Bordi i Transparencës ka ndryshuar sërish këtë të premte çmimin e karburanteve. Sipas vendimit të marrë nga Bordi nafta do të tregtohet me 211 lekë/litri, benzina 194 lekë/litri dhe gazi me 71 lekë/litri. Çmimet e caktuara nga Bordi do të hynë në fuqi në datë 25 Nëntor, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Njoftimi i Plotë:

Referuar të dhënave lidhur me bursën Platts të datës 24.11.2022, kemi ndryshime të çmimit nga ai përcaktuar në mbledhjen e fundit, konkretisht rezulton se çmimi (FOB/MED $ Ton) i Benzinës është 848, +8 nga data 21.11.2022, $/ Ton, ndërsa çmimi i Gazoilit/Diesel është 938, -7 nga data 21.11.2022, $/Ton. Kursi i këmbimit i BSH ka pësuar ulje në 112. 83 (-2.04 nga data 21.11.2022).

Si rrjedhojë çmimet e vendosura janë : Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 211 lekë/litri, ndërsa i shitjes me shumicë jo më shumë se 199 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 194 lekë/litri, ndërsa i shitjes me shumicë jo më shumë se 182 lekë/litër.

Çmimi i shitjes me pakicë i nënproduktit gaz, të jetë 71 lekë/litri me pakicë dhe i shitjes me shumicë 59 lekë/litër për automjetet.

Çmimi i gazoilit për peshkim është vendosur 118 lekë/litër. Çmimet e caktuara nga Bordi do të hynë në fuqi në datë 25 Nëntor, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Sinoptikanët parashikojnë që këtë fundjavë të ketë mot të ndikuar nga masa ajrore të paqendrueshme. Ky mot do të zgjasë deri pasditen e së shtunës, pasi të dielën i gjithë vendi do të pushtohet nga reshjet e shiut, ndërsa pjesa veri-lindore dhe jug-lindore do të përballet me reshje dëborë. Parashikohet që reshjet e dëborës të hasen në Bajram Curri, Fushë Arrëz, Bulqizë, Peshkopi, Pogradec, Korçë dhe Ersekë, gjë e cila do të shoqërohet sigurisht edhe më rënie të ndjeshme të temperaturave. Era do të fryjë me drejtim juglindje-verilindje e lehtë e mesatare në bregdet. Valëzimi në dete i forcës 2 deri 4 ballë.

Nga Tritan Shehu :

Më 6 dhjetor, shqiptarët do të komunikojnë nga Bulevardi direkt me Brukselin! Dhe kanë shumë për të thënë… Një mundësi e veçantë kjo atë ditë për të shprehur aspiratën tonë të madhe për Europë e Perëndim, falenderuar Brukselin e liderat europiane për: – Vendosmërinë në integrimin europian të Shqipërisë e Ballkanit Perëndimor.

– Çuarjen përpara të projekteve të BE siç është Procesi i Berlinit, TPR etj, të vetmet që jo vetëm mundësojnë bashkëpunimin midis 6 vendeve tona, por dhe na afrojnë me standartet europiane.

– Qëndrimi gjithmone dhe me te qarte te institucioneve europiane kunder atyre projekteve, qe bien ndesh me parimet e BE, me rrugetimin tone drejt Europes, sic eshte ne radhe te pare Ballkani i hapur i Vucic, etj.

– Por dhe per t’i evidentuar Brukselit, qartësuar më tej atë me problemet e mëdha që kanë mbërthyer Shqipërinë si pasojë e keq qeverisjes së regjimit:

– Për shkeljen nga ky regjim të vlerave, lirive e parimeve europiane.

– Për lidhjet e rrezikshme të autokratit të Tiranës me autokratët e Lindjes, që tejkalojnë marrëdhëniet normale midis shteteve, duke u konfiguruar me pozicionime të thella vartësie, vizione anti europiane etj.

– Për atë që shqiptarët, njëlloj si PE, konsiderojnë të rrezikshme për interesat tona projektet, që nuk implementohen nga Brukseli, siç është Ballkani i hapur.

– Për të argumentuar rreziqet e mëdha për vendin tonë, që vijnë nga korrupsioni galopant shtetëror, lidhjeve të tij me krimin, trafiqet etj.

