Basha: “Më i zoti në botë të jesh, nëse nuk e ke realizuar vizionin për dy mandate, atëherë duhet të lirosh vendin”

Gjatë një takimi me të rinjtë e FRPD në Tiranë, kryetari i Partisë Demokratike Lulzim Basha deklaroi se ka ardhur koha që fjalët te ndahen nga veprat duke shtuar se politikanët që kërkojnë vetting për çdo profesion tjetër duhet ta nisin nga vetja për t’iu nënshtruar disa filtrave.

Ai tha :


Kam sytë e qeshur dhe plot shpresë. A mund të ecim përpara me të vjetrën?! Përgjigja nga salla është përgjigja që jep çdo i ri. Ka ardhur koha të ndajmë fjalët nga vepra. Fjalë thotë kushdo por janë veprat ata që përcaktojnë sat ë vërtetë jeni. Fjala e parë është t’i bëjmë vend rinisë. Si mund t’i bëjmë vend rinisë?! Nëse dikush ka 30 vite në politike dhe nuk do ta lërë karrigen.

Ata që bien dakord vetëm për një gjë, të mos lëshojnë karriget dhe të mos bëjnë vetting për politikanët. Efekti i kësaj që do vijë, ju e dini që do të vijë. Nuk jemi këtu vetëm për të parë njëri tjetrin. Jemi këtu sepse ju besoni. Që forca juaj ka ndryshuar Shqipërinë për këtë dëshmia e parë është vetë PD. Ne demokratët, partia jonë është vepër e rinisë shqiptare 31 vjet më parë. Ishte rinia shqiptare ajo që pati guximin në një vend që nuk i përngjante asnjë vendi në Europë për nga frika që i kishin futur njerëzve”, deklaroi Basha.

Ai tha se duhet ndjekur modeli amerikan që një kryeministër të mos qëndrojë në pushtet për më shumë se dy mandate, pasi sipas tij në rast se nuk e ka realizuar vizionin e tij në 8 vite, nuk mund ta bëjë për më shumë.


“Ëndrrat e asaj rinie nuk janë realizuar. Shumë prej tyre sot janë në emigracion. Të njëjtin fat e presin shumë prej bashkëmoshatarëve tuaj, me politikanë që duan të vdesin në karrigen e pushtetit. Duke filluar nga ky që çdo vit thotë do ta lë politikën. Pushteti pa masë korrupton. Është natyrë e pushtetit dhe e njeriut. SHBA, thonë jo më shumë se dy mandate. Këtë kam propozuar edhe unë, edhe PD.

Më i zoti në botë të jesh, nëse nuk e ke realizuar vizionin tonë për dy mandate, atëherë duhet të lirosh vendin. Vettingu i pasurisë duhet të bëhet për politikanët. Atë që e kërkojnë për të gjithë, vetëm për vete nuk e pranojnë. Pse? Sepse sot në politikë nuk numërohen me gishtat e një dore por janë shumë ata që nuk përfaqësojnë interesat e njerëzve. Ata që kanë ardhur si vullnet i botës së krimit. Kufizimi i afatit të të qëndruarit në pushtet. Dy mandate për kryeministrin. Dy mandate dhe pas kësaj kthehet në qarkullim. Mund të fitojë sërish një parti”, deklaroi Basha.

Prej 5 ditësh e bllokuar nga bora, hapet rruga në fshatin Panarit

Pas 5 ditëve përpjekje, është bërë e mundur hapja e rrugës e cila të çon drejt fshatit Panarit në Korçë. Banorët e këtij fshati prej disa ditësh kanë qenë të bllokuar, ndërkohë që sipas administratorit të njësisë administrative Vithkuq, Altin Prifti, kjo rrugë përshkruhet vetëm me zinxhirë. Sipas tij, hapja e rrugës sjell lehtësi për banorët e fshatit Panarit për t’u furnizuar me ushqime dhe medikamente.


