“Habitet dhe Stresi” i shkruan Mark Markut pas dorëheqjes: “Truri qenka kokërr gruri…”

Një pjesë e demokratëve nuk e kanë kapërdirë dorëzimin e mandatit të deputetit nga Mark Marku dhe largimin nga strukturat e tjera të PD-së pas kritikave të forta për ish-kryeministrin Sali Berisha dhe kryetarin Lulzim Basha.Mes kritikëve është edhe Arkimed Lushaj i njohur si “Stresi”, i cili ka replikuar në postimin e Mark Markut në Facebook duke u revoltuar, pasi sipas tij është dorëzuar përballë Ramës.

“Mirditoret qe njohim ne I nderuar Mark Marku Nuk Dorzohen kurre , ne kemi mbi 30 vjet me te mirat e Te keqijat e partise prap nuk dorezohemi Dhe do jemi gjithmone krenare per kauzen tone… Mirdita te besoj kurbini lezha por jo Te dorezohesh … kam pasur rrespekt Dhe kam per ju sepse jeni njeri I zgjuar por truri qenka met vertet sa nje kokerr gruri” shkruan “Stresi”.


Ti mund të vishesh bukur, por jo si ky çift të moshuarish që po bëjnë namin në rrjetet sociale

Një çift nga Gjermania na dëshmon se plakja është po aq e lezetshme sa adoleshenca. Me stilin e tyre të patëmetë në modë, nuk është për t’u habitur se Britt Kanja dhe Günther Krabbenhöft po shkaktojnë një trazirë në internet. Çifti i të moshuarve ka grumbulluar mijëra ndjekës në rrjeteve sociale falë stilit të tyre të veçantë


Britt Kanja mund të konsiderohet si një nga gratë më me stil në Berlin. Me profesion si kërcimtare, ajo ka shëtitur në të gjithë botën. Në mesin e viteve ’80, themeloi në Berlin 90°Club, i njohur për festat e çmendura.

Britt thotë se frymëzohet nga Audrey Hepburn dhe i dizenjon vetë veshjet. Merr pjesë nëpër evente mode dhe në ditë të zakonshme, e sheh të lëvizë me skuter ose patina nëpër rrugët e Berlinit.

Britt dhe Günther ndajnë një dashuri për modën dhe, padyshim, shijen e shkëlqyeshme.


Britt thotë se i dizajnon rrobat vetë dhe se kalon shumë kohë për të zgjedhur materialet. Günther u bë viral dhe madje u quajt “Gjyshi Hipster”. Fotot e tyre janë të realizuara deri në detaje, ndërsa ata kombinohen në mënyrë perfekte me njëri-tjetrin.


FOTO/ Mbërrin në Rinas avioni i dytë me 95 Afganë

Në Aeroportin “Nënë Tereza” në Rinas ka arritur aeroplani i dytë me afganët, që do të strehohen në Shqipëri. Ministria e Punëve të Jashtme bën me dije se në këtë aeroplanishin 95 afganë, ku 2 ishin foshnje qe po zbresin nga avioni i modelit Airbus A330. Ata po priten nga vetë ministrja e jashtme Olta Xhaçka, e cila ka shkuar paraprakisht në aeroportin e Rinasit, bashkë me ekipin e mjekëve dhe disa ushtarë.

Kujtojme qe Sot në orën 03:20, mbërriti në aeroportin e Rinasit aeroplani i parë me 121 qytetarë afganë, mes të cilëve 11 foshnja që janë strehuar në Durrës. 121 afganët e parë erdhën me aeroplan civil nga Tbilisi. Shqipëria do të strehojë përkohësisht 4,000 afganë deri sa ata të marrin vizën për të udhëtuar në Shtetet e Bashkuara të Amerikës.



Europa League,short i balancuar pa përballje të forta/ Ja grupet dhe ballafaqimet e ekipeve

Shorti ishte i balancuar edhe për fazën e grupeve të Europa League. Në grupin A Olympique Lyon, Rangers, Sparta Praga dhe Brondby i Danimarkës. Francezët janë favoritja kryesore në këtë grup.

Grupi B është edhe një nga më interesantët e këtij kompeticioni pasi “përplasin brirët” Monaco, PSV Eindhoven, Real Sociedad dhe Sturm Graz.

Napolin është në grup me anglezët e Leicester City-t do të ketë si kundërshtarë edhe Spartakun e Moskës dhe Legian e Varshavës skuadër ku luajnë edhe dy ish-futbollistët e Tiranës, Muçi dhe Çelhaka.


