Drejtoria e Përgjithshme e Arkivave tregon, përmes një videoje të publikuar në “Facebook”, historinë e Birrës Korça, që nga dekreti për hapjen e fabrikës, në vitin 1928. Në postim, Drejtoria e Arkivave shkruan se Festa e Birrës në Korçës këtë vit shoqërohet edhe me copëza historie, ndërsa thekson se videoja me historinë e birrës do informojë pjesë marrësit në festë mbi historikun e prodhimit të birrës në Shqipëri.

Postimi i plotë:
Historia e birrës shqiptare 🙂
Pak freski, birrë dhe arkiv🍺
“Festa e Birrës” në Korçën e traditës shoqërohet këtë vit edhe nga copëza historie nga thesaret që DPA ruan në formën e një videoje promocionale që do të pasqyrohet në ekranin qendror të aktivitetit dhe do të informojë pjesëmarrësit mbi historikun e prodhimit të birrës në Shqipëri, që nga viti 1928. Sepse edhe birra, edhe freskia, nuk mund të mos shoqërohen me pakëz arkiv.🍻
#ArkivatFrymëzojnë
#AsgjëeRe
#FototekaAQSH
#Festaebirrës

Situata e Covid-19 në Greqi nuk paraqitet aspak e mirë. Mediat vendase shkruajnë se në raportin e publikuar nga autoritetet shëndetësore, në 24 orët e fundit, janë raportuar të infektuar 3273 persona dhe kanë ndërruar jetën 20 të tjerë.Sipas raportit, aktualisht në spital janë të intubuar 286 persona. Ndërkohë, bëhet me dije se 12 nga rastet u zbuluan në pikat doganore, si pasojë e fluksit të turistëve.Situata ka nisur të përkeqësohet që pas përhapjes me shpejtësi të variantit Delta, që sipas mjekëve është më i rrezikshëm si origjinali.

Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe njerëzit e afërt dhe për të frenuar përhapjen e virusit të rrezikshëm.
Muaji Gusht është muaj i hapur i vaksinimit antiCOVID për çdo qytetar +18 vjeç.
Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Nëse dyshoni se jeni i prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127.

Ju informojmë për situatën në 24 orët e fundit, si vijon:
Janë kryer 6662 testime, nga të cilat kanë rezultuar pozitivë me Covid19, 522 qytetarë, në këto bashki:
193 raste në Tiranë, 75 në Shkodër, nga 22 raste në Durrës, Vlorë, nga 16 raste në Lezhë, Sarandë, nga 15 raste në Malësi e Madhe, Fier, nga 13 raste në Vau i Dejës, Kamëz, 12 në Berat, 11 në Korçë, nga 9 raste në Rrogozhinë, Lushnje, nga 8 raste në Elbasan, Peqin, 6 në Kurbin, nga 5 raste në Krujë, Dibër, Divjakë, 4 në Patos, nga 3 raste në Kukës, Kavajë, Roskovec, Përmet, nga 2 raste në Pukë, Has, Mat, Gjirokastër, Kuçovë, Poliçan, Gramsh, Librazhd, nga 1 rast në Mirditë, Shijak, Klos, Himarë, Këlcyrë, Tepelenë, Maliq, Pogradec, Kolonjë, Dimal, Cerrik, Belsh.
Aktualisht janë 4204 pacientë aktivë me COVID19 në të gjithë vendin.
Në Spitalin Infektiv po marrin trajtim 59 pacientë. Me gjithë përpjekjet e stafit mjekësor, në 24 orët e fundit kanë ndërruar jetë 2 qytetarë: një qytetar 67 vjeç nga Elbasani dhe një qytetar 84 vjeç nga Mati. Ministria e Shëndetësisë dhe Mbrojtjes Sociale u shpreh ngushëllimet familjarëve.
Janë shëruar 98 qytetarë gjatë 24 orëve të fundit, duke e çuar numrin e të shëruarve në 130,920 që nga fillimi i epidemisë.
Statistika (19 Gusht 2021)

Raste të reja ditore 522
Të shëruar në 24 orë 98
Të shtruar në spitale 59
Humbje jete në 24 orë 2
Testime ditore 6662

Testime totale 979,532
Raste pozitive 137,597
Raste të shëruara 130,920
Raste Aktive 4204
Humbje jete 2,473

