Zyrtarisht shpejtësia e lejuar në autostradat shqiptare vendoset deri në 130 km/orë. Me asnjë votë kundër u miratua në Komisionin për Veprimtaritë Prodhuese, Tregtinë dhe Mjedisin këtë të martë vendimi për ndryshimin e shpejtësisë në autostrada. Ky vendim ishte një ndër pikat e propozuara për ndryshim në Kodin Rrugor nga një grup deputetësh të Partisë Demokratike. Shpejtësia e lejuar në autostrada deri më sot ka qenë në kufirin 110 km/orë.

Sipas deputetëve, por dhe ekspertëve të sigurisë rrugore në komision, autostradat në Shqipëri i kanë kushtet për lëvizjen e automjeteve në këtë nivel shpejtësie.

Për qytetarët deri në 70 vjeç do t’u lejohet mbajtja e patentës. Ky vendim bëri që kohëzgjatja të ndryshohet nga mosha 65 vjeç deri në 70 vjeç.

Ndër vendimet e tjera të miratuara në këtë komision është dhe lejimi i mbajtjes së dy patentave.Kushdo qytetar shqiptar që zotëron një patentë të huaj të mos i hiqet e drejta për të mbajtur dhe atë të vendit të lindjes. Në komision u diskutua dhe evidentimi i monopatinave në autostrada dhe rrugët interubane. Deputetët sugjeruan që të vendosen rregulla për këta udhëtarë.

Një 24 vjeçar shqiptar, i kërkuar nga autoritetet franceze për trafik droge, është arrestuar ditën e sotme nga Policia greke në Kapshticë. Mësohet se i riu është ndaluar nga sektori i verifikimit të pasaportave Kapshticë në bashkëpunim me policinë kufitare Kapshticë Follorinë, teksa po tentonte të hynte në Greqi. 24-vjeçari rezulton me urdhër europian arresti nga autoritetet franceze për trafik droge

E ëma e Bora Zemanit feston sot ditëlindjen dhe moderatorja ka zgjedhur ta surprizojë me një urim publik.Bora ka publikuar një foto krah të ëmës dhe ka shkruar fjalët më të bukura duke u shprehur se ajo është shembulli më i mirë që mund të kishte në jetën e saj.“ Edhe 100 vite për njeriun më të bukur në jetën time! Je dashuri, forcë, energji pozitive…shembulli më i mirë që mund të kisha në jetë! Të dua Mam Ermira zemani e mira ime”, ka shkruar ajo.

Pas akuzave të ish-kryeministrit Sali Berisha, se shkak për përmbytjet në Shkodër është bërë keqqeverisja ka ardhur dhe reagimi i ministres së Infrastrukturës dhe Energjisë, Belinda Ballukut. Në llogarinë e saj në “Instagram”, Balluku ka risjellë përmes një video deklaratat se si në 2010 Berisha “shfajsohej” nga përmbytjet në Shkodër. Duke risjellë deklaratat kontradiktore të Sali Berishës, ministrja shkruan se meqënëse “i ka vdekur burrëra, nderi dhe fjala”, atëhere kjo video i rifreskon memorien kur në mënyrë kriminale në 2010 shkarkonin më shumë se 107% të prurjeve të kaskadës së Drinit, duke përmbytur 14. 280 hektarë, e nxjerrë në rrugë për ditë 12.145 persona. Sipas saj nuk ka asnjë krahasim mes menaxhimit të kaskadës sot me 2005-2013 .

View this post on Instagram

A post shared by Belinda Balluku (@belindaballuku)

Policia e Shtetit ka reaguar përmes një deklarata për mediat pas raportimit të lajmit se punonjësi i patrullës në Shëngjin, Klsiman Nikolli, është arrestuar nga autoritetet italiane për vjedhje. Policia e Shtetit thotë në deklaratë se ai është përjashtuar nga radhët e kësaj trupe me vendim të drejtorit të Përgjithshëm, Muhamet Rrumbullaku.

Deklarata:

Departamenti i Marrëdhënieve Ndërkombëtare në Policinë e Shtetit, në kuadër të bashkëpunimit dhe shkëmbimit të informacioneve me homologët, me qëllim parandalimin dhe goditjen e krimeve dhe të paligjshmërive në përgjithësi, ka marrë njoftim se shtetasi K. N., 27 vjeç, me detyrë oficer i Patrullës së Përgjithshme në Postën e Policisë Shëngjin, në Komisariatin e Policisë Lezhë, ishte arrestuar nga organet ligjzbatuese italiane, për veprën penale “Vjedhja”.

