka thënë ajo për rtv Dukagjinin.

Nura ka deklaruar se për strehimin e nënës së saj në këtë qendër, familja e saj ka paguar 600 euro për muaj, duke i bartur edhe shpenzimet e veshmbathjes dhe terapisë mjekësore.

“Ka qenë tronditje e madhe, stres i paparë. Kur një dhunë bëhet ndaj një nëne të sëmurë në atë rezidencë, të cilës s’di a t’i them rezidencë më. Besoj që secili prej qytetarëve më kupton. S’kam fjalë me përshkru dhimbjen që ka ndodhur. Kemi paguar 600 euro në muaj. Veshmbathja ka qenë prej nesh, terapia prej nesh”, ka deklaruar ajo.

Hakerat iranianë kanë publikuar sot (2 nentor) të dhënat e agjentëve të Shërbimit Informativ Shqiptar. Lista përmban emrat, ndërsa pjesë e të dhënave janë email-et dhe numrat e telefonit. Listën e plote me emrat e agjenteve të SHISH e gjeni ne telegramin e Homeland Justice. Hakerat iranianë, të cilët prej kohësh kanë hyrë në sistemet tona online kanë publikuar herë pas here të dhëna sensitive për shqiptarët. Pak dite me parë, po në rrjetin telegram, hakerat publikuan të gjitha të dhënat personale të kreut të qeverisë. Ndër to janë kartat e identitetit, pasaportat, adresa e banimit e të dhëna të tjera.