Aksident, makina bie nga disa metra lartësi, 2 të plagosur

Një aksident ka ndodhur pasditen e sotme afër hyrjes së Parkut të Dajtit, ku një makinë ka humbur kontrollin dhe ka rënë nga disa metër lartësi. Për pasojë janë plagosur drejtuesi i mjetit A.LL, 33 vjeç dhe pasagjerja në mjet shtetasja J. J., 22 vjeçe, të cilët ndodhen në spital, nën kujdesin e mjekëve, paraprakisht jashtë rrezikut për jetën.

Më datë 29.08.2021, rreth orës 17:10, afër hyrjes së Parkut të Dajtit, shtetasi A. Ll., 33 vjeç, ka humbur kontrollin e mjetit, duke dalë nga rruga. Si pasojë është dëmtuar drejtuesi i mjetit dhe pasagjerja në mjet shtetasja J. J., 22 vjeçe, të cilët ndodhen në spital, nën kujdesin e mjekëve, paraprakisht jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave të aksidentit”, njofton policia.


Vjehrra i thoshte kam punuar në SHIK dhe di çdo gjë për ty, nusja tenton vetëvrasjen

Ajo është 29 vjeçe. Ajo 71. Që ditën e parë që u takuan nuk u pëlqyen. Por sidomos kur nusja e re shkeli në shtëpinë e re. Grindjet mes tyre kanë kulmuar me reagime nga më të pabesueshmet, që nga paralajmërimi se vjehrra kishte punuar në SHIK dhe dinte çdo gjë nga e kaluara e vajzës.

Në një rast, e moshuara i ka drejtuar armën me urdhërin ”nëse nuk largohesh nga kjo shtëpi do ta shkrep”, kurse më pas, teksa e reja nuk po mbetej shtatzënë ajo i thoshte – ke tre muaj afat, po nuk re me barrë do të përzë.


Në një moment vajza është dorëzuar dhe ka kërkuar ndihmën e familjes së vajzërisë, por e moshuara i ka nxjerrë jashtë, duke u kujtuar se “kjo është shtëpia ime, di unë ç’bëj këtu”.

Vila ku jeton çifti, është kthyer në një vatër grindjesh mes dy grave dhe secila ka zgjedhur të jetojë në kate të ndara, por sërish takimet e tyre në koridor dhe në oborr shoqëroheshin me akuza të rënda, mbasi e moshuara e cila pretendonte se dinte çdo gjë, pasi kishte lidhje në SHIK, ulërinte, “nuk zgjohet k…., po i ujis unë lulet. Më ka ardhur nusja nga semafori”.

Deri ditën kur nusja e re, sipas burimeve të GazetaSi.al, e cila kishte vendosur të bashkëjetonte me djalin e saj, është dorëzuar dhe kjo ndodhi në muajin qershor, kur në krye të një viti martesë dhe ende s’kishte mbetur shtatzanë siç kërkonte vjehrra, ajo nuk i duroi më dot akuzat “kam nuse shterpë”.


Sipas burimeve të sigurta policore të GazetaSi.al pranë komisariatit numër 6, në konflikt e sipër, gruaja e re në bashkejetesë dhe ende e pacelebruar, pasi njoftoi të dashurin, “eja se do v ras veten”, mori një kabëll dhe me të tentoi.

Fatmirësisht ndërhyrja ishte e shpejtë dhe në kohë, por kur e reja doli nga vështirësia për jetën, dëshmia e saj nga spitali ishte në kufijtë e të pabasuesshmes, se deri ku të çon urrejtja.

“E ndërmora këtë veprim për t’i dhënë fund jetës, – tha gruaja me inicialet N.K, – pasi d huna psikologjike u bë e padurueshme, presioni psikologjik ishte sistematik prej saj dhe nëna e bashkëjetuesit ishte e vendosur të mos dorëzohej. Mora telin si kabëll nga veglat e punës së partnerit dhe me të tentova të vetv arem në banesë. Njoftova bashkëjetuesin, i cili kishte marrë në telefon të afërmit që jetojnë fare pranë nesh dhe ata më shpëtuan“.

Policia tregon se banesa e pajisur me kamera sigurie, tregon lëvizjet e çorientuara të gruas që lëviz në oborr e më pas kur ajo tenton të vetvaret.


Policia përshkruan për GazetaSi.al.