Menjëherë pas njoftimit të marrë nga homologët italianë, Drejtori i Përgjithshëm i Policisë së Shtetit ka firmosur përjashtimin nga Policia e Shtetit, të punonjësit të Policisë K. N.

Punonjësi i Policisë K. N., konform procedurave ligjore, ka marrë leje pa të drejtë page, nga data 01.11.2022 deri më datë 31.12.2022. Kjo leje i është miratuar nga eprori i tij, për dalje jashtë shtetit, pas kërkesës së bërë nga vetë punonjësi, për arsye shëndetësore.

Sqarojmë opinionin publik se rekrutimet në Kolegjin e Policisë, të Akademisë së Sigurisë, për Patrullë të Përgjithshme, bëhen në zbatim të ligjit “Për Policinë e Shtetit” dhe në zbatim të kritereve të përcaktuara me VKM. Aplikantët kalojnë disa faza testimi dhe verifikimi, të cilat përjashtojnë kategorikisht mundësinë e hyrjes në Akademi, të aplikantëve me të kaluar kriminale.

Shprehim keqardhje për deklaratat dashakeqe që synojnë të përbaltin punën, mundin dhe sakrificën e mijëra djemve dhe vajzave, burrave dhe grave, të Policisë së Shtetit, që punojnë 24/7 për të garantuar rendin e sigurinë, dhe që përballen e luftojnë çdo ditë, me krimin në përgjithësi dhe me krimin e organizuar në veçanti.

Bordi i Transparencës ka ndryshuar çmimet e karburanteve për ditët në vijim. Sipas vendimit të marrë sëfundmi, një litër naftë nuk do të shitet me më shumë se 214 lekë nga 218 lekë që ishte deri më tani, kurse një litër benzinë, jo më shumë se 202 lekë. Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 214 lekë/litri, ndërsa i shitjes me shumicë jo më shumë se 202 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 195 lekë/litri, ndërsa i shitjes me shumicë jo më shumë se 183 lekë/litër.

Çmimi i shitjes me pakicë i nënproduktit gaz, të jetë 71 lekë/litri me pakicë dhe i shitjes me shumicë 59 lekë/litër për automjetet. Çmimi i gazoilit për peshkim është vendosur 120 lekë/litër”, njofton bordi.

Çmimet e caktuara nga Bordi do të hynë në fuqi në datë 22 Nëntor, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Specialistët për Hetimin e Krimeve të Komisariatit të Policisë Korçë referuan materialet në Prokurori dhe shpallën në kërkim shtetasin A. Ç., 40 vjeç, banues në Korçë, për veprën penale “Vjedhja me dhunë”, kryer në bashkëpunim. Mbrëmjen e djeshme, në lagjen nr. 13, Korçë, ky shtetas, në bashkëpunim me një shtetas tjetër, dyshohet se i ka vjedhur me dhunë një 39-vjeçari, një laptop, një celular dhe një shumë parash. Nga ana e Policisë po punohet për zbardhjen e plotë të rrethanave të ngjarjes dhe vënien para përgjegjësisë ligjore të shtetasit A. Ç. dhe të bashkëpunëtorit të tij ,njofton Drejtoria Vendore e policisë Korçë.

Një 47-vjeçar shqiptar është gjetur i varur mëngjesin e 21 nëntorit në shtëpinë e tij, në Ampelophytos, komuna Pylos-Nestoros. Lajmi shkaktoi trishtim në fshat pasi 47-vjeçari jetonte prej shumë vitesh në Ampelophytos, kishte 4 fëmijë dhe punonte në bujqësi, ndërsa kishte edhe një minimarket, raporton media greke.

Qarku juglindor i Korçës sot është prekur nga dëbora. Këto pamjet vijnë nga zonat më të larta malore si Mali i Thatë, Mokra dhe fshati Shtyllë në bashkinë e Korçës. Edhe në fshatin Dardhë ka patur reshje bore, megjithëse jo me dendësi. Nuk paraqiten problematika për shkak se reshjet e borës kanë qenë jo të dendura.Temperaturat ditën e sotme shënojnë 9 gradë maksimale dhe 4 minimalja, ndërkohë që ditën e premte pritet që temperaturat të shkojnë nën zero.

Bie dëbora e parë në juglindje pic.twitter.com/6xtM976yZx

— KorcaBlog.com (@korcablog1) November 22, 2022

Bie dëbora e parë në juglindje pic.twitter.com/r02aecKntS

— KorcaBlog.com (@korcablog1) November 22, 2022