Specialistët për Hetimin e Krimeve të Komisariatit të Policisë Pogradec referuan materialet në Prokurori dhe filloi procedimi në gjendje të lirë për shtetasin E. Sh., 19 vjeç, banues në Pogradec, për veprën penale “Dhuna në familje”, pasi dyshohet se ka ushtruar dhunë psikologjike ndaj partneres së tij.

Po këta specialistë referuan materialet në Prokurori dhe filloi procedimi në gjendje të lirë për shtetasin E. Ç., 30 vjeç, banues në fshatin Podgorie, Maliq, për veprën penale “Veprime në kundërshtim me vendimin e gjykatës”, pasi në lagjen nr. 2, Pogradec, në kundërshtim me vendimin e Gjykatës, ka kanosur me fjalë bashkëshorten e tij, e cila ishte e pajisur me urdhër mbrojtjeje.

Specialistët për Hetimin e Krimeve të Komisariatit të Policisë Maliq referuan materialet në Prokurori dhe shpallën në kërkim shtetasin E. P., 44 vjeç, banues në fshatin Vloçisht, Maliq, për veprën penale “Plagosja e lehtë me dashje”, pasi gjatë një konflikti në fshatin Vloçisht, dyshohet së ka goditur me grushte një shtetas tjetër.

Materialet i kaluan prokurorive të rretheve gjyqësore Korçë dhe Pogradec, për veprime të mëtejshme.

Specialistët për Hetimin e Krimeve të Komisariatit të Policisë Korçë arrestuan në flagrancë shtetasin R. Gj., 23 vjeç, banues në fshatin Belorta, Korçë, për veprën penale “Plagosja e rëndë me dashje”, pasi mbrëmjen e djeshme, në një lokal në fshatin Belorta, për motive të dobëta, ka dëmtuar me sende të forta, në sy, një 20-vjeçar,

i cili pas mjekimit në spitalin e Korçës, u transportua në Tiranë, për mjekim të specializuar.

Vijon operacioni policor i koduar “Basti i fundit”, goditen 4 raste të tjera të organizimit të paligjshëm të lojërave të fatit dhe të informalitetit.Ushtronin veprimtarinë e paligjshme të lojërave të fatit, në lokalet e tyre, vihen në pranga 3 shtetas, shpallet në kërkim 1 tjetër. Procedohet penalisht në gjendje të lirë 1 shtetas tjetër, pasi ushtronte aktivitetin në një lokal të paregjistruar në organet tatimore.

Shërbimet e Komisariatit të Policisë Pogradec, në vijim të operacionit policor të koduar “Basti i fundit”, për goditjen e informalitetit dhe organizimit të kundërligjshëm të lojërave të fatit, kanë vijuar kontrollet në ambiente të ndryshme dhe në lokale në qytetin e Pogradecit. Si rezultat, kanë goditur disa raste të këtyre paligjshmërive, konkretisht:

Specialistët për Hetimin e Krimeve të Komisariatit të Policisë Pogradec arrestuan në flagrancë për veprën penale “Organizimi ose ushtrimi i veprimtarive të lojërave të fatit në kundërshtim me ligjin”, shtetasit:

– E. C., 44 vjeç, banues në Memaliaj, M. B., 27 vjeç dhe R. S., 21 vjeç, banues në Pogradec. Gjithashtu u shpall në kërkim shtetasi E. K., 36 vjeç, banues në Pogradec.

Gjatë kontrolleve të ushtruara nga Policia, në lokalet e këtyre shtetasve, në lagjet nr. 1 dhe 2, në Pogradec, u gjetën dhe u sekuestruan, nga 1 aparat celular, që dyshohet se shërbente për vendosjen e basteve sportive.

Gjithashtu, nga këta specialistë u referuan materialet në Prokurori dhe filloi procedimi në gjendje të lirë për shtetasin E. Ç., 38 vjeç, banues në Pogradec, për veprën penale “Fshehja e të ardhurave” dhe “Ushtrimi i një aktiviteti tregtar të paligjshëm ose të paregjistruar në organet tatimore”, pasi ky shtetas ushtronte aktivitetin në një lokal, në lagjen nr.2, pa dokumentacionin përkatës.

Në cilësinë e provës materiale u sekuestruan aparatet celulare që përdoreshin për vendosjen e basteve sportive të palejuara.Materialet i kaluan Prokurorisë pranë Gjykatës së Shkallës së Parë Pogradec, për veprime të mëtejshme.