“Ajo ngjitet me një si litar në dorë në verandën e banesës, në dorën tjetër ka një stol, shtrëngon litarin, pastaj duket në kamera e çorientuar, duke folur në telefon”.

Në dukje, sipas policisë, dikush e merr në telefon dhe gruaja shfaqet e revoltuar, duke folur në telefon, herë pas here i ul duart poshtë dhe lëviz rreth e rrotull stolit.Në pamje, sipas burimeve të policisë, gruaja ngjitet drejt stolit, por aty ndërhyn një efektiv policie, i cili e ndihmon duke shmangur pasojën për jetën.

“Gruaja duket e tensionuar dhe qan”, – shkruan oficeri i policisë, që ndërkohë nuk harron të evidentojë se askund nuk duket anëtarja tjetër e familjes, e moshuara që është kundërshtare e lidhjes së çiftit.

Policia deklaron se nga këqyrja, 29-vjeçares i konstatohet ngjyra mavi e lënë nga litari përreth qafës. “Kam një vit që kur vendosëm që të bashkëjetonim që shkova në atë shtëpi. Ajo vetëm më fyen, gjen çdo rast dhe mundësi. Më ka qëlluar me sende të forta dhe në dhjetor 2020 më drejtoi a utomatikun, duke më k ërcënuar se nëse nuk ikja prej andej, do më v riste. Ditën e fundit, gjendja u përkeqësua, mbasi më k ërcënoi se do më v riste dhe situata u rëndua, mbasi mora vesh që ajo kishte porositur një të afërm të fisit për t’më v rarë dhe për këtë gjë njoftova bashkëshortin”.

Por të renë, e ka qetësuar në telefon i dashuri, i cili ka thënë mos t’ia vinte re e mos ta dëgjonte, mbasi e ëma ishte e moshuar dhe nuk duhej të mërzitej me të.Por pak çaste pas kësaj telefonate, e moshuara ka dalë në oborr dhe e ka kërcënuar sërisht “do ta marr jetën pak e nga pak, më mirë v rit veten”.


“Ndodhur në këto kushte, ajo është bindur se nuk kishte asnjë zgjidhje tjetër ndaj dhe është rënduar psikogjikisht”, shkruan policia sipas burimeve të GazetaSi.al.

“Ndonëse i riu është munduar që ta qetësojë gjendjen midis tyre, ai nuk ia ka dalë, edhe pse shumë herë ka qenë i pranishëm në debate dhe k ërcënime”, – thuhet më tej në dosjen që iu tregua GazetaSi.al.

I ndodhur mes dy zjarresh, nga njëra anë e ëma dhe nga ana tjetër e dashura, i riu thotë në polici se kishte dijeni për situatën, por ka shpresuar se të dyja ato do ta gjenin gjuhën dhe se do të mirëkuptoheshin.

“Jam munduar që t’i qetësoj dhe kam shpresuar se gjërat do bëheshin më mirë. Por ato nuk pëlqeheshin. Në lidhje me pretendimin se mamaja ka porositur një të afërm nga Lezha për ta v rarë gruan time, them që ajo është keqkuptuar, mbasi i afërmi erdhi për vizitë familjare dhe mandej u largua”, – deklaron nga ana e tij shtetasi N., identiteti i të cilit nuk publikohet nga GazetaSi.al, për shkak të ndjeshmërisë që ka çështja.

Burimet e GazetaSi.al, sqaruan ekskluzivisht, se e moshuara nuk është a rrestuar për shkak të moshës së thyer, e megjithatë, ndaj saj është ngritur nga policia akuza e d hunës në familje dhe shkaktimi i vetv rasjes. Ajo justifikohet.


Vjehrra

“Nuk kam pasur asnjëherë mardhënie të mira me nusen, mbasi e kam kuptuar që ajo ka plan t’më përzërë nga shtëpia. Nuk më do, nuk do të jetoj me ta. Në lidhje me a rmën që pretendon nusja, e kemi me leje. Ndërsa dua të them se nuk kam unë probleme mendore, por nusja, që kur e kapi Covidi nuk është mirë mendërisht dhe ajo merr trajtim për tensionin”.

Dëshmia e nuses

Por nusja insiston se vjehrra, sapo ajo mbërriti në shtëpi, i tha “mblidhe mendjen dhe rri mirë se unë kam punuar në SHIK dhe di çdo gjë”.

Insistimit të policisë se çfarë kishte nënkuptuar e moshuara me këtë fjali, e reja e interpreton.