Shpërndarja gjeografike e rasteve aktive sipas qarqeve:

Tiranë 1596
Shkodër 682
Vlorë 381
Fier 378
Durrës 230
Elbasan 216
Lezhë 211
Berat 141
Gjirokastër 139
Korçë 92
Kukës 85
Dibër 53

Mbreme në një atentat në në lagjen “Dëshmorët e Kombit”, rruga e xhamisë, në vendin e quajtur “Kinoklubi” në Berat mbeti i plagosur një 24-vjeçar. Mësohet se ai është shtetasi Tajar Fetiu, i cili është qëlluar me gjashtë plumba, teksa ka qenë duke hyrë në këmbë në rrugicën e shtëpisë së tij. I plagosuri Tajar Fetiu është transportuar fillimisht drejt Spitalit Rajonal Berat, por për shkak të gjendjes së tij të rëndë ai është transportuar drejt Spitalit të Traumës në Tiranë.

Nuk dihen ende shkaqet e plagosjes së 24-vjeçarit, që jetonte prej shumë vitesh në Londër dhe kishte ardhur në qytetin e Beratit për të vizituar shtëpinë e vjetër të familjes, teksa kjo e fundit jetonte në Tiranë. Burimet zyrtare të policisë konfirmojnë se janë sekuestruar edhe kamerat e disa bizneseve përreth dhe po punohet për identifikimin dhe kapjen e autorëve.

Njoftim – Federata Shqiptare “Vrojtuesit e Plazhit dhe Shpëtimit në Ujë”
Vrojtuesi i Plazhit Idajet Roçi, ka bere nje shpetim heroik duke rrezikuar jeten e tij. Nene e bir kane qene duke u mbytur ne det kur jane pikasur nga Idajeti. Ai ka nderhyre menjehere per t’i shpetuar, duke nxjerre ne breg me pare nenen dhe me pas te birin. Deti ka qene i trazuar sot ne plazhin e Spillese dhe Misioni yne eshte te shpetojme jete! Ai eshte transportuar menjehere ne spital dhe eshte nen kujdesin e mjekeve. Forca Idajet, te gjithe Vrojtuesit sot krenohen me emrin tend.

FREKUENTONI PLAZHET ME VROJTUES!

Vrojtuesit e plazhit shpetojne jete! Në lufte me dallget Idajeti ka pire uje dhe ka shfaqur probleme shendetesore. Ai eshte transportuar menjehere ne spital dhe eshte nen kujdesin e mjekeve. Forca Idajet, te gjithe Vrojtuesit sot krenohen me emrin tend. Frekuentoni plazhet me vrojtues! Vrojtuesit e plazhit shpetojne jete!

Mbrëmjen e sotme do të zhvillohet nata e dytë e festës së birrës në Korçë. Edhe këtë të enjte, njësoj si një natë më parë, do të ketë surpriza dhe emocione. Të ftuar në ditën e dytë të festës së birrës do të jenë dhe grupi i famshëm “Tre Muskëtierët” i përbërë nga këngëtarët Aleksandër Gjoka, Redon Makashi dhe Elton Deda. Në një prononcim për News24, këngëtarët u shprehën se po e presin me padurim fillimin e festës teksa thanë se atmosfera në Korçë, sidomos gjatë festës së Birrës është fantastike.

Aleksandër Gjoka: Do të kemi hitet tona, të Redit, Elton Dedës. Renditja është problemi, të fillojë pak lehtshëm e më pas flakë.

Elton Deda: Koncerti do të jetë 1 orë e 30 minuta i gjatë, minimalisht. E më pas me të parë dhe të bërë. Do të përmbajë hitet tona që ne këndojmë dhe njerëzit i mirëpresim, nuk e përjashtojmë ndonjë ‘cover’.

Aleskandër Gjoka: Njerëzit janë të etur dhe ne bashkë me ta. Do të jetë një përvojë fantastike.

Redon Makashi: Korça ka qenë qyteti që jemi mirëpritur mirë, që në ’91-in. Publiku i Korçës janë të ndezur dhe të dashur.