– Për të evidentuar para Brukselit shkeljet e rënda të demokracisë në Shqipëri, që po çojnë në konsolidimin e një regjimi të korruptuar, anti-demokratik me fytyrë nga Lindja, burim i varfërisë e privimeve të mëdha për shqiptarët.

– Të gjitha këto, por edhe më shumë, si faktorë të cilat po detyrojnë shqiptarët të braktisin vendin e tyre, duke marrë rrugët e emigracionit. Prandaj më 6 Dhjetor shqiptarët nuk mund të humbin një “bashkëbisedim” të tillë me Brukselin, prandaj ata nuk mund të mungojnë atë dite në Bulevard.

Specialistët e Trafikut Urban dhe Interurban pranë DVP Korçë bënë arrestimin në flagrancë të shtetasit M. Gj., 36 vjeç, banues në Bilisht, Devoll, për veprat penale “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”. Ky shtetas në rrugën “Bilisht-Miras”, në afërsi të fshatit Poloskë, duke drejtuar në gjendje të dehur, automjetin tip “Volksëagen”, ka humbur kontrollin mbi drejtimin e automjetit dhe automjeti ka dalë nga rruga. Për pasojë shtetasi M. Gj., ka pësuar demtime dhe ndodhet në spitalin e Korçës, jashtë rrezikut për jetën.

Specialistët për Hetimin e Krimeve Ekonomiko-Financiare të DVP Korçë referuan materialet në Prokurori dhe filloi procedimi penal në gjendje të lirë për shtetasin A. B., 58 vjeç, banues në Bilisht, Devoll, për veprat penale “Prerja e paligjshme e pyjeve”, “Punësimi i paligjshëm” dhe “Fshehja e të ardhurave”. Shërbimet e Policisë gjatë kontrollit të ushtruar në ambientin e biznesit të këtij shtetasi, në një automjet kamion tip “Benz”, gjetën lëndë drusore të pashoqëruar me dokumentacionin përkatës. Gjithashtu në biznesin e 58-vjeçarit (me aktivitet në fushën e prerjes së lëndëve drusore), u konstatua punonjësi A. T., i paregjistruar dhe i pasiguruar në organet tatimore. Materialet i kaluan Prokurorisë Pranë Gjykatës së Shkallës së Parë Korçë, për veprime të mëtejshme.

Një 30 vjeçar është arrestuar nga Shërbimet e Stacionit të Policisë Kufitare Kapshticë, në dalje të Republikës së Shqipërisë pasi gjatë kontrollit të ushtruar në autmjetin tip “Peugeot” iu gjetë një sasi të vogël lënde të dyshuar narkotike cannabis sativa.

Njoftimi i policisë:

Shërbimet e Stacionit të Policisë Kufitare Kapshticë, në dalje të Republikës së Shqipërisë, gjatë kontrollit të ushtruar në autmjetin tip “Peugeot” me drejtues shtetasin K. P., 30 vjeç, banues në Maliq, gjetën një sasi të vogël lënde të dyshuar narkotike cannabis sativa, e cila u sekuestrua në cilësinë e provës materiale.

Veprimet e mëtejshme u kryen nga specialistët për Hetimin e Narkotikëve dhe Trafiqeve të Paligjshme të DVP-Korçë, të cilët bënë arrestimin e këtij shtetasi për veprën penale “Trafikimi i narkotikëve”, mbetur në tentativë.

Në datën 6 tetor 2022, Fiks Fare transmetoi një investigim për vjedhjen e pensioneve të dhjetërave personave në Korçë, në degën e fshatit Dishnicë. Punonjësi Igli Shkambi, pasi mori pensionet iku në Itali. Fiksi faktoi me zë dhe figurë se Filiali i Postës në Korçë tentoi me çdo mënyrë që të “fshehë” hajdutin, duke ruajtur në këtë kohë edhe veten e tyre. Ata i orientuan pensionistët e vjedhur që ta zgjidhnin me babanë e punonjësit.

