Benzi përplasi për vdekje drejtuesin e motorit në aksin Korçë-Bilisht/ Arrestohet 30- vjeçari

Arrestohet autori i aksidentit me vdekje ditën e djeshme në aksin Korçe- Bilisht. 30-vjeçari Adi Koçileri ishte duke qarkulluar në rrugë kur ka përplasur 77-vjeçarin i cili po drejtonte një motor pa targa.

NJOFTIMI NGA POLICIA


Në vijim të informacionit paraprak datë 24.08.2021, ju informojmë se specialistët e Sektorit për Policinë Rrugore në DVP Korçë, bënë arrestimin në flagrancë për veprën penale “Shkelja e rregullave të qarkullimit rrugor” të shtetasit A. K., 30 vjeç, banues në fshatin Hoçisht, Devoll, pasi mbrëmjen e djeshme, pranë kryqëzimit të fshatit Cangonj, Devoll, ky shtetas duke drejtuar mjetin tip “Benz”, është përplasur me mjetin motor tip “Piaggio”, pa targa, me drejtues shtetasin A. Sh., 77 vjeç, banues në fshstin Cangonj, Devoll, i cili për pasojë ka gjetur vdekjen e menjëhershme.

Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme.