Mbështetësit e Sali Berishës “marrin” selinë e PD në Korcë/ Ristani: “Hyjmë në zgjedhje”

Mbështetësit e Sali Berishës kanë marrë sot zyrat e degës së Partisë Demokratike në Korçë. Kanë qenë ish-sekretari i përgjithshëm i PD-së Arben Ristani, deputetja aktuale, Sorina Koti si dhe Edith Harxhi së bashku me shumë mbështetës që kanë hyrë brenda zyrave të kësaj dege. Ish sekretari i PD-së Arben Ristani ka bërë me dije se godina është marrë me një kontratë nga pronarët, godinë të cilën gjithnjë sipas tij do ta mbajnë për një kohë të gjatë.


Ristani tha këtë të premte nga Selia e PD-së Korçë se janë në bisedime me aleatët për kandidatët në zgjedhjet e pjesshme lokale të 6 marsit. Anëtari i Komisionit të Rithemelimit, Arben theksoi se kandidatët do të zgjidhen me primare dhe janë të ftuar si ata që janë me Lulzim Bashën dhe ata që janë kundër tij. Ai ka bere me dije se komisioni i rithemelimit te PD, do te marre pjese ne zgjedhje, por nuk ka dhene detaje per formulen e perfaqesimit.

Ristani tha:

“Si shumë prej demokratëve të tjerë e kemi nisur nga zero dhe e di si është rrugëtimi brenda partisë, i di hilet, padrejtësitë dhe mungesën e meritës! Bashkë kemi zgjedhur të ardhmen dhe së bashku do ti shtrijmë dorën kujtdo që ka kontribut, zotimi është se gjithkujt do ti jepen mundësi dhe jo ofiqe tarafesh të ngushta”, tha Ristani.

Covid bën namin/ 2,670 qytetarë të infektuar dhe 6 jetë të humbura

Ju informojmë për situatën në 24 orët e fundit, si vijon: Janë kryer 9,485 testime, nga të cilat kanë rezultuar pozitivë me COVID19, 2,670 qytetarë, në këto bashki:
1,434 në Tiranë, 148 në Shkodër, 105 në Durrës, 101 në Vlorë, 75 në Elbasan, 51 në Fier, Sarandë, 48 në Kamëz, Gjirokastër, 44 në Lushnje, 37 në Krujë, 36 në Korçë, 35 në Kurbin, Pogradec, 32 në Berat, 27 në Tepelenë, 25 në Vorë, 24 në Lezhë, 21 në Devoll, 20 në Kuçovë, 18 në Mirditë, Mallakastër, 17 në Kavajë, Patos, 16 në Gramsh, 15 në Skrapar, 13 në Dibër, 11 në Vau i Dejës, Divjakë, Përmet, 9 në Kukës, Peqin, Tropojë, 8 në Kolonjë, 7 Konispol, Memaliaj, Prrenjas, 6 në Has, Selenicë, Delvinë, Këlcyrë, Cërrik, 5 në Mat, Belsh, Librazhd, 4 në Malësi e Madhe, Shijak, Himarë, 2 në Pukë, Fushë-Arrëz, Rrogozhinë, Dimal, 1 në Bulqizë, Finiq, Libohovë, Maliq, Poliçan.
Janë 24,105 pacientë aktivë me COVID19 në të gjithë vendin.


Aktualisht në spitalet COVID po marrin trajtim 134 pacientë, nga të cilët 13 janë në gjendje më të rënduar. Në 24 orët e fundit me gjithë përpjekjet e stafit mjekësor ka gjashtë humbje jete me SARS-COV2 pozitiv: Dy qytetarë nga Saranda 36 dhe 84 vjeç, dy qytetarë nga Tirana 62 dhe 80 vjeç, një qytetar nga Berati 66 vjeç, një qytetar nga Gjirokastra 67 vjeç. Ministria e Shëndetësisë dhe Mbrojtjes Sociale u shpreh ngushëllimet familjarëve.
Janë shëruar 2,152 qytetarë gjatë 24 orëve të fundit, duke e çuar numrin e të shëruarve në 216,785 që nga fillimi i epidemisë.

Statistika (21 Janar 2022)

Raste të reja ditore 2,670
Të shëruar në 24 orë 2,151
Të shtruar në spitale 134
Humbje jete në 24 orë 6
Testime ditore 9,485

Testime totale 1,614,613
Raste pozitive 244,182
Raste të shëruara 216,785
Raste Aktive 24,105
Humbje jete 3,292


Shpërndarja gjeografike e rasteve aktive sipas qarqeve:

Tiranë 11,409
Fier 1,841
Elbasan 1,697
Durrës 1,628
Shkodër 1,649
Vlorë 1,471
Gjirokastër 1,132
Korçë 926
Lezhë 917
Berat 889
Dibër 284
Kukës 262

E papritur/ Opinionistja e Big Brother VIP përfundon në spital (FOTO)

Sapo është bërë me dije se opinionistja e “Big Brother Vip” Balina Bodinaku ka përfunduar në spital. Lajmi në fjalë është bërë me dije nga vetë Bodinaku përmes një postimi në llogarinë e saj të “Instagram”. Balina ka publikuar një fotografi nga spitali teksa merr serum, duke treguar se nuk është në gjendje të mirë shëndetësore.

