“Mirupafshim Shqipëri/ Unë do iki se jam shumë e re të vdes, do më marrë malli..por vendi po boshatiset çdo ditë

Nga Silvana BEGAJ

Mirupafshim Shqipëria ime! Po lë çdo gjë në duart e të paepurve, krimit, drogës, injorancës. Unë nuk mund ta bëj shpirtin pis në emër të dashurisë për këtë vend! Mirupafshim Shqipëri! Unë do të mendoj e do më marrë malli! Vras mendjen a do të marrë dhe ty për mua? E nëse do të merrte, pse më le të iki! Mirupafshim Shqipëri! Vërja flakës veten se unë nuk dua të digjem! Le të digjen ata që duan ty në zjarr.

Mirupafshim Shqipëri! Po të lë me vendet e tua të bukura për të cilat Naim Frashëri shkruante ditë e natë! Po të lë me dy detet më të bukur të rruzullit, me malet më të thepisur, po të lë me ajrin më të ëmbël dhe me diellin që ndriçon më shumë! Tani që e mendoj, po të lë dhe me hënën që të qan hallet çdo natë.

Mirupafshim Shqipëri e Gjergj Kastriot Skënderbeut! Luftuam kaq vite për ty dhe në fund të shesim me politikë. Mirupafshim Shqipëri se dhe po të rri nuk kam me kë. Vendi po boshatiset çdo ditë dhe ata që janë aty janë thjesht fizikisht se me mendje janë larg nga ti!

Shqipëri, ti ndoshta nuk e di, por në asnjë vend nuk ngroh dielli si aty dhe nuk ndriçon hëna si aty! Mirupafshim Shqipëri!


Do iki dhe do gjej një vend për qetësinë e shpirtit tim. Një vend që mos të ketë aq vrasje çdo ditë. Kam nevojë të di që jam e sigurt se jam shumë e re të vdes nga rastësia.

Mirupafshim Shqipëri! Mirupafshim o Shqipëri e pasur për 0.001 përqind të popullsisë dhe mjerim për pjesën tjetër. Hap sytë Shqipëri! Tradhtarët sjellin fitore të pisët! Eh, do të më mungosh e marrtë dreqi! Do të më mungosh aq shumë sa do pres vetëm një shenje nga ti dhe un do te vi perseri.

Blendi Fevziu : “Një burrë brazilian përdor fotot e mia për të mashtruar femrat…

Në epokën e internetit, një foto qarkullon kudo në botë dhe medalja ka dy anë. Anën negative po e përjeton gazetari i mirënjohur Blendi Fevziu. Përmes disa postime në Instastory, Blendi thotë se një mjek brazilian e ka kontaktuar atë dhe i ka treguar se dikush po keqpërdor identitetin e tij, duke u shtirur si i pasur dhe kërkon partnere. Blendi Fevziu publikoi gjithashtu edhe foton pasaportës false apo mjeteve të tjera të identifikimit, ku dukej sesi shtetasi brazilian po përdor fotot e tij.

“Dosjet një lojë e fëlliqur”/Fuga:” Kush të tregojë virgjërinë e tij…sot kemi nevojë për pastrimin nga maskarenjtë

Nga Artan Fuga:

Hapja e dosjeve dhe hapja e barkut. Pasi u tronditën fort, shumë, jashtëzakonisht, tmerrësisht, duke e shpallur Ilir Metën agjentin 007, tani ka plas komedia! Të gjithë kërkojnë të hapen dosjet, për të gjithë, në çast! Opozitarë, pushtetarë, gjysmë-opozitarë, kush e kush të tregojë se nuk e ka qimen nën kësulë! Hapëmi dosjen mua, bërtasin! O ju hapsha trutë. Kush e kush të tregojë kështu virgjërinë e tij. Kush e kush t’i shpëtojë përgjegjësisë së tij për diktaturën.

Kush e kush të tregojë se e ka ndërgjegjen e bardhë sa veladoni i Papës!