Dëbora ka mbuluar fshatin turistik të Dardhës. Sipas informacioneve bora ka arritur deri në 10 cm në vende të caktuara. Nga km 8 deri në km e 13, kjo është zona që është përfshirë nga reshjet, por nuk janë shënuar problematika. Fatmirësisht qarkullimi i mjeteve po bëhet pa probleme, ndërsa temperaturat mesatare shkon 0 gradë.
Ne akset e tjera rrugore nacionale dhe turistike, nuk ka probleme ne rruge.

Nën bardhësinë e dëborës, Dardha merr pamjen tjetër, e cila i tërheq edhe më tepër vizitorët drejt saj. Mundësia për të ushtruar sportin e skive, gatimet tradicionale, por mbi të gjitha peizazhi i zbardhur, po josh çdo fundjavë edhe qindra vizitorë nga Tirana dhe qytete të tjera.

View this post on Instagram

A post shared by KorcaBlog.com | News & Media Web (@korcablog.com_)

Një aksident i rëndë është regjistruar në Librazhd, ku një autoveturë ka përfunduar në rrjedhën e Shkumbinit. Ngjarja ndodhi në vendin e quajtur “Ura e Murrashit”. Automjeti ka dalë nga rruga nga shpejtësia dhe favorizuar nga moti i keq. Siç shihet në video, xhami i përparmë i mjetit është thyer ndërsa makina është mbuluar nga uji. Shoferi, 48-vjeçari me iniciale A. Sh., ka arritur të shpëtojë mrekullisht duke marrë vetëm dëmtime të lehta. Ai ndodhet në spital nën kujdesin e mjekëve, ndërsa po hetohet shkaku i aksidentit.

Rreth orës 12:35, në aksin rrugor “Elbasan-Librazhd”, në vendin e quajtur “Ura e Murrashit”, shtetasi A. Sh., 48 vjeç, banues në fshatin Xibrakë, Elbasan, duke drejtuar automjetin, ka humbur kontrollin dhe automjeti ka dalë nga rruga. Për shkak të dëmtimeve të marra, 48-vjeçari është dërguar për ndihmë mjekësore, në spitalin e Librazhdit. Grupit hetimor ndodhet në vendngjarje dhe po punon për zbardhjen e shkakut të aksidentit.

Aksident i frikshëm në Librazhd/ Makina del nga rruga dhe bie në lumë… pic.twitter.com/YlJYcnuKsE

— KorcaBlog.com. (@KorcablogCom) January 10, 2023

Reshjet e dëborës kanë përfshirë një pjesë të vendit, pas uljes së temperaturave. Në rrugët Bogë-Theth, Hani i Hotit-Vermosh dhe Dardhë deri më tani nuk paraqiten probleme në qarkullim. ARRSH u bën thirrje drejtuesve të automjeteve që të tregojnë kujdes të shtuar gjatë udhëtimeve, të pajisen me goma dimërore dhe zinxhirë.

“Gjatë natës dhe në orët e para të mëngjesit në zonat malore kanë filluar reshjet e dëborës si në Dardhë, Bogë-Theth, Hani i Hotit-Vermosh, pa sjellë probleme për qarkullimin. Kontraktorët me mjete e punëtorë janë në terren për të bërë pastrimin e akseve, shpërndarjen e kripës dhe për të mbajtur qarkullimin në normalitet.

Tregoni kujdes të shtuar gjatë drejtimit të mjetit në kohë me reshje, pajisuni me goma dimërore dhe zinxhirë kur udhëtoni për në zonat malore, ulni shpejtësinë, respektoni sinjalistikën dhe udhëzimet e Policisë Rrugore”, apelon ARRSH.

Nga Brizida Gjikondi:                                                                Ka dy ditë që mediat mëkatare shqiptare i janë sulur asaj dhe familjes së saj, asnjë rrjesht, asnjë hetim dhe asnjë kamer televizive nuk shkon tek shefja e kabinetit dikur shefe prokurimesh dhe shefe koncesionesh. Sot shefja duhet të ishte gdhirë në të njëjtën qeli me Rozetën dhe jo vetëm si një ruajtje vëndngjarjeje dhe domosdoshmëri hetimi por në rradhë të parë për një model dhe ndëshkim model që ky shtet i kalbur duhet t’i japë shtetasve të vet, qoftë dhe në mënyrë sporadike.

150 mijë ose 400 mijë që iu përplasën surratit shqiptarve nga një shefe kabineti dikur shefe prokurimesh dhe shefe koncesionesh klithin se sa miliona euro kanë shefat, ish shefat e saj dhe të parardhësve të saj. Ajo sot duhet të gdhihej në të njëjtën qeli me Rozetën. Por kjo duket e vështirë. Shteti dhe partitë politike shqiptare janë strehë për qëniet më të liga me vese dhe të pashpirta që kjo tokë mban.

Janë hienat e tokës së tyre. Tokës së tyre që e kanë reduktuar dhe plaçkitur deri në poshtrim.