“Ju dhj*fsha patriotizmin”/Irritohet Kreshnik Spahiu: “Pse nuk e kujtoi askush nga ju në qeveri ose opozitë?”

Dje u shënuan 103 vjet nga vdekja e atit të Pavarësisë së Shqipërisë, themeluesit të shtetit modern Ismail Qemali. Ish-kreu i Aleancës Kuq e Zi, Kreshnik Spahiu shkruan i revoltuar se askush nuk e kujtoi nga qeveria apo opozita këtë datë. Ai shprehet se “5 heronj kemi dhe as ditën e vdekjes nuk ja u dini”.

REAGIMI I PLOTE


Dje ishte përvjetori vdekjes Ismail Qemalit.

Pse nuk e kujtoi askush nga ju në Facebook apo ata në qeveri ose opozitë… ?

Apo vetëm kur vjen Erdogan, Vuçiç, apo Miçotaqis kujtoheni ju, ashtu siç bëtë javën e kaluar me Skënderbeun..? Ju dhjefshaaaaa patriotizmin.

5 heronj kemi dhe as ditën e vdekjes nuk ja u dini.

‘E pandalshmja’ / Dua Lipa ylli i kopertinës në revistën Wall Street Journal

Revista nga Wall Street Journal ka përzgjedhur Dua Lipën si yllin e kopertinës dixhitale për muajin janar. Vitin e kaluar, ylli i popit ishte njëra ndër këngëtaret më të dëgjuara në të gjithë botën, derisa tani është duke u bërë gati që të lançoi një podcast dhe gjithashtu po punon në turneun e albumit “Future Nostalgia”.


“Unë gjithmonë e kam atë pikëpamje që ju duhen të jeni më larg zonës suaj të rehatisë në mënyrë që gjërat të shpërblehen për ju”, tha ajo për albumin e saj “Future Nostalgia”, i cili u lançua pak kohë përpara se të fillonte mbyllja e shteteve të ndryshme të botës për shkak të COVID-19, pra, më 27 mars.

“Kështu, kur ndodhi pandemia dhe të gjithë ishin të shqetësuar në qoftë se ne duhet të lançonim albumin, unë thash ta hajë djalli mbase kjo është pikërisht ajo se çfarë na duhet. Kur të gjithë janë në shtëpi, ngaqe kjo është arsyeja kryesore pse ne duhet ta lançojmë atë. Ishte e frikshme, sepse nuk e kishe idenë se kur do të përfundonte pandemia, për të gjithë ishte një pikëpyetje e madhe. Por unë e ndjeva se ne duhet ta bënim atë”, ka thënë Lipa për Wall Street Journal.

Armina Mevlani për partnerin: “Ngjan si mami në pjesën e karakterit, do të doja të kishte ngjarë pak më shumë nga Sali Berisha

Armina Mevlani ishte e ftuar në “Ftesë në 5”, ku tregoi marrëdhënien me familjen e Shkëlzen Berishës. Ajo tregoi se ka marrëdhënie shumë të mira me nënën e tij, por do të donte që partneri të kishte pak më shumë karakterin e ish kryeministrit Sali Berisha.

Armina Mevlani tha:


Lilit i kërkoj shpesh mendime se e vlerësoj shumë dhe me të ndaj gjëra njësoj si mamit tim. E shoh si mamanë time, e kam pjesë të familjes dhe të gjitha vajzat duhet të kenë këto marrëdhënie me vjehrrat , Se ajo e ka rritur dhe edukuar. Shkëlzeni është më shumë si mami në pjesën e karakterit, por do të doja të kishte ngjarë dhe pak më shumë nga babi.Më pëlqen vendosshmëria, ka karakter të ftohtë, qëndron tek parimet e veta, kurse Zeni ndikohet pak. Në lidhje me mua, jam e lumtur se ngjan me Lilin se është i dashur, i afrueshëm në komunikim”, tha Armina.