Ndër të tjera, ajo i ka pyetur ndjekësit e saj, nëse do jetë sonte në spektakël apo jo. Kujtojmë se në nominim sot, janë tre banorë. Konkretisht, Donald, Triksa dhe Einxhel.


Lumja ti moj Korçë lule”/ presidenti Meta reciton poezinë e Naimit mes dëborës

Kjo e premte e gjeti presidenti Meta në juglindje të vendit, në Korçë ku mori pjesë në ceremoninë për dhënien e Dekoratës së Lartë “Nderi i Kombit”, për Teatrin “Andon Zako Çajupi”. Pak momente më parë, Meta ka shpërndarë në rrjetet sociale një video nga qyteti juglindor duke recituar një poezi të Naim Frashërit për Korçën. “Lumja ti moj Korç’ o lule”, dëgjohet të thotë Meta, ndërsa dëbora ka zbardhur vendin përreth dhe supet e tij.

Lumja ti moj Korç’ o lule!
Q’i le pas shoqet e tua
Si trimi në ball u sule,
Ta paçim për jetë hua
– strofa e poezisë së Naimit që reciton Meta.


Qarku Korçë përfshihet nga dëbora/ ARRSH thirrje shoferëve: “Reduktoni shpejtësinë!”

Qarku i Korçës është përfshirë nga reshjet e dendura të dëborës. Përmes një njoftimi për mediat, ARRSH bën me dije se në aksin Qafë Thanë-Korçë kanë nisur reshje të imëta të dëborës, ndërsa shton se në orët në vijim temperaturat mund të shkojnë deri në -17°C. Rreshje të shumta janë regjistruar në Qafë Ploce e gjithashtu rreshje te dendura ka edhe në fshatin turistik të Dardhës.

Në aksin Qafë Thanë-Korçë kanë filluar reshje të imëta të borës mjetet borëpastruese dhe grupet e punës janë në terren për pastrimin dhe trajtimin me kripë qarkullimi kryhet pa probleme. Apel për drejtuesit e mjeteve: “Gjatë orëve në vijim priten temperatura të ulëta deri në -17°C në zonat malore, duhet të bëjnë kujdes në lëvizje dhe të respektojnë sinjalistikën rrugore të reduktojnë shpejtësinë, të pajisen me zinxhirë dhe goma dimërore të ndjekin udhëzimet e Policisë Rrugore”, citohet në njoftimin e ARRSH.


Arrestohet 20-vjeçari/ Në bashkëpunim me dy të tjerë vodhën në tre biznese në Korçë

Një i ri i shpallur në kërkim për vjedhje është vënë nën prangat e policisë në Korçë. Bëhet fjalë për shtetasin S.Sh., i cili në bashkëpunim me shtetasin E. S., 19 vjeç, banues në Pogradec dhe një 14-vjeçar (të arrestuar/proceduar më datë 14.01.2022) kanë vjedhur sasi lekësh e produkte në tre biznese private.

Njoftimi i Policisë:


“Shërbimet e Komisariatit të Policisë Pogradec, bënë kapjen e shtetasit S. Sh., 20 vjeç, banues në Pogradec, i shpallur në kërkim nga Komisariati i Policisë Korçë, për veprën penale “Vjedhja”, e kryer në bashkëpunim më shumë se 1 herë.
Ky shtetas dyshohet si bashkëpunëtor me shtetasin E. S., 19 vjeç, banues në Pogradec dhe një 14-vjeçar (të arrestuar/proceduar më datë 14.01.2022), në vjedhjen në tri biznese private, ngjarje të ndodhura më datat 07, 12 dhe 13 janar 2022, në qytetin e Korçës, ku janë marrë sasi lekësh, produkte ushqimore dhe veshje të ndryshme”, njofton policia.

Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.

I ftohti i acartë “pushton” vendin, temperaturat pritet të shkojnë deri në -20 gradë

Vendi ynë në orët në vijim pritet që të futet në një valë me temperatura të ulëta në vlera negative në të gjithë zonat. Meteorologia e MeteoAlb Lajda Porja thotë se duke filluar nga mëngjesi i të shtunës e deri pasditen e të mërkurës temperaturat në vendin tonë do të jenë në vlera negative dhe do të ketë prezencë të erës së ftohtë. Sipas saj i gjithë rajoni do të përfshihet nga i ftohti që vjen nga poli i veriut , por temperaturat janë tipike të një dimri.

Lajda Porja tha:


Valët e ftohta vijnë disa herë në stinën e dimrit, por ne jemi mësuar që në 3 dekadat e fundit të kemi dimra jo shumë të ftohtë. Mëngjesi i së shtunës do të jetë i ftohtë në -11 gradë do të shënojë termometri në zonat malore. Zonat më të ftohta do të jenë zonat malore, si Korça, Erseka, Bilishti, Kukësi, Librazhdi, Dibra, Puka, Bajram Curri dhe Bulqiza, ku temperaturat do të arrijnë nga -11 deri në -15 gradë dhe në fshatrat më të thellë deri në -19 apo -20 gradë.

