Po jeton në Shqipëri/ Flet aktorja që spikati dikur në filmat Shqiptarë: “Askush nuk ma ka afruar një rol…

Eva Alikaj, një nga aktoret më të njohura shqiptare të viteve 80, i është kthyer skenës vitet e fundit, pas disa vitesh mungesë. Alikaj, protagonistja e disa filmave shqiptarë, si dhe një emër i spikatur i teatrit tonë ka treguar së fundmi se askush nuk po i ofron një rol. Edhe pse sipas saj ka shumë energji dhe ka dëshirë t’i dhurojë vendit dhe popullit nga talenti i saj, ata që vendosin për rolet nuk i kanë ofruar mundësi.

“Ata që vendosin kanë klanet e tyre, interesat e tyre, shijet e tyre, nuk e di… Unë jam e mendimit që aktorët cilësor kudo që janë, duhen marrë dhe duhen shfrytëzuar se unë e ndjej veten me shumë energji për t’i dhenë popullit dhe vendit tim akoma dhe mendoj se nuk humbas më unë, por humbasin njerëzit që duan të më shikojnë”, tha aktorja në emisionin N’kohë në Report Tv.

Edhe pse skandaloze, Alikaj tregon se si ende funksionon Teatri sot.

“Por fatkeqësisht ti je e varur nga të ashtuquajturit regjisor, drejtor. Unë faktikisht jam aktore e teatrit kombëtar akoma, aty faktikisht bëjnë prova dhe unë nuk jam. Unë paguhem nga teatri edhe nuk më japin role, unë nuk jam për të bërë apelin. Ja, kështu janë gjërat. Ata humbasin, por s’e marin vesh”-tha Eva.


Ajo u ndal te produksionet private dhe te kineastët e rinj që provojnë të realizojnë filma dhe tha se as ata nuk i kanë dhënë një mundësi.

Evën do të mund ta rishohim sërish nëpërmjet një shfaqjeje private që ajo po punon të vendos në skenë, së shpejti.

Advertisement