Sa i përket një detaji rreth marrëdhënies së saj me Shkëlzenin, Armina tregoi se është shumë romantike.

“I kam shkruar letra e poezi. Ka momente që ndjenjat i shpreh duke shkruajtur.Ka pasur dhe mesazhe që i ka bërë google se mos i kam marrë ndokund. Jam siguruar që ti ketë të gjitha të ruajtura dhe një libër që e ka marrë online dhe në çdo sketch mund ti bësh një dedikim me shkrim”, u shpreh ajo.

Kryeministri grek: “Kompania që mirëmban rrugën do paguajë 2 mijë euro çdo qytetar që mbeti i bllokuar nga dëbora”

36 orë pasi vala e motit të keq me emrin “Elpida” ka goditur Greqinë jugore, sidomos periferinë e kryeqytetit, forcat e ushtrisë, repartet zjarrfikëse dhe ekipet e shpëtimit vazhdojnë përpjekjet për të evakuuar njerëzit e bllokuar në makinat e tyre për më shumë se 24 orë në të ashtuquajturën Atiki Odos, unaza kryesore e Athinës, në mes të borës e të ftohtit.


Më shumë se 3,500 njerëz janë evakuuar deri tani, disa duke braktisur makinat e tyre në këmbë, ndërsa rreth 1,200 mjete janë ende të bllokuara në këtë rrugë.

Christos Stylianidhis ministri i mbrojtjes civile: “Mbrëmë ka qenë një natë tepër e vështirë, jemi përballur me situata të paprecedentë dhe dua të shpreh edhe një herë apologjine e shtetit për barrën me të cilën u përballën qytetarët tanë.”

Elena Karakoglou, mësuese piano: “Edhe një herë ne nuk ishim të përgatitur. Kjo është e keqja e këtij vendi, ne nuk jemi kurrë të përgatitur. Meqë e dinim qe po vinte stuhia pse nuk kishim disa borëpastrues këtu në qendër të Athinës? Është kryeqyteti, duhet të ishim më të përgatitur”.


Shumë zona të kryeqytetit ende nuk kanë energji elektrike dhe ngrohje, shumica e rrugëve edhe në qendër të Athinës janë të pakalueshme, dhjetëra pemë të thyera kanë shkaktuar kaos, shumë spitale kanë pasur probleme me furnizmin duke lënë edhe pacientët pa ushqim. Autoritetet kanë vendosur që ashtu si ditën e martë, edhe e mërkura të jetë pushim për të gjithë sektorin publik në 6 periferi të vendit përfshi Atikën dhe Kretën, ndërsa edhe shkollat do të mbeten të mbyllura. Skena kaosi ka pasur edhe në aeroportin e Athinës, ku përveç udhëtarëve të bllokuar pas anulimit të mbi 200 fluturimeve, janë evakuuar edhe disa dhjetëra të tjerë nga autostrada e bllokuar.

Einxhel sherr me Donaldin: “Nuk besoj tek lidhja jote me Trixën”

Një debat i ashpër ka nisur mes Einxhel dhe Donald për faktin që nuk kanë pasur asnjë komunikim me njëri-tjetrin. Që kur Donaldi nuk zgjodhi Dagzin në zinxhirin e shpëtimit, Einxhel zgjodhi që të mos kishte më komunikim me të dhe e akuzoi se la shokun e tij për të shpëtuar Tanin. Gjatë debatit në spektaklin e sotëm, Einxhel përmendi se si Donald qëndroi vetëm pasi Beatrix u largua nga shtëpia.


Einxhel: Nuk besoj te lidhja e Donaldit me Trixën.

Donald: Aa tani nuk beson. Ti punon te bashkia e Orikumit. Ti di çdo gjë pastaj fol për çdo gjë.

Einxhel: Atë po e bën ti.

