U shua në aksidentin tragjik në Himarë/ Familja bën njoftimin e dhimshëm : “Nesër Jonada prehet në Tiranë

Ngjarja e rëndë e ndodhur ditën e sotme në plazhin e Potamit, Himarë, ku humbi jetën 7-vjeçarja Jonada Avdia, qe u përplas nga skafi i drejtuar nga punonjësi i policisë, Arjan Tase, tronditi gjithë shoqërinë shqiptare. Kjo ngjarje tregoi edhe njëherë se sa e pasigurtë është jeta në Shqipëri, për më tepër kur ajo merret nga një efektiv policie, i cili paguhet nga taksat tona për të na mbrojtur. Ndërkohë qe sot familja Avdia ka bërë edhe njoftimin e dhimbshëm se ceremonia mortore do të zhvillohet ditën e nesërme në Laprakë të Tiranës. Shoke dhe miq, ju njoftojme me hidherim te thellë vdekjen e mbeses tone Jonada Bledar Avdia, ne moshen 7 vjecare, nga nje aksident tragjik në plazhin e Himares. Varrimi bahet dt. 03.08.2022, ora 15:00, ne aresen: Familja Avdia, Rruga “Stanislav Zuber”, afer Intesa San Paolo Bank Laprake.


Ngjarja tragjike më Himarë/ Revoltohet Donald Veshaj: “Për çfarë jeni ,ose nuk doni, ose nuk keni mendje në kokë…

Ngjarja tragjike që ndodhi në Himarë, ku një 7-vjeçare ndërroi jetë pasi u godit nga skafi i një oficeri të policisë, është komentuar masivisht në media dhe rrjetet sociale, me njerëzit që shprehin emocionet e forta që kanë ndjerë për lajmin, por edhe kërkesën e llogarisë ndaj institucioneve dhe thirrjet për dënimin e merituar. Mes tyre edhe Donaldi. “Këtë video e kam për ministritë, policinë detare, për gjithë njerëzit që janë përgjegjës për këto tragjedi të vazhdueshme. Nuk e kuptoj sa të vështirë mund ta keni ngritjen e një sistemi. Ngritja e një sistemi që bën të mundur që mjetet ujore mos të afrohen te pushuesit. Janë raste të përsëritura. Kur ndodh diçka ju çfarë bëni në ministri? Çfarë bëni? Rrini mendoheni? Dy mundësi ka: Ose nuk doni, ose nuk keni mendje në kokë. Është e thjesht, ndodh një rast, merr 5 burra a gra të mençura, uleni në tavolinë dhe diskutoni se çfarë do bëni. E keni bërë ndonjëherë? Nuk besoj. Ta kishit bërë nuk do ndodhnin këto. Bëni një sistem molesh siç e ka gjithë bota. Sa e vështirë është ngritja e një sistemi. Për çfarë jeni aty? Nuk e kuptoj. Pse nuk kemi ne pushues e pse nuk funksionon ne turizmi. Sepse nuk e marrin rëndësinë këto gjëra, e marrin lejet e ndërtimit ne jug, tokat”thotë Donaldi mes të tjerash.


Nuk e vrau varka po shteti / PD njofton protestë në Tiranë: “Kërkohet dorëheqja e Çuçit dhe Kumbaros”

Partia Demokratike ka njoftuar mbajtjen e një proteste në ambientet përballë Ministrisë së Brendshme ditën e enjte, 4 gusht, ora 19:00. PD njofton si kërkesë të protestës dorëheqjen e ministrit të Brendshem Bledi Çuçi dhe ministres së Turizmit, Mirela Kumbaro.

NJOFTIM PËR SHTYP

Tragjedia në Himarë, Fronti për Shpëtimin Kombëtar thërret protestë të enjten, 4 Gusht, ora 19:00 para Ministrisë së Brendshme.

Kërkesë për dorëheqjen e ministrit të Brendshem Bledi Çuçi dhe ministres së Turizmit, Mirela Kumbaro.

