Të ftuara sot në “Rudina” në Tv Klan, dy partneret Alba Ahmetaj dhe Edlira Mara kanë rrëfyer historinë e tyre të dashurisë. Ato na tregojnë se si nisën ndjenjat e tyre të para që më pas e kurorëzuan në një marrëdhënie 12-vjeçare. Të njohura në një festë nga një mik i përbashkët, për to ka qenë dashuri me shikim të parë, emocionet e së cilës Eda i rrëfen njësoj sikur gjithçka të kishte ndodhur dje.

Rudina Magjistari: Ndërkohë me njëra-tjetrën keni gati 12 vite? Alba Ahmetaj: Po, që në 2010. Rudina Magjistari: Jeni njohur në një festë rrëfyem ne shkurtimisht, por si ka ndodhur në fakt?

Edlira Mara: Jemi njohur në një festë bashkë me Albën. Takimi ka qenë nëpërmjet një mikut tonë të përbashkët. Në fakt unë sa kam parë Albën ka qenë shkëndijë. Nuk e kam besuar pjesën e shkëndijës, por vërtet që para 12 viteve dhe sot e tre muajve ka ndodhur kjo. Albën e mbaj mend sikur ta kem përballë tani, me atë këmishën e bardhë, xhinset, takat, mënyrën se si më shikonte dhe se si e shikoja dhe unë. Kemi biseduar në atë ritmin e lartë të muzikës, unë që afrohesha të bisedoja pak me të sepse nuk dëgjohej ajo që thoja. Alba më afronte veshin, flokët e saj që binin tek unë, kaçurrelat…

Rudina Magjistari: Do të shkruash një libër më duket, se si një shkrimtare po e rrëfen të gjithën. Edlira Mara: Kam pasur shumë emocione dhe kur jam kthyer në shtëpi, mesazhi i parë që unë kam marrë nga Alba ka qenë…kaçurrelave të mia po iu mungon që tani.

Rudina Magjistari: Do të shkruash një libër më duket, se si një shkrimtare po e rrëfen të gjithën. Edlira Mara: Kam pasur shumë emocione dhe kur jam kthyer në shtëpi, mesazhi i parë që unë kam marrë nga Alba ka qenë…kaçurrelave të mia po iu mungon që tani.

Rudina Magjistari: Kur e more guximin, hapin për ta ndarë me familjen?

Alba Ahmetaj: Për ta ndarë me familjen shumë vite më vonë. Ka ndodhur kur kam qenë diku te 33 vjeç, kështu që kanë kaluar shumë vite. Kam qenë në një lidhje me Edën kur mora guximin sepse nuk mund t’i gënjeja sepse e ke parasysh, duhet të shkosh në shtëpi, t’iu thuash prindërve që “kjo është shoqja ime e ngushtë”, nuk mund t’iu thuash që “kjo është dashuria e jetës time” apo që do të krijosh familje, pavarësisht se atëherë krijimi i familjes me fëmijë, gjithmonë, ka qenë thjesht një ëndërr, por është e vështirë.

Rudina Magjistari: Dhe si reaguan ata? Nuk e pritën mirë. Prindërit e mi kanë këtë fiksimin me “çfarë do thotë bota?” dhe ajo na ka dëmtuar shumë sepse ka ndikuar në marrëdhënien tonë gjithmonë, fakti që nuk e pranuan dot marrëdhënien time me Edën asnjëherë. Një periudhë kohe nuk folëm, por më pas u rilidhëm, tani kemi marrëdhënie, por Eda nuk është pjesë e asaj marrëdhënieje dhe mua kjo gjë më vret shumë.

Rudina Magjistari: Pra nuk arrijnë dot ta pranojnë, nuk e bëjnë dot këtë hap?

Alba Ahmetaj: Jo, është shumë e vështirë./tvklan

Nga Kreshnik Spahiu

20 vite më parë jetoja dhe punoja në Londër. Një mëngjes dimri me shi, krejt papritur në zyrën time u shfaq Arbëresha vajza e Hasanit, të cilën e kisha shoqe fëmijërie që nga gjimnazi. Ajo ishte një vajzë inteligjente, e edukuar dhe me shumë humor, por jeta i kishte marr ters disa herë.

