Vrasja barbare e 18-vjeçares/ Dieotologia shpërthen në lot: “Jep një mesazh sensibilizues për të gjithë shqiptarët”

Nutriticionistja dhe dietologia Diola Dosti-Baftiu ka shpërthyer në lot gjatë një transmetimi LIVE në Facebook. Ajo ka folur për rastin e vrasjes së Marigona Osmanit në Ferizaj nga partneri i saj pasi e rrahu barbarisht. Baftiu ka apeluar te të gjithë prindërit që të përkushtohen më shumë te vajzat e tyre dhe të mos ju paguajnë dasma të shtrenjta por më mirë t’i blejnë libra.


Itali / Nën efektin e drogës dhe me shpejtësi, shqiptari me “BMW” hipën mbi trafikndarësen

Një aksident që mund të përfundonte në tragjedi, ka ndodhur pasditen e djeshme në Itali, ku ishte përfshirë një shqiptar. Në qytetin e Frosinone, dy makina u përplasën me njëra-tjetrën, një prej të cilave drejtohej nga një shqiptar.Makina e këtij të fundit përfundoi në vijën ndarëse të rrugës dhe trotuarit, duke shkatërruar bordurën. Shoferi shqiptar rezultoi nën ndikimin e narkotikëve dhe u shoqërua menjëherë në polici, ku më pas është marrë nën mbrojtje nga një avokat. Rruga ku ndodhi aksidenti, ishte e mbushur me njerëz, të cilët ishin me fat të mos ishin pjesë e një masakre njerëzore.


Erion Braçe del me metër për të matur rrugët: “Inxhinierët injorantë të Facebook nxijnë pas çdo pune”

Zv/kryeministri Erion Braçe u është përgjigjur kritikëve për rrugët e ndërtuara në zonën e Lushnjes. Ai është shfaqur me metër në dorë duke treguar gjerësinë e rrugës në Gradishtë dhe Gungas. Braçe shprehet se inxhinierët e Facebook nxijnë pas çdo pune dhe plasin pas çdo vepre.


“Puna vlen! Nderi e dinjiteti gjithashtu! Fyerjet, sharjet, mllefi, shpifjet i kthehen pas pruresit me te pare!; Sic e kerkon e sic e meriton! Me kerkese te klienteve banale te Facebook, thashe ti ve metrin rrugeve; Kerkesa erdhi nga ata qe kurre nuk kane bere ndonje pune ne jeten e tyre, INGJINIERET E FEJSBUKUT, te cilet, nxijne pas cdo pune, plasin pas cdo vepre!

Ne Gradishte Arteriea Kryesore eshte nga 4.60 deri ne 4.70 METRA; Ne Gradishte rruget neper lagje te brendeshme te fshatit jane nga 3.80 deri ne 4.20 METRA; Ne Gungas arteria kryesore dhe unaza qe te con neper lagje te fshatit eshte nga 4.20 deri ne 4.30 METRA! Pra as 3 e as 3.5 meter!

VO: tani ftoj gjithe INGJINIERET E FEJSBUKUT te udhehequr nge dy Euqenet, keshilltari leqendar i partise qe ka ardhur te ndricoje Myzeqene me injorancen epike te tij dhe Dordomuzin, patjeter Dordomuzin, te shajne e fyejne, rrahin cilindo qe perdor rruget e reja!”, shkruan ai.

E rëndë në Greqi/ I moshuari gjendet i pajetë në oborrin e shtëpisë, trupi ishte shqyer nga kafshët

Një ngjarje e rëndë është regjistruar këtë të martë në Greqi. Një 82-vjeçar është gjetur i pajetë në oborrin e shtëpisë së tij në fshatin Xenies në komunën e Andravida-Kyllini. Akoma më e rëndë, sipas mediave Helene, është fakti se trupi i tij ishte shqyer nga kafshët. Nga hetimet paraprake, i moshuari ka ndërruar jetë për shkaqe natyrore por ekzaminimet mjeko-ligjore do të japin përgjigje të saktë mbi këtë ngjarje.


Greqia hyn në një spirale të rrezikshme/ Rregjistrohen 4608 raste të reja me Covid, 32 jetë të humbura

Greqia ka regjistruar ditën e sotme një rekord të ri të infektimeve me Covid-19. Autoritetet shëndetësore raportojnë se në 24 orët e fundit janë regjistruar 4608 raste të reja nga 2600 që ishin një ditë më parë. Numri i viktimave mbetet po i lartë duke u regjistruar 32 të tilla, ndërsa që nga fillimi i epidemisë janë regjistruar gjithsej 13,466 vdekje. Aktualisht në intubim po trajtohen 326 pacientë. Mosha mesatare e tyre është 65 vjeç. Ndërkohë gjatë 24 orëve të fundit në spitale janë shtruar 272 pacientë të rinj të prekur nga COVID.