Në grupin D bëjnë pjesë ekipe si Olympiacos, Eintracht Frankfurt, Fenerbahce dhe belgët e Antwerp.

I luftuar do të jetë kualifikimi në grupin E, ku përveç Lazio bëjnë pjesë edhe Lokomotiva e Moskës, Olympique Marseille dhe Galatasaray.

Braga, Crvena Zvezda, Ludogorets dhe Midtjylland janë në grupin F.

Ferencvaros i Myrto Uzunit do ta ketë të vështirë në grupin G me gjermanët e Bayer Leverkusen, Celtic Glasgow dhe Real Betis.

Në grupin H favoritë dukën anglezët e West Ham të cilët janë shortuar me Dinamo Zagreb, Genk dhe Rapid Viena. Ky sezon vjen me një format ndryshe. Nga 48 skuadra dhe 12 grupe që ishin më parë do të jenë vetëm 8 grupe dhe 32 skuadra.


8 ekipet që do të klasifikohen në krye të grupit kalojnë në fazën e 1/8-ave ndërsa 8 skuadrat e renditura në vendet e dyta do të përballen me 8 skuadrat që vijnë nga Champions për të përcaktuar 16 ekipet që do të marrin pjesë në raundin e 1/8-ave.

Ndeshjet e para të fazës së grupeve të këtij edicioni të Europa League do të zhvillohen në datën 16 Shtator.

Të largohet emërtimi sllav/ Ky është një tjetër qytet shqiptar pritet të ndryshojë emrin…

Pas ndryshimit të emrit të bashkisë Ura Vajgurore në bashkia Dimal, Çorovoda është nisma e radhës. Sipas një sondazhi të kryer prej drejtuesve të bashkisë së Skraparit, qytetarët e kësaj treve, intelektualët dhe e gjithë diaspora kërkon që toponimi sllav i qytetit Çorovodë (çjerrna voda – uji i zi), të zëvendësohet me qyteti Skrapar.

Pritet që nisma të kalojë në këshillin bashkiak dhe më pas të shqyrtohet në komisionet parlamentare në formën e një projektligji. Nisma do të udhëhiqet prej kryebashkiakut të Skraparit, Adriatik Mema dhe një grup gazetarësh të zonës. Bashkia Skrapar së bashku me stafin e tij kanë si synim inplementimin e disa projekteve afatgjatë në këtë bashki, ku ndër më interesantet janë rijetësimi i qytetit ilir të Orgesës në fshatin Prishtë dhe të kalasë antike të Skraparit.


Habit modelja : S’bëj dot punë normale, jam shumë s*ksi dhe provokuese/ Ja çfarë me ndodh gjatë intervistave…

Një modele ka pohuar se nuk mund të marrë një punë “normale” sepse “të jesh kaq e nxehtë” do të thotë që intervistuesit shpesh intimifikohen prej saj. Amy Kupps, 32 vjeç, kishte punuar në një shkollë duke mësuar histori për 13-14-vjeçarët, por thotë se ajo ishte e detyruar të linte kur Drejtori zbuloi se ajo gjithashtu kishte një llogari OnlyFans në lëvizje. Që atëherë, ajo është përpjekur të gjejë atë që të tjerët priren ta konsiderojnë si një punë më konvencionale.

32-vjeçarja tha:

Të qenit kaq seksi ka qenë gjithmonë një ‘problem’ për mua. Tani frikësohem për djemtë që më intervistojnë. Unë shkova për një intervistë pune në një dyqan dhe menaxheri më tha të vija në zyrën e tij. Kur u ula, ai më pa dhe u turbullua. Ai vazhdonte të më shikonte në gjoks dhe fytyrë, djersitej në mënyrë të pakontrollueshme dhe dridhej dhe nuk mund të mendonte për pyetje. Pas një farë kohe menaxheri tha se duhej të shkonte në tualet dhe kur u ngrit, kishte një fryrje të madhe në pantallonat e tij tha per Ladbible



Po lëviznin në unazën e qytetit të Korçës/ FRONTEX kap familjen e emigrantëve të paligjshëm

Frontex ka kapur këtë mbrëmje një familje emigrantësh të paligjshëm në qytetin e Korçës. Familja me gjashtë anëtarë, çiftin e bashkëshortëve dhe katër fëmijët, janë kapur pak minuta më parë në unazën e qytetit. Ata ishin duke ecur nëpër qytet, kur janë konstatuar nga policia. Menjëherë pasi janë ndaluar nga shërbimet, anëtarët e familjes janë transportuar në Drejtorinë e Kufirit për veprime të mëtejshme proceduriale .