Ajo vinte nga një familje e varfër dhe me shumë probleme konfliktuale të dhunshme brenda fisit. Për këto arsye ishte larguar për një jetë sa më të mirë nga Shqipëria drejt Londrës. E pyeta: “Arbëresha si i ke hallet?” Keq, keq Kreshnik-ma ktheu. ”Jam pa punë. Jetoj me 3 shoqe në 50 metra/2 dhe paguajmë 1200 paund qira në periferi të Londrës”.

Po ndonjë gjë tjetër- i thashë: “Pooo Kreshnik, kam një lajm të mirë. Muajin tjetër do martohem me princin e Britanisë së Madhe dhe jam shumë e lumtur”. Uaaaaaa klitha unë dhe e pyeta instinktivisht: “Sa e sigurt është kjo lidhje dhe martesa?”. 50% me 50% ka shanse o Kreshnik-ma ktheu Arbëresha pa ju dridhur syri. Unë ngrita supet dhe e pyeta i habitur: “Çfarë nënkupton me 50% – 50% martesë se nuk po marr vesh gjë”.

Dëgjo Kreshnik, foli Arbëresha e heshtur: “Unë dhe Hasani jemi dakord nga ana jonë, por ende nuk dimë mendimin e Princit dhe Mbretëreshës se nuk na njohin hiç fare kush jemi, por babit tim i pëlqen si ide.” pra vazhdoi ajo: “50% pro, jemi unë dhe Hasani. 50% kundër janë Princi dhe Mbretëresha”. Qesha me lot dhe mu kujtua sot kjo histori.

Po lexoja sondazhin e rinisë austriake e cila me shumicë ishte shprehur se nëse shqiptarët do hyn në Bashkimin Europian atëherë ata do dalin nga BE. Ky nuk ishte sondazhi i parë. Një muaj më parë 62% e gjermanëve, 60% e francezëve, 59% e portugezëve ishin shprehur se nuk dëshirojnë që shqiptarët të bëhen pjesë e “familjes” së tyre.

Kam disa ditë që marr mesazhe nga qindra lexues të cilët më pyesin: “Kreshnik, pse nuk na do Europa” dhe “Çfarë të keqe ju kemi bërë ne, evropianëve?!” Analiza është shumë e thjeshtë. Njësoj si vajza e Hasanit që donte të martohej me nipin e Mbretëreshës.
Njëra palë do, tjetra jo. Martesë me zor s’ka. Thjesht, ne ju dukemi aq të prapambetur dhe të pazhvilluar sa ata nuk duan të lidhin krushqi me ne. Do thoni ju: “E ka gabim Europa”.

Ndoshta janë 100% gabim ata, por ç’rëndësi ka, kur kombet evropian nuk kanë fijen e dashurisë dhe respektit ndaj nesh. Urrejtja dhe dashuria ndahet nga një fije floku. Mos harroni në 110 vjet shtet shqiptar, vetë kombet evropian kanë bërë 3 luftëra të përgjakshme dhe 3 bashkëjetesa paqësore me njëri-tjetrin brenda një shekulli. Thjesht ne jemi krejtësisht të parëndësishëm. Nuk u vlejmë atyre:

– as për martesë
– as për divorc
– as për dasmor
– as për krushqi
– as për komshi

Ne thjesht duhet ta kishim kuptuar me kohë, që martesë me zor nuk bëhet. Më mirë të largohemi me dinjitet, sesa duke ngjallur neverinë, keqardhjen, të qeshurat dhe cinizmin e fëmijëve të “mbretit” dhe “mbretëreshës”. Prici nuk ndjen asgjë për vajzën e Hasanit.
Ashtu si martesa e tyre, edhe kjo dasma e jonë me Evropën i ka shanset 50% me 50%.
50% pro jemi ne. 50% kundër është Evropa.

Adrenalina” është kënga më e fundit e publikuar nga Anxhela Peristeri. Artistja Korçare tregoi në “Abc e Pasdites” me Ermal Peçin se ky projekt do ti paraprije edhe këngëve të tjera për këtë sezon. Por si kanë qenë reagimet për hitim me te ri ‘Adrenalina’? …..Ermali lexon disa komente të bëra në YouTube të cilat ishin mjaft interesante…..Disa prej tyre e cilësonin këngë të denjë për Eurovizion, ndersa nuk mungonin edhe propozime martese ose pyetja nëse e ka bërë apo jo dasmën…

“Po të jem martuar, me trashëgime. Po të jem beqare, propozimet le të vazhdojnë në inbox”- tha duke qeshur Anxhela.