View this post on Instagram

A post shared by Festa e Birrës 🍺 (@festaebirreskorce)

Kthimi i emigrantëve pas pushimeve në Shqipëri ka krijuar një trafik të madh në pikën kufitare të Kapshticës. Qytetarëve u duhet të presin me orë të tëra në temperatura të larta për të kaluar në Greqi. Rreth 100 automjete po presin në radhë që prej orëve të para të mëngjesit. Shkak i radhës kilometrike është bërë pala greke, e cila po punon me vetëm një sportel.Ndërkohë mësohet se strukturat doganore janë angazhuar maksimalisht në shërbim të qytetarëve. Shumë doganierë janë filmuar teksa shpërndajë shishe uji për qytetarët që presin në radhë.

Kreu i Urgjencës Kombëtare, Skënder Brataj, shkruan në një postim në “Facebook” se të infektuarit e vaksinuar dhe të pa vaksinuar me variantin Delta të koronavirusit kanë të njëjtën ngarkesë virale. Brataj publikon të dhënat e një studimi të British Medical Journal, ku thuhet se përhapja e variantit Delta kërcënon strategjitë e vaksinimit që synojnë imunitetin e tufës kundër Sars-cov-2.

Studimi i BMJ (British Medical Journal)

Covid-19 dhe varianti Delta.
Të infektuarit e vaksinuar dhe të pa vaksinuar kanë të njëjtën ngarkesë virale.
Studimi i BMJ (British Medical Journal)

Përhapja e variantit Delta kërcënon strategjitë e vaksinimit që synojnë imunitetin e tufës kundër Sars-cov-2. Në fakt, e njëjta ngarkesë virale u zbulua midis personave të vaksinuar dhe të pavaksinuar, që infektohen me variantin Delta. Kjo theksohet nga një artikull i botuar në British Medical Journal (BMJ), në lidhje me të dhënat që dolën nga një shtim i numrit të infeksioneve në Massachusetts. Në thelb, vaksinimi mbetet mbrojtës shumë i lartë, por nuk është i mjaftueshëm për të ndaluar përhapjen e variantit delta.
Testet e kryera nga data 3 deri në 17 korrik midis banorëve të Massachusetts në Provincetown, një vend i njohur pushimesh në Shtetet e Bashkuara, zbuluan se 75 % e njerëzve të infektuar ishin të vaksinuar. Midis të vaksinuarve dhe të pa vaksinuarve ngarkesa virale ishte e njëjtë. Ky zbulim sugjeron që të dy grupet kanë të njëjtën ngarkesë virale dhe përhapja e infeksionit është pothuajse e njëjtë nga të dy grupet ka paralajmëruar Qendra Amerikane për Kontrollin dhe Parandalimin e Sëmundjeve (CDC).
Rezultatet vërtetojnë se të vaksinuarit gjatë verës po luajnë një rol të rëndësishëm në përhapjen e infeksionit të variantit delta, prandaj CDC rekomandon që personat e vaksinuar të mbajnë maska në ambjente të mbyllura. Por CDC konfirmon se vaksina vazhdon të ofrojë mbrojtje të fortë kundër formave të rënda të sëmundjes. Nga 346 personat e vaksinuar që rezultuan pozitivë në epideminë e Provincetoën, 79% e tyre ishin simptomatikë dhe testi i gjenomës tregoi se 90% kishin variantin delta. Vlen për tu theksuar se vetëm katër të infektuar u shtruan në spital dhe nuk pati asnjë humbje jete.
Disa ditë më parë, profesor Anthony Fauci, konsulent i Presidentit amerikan Joe Biden, paralajmëroi se varianti Delta mund të shkaktojë të njëjtin nivel infektimi si te personat e vaksinuar dhe te ata të pavaksinuar.
Disa të dhëna nga rezultatet e testit të ngarkesës virale ishin marrë paraprakisht nga Washington Post, e cila u konsultua me epidemiologët e njohur në këtë fushë. Jeffrey Shaman, epidemiolog në Universitetin e Columbias, komenton se vaksinimi tani ka të bëjë me mbrojtjen personale, mbrojtjen nga format e rënda të sëmundjes. Imuniteti i tufës nuk është i rëndësishëm pasi po shohim dëshmi të shumta të infeksioneve edhe në të vaksinuar.
Drejtoresha e Qendrës për Kontrollin e Sëmundjeve (CDC), Rochelle Walensky deklaroi se, ky zbulim është shqetësues dhe ka qenë një faktor që ka çuar në udhëzimet e reja, që rekomandojnë përdorimin e maskave në ambiente të mbyllura edhe për personat e vaksinuar.
Dr.Skender Brataj