Kompleksi i ri i DRSHTRR Korçë, kushte dinjitoze për shërbimet e transportit (Foto)

Drejtoria e Përgjithshme e Shërbimeve të Transportit Rrugor ka nisur punë për kompleksin e ri të shërbimeve të transportit rrugor në Korçë. Kompleksi i ri do ofrojë kushte dinjitoze të ofrimit të shërbimeve të transportit rrugor për qarkun juglindor. Lajmi bëhet i ditur nga Drejtoria e Përgjithshme e Shërbimeve të Transportit Rrugor, e cila informon se vijon me ritëm puna në kantieret e transformimit të DRSHTRR Korçë në një kompleks të ri e në kushte dinjitoze të ofrimit të shërbimeve të transportit rrugor për qarkun juglindor.

Kushte optimale pune dhe sigurie shërbimi, infrastrukturë tërësisht e re, në standarde për qytetarët, punonjësit dhe arkivat, monitorimin dhe gjithë proceset e testimit dhe certifikimeve”, thuhet në njoftimin e DPSHTRR-së.


Pas avionit të parë me 121 Afganë, sot nisen për Shqipëri dy avionë të tjerë

Dy avionë të tjerë me shtetas afganë do të mbërrijnë mbrëmjen e sotme në Shqipëri. Lajmi bëhet i ditur nga Ministria e Jashtme, e cila njofton se avioni i parë nga Kabuli pritet të mbërrijë pak para mesnatës e pas tij edhe avioni i dytë.

Gjatë mbrëmjes së sotme priten të mbërrijnë në Tiranë dy fluturime të tjera me qytetarë afganë. Avioni i parë nga Kabuli pritet të mbërrijë pak para mesnatës e pas tij edhe avioni i dytë. Pasagjerët do të priten në pistë nga Ministrja për Evropën dhe Punët e Jashtme, Olta Xhaçka. Me uljen në pistën e Rinasit do ju bëhen me dije detaje të tjera”, thuhet në njoftimin e Ministrisë.

Kujtojme qe Afganët e evakuuar nga vendi i tyre janë njerëz që i kanë shërbyer qeverisë amerikane, ndërsa pas marrjes së pushtetit nga talebanët ju rrezikohet jeta


Studimi /Nuk janë as kolla dhe as ethet, zbulohet simptoma kryesore e Covid-19

Është zbuluar një simptomë e Covidit si treguesi më i besueshëm që ju jeni të infektuar dhe nuk është një kollë e vazhdueshme ose ethe e lartë, thonë ekspertët. Studiuesit nga studimi i aplikacionit ZOE Covid në King’s College London, kanë gjetur mënyrën më të sigurt për të zbuluar nëse jeni pozitiv dhe ajo është humbja e shijes ose erës.


Dikush që ka këto dy simptoma, ka 17 herë më shumë gjasa të ketë kontraktuar koronavirus sesa dikush pa të, pohon ekipi. Në fillim të pandemisë, aplikacioni përdori raporte simptomash dhe teste nga miliona kontribues për të konfirmuar anosminë (humbjen e nuhatjes), ethet dhe kollët mund të parashikonin që dikush kishte virusin edhe pa u testuar.

Humbja e nuhatjes ose humbja e shijes ka qenë vazhdimisht parashikuesi më i fortë i një infeksioni Covid në të gjitha platformat, rajonet dhe popullatat.

“Për më tepër, humbja e nuhatjes ose e shijes mbeti parashikuesi më i mirë i një rezultati pozitiv të testit pavarësisht nga mosha, gjinia ose ashpërsia e një personi. Sidoqoftë, analiza e ekipit gjithashtu tregoi se të kesh një temperaturë të lartë (ethe) dhe simptoma të mushkërive si gulçim ose kollitje ishin gjithashtu të lidhura fort me Covid-19.


Gjetjet tona konfirmojnë se humbja e erës është një parashikues i fortë i një infeksioni. Falë këtyre gjetjeve, anosmia u shtua në listën e simptomave zyrtare për të marrë një test PCR së bashku me kollën dhe ethet”, thuhej në një deklaratë të ZOE.

Rezultatet e studimit janë në një punim të publikuar në Lancet Digital Health.