Ndërkohë Ermali e pyet nëse është ka mundësi për t’u rikthyer sërish në Eurovizion. Anxhela u pergjigj se nëse do të kthehej, do ta bënte sërish me një baladë dhe jo me një këngë ritmike.

“Nëqoftëse do të rikthesha sërish në Eurovizion, do të rikthehesha përsëri me një balade .Nuk do të rikthehesha me një kengë ritmike. Sepse do doja që në ato skena aq shumë të mëdha të shpalosja talentin që kam dhe siç të gjithë e dinë, unë e kam më shumë shpirtin tek baladat dhe mendoj që i interpretoj shumë, shumë më mirë se këngët ritmike”.

Por, si reagon Anxhela kur lexon lajme të pavërteta online? Vërtet do të përfaqësoj Greqinë në Eurovizion?

“Unë nuk kam pasur kurrë një ofertë që të përfaqësoj Greqinë në Eurovizion. Pas lajmit jo të vërtetë më shkruajtën ndjekës nga Greqia ‘hajde na përfaqëso’, por këto janë kërkesa fansash.”/abcnews.al

Një 58-vjeçar nga Përmeti është gjetur i mbytur në ujërat e lumit Vjosë në afërsi të fshatit Piskovë. 58-vjeçari rezulton i zhdukur që prej datës 18 qershor, kohë kur ishte denoncuar në polici nga familjarët për largimin e tij pa gjurmë nga banesa.

Policia dhe ekipi i zjarrfikëses ka bërë të mundur nxjerrjen nga lumi të trupit të pajetë, ndërkohë që pritet transportimi në morgun e spitalit, për ekzaminime të mëtejshme. Në vendngjarje ndodhet grupi hetimor, i cili po punon për zbardhjen e rrethanave të ngjarjes.

NJOFTIMI

Në datën 22.06.2022, rreth orës 13:30, nga shërbimet e Komisariatit të Policisë Përmet, në lumin Vjosë, në afërsi të fshatit Piskovë, Përmet, është gjetur i mbytur shtetasi A. P., 58 vjeç,

banues në Përmet, i cili, sipas kallëzimit të familjarëve është larguar nga banesa në datën 18.06.2022.

Motra e 26-vjeçarit Martin Çeço që u gjet i pajetë në rezervuarin e Maliqit është rrëfyer sot në emisionin “Me zemër të hapur” në News24. Ajo tha se vajza që është bërë molla e sherrit është mashtruese dhe se ajo i mori më qafë vëllain. Lidhur me autorët e dyshuar dhe një mesazh për familjarët e njërit prej tyre, Klarita tha se Martini kishte qenë një djalë i urtë dhe nëse ata kishin shkak ta frikësonin, por jo t’i merrnin jetën.

“Ka gënjyer, është shumë gënjeshtër, të gjitha këto që ke. Ajo është një mashtruese e madhe, shumë e madhe”, tha vajza.

-Kemi pyetur disa burime, vajza nuk ka qenë asnjëherë në atë byrektore apo të shiste në atë biznes Motra: Edhe kjo nuk është e vërtetë. Ajo do mohojë sepse ajo e mori më qafë vëllanë.

-Kush është i dashuri i vajzës?

Motra: Nuk e di se është bërë lëmsh puna, por ajo është bërë sherri që iku vëllai. Policia nuk na ka ballafaquar me vajzën.

-A kemi një emër që e akuzoni?

Motra: Tani ata e dinë, por do ketë qenë ndonjë tjetër që i ka sjellë te shtëpia, apo ka qenë vetë ajo që është shtyrë të dilte vëllai, se ndryshe s’ka sesi.

-Motra e Angjos deklaroi se Molla e ka ngritur nga gjumi dhe e ka marrë me vete për të shkuar nuk e di se ku, çfarë ke për ti thënë motrës së Angjos?

Motra: S’kishte pse e bënte një gjë të tillë me vëllanë tim sepse ai është shumë i urtë, ta rrihnin, ose ta frikësonin por jo t’i merrnin jetën.

