Zbulohet një arsenal armësh në kufirin greko-shqiptar, nën hetim një shtetas grek (VIDEO)

Një arsenal armësh është zbuluar këtë të shtunë në kufirin greko-shqiptar. Mësohet se operacioni është zhvilluar nga policia dhe ushtria greke në Kostur.
Nga të dhënat e medieve fqinje, të cilat publikojnë dhe pamjet e aksionit, mësohet se armët janë gjetur të groposura.
Policia dhe ushtria kanë zbuluar kundërajër RPG, 16 raketa RPG, 80 granata, 3 kallashnikovë, 2 automatikë model 50, 4 krëhëra automatku model 50, 25 920 fishekë, 80 mekanizma granate, etj.


Autoritetet greke po hetojnë një shtetas grek, i cili është i burgosur për trafik armësh dhe veprash arkeologjike.

Për t’u bërë pjesë e grupit "KorcaBlog.com" mjafton të klikoni: Join Group dhe kërkesa do t’ju aprovohet menjëherë.