Nusja: Sipas saj, duhet të mblidhja mendjen e të sillesha sa më mirë dhe se çdo që kisha bërë sipas saj, duhet të quhej e ikur. Vjehrra më tha se kishte mbledhur informacione për mua, nga që kishte punuar në SHIK dhe sa herë më ngacmonte për të kaluarën, unë për të shmangur debatet, mbyllesha në dhomë. Fillova të kisha frikë prej saj se mos më helmonte dhe nuk haja më. Në shumë raste, sapo i shoqi i saj largohej për në punë, në dhomë i shfaqej vjehrra.


Nusja: “Më urdhëronte, më hiqte batanijen, më thoshte: ‘Çohu se nuk ke pjellë dhe pastaj bërtiste nëpër korridor, më ka ardhur k… nga semafori më ka zënë derën’”.

E reja insiston se vjehrra foli me njërin nga të afërmit e saj dhe ajo e dëgjoi kur i thoshte “do i dalësh para, vër një kapuç , lidhi duart, qethe tullac dhe qëlloje me levë në kokë”.

Madje sipas dëshmisë së saj, kur ajo njoftoi të shoqin të vinte sa më shpejt se po planifikonin v rasjen e saj, dhe kur ai mbërriti dhe kërkoi llogari, kushëriri tha” “Po e vërtetë është, bëni kujdes prej saj” Debatet mes tyre kanë vijuar vetëm për vetëm, mbasi kushëriri u tërhoq dhe mbas kësaj, vjehrra i kishte thënë: “Mos ki merak, se do të bëj të v desësh pak e nga pak”. /Gazeta “Si”/

Kledi Kadiu ndan lajmin e gëzueshëm” baba për herë të dytë”

Charlotte Lazzari janë bekuar me një djalë, të cilin e kanë pagëzuar me emrin Gabriel. Lajmin e ëmbël e ka bërë me dije vetë Kledi përmes një postimi në Instagram. Ai ka publikuar një foto ku shihet dora e vogëlushit të porsalindur, ku ka shkruar emrin dhe momentin e lindjes së të birit. “Gabriel 29 Gusht 2021, 13:48”

Para pak kohësh, Kledi dhe partnerja e tij Charlotte kanë dhënë lajmin e gëzueshëm për të gjithë ndjekësit se do të bëhen prindër për herë të dytë. Kledi dhe Charlotte ndanë foto të ekos së bebushit në bark, duke zbuluar se do të vijë në jetë në muajin gusht dhe më në fund ai moment kaq i bukur për familjen erdhi. Kujtojmë se para pesë vitesh, Kledi Kadiu, u bë baba për herë të parë. Partnerja e tij Charlotte solli në jetë një vajzë që e pagëzuan me emrin Lea, e cila ishte një kopje e vogël e mamasë së saj.


Ndahet nga jeta Sherif Merdani, Maestro Zhani Ciko: “Ishte simbol i lirisë dhe historisë së këngës shqiptare”

Dhimbje dhe trishtim ka lënë për miqtë dhe kolegët lajmi i ndarjes nga jeta të këngëtarit të muzikës së lehtë shqiptare Sherif Merdanit. Me zërin që i dridhej Maestro Zhani Ciko në një lidhje telefonike për Report Tv tha se ky lajm e trishtoi shumë, pasi artit shqiptar i iku simboli i lirisë dhe i historisë së muzikës tonë. Teksa plot mall e trishtim fliste për momentet se si ishte njohur me Merdanin, Zhani Ciko tregoi edhe një moment se si pas viteve ’90 pas një Sherif të thinjur dhe të ndryshuar por që e kishte njohur menjëherë timbrin e zërit të tij.

“Ishte një lajm i papritur dhe shumë i hidhur, pasi ai nuk ishte vetëm një shok apo muzikantë, por ishte simboli i lirisë dhe krijimtarisë. Ishte simbol për lirinë e interpretimit që për rrethanat e kohës ai u dënua rëndë, ishte një ndëshkim i paragjykuar. Moment i lumtur ishte kur pas viteve 1990 shoh një njeri që më ngjasonin e të por ai kishte ndryshuar, ishte thinjës dhe ndryshuar në fytyrë. Sapo dëgjova zërin e njoha që ishte ai, donte të rindërtonte sërish jetën e tij muzikore. U bë simbol i historisë së këngës”, tha Ciko.