Kursi i këmbimit të euros vazhdon të shënojë rekorde të reja në rënie. Sipas Bankës së Shqipërisë, ditën e mërkurë euro preku një minimum të ri historik, duke arritur nivelin e 119.54 Lekëve. Agjentët e këmbimit valutor mendojnë se rënia e paprecedentë e euros kundrejt Lekut tashmë po nxitet kryesisht nga elementi sezonal. Sipas tyre, në ditët e fundit ka një rënie të ngadaltë, por të qëndrueshme të kursit, të lidhur kryesisht me shtimin e prurjeve nga turizmi.

Sipas të dhënave nga Banka e Shqipërisë, deficiti i llogarisë korrente për tre muajt e parë të vitit kishte vlerën e 233 milionë eurove, vlerë kjo 57% më e ulët krahasuar me tremujorin e fundit 2021 dhe 22% më e ulët krahasuar me të njëjtën periudhë të vitit të kaluar. Nga ana tjetër, efekti i rritjes së çmimeve në bilancin tregtar të vendit këtë vit po rezulton më i kufizuar krahasuar me tremujorin e fundit të vitit të kaluar.

Rritja e deficitit tregtar në mallra këtë tremujor është ngadalësuar ndjeshëm krahasuar me tremujorin IV 2021, ndërsa llogaria e shërbimeve ka rritur edhe më shumë kontributin e vet pozitiv. Ky faktor ka zbutur kërkesën për euro dhe trysnitë nënçmuese në kursin e këmbimit të Lekut ndaj monedhës europiane. Paralelisht, llogaria e shërbimeve ka vazhduar të përmirësohet, kryesisht falë ndikimit pozitiv nga turizmi, shërbimet e transportit dhe ato të fasonerisë. Këtë vit, numri i vizitorëve nga jashtë vendit është kthyer pranë niveleve të para pandemisë dhe kjo po reflektohet në shtimin e flukseve valutore hyrëse. Hyrjet e shtetasve të huaj u zgjeruan me 42% me bazë vjetore në 4-mujorin e parë të vitit.

Të ardhurat nga turistët për tremujorin e parë të vitit arritën vlerën rekord të 409 milionë eurove, në rritje me 70% krahasuar me të njëjtën periudhë të vitit të kaluar. Edhe të ardhurat nga shërbimet e fasonerisë shënuan një vlerë rekord prej 158 milionë eurosh, 24% më shumë krahasuar me një vit më parë. Tashmë që efekti i rritjes së çmimeve të importit duket të jetë disi më i zbutur, rritja e prurjeve nga sezoni turistik po rrit ofertën e euros në treg po ndikon në nënçmimin më të madh historik të valutës europiane. Agjentët e këmbimit presin që tendencat e kursit të jenë të ngjashme përgjatë gjithë sezonit veror, çka nënkupton pritshmëri për zhvlerësim të mëtejshëm të euros kundrejt Lekut.

Forcimi i lekut ndaj euros, që është edhe monedha kryesore në këmbimet e tregtisë së jashtme të vendit, ka një efekt amortizues në përcjelljen e inflacionit të importuar në ekonominë shqiptare. Në muajin maj, inflacioni arriti në 6.7%, niveli më i lartë në më shumë se 20 vjet. Sidoqoftë, Shqipëria raporton ndër nivelet më të ulëta të inflacionit në Europë. Një nga faktorët që vlerësohet se i ka zbutur disi presionet e jashtme inflacioniste ka qenë pikërisht edhe kursi i këmbimit. Kursi i këmbimit mes Euros dhe Lekut, në vlerat aktuale, paraqitet në rënie me 2.5% krahasuar me të njëjtën periudhë të një viti më parë. /Monitor

Aktivisti Adriatik Lapaj ka komentuar rritjen e çmimit të naftës në Shqipëri. Ai thotë se çmimi i naftës sot në vendin tonë duhet të ishte 223 lekë, sipas çmimit që është në Bursën Brent. Në një status në rrjetet sociale, ai shkruan se në datën 4 Prill, çmimi në Bursën Brent është 108.15 lekë dhe atëherë Bordi vendosi që nafta të shitej me 219 lekë.

Sot, megjithëse çmimi është ulur ndjeshëm dhe ka arritur në 110.3 dollarë, çmimi i naftës në karburantet shqiptare shitet me 261 lekë për litër. “Jemi të vjedhur” e mbyll Lapaj statusin e tij.

