“Tifozët kuq e zi” reagojnë pas hedhjes së tymueses në koncertin e Bregoviç

Grupimi “Tifozët Kuq e Zi” kanë reaguar me një mesazh në Facebook pas hedhjes së gazit lotsjellës në koncertin e Goran Bregoviç në festën e birrës në Korçë.Në një postim online “TKZ” ka shkruar “Ky nuk është një mesazh Facebooku. Përjetësisht me ty Shqipëri” duke iu përgjigjur bashkisë së Korçës që pak ditë më parë tha se “patriotët e sotëm bëjnë vetëm statuse në Facebook”.


Hidhet GAZ LOTSJELLËS gjatë performancës së Bregoviç në “Festën e Birrës” , qytetarët shpërndahen me shpejtësi

Gaz lotsjellës është hedhur gjatë performancës së Goran Bregoviç në “Festën e Birrës” në Korçë. Gazi është hedhur në një zonë të mbushur me spektatorë, me këta të fundit që janë shpërndarë me shpejtësi.Siç shihet edhe në video, disa qytetarë, mes tyre edhe fëmijë janë dëmtuar, ndërkohë që policia po heton për të identifikuar dhe kapur autorët. Policia ka arrestuar te pakten tete persona të dyshuar, nderkohe qe incidenti ka shkaktuar largimin e qytetareve nga eventi për disa momente.

Që në hyrje të terminalit kishte kontrolle të rrepta për të gjithë të interesuarit për të ndjekur performancën e këngëtarit. Kontrollet arrinin deri atje sa nuk lejohen monedha, shishe apo sende të tjera metalike, ndaj mbetet e paqartë si i ka shpëtuar policisë rasti i gazit lotsjellës.


Një video e shpërndarë nga Albanian Post tregon dy prej të shoqëruarve që i bërtasin policëve në momentin që këta i kanë kapur.

Serbët doni ju? Mbajini ku*vat!” – thonë ata, pasi një pjesë e atyre që shijonin muzikën e Bregoviçit ishin turistë serbë.


Koncerti i Bregoviç/ Korça blindohet nga policia (VIDEO)

Kur pritet ngjitja e këngëtarit serb Goran Bregoviç në skenën e festës së birrës në Korçës, qyteti është rrethuar i gjithi nga punonjës së policisë. Madje, në qytet janë parë edhe ekipet speciale të “Shqiponjave” dhe FNSH-së.Përveç sigurisë tokësore, Policia Shqiptare është duke e vëzhguar situatën edhe nga ndërtesat e larta. KlanKosova ka publikuar pamje ku shihet se roje sigurie janë vendosur në tarracat e pallateve. Bregoviç ka deklaruar se pjesëmarrjen në Festivalin e Birrës do ta nisë me këngën “Kosovska”.
Gjithë kjo siguri tregon frikën e ndonjë sulmi për shkak të prezencës së këngëtarit të kontestuar. Shumë qytetarë e artistë kërkuan që ky koncert të mos zhvillohej, por organizatorët nuk u tërhoqën.


“Çmenden” dasmorët në Shqipëri, nxjerrin kallashin dhe zbrazin karikatorin në mes të autostradës (Video)

Jetojmë në Shqipëri dhe gjithçka mund të ndodhë”…dhe këto pamje e tregojnë më së miri! Mund të duken si video të bëra në vitet 1997 atëherë kur “armët ishin sheshit”, por jo! Janë shkrepur në vitin 2021. Bëhet fjalë për një dasmor, i cili pasi ka marrë nusen, ka shkrepur nga makina e tij ‘Range Rover’ me kallashnikov në ajër disa herë. E gjitha ka ndodhur në autostradën e Laçit dhe janë pamje aspak të zakonta për vitin në të cilin jetojmë.

Sipas asaj që shihet në video,kuptohet që personi po shkon në dasmë së bashku me dasmorët e tjerë, por nuk ngurron që të lëvizë i armatosur dhe të qëllojë në mes të rrugës, duke rrezikuar jetën e shumë personave të tjerë.


Ndodh në qëndër të Beratit/ ‘Benzi’ me shpejtësi “rrufe”humb kontrollin dhe përfundon brënda në dyqan

Një aksident i rëndë ka ndodhur mbrëmjen e sotme në qendër të qytetit të Beratit. Raportohet se një automjet tip “Benz” me targa AA 021 MS ka humbur kontrollin dhe ka hyrë brenda një dyqani me pajisje elektrike.Si pasojë e aksidentit kanë mbetur të plagosur 4 persona. Burime bëjnë me dije se ata ishin kalimtarë të rastit që ndodheshin duke ecur mbi trotuar, ndërsa tashmë ndodhen në urgjencë.Drejtuesi i mjetit është shtetasi Ergys Petro.