Në redaksinë e Fiks Fare u ankuan sërish pensionistët, ku më i dëmtuari, Pëllumb Bame, thotë se i janë vjedhur 14 muaj pensione. “Më kanë marrë mbi 4 milionë lekë të vjetra. I ka marrë Igli, unë kam qenë në Belgjikë dhe kur erdha e gjeta Iglin. I thashë dua pensionin. Jo tani, jo nesër. Shkoj te Posta në Korçë më thonë duhet ta bëjë kërkesën Igli. Ai ishte në Shqipëri. Shkova të nesërmen, ai s’ishte. Kishte ikur në Itali. Posta e Korçës nuk ndërhyri” thotë ai.

Pyetjes se kur është bërë denoncimi nga Posta dhe a ka pasur ndonjë hetim dhe verifikim gjatë këtyre javëve, Pëllumbi tha se jo. “

Kam dhënë deklarime vetëm para një OPGJ të Krimit Ekonomik”. “Igli ka ikur në Itali, ata të postës vijojnë punën. Me sa po shoh, unë jam më i ‘dënuari’. S’kemi marrë zgjidhje. Unë do iki sërish në Belgjikë ku dhe rri dhe posta, policia dhe prokuroria vetëm sa na sorollasin. Mbrojnë njëri-tjetrin” pohon ai.

Pas denoncimit, qytetari shkon te Posta e Korçës. Takon drejtorin dhe punonjësit e tjerë. I thonë se ata e kanë referuar rastin për në prokurori dhe vetëm presin, s’kanë çfarë të bëjnë më! Pensionisti i pyet se Igli këtu ka qenë, përse s’kanë ndërhyrë. Ndërkohë, i thonë se kanë bërë verifikimet dhe e kanë referuar. “Edhe ju keni përgjegjësi. Pse më orientuat të takojë babanë e tij. Ai këtu ishte dhe iku. Ju e mbrojtët” i tha pensionisti drejtorit. Por ky i fundit iu përgjigj se “shteti funksionon me letra”.

Më pas, Pëllumbi shkon në Policinë e Korçës, takon oficerin që e mori në pyetje. Oficeri i thotë se “unë ato që kisha për të bërë i bëra, tani e ka në dorë prokuroria”.

Ai i thotë se duhet të interesohet se “ndoshta e kanë lënë pas dore”. E orienton që të takojë drejtuesen e prokurorisë dhe ti thojë problematikën që të veprojë shpejt. “Nëse duan, hetojnë ata” i thotë OPGJ. Më tej, OPGj hedh edhe akuza të tjera për prokurorinë. “Ku e di ti që s’ka gisht edhe drejtori. Neve s’na e kanë dhënë. Mund të dilte ndonjë çështje tjetër aty” thotë oficeri.

Pas rekomandimeve, qytetari shkon edhe në Prokurorinë e Korçës, në të cilën ka bërë edhe një kërkesë, pasi deri më tani s’është marrë në pyetje. Takon një punonjës, i cili pas interesohet te grupi hetimor, i thonë se “do të të thërrasim vetë”. Sipas punonjësit, prokurorja quhet Odeta Todorushi dhe “kur ta mendojë prokurorja, do të të kthejë përgjigje”. Fiksi i bëri një kërkesë Prokurorisë së Korçës, nëse po hetohet apo jo Igli Shkambi. Dhe, a janë marrë në pyetje Pëllumb Bame dhe a po hetohen drejtuesit e Postës së Korçës. Por, deri në transmetimin e këtij investigimi, kjo akuzë s’na ka kthyer përgjigje.

Pra, të gjitha institucionet pranojnë se ka pasur vjedhje të pensioneve. Por, qytetarët po sorollaten nga njëri vend në tjetrin dhe ende s’kanë marrë drejtësi. Të vetmit të “dënuar”, janë pensionistët!

Posta Korçë

Pensionisti – Unë dua lekët, unë nuk dua përgjigje asnjë gjë. Unë dua lekët o vëlla, unë jam për të ikur në Belgjikë deri më tani më keni penguar. Unë s’kam të bëj fare as me prokurori as me gjykatë asnjë gjë. Në prokurori ka të bëjë ai që ka vjedhur.

Drejtori i Postës – Ne jemi shtet veprojmë në bazë të ligjeve, kemi ndjekur procedurën ligjore. E kemi çuar çështjen në prokurori. Presim verifikimet nga prokuroria.

View this post on Instagram

A post shared by Fiks Fare (@fiksfare_topchannel)