“Sot çmimi i naftës në Bursën Brent ka rënë në 110.30 dollarë. Në datën 4.04.2022 çmimi i naftës në bursën Brent ka qenë 108.15 dollarë dhe atëhere Bordi i naftës e fiksoi çmimin në treg 219 lekë për litër. Me çmimin që sot ka nafta në bursë dhe standardin e bordit në dt. 8.04.2022 sot çmimi i naftës nuk duhet të ishte më i lartë se 223 lekë litri. JEMI TË VJEDHUR!”

Një 67-vjeçar është larguar nga banesa e tij dhe nuk është kthyer më. Ngjarja ka ndodhur në Prenjasi ndërsa denoncimin në policia e ka bërë djali i tij.

“Në Komisariatin e Policisë Librazhd ka bërë kallëzim shtetasi Sh. B., 27 vjeç, banues në Prrenjas, se është larguar nga banesa babai i tij, shtetasi D. B., 67 vjeç. Punohet për gjetjen e tij.”, njofton policia.

Ministrja e Turizmit Mirela Kumbaro, në emisionin ‘Open’ në News24 foli për çështjen e Syrit të Kaltër që ka marrë vëmendjen maksimale pas lajmeve se kryetari i bashkisë së Korfuzit ngriti çështjen e transferimit të ujit nga Shqipëria.Gjatë bisedës në studio, Kumbaro konfirmoi se nuk ka asnjë marrëveshje të tillë.

Pjesë nga biseda në studio:

Ju garantoni se uji i Syrit të Kaltër nuk do të shkojë në Korfuz?

“Jo vetëm që do të rrijë aty ku është me status monument natyre, dhe për këtë kemi bërë një zgjerim të territori 293 hektarë duke i dhënë statusin park natyror. Syri i Kaltër shpesh herë ishte në rrezik nga dyndja e tejskajshme e vizitorëve. Këtë vit do të jetë i ndalur plazhi në monument dhe qasja me makina do të jetë në një distancë 1.4 km larg. Pra kemi krijuar edhe shtigje rrotull tij për ata që duan të bëjnë shëtitje me këmbë. Çdo pretendim tjetër është fals”, tha Kumbaro.

Kikia: Për çfarë po e përdorim Syrin e Kaltër. Uji i Syrit të Kaltër të rrjedh në këmbët e Sarandës dhe Saranda nuk ka ujë. Syri i Kaltër ka lindur para nesh dhe nuk e kemi përdorur për asgjë të dobishme.

Kumbaro: Është pjesë e bashkisë së Finiqit

Kikia: I kalon tek këmbët Sarandës dhe Saranda nuk ka ujë.

Kumbaro: Ministria e Turizmit ka bërë një deklaratë. Sa i përket deklaratës së kryetarit të bashkisë së Korfuzit, unë ju konfirmoj se nuk ka asnjë marrëveshje. Pra unë mund të them se çfarë bën Ministria e Mjedisit dhe Turizmit të shqipërisë, sa i përket deklaratave të personave të tretë, duhet të pyesni ata.

Pyetje: Përse u rikthye në vëmendje një projekt si ky?

Kumbaro: Në media u raportua një informacion i pambështetur nga pala shqiptare. Unë detyrim kam për projektet që ndërton qeveria shqiptare

Kumbaro: Problemi më i madh është se gjithë kjo pasuri që duan ta marrin ta çojnë në Korfuz , ne na kalon mes Ksamilit dhe Sarandës dhe këtu nuk ka ujë, kjo duhet të na bëjë të ulërasim ne!

Bullgaria duket se është drejt heqjes së vetos për Maqedoninë e Veriut duke i hapur kështu rrugën këtij shteti por dhe Shqipërisë për avancimin në rrugën drejt Bashkimit Evropian. Lajmin e ka bërë të ditur në një postim në Twitter, komisioneri për zgjerim Oliver Varhelyi.

Falenderojmë liderin e opozitës Gerb @BoykoBorissov për marrjen e një vendimi historik për Evropën dhe për pranimin e negociatave me Maqenonine e Veriut bazuar në propozimin francez që lejon vazhdimin me hapjen e negociatave të anëtarësimit me Maqedonine e Veriut.

Ne presim që qeveria t’i bëjë propozimet e nevojshme Parlamentit sot në mënyrë që Evropa të mund të ecë përpara”, shkruan Varhelyi.