Kryesisht verilindja dhe juglindja do të jenë më të ftohta dhe do analizojmë dhe valën ku do të shënohen dhe temperaturat më të ulëta. Acari do të qëndrojë për 5 ditë në vendin tonë por ajo që vlen të theksohet është se nuk do të kemi reshje. Në janar të 2017 kemi pasur një situatë të ngjashme ku kemi shënuar -8.2 në Tiranë dhe këtë vit pritet që të jetë në -5 gradë. Kukësi, Puka, Erseka, Bilishti, Bajram Curri, Bulqiza Librazhdi do të jenë dhe zonat më të ftohta por krahasuar me vlerat e temperaturave në dimër janë temperatura tipike të këtyre zonave. Ndërsa në zonat e ulëta termometri do të shënojë nga -1 në -2 gradë”, ka thënë ajo.


Ndër të tjera jo ka theksuar se 5 ditët do të jenë të ftohta më pas duke filluar nga pasditja e të mërkurës termometri do të shënojë vlera pozitive në Ultësirën Perëndimore dhe zonat malore do të kemi një ngritje nga -19 deri në -8 gradë.

“Ditët më të ftohta janë e hëna e marta dhe e mërkura që do pësojë një përmirësim të motit që pasditen e të mërkurës, por që zonat malore Kukësi, Bulqiza, Korça Erseka dhe Bilishti do të mbeten në vlera negative në -7 dhe deri në -8 gradë . Janë temperatura të ulëta por që janë të zakonshme për këto zona”, është shprehur meterologia.

Tronditëse/ U gjet e vdekur në një kanal në Kuçovë, gruaja u vra nga fqinji i saj: “Nuk ishte kthyer borxhi!

Një grua u gjet e vdekur mbrëmjen e djeshme në Kuçovë. Ajo u gjet e pajetë dhe gjysmë e zhveshur nga mesi e poshtë dhe e mbuluar me gjethe e mbetje domatesh brenda në kanal. Së fundmi mësohet se ajo është mbytur dhe është hedhur në kanal nga fqinji i saj. Dyshohet se shkak është bërë moskthyerja e një borxhi. Viktima, e identifikuar Fatime Suli u transportua gjatë natës drejt Morgut të Spitalit Rajonal Berat, ku pas kryerjes së autopsisë mjeko-ligjore, rezultoi se shkaku i vdekjes së 64-vjeçares ishte asfiksimi nga mbytja me duar.

Informacion paraprak:


Mbyti 64-vjeçaren dhe e hodhi në kanal, Policia zbardh ngjarjen dhe identifikon autorin e dyshuar. Vihet në pranga 58-vjeçari. Shërbimet e Komisariatit të Policisë Kuçovë, pas marrjes së njoftimit për një shtetase të pajetë në kanal, në fshatin Havaleas, Kuçovë, menjëherë kanë shkuar në vendngjarje, së bashku me grupin hetimor.

Falë veprimeve të shpejta dhe informacioneve të grumbulluara u bë i mundur identifikimi dhe kapja e autorit të dyshuar të kësaj ngjarjeje. Në vijim të veprimeve, nga specialistët e Seksionit për Hetimin e Krimit në Komisariatin e Policisë Kuçovë u bë arrestimi në flagrancë i shtetasit F. M., 58 vjeç, banues në fshatin Havaleas, Kuçovë, i cili dyshohet se për motive të dobëta, e ka mbytur dhe e ka lënë në një kanal shtetasen F.S., 64 vjeçe, banuese në fshatin Havaleas, Kuçovë. Grupi hetimor, nën drejtimin e Prokurorisë së Rrethit Gjyqësor Berat, vazhdon hetimet për zbardhjen e plotë të rrethanave të ngjarjes.

Hyseni tha se Alvisa e do Bashkimin për letrat amerikane/ Flet Bashkimi: Ajo nuk do të…

Bashkimi dhe Alvisa, çifti që u njoh në programin e dashurisë “Për’puthen” ishin të ftuar në Breaking për të folur rreth marrëdhënies së tyre jashtë kamerave. Gjatë intervistës Alvisa ka treguar se si ka qenë marrëdhënia e tyre brenda programit dhe raporti i saj me Arjan Konomin.

“Nuk guxoja të thosha një fjalë unë, se përndryshe kishte një bombë atomike aty që shpërthente. Sa i përket marrdhënies me Arjanin nuk kam asnjë komunikim. Nuk kam pasur ndonjëherë një marrëdhënie. Qëkur kam hyrë më ka pritur me këmbët e para. Nga ana ime nuk ka pasur asnjëherë diçka por shihet si ka qenë ai”- tha Alvisa. Ndër të tjera, u shpreh se Bashkimi e ka në dorë vijimësinë e romancës së tyre pasi jeton mes SHBA- Kosovës dhe Shqipërisë. Ai u shpreh se nuk largohet nga Shqipëria përderisa Alvisa nuk dëshiron të udhëtojë drejt SHBA.


News