Në vend të hapni dosjet, mos na hapni barkun sikurse thoshte gjyshja ime. Hipokrita.

Në ditët në vazhdim do t’ju rrëfej se përse kjo është një lojë e fëlliqur, asnjë interes për qytetarin.

Të tjera gjëra ka nevojë sot pastrimi i jetës shoqërore nga maskarenjtë. Mos e hani këtë lojë e të bini në kurth.

Blendi Fevziu rrëfen shqetësimin: “Një burrë brazilian përdor fotot e mia për të mashtruar femrat…

Në epokën e internetit, një foto qarkullon kudo në botë dhe medalja ka dy anë. Anën negative po e përjeton gazetari i mirënjohur Blendi Fevziu. Përmes disa postime në Instastory, Blendi thotë se një mjek brazilian e ka kontaktuar atë dhe i ka treguar se dikush po keqpërdor identitetin e tij, duke u shtirur si i pasur dhe kërkon partnere.

Blendi Fevziu publikoi gjithashtu edhe foton pasaportës false apo mjeteve të tjera të identifikimit, ku dukej sesi shtetasi brazilian po përdor fotot e tij.

Arritjet e Bashkisë Korçë/ Lagjet 20 vjet pa investime, banorët paguajnë taksat edhe për lulishtet që nuk ekzistojnë…

Çdo gjë gjë paguhet sikur ka lulishte.” Por në të vërtetë, në këtë lagje pranë rrugës nacionale Korçë– Ersekë mungon gjithçka. Kanalizimet e ujerave të bardha dhe të zeza, asfaltimi, trotuaret dhe gjelbërimi. Edhe pse është 10 minuta larg qendrës së qytetit, banorët thonë se investimet e bashkisë janë zero. Në këtë lagje jetojnë rreth 200 familje. Ujërat e zeza që derdhen në sipërfaqe, në këto ditë të nxehta vere, e bëjnë te padurueshëm erën e rënde, por njëkohësisht janë dhe burime infeksioni për këta banorë.

Banorët thonë:

Në këtë lagje unë kam 20 vjet që banoj, nuk është bërë asnjë lloj investimi. Rroftë gjermani që bëri atë të ujit, kanalizme s’ka. Të jetosh 20 e ca vjet në qytet, e mos të kesh asfalt dhe kanalizime është katastofale. Ç’do gjë paguhet sikur ka lulishte. Tërë lagjja i njëjti problem është”, thotë banori.

“Gjendja sic e shikoni, po qelbet dynjaja. kush pyet”, shprehen banorët.

Shumë familje i kanë nxjerrë shtëpitë në shitje duke kërkuar alternativa më të mira jetese.

“Këtu vetëm kur u bënë legalizimet, tjetër gjë nuk është bërë. Po bëhen fshatrat me rrugë, këtu nuk e di ca problemi kanë”, thotë një banor.

Abc u interesua në bashkinë e Korçës për këtë problematike, por askush nuk na është përgjigjur. /abcnews.al/

Video

Kjo është kënga që po bën namin në Youtube, 2.5 milionë klikime për 24 orë (Video)

Diten e djeshme u publikua bashkepunimi i pare muzikor mes Capital T, Anxhela Peristerit dhe Mandi Nishtulles.Mesa duket kenga eshte pelqyer pa mase nga publiku dhe ka arritur shifra rekord pa mbushur akoma 24 ore. Ne vetem 6 ore pas publikimit, kenga numeronte mbi 600 mije klikime ne YouTube, ndersa tashme qe nuk jane mbushur ende 24 ore te plota, kenga ka arritur plot 2.5 milion klikime.

Rekord i tille nuk eshte shenuar as nga bashkepunimet e fundit te artisteve me ne ze, duke permendur ketu kengen e Noizyt me Loredanen apo Xhensilen, kengen e Dhurata Dores me Elvana Gjaten, apo ate te Ledri Vules dhe Yll Limanit.