ZYRA E SHTYPIT DHE E KOMUNIKIMIT,

PARTIA DEMOKRATIKE


“Një ëngjëll iku nga kjo botë për fajin tonë”/ Fevziu: Ligjin në det e bëjnë trafikantët dhe djemtë e biznesmenëve…

Nga Blendi Fevziu:

Një familje nuk do ta shohë më kurrë vajzën 7 vjeçare. Nuk do zgjohet në mëngjes me buzeqeshjen e saj. Nuk do ti thotë “Natën e mirë shpirt”. Nuk do ulen as bashkë në tavolinën e drekës dhe as do shohin TV. Një familje është gjymtuar sot duke humbur ëngjëllin e saj 7 vjeçar. Çdo njeri që është prind, por edhe çdo qënie njerëzore që funksionon realisht si e tillë e di se çfarë dhimbje është kjo. Fëmija iku nga kjo botë, atë moment kur familja besonte se po i jepte asaj gëzim.

Po pushonin në Shqipëri, në atdhe, kthyer me gjasë nga emigracioni. Po i tregonin bukurite e vendlindjes së saj dhe me siguri ishin të lumtur që po e bënin këtë. Deri atë moment kur vajza mori goditjen fatale e me siguri, prinderit e saj do mallkojnë veten gjithë jetën që zgjodhën ti bëjnë pushimet në atdhe. Nuk i di rrethanat e aksidentit dhe nuk merrem dot me to pa pasur me shume detaje. Por e di shume mire qe kjo eshte nje nga historite e paralajmeruar cdo dite.

Qe prej me shume se 15 vitesh flas cdo sezon personalisht me Ministrat e Brendshem dhe Drejtorat e policise i trembur nga kjo barbari. Si notar dhe zhytes i perditshem jam i tmerruar nga imazhet qe shoh. Deti shqiptar eshte nje xhungel ku ligjin nuk e ben as policia, as pushteti lokal as ministria e turizmit, as marina dhe askush tjeter. E bejne bandite dhe trafikante qe pasi parkojne makinat luksoze dhe te pajustfikuara terbojne plazhet me performancen e jet skive dhe jane bere tmerri i pushuesve.


E bejne femijet e biznesmeneve te papergjegjshem qe nuk e kuptojne se me parate e tyre mund t’ju blejne femijeve te mira materiale por jo te drejten per te neperkembur dinjitetin e pushuesve te tjere. E bejne laca me zinxhire floriri qe ngrene zerin ne kupe te qiellit nga gomonet e shtrenjta dhe derdhin shampanje, duke mos lene askend te qete pak metra me tutje ne breg. E bejne ata qe sot bllokohen nga policia e neser nxirren nga gjykata duke i lene policet qe kane zbatuar ligjin si guake.

E bejne skafistet qe mbushin skafet plot me pushues dhe fluturojne pa asnje mase sigurie, madje pa veshur edhe femijet e vegjel me jeleke sigurimi. Ka vite qe jet skite jane tmerr ne gjithe bregdetin shqiptar. Nuk jane atraksion turistik fitimprures, por rrezik permanent. Dhe nuk ndalohen si ne gjysmen e Europes sepse i prishin rehatin 15 banditeve dhe femijeve te llastuar.

Vetem kaq. Ka me dhjetra detaje te tilla, por skane asnje vlere te permenden sot. Sepse sot, nje vajze 7 vjecare nuk jeton me. Sot iku nga kjo bote per fajin tone. Te gjitheve bashke. Sot jemi te gjithe me te. Neser do dale nje histori tjeter. Sic ka ndodhur me cdo gje. Dhe ne do merremi me historine e re. Por dy prinderit e saj, do jetojne gjithe jeten me dhimbjen dhe pengun qe e deshen kaq shume Shqiperine. Sa i dhane edhe vajzen. U prehsh ne paqe shpirt i bardhe!