Rikthehet Rozana Radi pas 4- vitesh mungese /Vjen me superprojektin “Serenata” në krah të Stines…

Rozana Radi po rikthehet fuqishëm me një projekt muzikor të madh që do bëjë me shumë gjasa zhurmë në media e do marrë zemrën e fansave të saj. Këngëtarja ka zbuluar se do sjellë projektin me titullin ‘Serenata’, në duet me Ernest Duka, Stinen. Kjo këngë do ta rikthejë Rozanën në treg, por jo si herët e tjera. Projekti nga vetë ajo është përshkruar si një sipërmarrje gjigante, që do t’i dedikohet dashurisë së pamundur dhe stafi që ka punuar është me më shumë se 100 vetë.


Trajleri është publikuar tashmë dhe mund të thuhet me bindje që do jetë si një film i shkurtër muzikor, ku flitet për ndjenjën e dashurisë, asaj të pamundurës, problematike, por gjithsesi të madhe.

Sot do ju tregoj historinë tonë të dashurisë. Ne ishim bashkë…”, thotë ndër të tjera Rozana në videon e shkurtër. Nga sa kuptuam, protagoniste në klip do jetë vetë ajo dhe Stine, i cili është bashkëpunëtor i ngushtë në këtë projekt.

Këngëtarja nuk ka zbuluar shumë për tematikën e këngës, por me aq sa u kuptua bëhet fjalë për dashurinë e vështirë, mbase një baladë apo diçka më e gëzueshme, por sërish me tematikë dashurinë.Bazuar nga komentet në postin e fundit, fansat mezi po e presin, ndërkohë që data e lançimit ende nuk dihet. Por ende pa dalë kënga, sekuencat e saj po bëjnë xhiron e rrjetit, pasi Rozana Radi dhe Stine kanë bërë jo klip, por një “film” të vërtetë.


Pak javë më parë, këngëtarja shumë e dashur e publikut shqiptar, Rozana Radi, njoftoi rikthimin në muzikë. Pas rreth 4 vitesh që nuk ka sjellë këngë të reja, Rozi ka bashkuar forcat me Stinen dhe duket se kanë goditur në shenjë me “Serenata”.

Gjatë një interviste para disa ditësh, Rozana tregoi se kënga është regjistruar, klipi po ashtu është xhiruar dhe kanë planifikuar ta lançojnë në shtator. Të dy artistët shfaqen në një autobus, teksa Rozana flet për dashurinë.

Kurrë nuk kam besuar te historitë e dashurive që shkojnë vetëm mirë!”, e nis ajo, duke na lënë të kuptojmë se edhe fabula e këngës lidhet me një histori dashurie.

Në fund e mbyll: “Ne ishim bashkë, pastaj gjithçka që ndodhte rreth nesh nuk më kujtohet!”.


Kujtojmë se kënga e fundit që Rozana ka publikuar është “Kur përfundon një dashuri si kjo e jona”, me të cilën ajo konkurroi në festivalin “Kënga Magjike” në vitin 2018-të. Teksa në 2016 ajo triumfoi në festival me këngën e saj, “Ma thuaj ti”.

Ndërkohë, Stine ka qenë aktiv me projekte të reja muzikore dhe kënga e tij e fundit është ajo me Ghetto Geasyn “Andiamo”. /panoramaplus.al

Dua feston 26-vjetorin e lindjes,urimi i veçantë i të dashurit: “Vajza e ëndrave të mia ,të dua përgjithmonë”

Dua Lipa feston ditën e sotme 26-vjetorin e lindjes. Këngëtaren e kanë uruar të afërm e familjarë në këtë ditë të veçantë, por ajo që bie në sy është urimi it ë dashurit të saj Anwar Hadid. Modeli ka publikuar në Instagram një foto të Duas, e shkruan: “Gëzuar ditëlindjen vajza e ëndrrave të mia, të dua përgjithmonë”. Dyshja janë së bashku që nga vera e vitit 2019, madje atë vit në gusht modeli amerikan ka qenë i pranishëm në Prishtinë në “Sunny Hill”, festivalin e organizuar nga babai i Dua Lipës, Dukagjini .Që nga atëherë dyshja janë bërë të pandashëm nga njëri-tjetri.


Po kalonte rrugën për të blerë një shishe ujë/ Makina “e përplas për vdekje 36-vjeçarin Shqiptar në Itali

Një 36-vjeçar shqiptar ka humbur jetën tragjikisht nga një aksident në Livorno të Italisë. Sipas mediave italiane viktima është Gazment Bushi, i njohur nga të gjithë komuniteti si “Gazi”.Mësohet se aksidenti ndodhi mesnatën e kaluar, kur i riu shqiptar u përplas nga një makinë ‘Porsche’, ndërsa ai ishte duke kaluar rrugën për të blerë një shishe ujë.