Shezlongjet nga 20-200 euro/ Pushuesit “braktisin” Dhërmiun dhe Jalin(Video)

Edhe pse është fundi i javës, dhe plazhi duhet të gumuzhinte nga turistët, nuk ndodh kështu në bregdetin e Dhermiut. Në videon më poshtë shihet sesi gjithë shezlonget në Dhërmi kanë mbetur bosh dhe pas asnjë pushues. Nuk dihet nëse shkak i “braktisjes” së Dhermiut janë çmimet e larta, apo për shkak se ndërrohen muajt dhe turistët e korrikut largohen duke u lënë vendin atyre të gushtit.

Por edhe më herët është raportuar se këtë vit ka pasur një numër më të ulët të turistëve të huaj krahasur me vitin e kaluar, kjo jo me statistika por nga pamjet në terren.

Tërmet” në tregun valutor/ Euro kap nivelet minimale kundrejt lekut…

Euro vijon të mbetet në kuota minimale kundrejt lekut shqiptar. Sipas Kursit zyrtar të Bankës së Shqipërisë për rreth një javë një euro është shkëmbyer mesatarisht me 116 lekë duke pësuar luhatje të vogla. Por rënia që prej fillimit të muajit korrik mbetet drastike sepse sipas kursit të Bankës Qendrore një euro shkëmbehej me 119 lekë. Ky mbetet një ndër nivelet më të ulëta të regjistruara në vendin tonë që prej fillimit të këtij viti. Ndikim në dobësimin e euros kanë dhënë ardhja e turistëve, paralajmërimi i një amnistie për paratë e padeklaruara por edhe dobësimi i monedhës europiane në tregjet ndërkombëtare .

Por ekspertët paralajmërojnë se kursi i këmbimit do të vijojë të jetë në ndikimin e turizmit dhe parashikohet një rënie e mëtejshme e euros gjatë muajit gusht i cili pritet të ketë më shumë turistë të huaj. Nëse e krahasojmë me të njëjtën periudhë të vitit të kaluar Raporti euro – lekë ka pësuar rënie me 4.4%.

Njihet si korçari më i famshëm/ Vrenozi i kërkon ndihmë shqiptarëve: “Më duhet një krevat për babanë e sëmurë…

Ilir Vrenozi është një nga personazhet më të njohur në rrjetet sociale, pasi çdo gjë e shpreh hapur dhe pa dorashka e më së shumti komenton zhvillimet politike në vend. Së fundmi Vrenozi ka kërkuar ndihmën e shqiptarëve pasi babai i tij, i moshuar, nuk qëndron dot në këmbë. Ai nuk shkon dot në tualet dhe të gjitha nevojat personale i kryen në krevatin ku qëndron i shtirë.

Iliri shprehet në videon-live se e kanë informuar për disa krevate që janë të përshtatshëm për këtë sëmundje, por deri më tani nuk e ka ndihmuar askush…

Familjarët ngrenë alarmin: “30-vjeçarja, nënë e dy fëmijëve, vazhdon prej një jave e zhdukur(Foto)

Gruaja që shihni në foto është 30-vjeçarja Ersida Dyrmishi nga Durrësi. Ajo është larguar para 7 ditësh nga shtëpia dhe familjarët e saj nuk kanë asnjë dijeni për vendndodhjen. 30-vjeçare, nënë e dy fëmijëve ka humbur kontaktet me familjen, ndërsa sipas të burimeve punonte në një Call Center. Familjarët po e kërkojnë kudo, por ajo nuk gjendet. 30-vjeçarja është larguar të hënën, datë 25 korrik, në orën 08.00, dhe që nga ajo ditë, bashkëshorti dhe familja nuk kanë mundur të lidhen me të.

Postimi i një prej miqve të saj:

Njoftojmë se shtetësja Ersida Dyrmishi me vendbanim në Durrës, mosha 30 vjec,ka humbur kontaktet me familjarët te Hënën më datë 25.07.2022. Ditën që është larguar në drejtim të paditur, ka qenë e veshur me pantallona të bardha & një bluzë të zezë.

