Dy shqiptarë të moshës 30 dhe 38 vjeç, janë arrestuar në Greqi, pasi akuzohen për trafik droge. Mediat greke, bëjnë me dije se shqiptarët u arrestuan pasi pas kontrollit në një zonë pranë shtëpisë së 38-vjeçarit, iu gjet kokainë, e cila ishte e ndarë në 10 pako, me qëllim shitjen e menjëhershme, si dhe 2 pako me kanabis të papërpunuar. Po ashtu në shtëpinë e 30-vjeçarit u gjetën 3 pako me kokainë. Në total, nga hetimet e policisë u gjetën dhe sekuestruan: 1936,5 gram kokainë, 1880 gram kanabis të papërpunuar, shumën 44334,4 euro, 3 peshore elektronike, një makinë, një motor, 2 celularë dhe një kuti nga një kompani shpërndarëse ushqimore. Dy të arrestuarit u dërguan në Prokurorinë Penale të Athinës.

Një intrigë dashurie është dyshimi kryesor për vrasjen e 26-vjeçarit Martin Çeços. Efektivët kanë vënë në pranga tre autorët e dyshuar të krimit të rëndë, të cilët akuzohen se mbytën me litar të riun dhe e hodhën trupin e tij të pajetë në rezervuar, për të humbur gjurmën. Por banorët e fshatit Kolanec ku jetonte 26-vjeçari shprehen se vrasja e Martin Çeços nuk ka lidhje me një vajzë, por me një parcelë kanabisi që ai kishte zbuluar rreth një muaj më parë.

Një bari i zonës rrëfeu për emisionin “Uniko” se viktima kishte shkuar për të prerë dru në fshatin Bickë dhe atje kishte zbuluar një parcelë me drogë që donte ta denonconte në polici. Por sipas tij, “grupi i fuqishëm që kishte mbjellë lëndën narkotike, që përbëhej nga rreth 90 persona” e kishin kërcënuar se do e vrisnin, madje i kishin kërkuar të zhdukej nga Shqipëria.

Bariu tregoi se 26-vjeçari i frikësuar për jetën ishte larguar drejt Gjermanisë por e kishin kthyer sërish mbrapsht, ndërsa mbrëmjen e vrasjes së tij kishin parë një makinë të zezë pa targa.

Bariu: “Kishte shkuar të bënte dru, e kërcënonin ata të drogës. S’ka lidhje femër me vrasjen e tij, janë të gjitha fjalë. Zbuluan padashje parcelën e drogës, nuk e prishën. Por këta nuk donin që ta zbulonin, ishin shumë grup i madh, shumë. Rreth 90 veta, mbjellin vetëm zonën atje. Drutë e morën në qafë atë, kishte gati 1 muaj që e kishte zbuluar parcelën.

Ata e kërcënonin, i thoshin do të vrasim. Çfarë nuk i thoshin, mos hajde më këtej, zhduku fare, i kishin thënë. Zhduku nga Shqipëria, që të mos rrinte këtu. Ishin të fuqishëm. Banorët kanë parë një makinë të zezë pa targë atë natë. Më pas targën e kishin vendosur kur u larguan. Nuk ka qenë i martuar, u tha për të humbur gjurmët. Nuk jemi ndjerë më parë të kërcënuar. Se lidhte asgjë Martinin me kultivimin e lëndës narkotike, vetëm e zbuloi. Donte ti denonconte, por hoqi dorë, kishte frikë. E kërcënuan keq, nuk shkoi në polici. Iku në Gjermani, por e kthyen ata.”

“Nuk më besohet se vrasja e tij ka lidhje me një femër, për aq sa e njihnim neve. Ndoshta ndonjë arsye tjetër”, tha një grua për “Uniko”.