Pas Tiranës dhe Durrësit, edhe bashkia e Beratit po përgatitet për të pritur shtetas afganë që do të strehohen në vendin tonë, të cilët kanë punuar për qeverinë amerikane dhe ju rrezikohet jeta me marrjen e pushtetit nga talebanët. Më herët, qeveria shqiptare njoftoi se do t’i strehojë afganët në disa struktura hotelerie në Durrës dhe në disa godina të Qytet Studenti në Tiranë, të cilat u liruan dhe u pastruan.Deri më tani nuk ka asnjë informacion se kur do të niset avioni nga Kabuli, për shkak të situatës kaotike të krijuar në aeroport nga talebanët, që po bllokojnë evakuimet, Shqipëria po bën gati vendet, ku do t’i strehojë këta shtetas.

Persona ende të pa identifikuar kanë shkaktuar dëme të mëdha në kishën e Shën Marisë në fshatin Vodicë të Kolonjës.BW raporton se sipas punonjësve të institucionit fetar, personat e përfshirë në ngjarje kanë hapur një gropë mbi 6 metra të thellë dhe 1 metër të gjerë te pagëzimorja e kishës. Sipas tyre, kjo ndodh për faktin se mendohet se në kishë ka florinj. Kjo nuk është hera e parë që shkatërrohen objektet e kultit në Ersekë. Sipas informacioneve nga policia, kanë nisur hetimet për zbardhjen e ngjarjes në bashkëpunim me Prokurorinë e Rrethit Gjyqësor Korçë.

Qendra e Lëvizjes Vetëvendosje në Shqipëri ka organizuar sot një aksion simbolik në qendër të qytetit të Korçës, në lidhje me këngëtarin Goran Bregoviç, i cili do të performojë më 22 gusht në ‘Festën e Birrës” në Korçë. Ata vendosën një banderolë të gjatë me fjalët “Bregoviç dajre gjenocidi”, në Bulevardin “Republika”. Në një njoftim në rrjetet sociale Lëvizja Vetevendosje shkruan se aksioni u organizua në solidaritet me 20 shoqatat e familjeve të personave të zhdukur gjatë gjenocidit që Serbia kreu në Kosovë dhe kërkojnë nga Bashkia e Korçës anulimin e ftesës në “Festën e Birrës” të muzikantit të shumëkontestuar, Goran Bregoviç.

Postimi i plotë nga Lëvizja Vetëvendosje:

Bregoviç “darje” gjenocidi

Qendra e Lëvizjes VETËVENDOSJE! në Shqipëri ka organizuar sot një aksion simbolik ndërgjegjësues në qendër të qytetit të Korçës, duke vendosën një banderolë të gjatë me fjalët “Bregoviç dajre gjenocidi”, në Bulevardin “Republika”. Aksioni u organizua në solidaritet me 20 shoqatat e familjeve të personave të zhdukur gjatë gjenocidit që Serbia kreu në Kosovë, të cilat kanë kërkuar nga Bashkia e Korçës anulimin e ftesës në “Festën e Birrës” të muzikantit të shumëkontestuar, Goran Bregoviç. Aksioni u zhvillua githashtu në mbështetje të bojkotit që shumë artistë shqiptarë nga të gjitha trevat i kanë bërë kësaj feste, pasi Bashkia e Korçës ka refuzuar të anulojë ftesën për Bregoviçin.