I lutemi atyre që mund ta kenë parë diku, të na kontaktojnë sa më shpejt! Nr kontakti 0692467605 0692050608

Bashkëshorti i saj ka bërë denoncim në polici dhe forcat e rendit kanë nisur punën për gjetjen dhe rikthimin pranë familjes.

E goditi gomonia në Jalë teksa pushonte në breg/ E fejuara bën reagimin prekës: “Faleminderit o Zot që jemi prapë bashkë

Agustin Sefa tashmë ndodhet jashtë rrezikut për jetën. 31-vjeçari dhe e fejuara e tij Era Gj, 25 vjeçe, u goditën nga një gomone gjatë kohës që po qëndronin në çadrën e tyre në breg të detit. Vjaza nuk pati dëmtime serioze por Agustini u desh të operohej dy herë për shkak të gjendjes së tij tepër të rëndë. Por fatmirësisht një lajm i mirë vjen nga Agustini i cili duket se më në fund ka dalë nga rreziku.

Ka qenë e fejuara e tij që ka bërë një postim në rrjetet sociale duke falënderuar Zotin për mundësinë e dytë që u dha për të jetuar edhe një herë jetën e për të dashur përsëri njëri-tjetrin.

Maratona në Pogradec, paralizon trafikun /Krijohet rradhë e gjatë mjetesh të bllokuara(Video)

Një maratonë vrapimi, ka shkaktuar radhën kilometrike të mjeteve në rrugë. Shumë qytetarë mbetën të bllokuar në Trafik në akset Lin-Pogradec dhe Pogredec-Tushemisht ndërsa nuk ka patur asnjë alternativë tjetër lëvizjeje . Siç shihet nga pamjet, policia u bën me shenjë drejtuesve të mjeteve që nuk lejohet qarkullimi në këto akse .

Nisur nga fundjava, qyteti ka qenë i ngarkuar me turistë, të cilët kanë qëndruar mbi katër orë të bllokuar, pa mundur të dalin.

Ndërprerja e energjisë, krijohet fluks udhëtarësh në Kapshticë dhe Qafë Thanë

Në pikën e kalimit kufitar të Kapshticës dhe Qafë Thanës është regjistruar sot një numër i lartë udhëtarësh dhe pritje të gjata. Autoritetet doganore bëjnë me dije se në Qafë Thanë janë krijuar radhë të gjata për shkak të shkëputjes së energjisë elektrike, ndërsa aktualisht po punohet me gjenerator për të shmangur fluksin.

Aktualisht po punohet me 2 sportele në dalje dhe 3 në hyrje, ndërsa mësohet se në pikën doganore të Kapshticës janë krijuar radhë të gjata për shkak të mosfunksionimit të sistemit.

E mbyll emisionin me Athina mu/ Shpërthen Artan Hoxha ndaj Çanit: “Këta alvanozet greqishtfoles, hiqen me greke se….

Artan Hoxha ka ironizuar emisionin “Zonë e Lirë”, i cili prej vitesh moderohet nga Arjan Çani dhe ku transmetohet çdo të premte në ekran për publikun shqiptar dhe jo vetëm. Në një postim në Facebook, Hoxha thotë se çdo të premte në mbrëmje Çani kujdeset të përshëndesë shqiptarët me këngën greke ,“Athina mu” (Athina ime). Ai thotë më tej se disa greqishtfolës, hiqen me grekë se nacionalistët ekstremistë grekë .