“Shkonte shumë mirë me të atin. Punonte, kishte 3 mushka bënte dru. Ishte shume i turpshëm, s’ma merr mendja për Martinin që kishte punë vajze”, tha një banore tjetër./Lapsi

Kryetari i Partisë Demokratike Sali Berisha dënuar rritjen e çmimit të naftës nga bordi i Edi Ramës.Berisha shkruan në Facebook se nafta sot u rrit në 252 lekë për litër ose 2.11 euro, çmim ky më i shtrenjtë edhe se në Gjermani ku 1 litër naftë sot kushton 188.9 euro. Çmimi i naftës në Gjermani 188.9 euro .Nafta në Shqipëri u shit sot 22 cent më shtrenjtë se në Gjermani. Çmimi i naftës në bursë është në rënie

Reagimi i Plotë:

Vazhdon vjedhja e qytetarëve nga bordet komuniste të Edvinit!
Çmimi i naftës në bursë ra sot me 8 dollarë, kurse bordi i Ramës sot rriti çmimin në 252 lek apo 2,11 euro kundrejt 188.9 € që u shit sot në Gjermani.

Pra, sot nafta në Shqipëri u shit 22 cent më shtrenjtë se në Gjermani.
Vjedhje e turpshme! #sb

Kryebashkiaku i Tiranës Erion Veliaj ka folur sot në lidhje me Teatrin e Ri Kombëtar që do të fillojë punimet këtë vjeshtë si dhe ka deklaruar se do të kandidojë për një mandat të tretë si kryebashkiak në Tiranë. Më pas Erion Veliaj ka ironizuar protestën e 7 korrikut duke thënë thënë se “çfarë është kjo protestë pa logjikë në mes të vapës?!”.

Por nuk ka vonuar dhe i është përgjigjur Edi Paloka që tha se do ta shikojmë me 7 korrik sa trim je ti Erion, nëse ta mban të rrish në zyrë ditën e protestës.

Me sa duket do të kemi zhvillime interesante me 7 korrik në Tiranë edhe para bashkisë!

Në Institutin e Policisë Shkencore, pajisjet më të sofistikuara në shkencën e zbulimit dhe të konstatimit gërmojnë përtej çdo materiali që policia e merr në një skenë krimi. Duke nisur nga më të zakonshmet si gëzhoja, predhat apo dhe gjurmët e barutit në duart e të dyshuarve që qëllojnë me armë zjarri. Provat e dukshme apo të padukshme që përcillen nga çdo cep i vendit dhe që marrin përgjigje të pakundërshtueshme, ose arkivohen në pritje të identifikimit të autorëve, prej këtu kthehen në armën më të fortë të të një prokurori që përfaqëson akuzën e shtetit në gjykatë. Gjithsej laboratori ruan fondin e 14 mijë ngjarjeve me armë zjarri. Këtu predhat, si kjo që u eksportua për vrasjen e bankierit Artan Santo janë digjitalizuar dhe policia shkencore përpunon të dhëna sa herë që një prokurori kërkon të dhëna sikurse SPAK kur rihapi dosjen SANTO

“Nuk u gjet gëzhojë u gjet një copë predhe. Ajo që mbetet e qartë është se është gjuajtur me armë revolver tip mulli dhe ne e kemi arkivuar”, thotë Nikolin Duro.

Volumi më i lartë i gëzhojave të shkrepura i përket vitit 1997 dhe çdo qytet ku janë shkrepur e shkrepen armë ka sirtarët e tij të krimit . Aty mungon vetëm një nga dhjetëra gëzhoja të shkrepura në 21 janar, dhe që është gëzhoja që vrau Aleks Nikën. Prokuroria ka vendosur ta dërgojë në Itali, ndonëse ekspertët shqiptarë por edhe amerikanë kanë konfirmuar më herët ngërçin për të identifikuar armën që qëlloi.

Një 65-vjeçar është arrestuar nga Policia e Shkodrës, nën akuzën e veprës penale “Ngacmim seksual”. Sipas policisë, shtetasi Vehbi Haxhija ka ngacmuar në mënyrë të vazhdueshme disa shtetase të mitura. Ai e prezanton veten si ujk të se*sit. Chatet e tij ishin të pafundme me të mitura, të cilave u premtonte shuma parash në këmbim të marrëdhënieve seksuale.

Njoftimi i policisë:

Specialistët për Hetimin e Krimeve në Komisariatin e Policisë Shkodër arrestuan në flagrancë shtetasin V. H., 65 vjeç, banues në fshatin Oblikë, Shkodër, për veprën penale “Ngacmimi seksual”.