Gazment Bushi kishte dalë për një darkë me miqtë e tij, teksa kishte lënë në shtëpi gruan bashkë me dy fëmijët e vegjël. Ai shoqërohej nga një mik kur po kalonte rrugën, teksa drejtuesi i “Porsche” në gjendje të dehur e përplasi për vdekje duke e hedhur mbi 100 metra në asfalt.Gazment Bushi punonte murator në Itali në firmën e vëllait të tij, Edil Bushi teksa ishte i treti nga pesë vëllezërit.Bushi u transportua i gjallë në spital, por dëmtimi i rëndë në kokë ia bëri të pamundur mbijetesën.Ndërkohë shoferi 33-vjeçar i cili e përplasi u arrestua nga Policia dhe rezultoi se ishte në gjendje të dehur.


Covid në Greqi/ Ulen shifrat ,ja sa të infektuar janë sot

Në njoftimin zyrtar thuhet se gjatë 24 orëve të fundit, janë shënuar 1.948 persona të infektuar me virusin. Ndërsa, nuk e kanë fituar betejën me COVID-19 33 qytetarë, duke e çuar këtë numër që prej fillimit të pandemisë në 13.384 persona Numri i përgjithshëm i rasteve me Covid ka arritur në 559, 186 persona, 51,1% e tyre janë burra. Që nga fillimi i pandemisë kanë humbur jetën 13, 384 persona, 95.2% e të cilëve me sëmundje shoqëruese dhe që i përkisnin grupmoshës mbi 70-vjeç.


Koncerti i Goran Bregovic, policia “blindon’ qytetin e Korcës/ Do ketë kontroll fizik në hyrje …

Policia e shtetit ka shpallur masat e sigurise qe po zbaton ne kuader te festes se Birres ne Korce. Masat jane shpallur nderkohe qe pritet qe ne kete event te performoje kengetari Goran Bregovic, per te cilin javet e fundit ka pasur nje debat te gjere ne media ne lidhje me faktin nese duhet te jete prezent apo jo nderkohe qe shume artiste e kompani nga Kosova, kane bojkotuar eventin.


Njoftimi i policise: Në vijim të masave të marra në kuadër të Festës së Birrës-Gusht 2021, nisur nga fakti se fluksi i automjeteve në aksin rrugor Qafë Thanë-Korçë, është shumë i lartë, Policia apelon për të gjithë drejtuesit e mjeteve që të tregojnë kujdes, të respektojnë rregullat e qarkullimit rrugor, të respektojnë sinjalistikat vertikale dhe horizontale, të shmangin përdorimin e alkoolit dhe të celularit gjatë drejtimit të mjetit, të vendosin rripin e sigurimit me qëllim shmangien e ngjarjeve të mundshme rrugore.

Patrullat e Policisë Rrugore dhe ato të Patrullave të Përgjithshme janë prezente në të gjitha akset rrugore, për të menaxhuar ngarkesën e trafikut, rritur sigurinë rrugore dhe duke ushtruar kontrolle për shpejtësinë me radar, për përdorimin e pijeve alkoolike me dragera, për dokumentacionin e nevojshëm dhe duke i ardhur në ndihmë çdo turisti të huaj apo vendas, me orientimin e duhur në lidhje me lëvizjen.

Rikujtojmë qytetarët se mbrëmjen e sotme, në këtë aktivitet do të lejohen të hyjnë vetëm personat të cilët janë të pajisur me biletë. Pranë vendit të quajtur “City Center”, këta shtetas do t’i nënshtrohen edhe një kontrolli fizik, ku nuk do të lejohet mbajtja e sendeve të ndaluara dhe më pas do të mund të hyjnë në brendësi të Terminalit, vetëm nëpërmjet hyrjes kryesore nga “City Center”.


Shërbimet e Policisë, kanë siguruar dhe janë në marrje e vlerësim të çdo lloj informacioni për persona të cilët mund të kenë tendenca për veprime të dhunshme. Aktualisht janë duke u verifikuar disa shtetas, me qëllim sigurimin e rendit publik dhe mbarëvajtjen e eventit, deri në përfundim të tij. Policia e Shtetit fton qytetarët që të denoncojnë në numrin 129 dhe në Komisariatin Dixhital, çdo paligjshmëri të konstatuar, duke iu garantuar anonimat të plotë dhe një reagim të shpejtë dhe profesional.