Postimi i plotë i Artan Hoxhës:

Papakonstandinu;”Greqi, toke e heronjve, çfare gomeresh nxjerr tani”… Per pak harrova qe eshte e premte. Si çdo te premte ne mbremje, dikush kujdeset te na pershendes gjithnje ne nje ekran kombetar, me kengen greke, “Athina mu”(Athina ime)… Mbase kenga qe u pershendes çdo te premte ne mbremje, “Greko maskara” u eshte merzitur, prandaj sot po u pershendes me njerin nga kengetaret me te medhenj te rrokut grek, Vasilis Papakonstandinu…

Te mesuar gjithnje me buzukun grek, Papakonstandinu me terhiqte vazhdimisht, jo thjesht pse ishte nje kengetar i madh ndryshe nga kengetaret greke te tradites, jo pse ishte rebel dhe mjaft i dashur nga rinia, por sepse vazhdimisht ne tekstet e kengeve te tij, kishte mesazhe te forta politike, kunder politikaneve dhe ultranacionalisteve greke…

Kenga mban titullin: “Greqi, toke e heronjve, çfare gomeresh nxjerr tani”… Titull qe me vjen ndermend sa here me shfaqen ne ekran, keta allvanozet greqishtfoles, te cilet hiqen me greke se nacionalistet ekstremiste greke.

Meta thirrje qeverisë: “Ulni çmimet dhe rritni rrogat ,ne do t’ua kthejmë paratë e vjedhura shqiptarëve

Nga ILIR META:

ULNI ÇMIMET!
RRITNI RROGAT DHE PENSIONET!
MBËSHTETNI FINANCIARISHT ÇDO QYTETAR!

Rritja marramendëse e çmimeve po thellon seriozisht varfërinë, çdo ditë, duke kërcënuar si kurrë më parë buxhetet familjare. Fuqia blerëse po zvogëlohet, ndërkohë asnjë masë konkrete nuk po merret nga një Qeveri, e padenjë për besimin popullor dhe e pandjeshme për shtresat më në nevojë, veçanërisht për 935,821 qytetarë, që jetojnë sot me më pak se 5.5 USD në ditë.

NUK GJEN DOT NJË MALL DHE AS MERR DOT NJË SHËRBIM, QË SOT NUK ËSHTË SHTRENJTUAR, 2 DERI NË 5 FISH!
POR NDIHMA EKONOMIKE NGA QEVERIA ËSHTË ZERO!

Asnjë plan masash për të ndihmuar qytetarët për të tejkaluar krizën e çmimeve!

Një Qeveri e ndjeshme dhe e përgjegjshme, do të bënte pikërisht atë që po ndodh sot në shumë vende europiane, siç janë bërë publike në media:

📌 Britania e Madhe, po ndërhyn me një zbritje prej 400 £ të faturës së energjisë për çdo familje në vit;
📌 Italia po planifikon të japë një bonus 200 € për punëtorët, që fitojnë 35,000 € në vit ose më pak;
📌 Spanja ka ulur TVSH-në në faturat e energjisë nga 21% në 10%;
📌 Franca po kompenson me 100 € çdo qytetar të saj;
📌 Gjermania po jep 100 € për familjet që marrin mbështetje, ndërsa ata që marrin asistencë për strehim do të marrin një shtesë prej 270 €;
📌 Hollanda po u ofron familjeve të kualifikuara një kompensim energjie prej 800 €, si dhe ka ulur tarifën për karburantet me 21%.

Shqipëria ka nivelin nga më të lartë të çmimeve në përqindje të mesatares europiane krahasuar edhe me vendet e rajonit, por Qeveria në vend të ndihmës ekonomike vazhdon të paguajë miliona euro për inceneratorët.

Inceneratori i Elbasanit është financuar në vlerën 1.9 miliard lekë, inceneratori i Fierit është financuar në vlerën 3.6 miliard lekë, dhe inceneratori i Tiranës, që është financuar nga viti 2018 deri në vitin 2022 në 6.1 miliard lekë, dhe parashikohet të financohet me 3.5 miliard lekë shtesë për vitin 2023 dhe 2024.

Miliarda lekë për klientët e Qeverisë dhe zero lekë për qytetarin e thjeshtë.
Kjo Qeveri nuk meriton më të qëndrojë as edhe një minutë më shumë!
Angazhimi më i madh i Partisë së Lirisë do të jetë Revolucioni Antikorrupsion, që do të ndëshkojë abuzuesit në çdo nivel dhe paratë e vjedhura prej tyre do t’u a kthejë shqiptarëve!
🇦🇱