Në kohë e vende të ndryshme, në mënyrë të vazhdueshme ka ngacmuar seksualisht disa shtetase kryesisht të mitura.

Një 13-vjeçar, banues në Pogradec, u procedua për veprën penale “Plagosja e lehtë me dashje”, pasi në lagjen nr. 3, Pogradec, për motive të dobëta, ka dëmtuar me mjet prerës një 15-vjeçar, i cili ndodhet jashtë rrezikut për jetën. Materialet i kaluan Prokurorisë së Rrethit Gjyqësor Pogradec , për veprime të mëtejshme.

Njoftimi i Policisë:

Specialistët për Hetimin e Krimeve në Komisariatin e Policisë Pogradec referuan materialet në Prokurori dhe filloi procedimi penal në gjendje të lirë për një 13-vjeçar, banues në Pogradec, për veprën penale “

Plagosja e lehtë me dashje”, pasi në lagjen nr. 3, Pogradec, për motive të dobëta, ka dëmtuar me mjet prerës një 15-vjeçar, i cili ndodhet jashtë rrezikut për jetën.

Specialistët për Hetimin e Narkotikëve dhe Trafiqeve të Paligjshme në DVP Korçë, referuan materialet në Prokurori dhe filloi procedimi penal në gjendje të lirë për shtetasin O. L., 38 vjeç, banues në Elbasan, për veprën penale “Ndihma për kalim të paligjshëm të kufijve”. Në Pikën e Kalimit Kufitar Kapshticë, në hyrje të Republikës së Shqipërisë, shërbimet e Policisë gjatë procedurës së skanimit të kamionit tip “Man” që ky shtetas drejtonte konstatuan të fshehur 2 emigrantë të paligjshëm, të cilët synonin kalimin drejt vendeve të BE-së.

Sekretari për Integrimin Europian në PD, Edmond Spaho, ka folur për protestën e 7 korrikut. Spaho u shpreh se protesta nuk do të drejtohet nga një parti politike, pasi sipas tij, do të jetë shumë e gjerë se kaq. Shqipëria në rrezik’ është slogani i protestës, i cili tregon se është përtej PD-së. Momenti në të cilin ndodhemi ne si shoqëri është mjaft kritik. Kjo nuk është rrjedhojë vetëm e opozitës të marrë fatet e vendit në dorë, por e të gjithë qytetarëve.

Fakti që këtë protestë nuk do ta drejtojë një parti politike apo opozita, por pjesë e saj do të jenë shoqëria civile, bota akademike, segmente të tjerë që janë të interesuar që vendi të ndryshojë, është në favor të kësaj që shpjegova më sipër’.

Kam theksuar se në bazë nuk ekziston ajo ndarje që kemi në grupin parlamentar, ku mesa duket do të dojë më shumë kohë të gjenden gjuha e bashkëpunimit. Në bazë po kthehemi në gjendjen ku të gjitha strukturat funksiononin në mënyrë harmonike. Protesta, si një armë e përhershme e PD, i ka shtrirë edhe më tej urat e komunikimit’, tha Spaho. /A2

Shqiptarët e Greqisë do t’i bashkohen protestës së 7 korrikut në Tiranë, para Kryeministrisë. Sekretari i PD për Emigracionin dhe Diasporën, Indrit Hoxha, ka ndarë në llogarinë e tij në Facebook, foto nga takimi me demokratët në Kiato të Greqisë, ku nga 7 mijë banorë, 2 mijë janë shqiptarë. Indrit Hoxha shkruan se qëllimi i takimeve me demokratët shqiptarë në Greqi, është riorganizimi dhe mbështetja e protestës së 7 korrikut.

Reagimi i Plotë:
Me demokratet ne Kiato te Greqise nje vend qe ka rreth 7000 banore nga te cilet 2000 jane shqiptare.
Riorganizimi i Partise Demokratike ne diaspore, mbeshtetje per protesten e dates 7 korrik ne Tirane.
Falenderime per Kryetarin Bashkise Spyridon Stamatopoulos, I cili na vendosi ne dispozicion ambietet e bashkise per takimin e PD.
Neser jemi me degen e PD Athine dhe mbas takimit drejt Tiranes sebashku me nje pjese te demokrateve per te protestuar ne shesh.