Donald: Siç e përmendi gjithmonë Dagzi Dagzi, unë di t’ia tregoj respektin një shoku. Por me këto veprime që ka bërë Einxheli në këtë fazë loje, sic nuk më ka ardhur mirë me Dagzin në një moment. Shkoni lëpiheni aty me njëri-tjetrin.

Ilir: Ne rrimë dyshe dyshe gjithë ditën me atë që kemi më të afërt.

Einxhel: Ke gjithë këto ditë pse nuk mi ke thënë por i ke lënë për Prime?

Donald: Unë besoj tek Einxheli me Dagzin. Nuk besoj se është aq e ekzagjeruar, u vesh me të zeza.

Einxhel: Ti zure cepat e shtëpisë, u ngujove. Këtu ke dhe frikë të mërzitesh se të bën Donaldi vejushë.

Donald: Më lër të flas o urbanistika e Orikumit. Kam qenë unë që për Sarën i kam thënë Trixës “mos”. Nëse flasim për shokë, kurrë nuk do të lija Trixën të thojë diçka. Unë e kam treguar se çfarë shoqërie kam pasur.

Çerekfinalet e Kupës së Shqipërisë/ Ja kur luhet Skënderbeu-Teuta

Kupa e Shqipërisë ka në program katër ndeshjet e para çerekfinale, që do të zhvillohen të mërkurën dhe të enjten. FSHF ka bërë ndryshime oraresh për ndeshjet e ditës së enjte, pasi Flamurtari-Vllaznia dhe Egnatia-Laçi do të zhvillohen në orën 13:45. Të enjten, Skënderbeu Teuta zhvendoset në 13:45 dhe derbi Dinamo-Partizani në orën 16:45.

KUPA E SHQIPËRISË – ÇEREKFINALET


E mërkurë, më 26 janar

Ora 13:45 | Flamurtari-Vllaznia

Ora 13:45 | Egnatia-Laçi

E enjte, më 27 janar

Ora 13:45 | Skënderbeu-Teuta

Ora 16:45 | Dinamo-Partizani

Pamje magjike nga Pogradeci/ I ftohti i acartë “gdhend në akull” natyrën

Ditët e ftohta dhe moti i acartë kanë “gdhendur në akull” Pogradecin mëngjesin e kësaj të marte. Siç shihet dhe nga pamjet e mëposhtme, temperaturat e ulta disa gradë nën 0 “i kanë dhënë formë” objekteve dhe pemëve. Tavolinat, karriget dhe pemët dekorative në bizneset buzë liqenit kanë ngrirë si pasojë e dallgëve që janë përplasur gjatë orëve të natës në to.



Greqia shtyn sërish masat anti-Covid/ Ja çfarë duhet të kenë parasysh nëse do të udhëtoni drejt vendit fqinj

Ministria për Evropën dhe Punët e Jashtme njofton se Greqia ka shtyrë masat aktuale anti-Covid deri më datë 7 shkurt 2022. Të gjithë shtetasit shqiptarë që udhëtojnë drejt Greqisë, pavarësisht kombësisë, pavarësisht nëse janë të vaksinuar ose kanë qenë të diagnostikuar me COVID-19, janë të detyruar të paraqesin:


-Test negativ PCR, kryer brenda 72 orëve, përpara udhëtimit.
OSE
-Test të shpejtë antigjenik, kryer brenda 24 orëve para udhëtimit.

Të gjithë udhëtarët që hyjnë në territorin e Republikës së Greqisë, duhet të plotësojnë formularin elektronik PLF (Passenger LocatorForm), në adresën elektronike 👉 https://travel.gov.gr, me të dhënat e tyre të kontaktit në Greqi, përpara mbërritjes.

-Masa vlen për të rriturit dhe fëmijët mbi 5 vjeç, pavarësisht nga vaksinimi.

-Pikat kufitare të Kakavisë, Kapshticës dhe Qafbotës funksionojnë gjatë 24 orëve. Pika kufitare e Tre Urave funksionon nga ora 08:00 deri në orën 20:00.

News