Ndonëse Shqipëria është shteti më i varfër në Europë, me prodhimin e brendshëm për frymë që është sa 32% e mesatares së Europës, sipas Eurostat (të dhënat nuk përfshijnë Kosovën), qytetarët e vendit duhet të paguajnë shtrenjtë për blerjen e ushqimeve e pijeve dhe produkteve tw tjera, si komunikimi dhe blerja e pajisjeve elektronike e përdorim shtëpiak.

Eurostat ka publikuar indeksin e çmimeve për mallrat dhe shërbimet për vendet e Europës.

Në Shqipëri, çmimet në tërësi janë sa 61% e mesatares europiane. Kjo është përqindja më e lartë nga vendet e rajonit pas Malit të Zi (69%), por ky i fundit kishte të ardhura sa 47% e mesatares Europiane, nga 32% që e ka këtë tregues Shqipëria.

Më lirë çmimet janë në Turqi (40% e mesatares europiane), Maqedoni e Veriut (51.5), Bosnjë Hercegovinë (55.8), Serbi (59.9).

Kur vjen puna te ushqimet, për të cilat familjet shqiptare kanë peshën më të lartë të shpenzimeve në buxhetin e tyre (rreth 42%, nga 13% që është mesatarja e Bashkimit Europian), çmimet janë pothuajse njësoj si në Europë dhe më të shtrenjtat në rajon.

Indeksi i Eurostat për ushqime, është sa 83% e mësatares europiane, më të shtrenjta edhe se në Mal të Zi (78.3), Ushqimet, në rajon, janë më të lirat në Maqedoninë e Veriut, me 61.4% të mesatares europiane.

Çmimet e ushqimeve në Shqipëri janë më të shtrenjta se në Hungari, Poloni, Rumani, Bullgari.

Të shtrenjta në Shqipëri janë veshjet dhe këpucët, me rreth 96% të mesatares së BE-së.

Më lirë janë restorantet (46% e mesatares së BE-së).

Më i shtrenjtë është komunikimi (108% e mesatares së BE-së).

Më shtrenjtë nga të gjitha kushton blerja e pajisjeve shtëpiake (120%) dhe atyre elektronike (110%)

Pajisjet personale të transportit janë më të shtrenjtat në rajon (86% e mesatares së BE-së)./Monitor

Fati i një nëne është të presë fëmijët e saj. I pret ata në shtatzëni për 9 muaj rresht, i pret kur dalin nga kopshti, si dhe i pret kur dalin nga shkolla, kur ata rriten. Ajo i pret kur kthehen nga një festë, sado vonë të kthehen dhe pavarësisht faktit që mund të kthehen të dehur. Nuk e zë gjumi, nëse nuk sigurohet që fëmija i saj është kthyer mirë në shtëpi.

Një nënë i pret fëmijët e saj kur kthehen nga puna, në mënyrë që t’i përgatisë diçka të ngrohtë për të ngrënë. Ajo e di se puna e ngarkuar i bën të konsumojnë ushqime jashtë, kështu që kujdeset personalisht që në shtëpi fëmijët e saj të ushqehen shëndetshëm. Një nënë i pret fëmijët në shtëpi me dashuri, ndonjëherë me ankth kur ata largohen pa njoftuar dhe rrallë herë me inat, por që ky i fundit kalon shpejt pasi ajo i sheh fëmijët dhe i përqafon ata. Një nënë i pret fëmijët edhe kur ata e çojnë në një azil gjatë pleqërisë. Ajo e fal fëmijën duke e justifikuar me qindra arsye për një vendim të tillë dhe e pret me padurim ta shohë atë, sado rrallë t’i shkojë për vizitë.

Ndaj, përpara sakrificave të tilla, mundohuni që mamaja juaj të mos ju presë më. Vizitojeni shpesh, duajeni, përqafojeni papritur. Mos e bëni t’ju presë, edhe pse ajo nuk lodhet nga pritja. Ajo do t’ju justifikojë përherë, pasi zemra e saj vërtet nuk mban inate për fëmijët, ama lëndohet nga vendimet tuaja ndonjëherë jo të drejta. Mos vendosni asnjë person tjetër mbi prindin tuaj, në këtë rast mbi mamanë, sepse askush nuk ka sakrifikuar aq sa ajo për t’ju rritur e për t’ju bërë personin që jeni sot./Bota.al