Kujtojmë se muzikanti i shumëkontestuar Bregoviç nuk e ngriti kurrë zërin gjatë aparteidit të Milosheviçit në Kosovë, por e gjeti kohën të organizonte një koncert kundër ndërhyrjës së NATO-s në krah të UÇK-së. Për më tepër, shqiptarët e Kosovës, që ishin viktima të gjenocidit të Serbisë, ende e mbajnë mend mirë se si ushtria dhe paramilitarët e Serbisë i kryenin masakrat e tyre ndaj shqiptarëve duke u frymëzuar me këngë të Bregoviçit. Koncerte të tij janë anuluar nga organizatorë edhe në shtete të tjera të botës, pas qëndrimeve të tij lavdëruese për Rusinë në koncertin e mbajtur në Krimenë e pushtuar nga Rusia. Bregoviçi, përmes muzikës dhe qëndrimeve të tij, ka shërbyer e shërben si lëkuara e deles me të cilën mbulohet nacionalizmi shoven serb. Serbia nuk është penduar për krimet e saj, drejtohet nga kriminelë lufte dhe vazhdon të ketë për qëllim ekspansionin e mëtejshëm në rajon me projekte si “Ballkani i Hapur”. Për më keq, Serbia kryen sot e kësaj dite spastrim etnik të shqiptarëve të Luginës së Preshevës.

Nuk mund të jetë rastësi që datat e Festës së Birrës në Beograd përputhen me datat e Festës së Birrës në Korçë (18-22 gusht). Ajo në Beograd u hap mbrëmë nga Bregoviç, ajo në Korçë pritet të mbyllet po nga Bregoviç. Është e vërtetë se jugonostalgjiku Bregoviç ka mbajtur edhe më herët koncert në Shqipëri në vitin 2006, dhe është nderuar nga kryeministri Edi Rama, në atë kohë kryebashkiak, me “Çelsin e Tiranës”. Bregoviç është nderuar me medalje këtë vit edhe nga presidenti i Serbisë, Aleksandar Vuçiç. Mirëpo, prej vitit 2006, vetëdija kombëtare shqiptare është rritur më shumë në popull sesa te pushtetarët e korruptuar të Shqipërisë. Shqiptarët janë shumë më të informuar e të lidhur me njëri-tjetrin.

Si komb, do të ishte hipokrite nëse ndajmë vetëm gëzimet, medalje dhe mirënjohje ndërkombëtare, pa u solidarizuar duke ndarë edhe vuajtjet. Bashkë i ndamë vuajtjet dhe iu gjendëm njëri-tjetrit gjatë luftës në Kosovë, por edhe më vonë pas tërmetit në Shqipëri e tani gjatë zjarreve që shkrumbuan më mijëra hektarë. Ne kërkojmë ndërgjegjësim e bashkëpunim kombëtar në të gjitha fushat, drejt bashkimit.

Korçë, 19 gusht 2021

Lëvizja VETËVENDOSJE!

Qendra në Shqipëri

Autoritetet greke prej disa javësh që pas rritjes së rasteve me COVID-19 nga varianti “Delta” janë në gatishmëri të shtuar, por kurba nuk po njeh ulje. Mediat greke shkruajnë se në shumë ishuj të famshëm si Naxos, Mykonos, Tinos, etj, rastet janë dyfishuar.

“Zonat turistike po “fundosen” nga rastet e reja dhe në disa prej tyre situata tregon se e ka kaluar pragun e alarmit, me autoritetet shëndetësore të gatshme të vendosin masa të reja kufizuese aty ku është e nevojshme” shkruan “Protothema”. Në 24 orët e fundit në Greqi 3442 qytetarë u zbuluan se janë infektuar me virusin që deri tani ka marrë miliona jetë njerëzish në botë.

Një aksident tragjik u shënua mëngjesin e djeshëm në qendër të Shëngjinit. Një 6-vjeçar u përplas rëndë nga një furgon pasagjerësh e për pasojë ndërroi jetë në spital. Nëna e 6-vjeçarit, Besa Nuzi, ka gjetur forcën nga dhimbja e madhe që i ka kapluar shpirtin dhe i ka dedikuar disa rreshta shumë prekës djalit të saj, që sot nuk jeton më. Me humbjen e të voglit të saj, nëna shkruan se nuk ka më dëshirë të jetojë, teksa ka edhe një lutje për Zotin, që ta marrë edhe atë nga kjo botë.

” O Shpirt, o zemër, o jeta mamit ti, ma vrave shpirtin o zemër, pse ike ngele vetëm o shpirt, pse nuk vdiqëm të gjithë me ty pse, o i bukuri im, a po të mungoj mami ty, si do fle un pa ty………… o Zot më vdis dhe mua o Zot”, ka shkruar ajo, teksa ka publikuar edhe foton e të voglit.