Korrupsionit i ka plasur cipa në Shqipëri, korrupsioni është normalitet, vanitet, dekoratë. Korrupsioni është cinik në Shqipëri.

Këtu janë përmbysur ekuilibrat e Zotit dhe të njeriut. E liga e pandëshkuar sundon. Mos ndëshkimi dhe vetëm mosndëshkimi është gjeneza dhe barku i infektuar që i ka dhënë imunitet kriminal 30 vjeçar të ligës që të sundojë.

Zullumi është trashur, dhe vetëm koincidencat qoftë dhe paranormale po i shfaqin shqiptarve se nga kush jane drejtuar këto 3 dekada.

Sot shume vipa të politikës, biznesit, drejtësisë dhe mediave shqiptare u kanë dhënë ditë pushimi pastrueseve të tyre.

Duhet ndonjëherë ndonjë inventar i shtëpisë si dhe një verifikim me libër shtëpie i pastrueseve përkatëse.

Shoqëria e lartë ose pseudoelita shqiptare është groposur në ligësinë dhe mendjengushtësinë e vet, plastikat, botoxet, udhëtimet vanitoze për dynjanë, perlat xhevahiret, pasuritë materiale, shërbëtoret që sot i quajnë pastruese nuk ia u fshehin dot zbraztësinë e ligë ku ushëton klithma e një populli që lëngon, që lëngon jo prej varfërisë, se saj prej poshtrimit.

Sot shumë pastruese do të jenë regjistruar pranë sigurimeve shoqërore, falë Rozetës, sot shumë këshilltarë, shefe kabineti, ministra, zv ministra, drejtore dhe drejtorevica.. të sotme dhe të djeshme, kanë dalë lakuriq para shqiptarëve… Aq lakuriq sa që mund të shihen dhe nga satelitët në hava.

Dollari amerikan këmbehet me 108.7 lekë në blerje dhe 111.1 lekë në shitje. Euro blihet me 116.2 lekë dhe shitet 117.4 lekë.

Paundi britanik sot blihet me 131.4 lekë dhe shitet me 133.1 lekë.

Olta është përlotur këtë pasdite teksa fliste për djalin e saj. Ajo tha se është shumë kurioze ta shoh reagimin e djalin e saj teksa ajo shfaqet në televizor. “Nuk e di si sillet kur më kërkon, se si e kalon kur nuk më sheh në shtëpi.

Para se të vija këtu ai pasti një lidhje edhe më të madhe me mua, sikur e ndjente që do ikja”, i tregoi ajo Kiarës.

View this post on Instagram

A post shared by Big Brother Alb VIP Edition (@bigbrotheralb_vip)

Ish-zyrtarja Alda Klosi, e cila zyrtarisht jeton me qira në një shtëpi, e cila iu vodh nga pastruesja Rozeta Dobi, rezulton se ka në ronësi 3 ose 4 apartamente. I ftuar në ‘Opinion’, gazetari Julian Kasapi tha se këto aprtamente, më herët kanë qenë në emër të gruas së xhaxhait të Klosit. Sipas Kasapit, vetëm para 1 viti këto apartamente, 3 ose 4, janë bërë me dhurim nga gruaja e xhaxhait të saj tek vetë ajo.

“Zonja Klosi, rezultojnë në emër të saj 3 ose 4 apartamente në zona të ndryshme të Tiranës. Këto apartamente që bëhet kjo lidhja, më parë kanë qenë në emër të gruas së xhaxhait të saj. Dhe vetëm para 1 viti këto apartamente, 3 ose 4, janë bërë me dhurim nga gruaja e xhaxhait të saj tek vetë ajo”, u shpreh gazetari Jul Kasapi.

Rozeta Dobi u la në burg sot bashkë me djalin Havier Dobi. Vetëm dy ditë më parë u zbulua një megavjedhje ku Rozeta Dobi, pastruese bashkë me të birin, Havierin vunë në shënjestër dhe vodhën mbi 540 mijë euro, plus një sasi të konsiderueshme florinjsh dhe sendesh me vlerë. Banesa që solli zbulimin e dyshes ishte ajo e këshilltares në Kryeministri, Alda Klosi, njëherazi ish-shefe e Kabinetit të ish-ministrit të Rindërtimit, Arben Ahmetaj. Ata vodhën te shtëpia e Klosit 120 mijë euro lekë dhe florinj. Por kjo vjedhje ka shërbyer si një shkëndijë për një tjetër çështje. Atë të burimit të parave të vjedhura. Në dëshminë e saj për mediat, Klosi thotë se paratë i kishte mbledhur për kurimin e xhaxhait ndërsa për to nuk ka asnjë faturë.