(Videot jane pjese e perditshmerise ne plazhet e jugut)

Erdhi ftesa për dasëm/ Laps e letër, fillojmë….

Nga Edmond Arizaj:

Në datën kaq…kemi kënaqësinë…filan vend…çift…djali ynë me vajzën… T’i kemi të pandarë! Po hajde ndajmë mendjen, se nuk ndahemi mirë me këtë shtesë të paparashikuar në buxhetin e gushtiti. Të shkon dasma sa një javë pushime në Durrës…buzëqesh, mund të shkonte sa një javë në Palasë.

Laps e letër. Fillojmë.

Naftë vajtje ardhje=100 mijë.

Shpenzime operative=50 mijë

Drekë rrugës=Nuk shpenzojmë, do hamë në darkën e dasmës edhe për drekë

Tualet, stukime, flokë, thonj, gishta=150 mijë

Fustan i ri=Sherri zgjat tre ditë. E pambyllur si çështje.

Këpucë të reja grash, nuk ka diskutime=150 mijë

Këpucë të reja burrash, tek dyqani afër furrës së bukës=45 mijë

Zarfi i dasmës=I pavendosur do pyesim të tjerët sa do hedhin ata.


Lekët që do hidhen kur kërcen çifti=50 mijë?! Pse jevgj jemi ne. 100 mijë? Në dasmën e njerëzve të tu hodhe 250 mijë 10 dhe 20. Ok i barazojmë. 250 mijë. Po pse nuk i fusim në zarf?! Zarfin e sheh vetëm një, paratë në tokë të shkelura me këmbë i shohin të gjithë.

Harruam gjë?

Tëmën si kanë ardhur punët! Janë bërë dasmat shqiptare për t’i kuotuar në bursë. Lapsin në dorë e kemi, bëjmë llogaritë e sebepxhiut: Ka ftuar 300 vetë. Minimumi 500 mijë shpenzime çifti? 75 milionë. Ç’bëhet mor ç’bëhet!

(Ky shkrim është fryt i fantazisë së autorit. Nuk ka lidhje me asnjë person real. Ngjashmëritë që mund të hasen janë rastësore)

Sot kam frikë/ Në çfarë njerëzish po shndërrohemi?

Nga Manjola Arizaj Zeka

Aksidentet ndodhin. Sidomos në një zonë ku s’ka as mbrojtje, as paralajmërim, as respekt për pushuesit, as kujdes, e mbi të gjitha ku ata që duhet të jenë në mbrojtje të jetës edhe kur janë civilë, në fakt vetëm e neglizhojnë atë. Por mua ka kohë që s’më trondisin më këto fakte të tmerrshme që po i bëjmë pjesë të jetës.

Më trondit personi, që megjithëse ka goditur një fëmijë, qëndron pothuaj i qetë në mjetin e krimit që e drejtonte vetë duke u marrë me telefonin.

Normalisht do prisja të mos filmohej në skaf, të ishte duke pranë fëmijës, të qante e t’i binte kokës me grushta, t’i ulej prindërve në gjunjë, të ulëriste me të madhe, t’i binte dhe të fikët.

Por aq gjakftohtë…Jam ende e shokuar. Një fëmijë krejt i pafajshëm ka vdekur nga pakujdesia jote kriminale dhe kjo nuk të jep asnjë ndjesi?!?!

Më falni, por në çfarë njerëzish po shndërrohemi? Çfarë njerëzish veshin uniformën e shtetit nën betimin se “do jemi në mbrojtje të jetëve njerëzore”, kur nuk tregojnë as një minimum keqardhje?

Si nënë nuk kam fjalë për të ngushëlluar prinderit e 7 vjeçares me fatin e keq. E po si nënë, kam frikë. Kam frikë se në ato brigje do shkoj të pushoj pas pak ditësh. Kam frikë nga transformimi i njerëzve në bisha.


I vrau vajzën me gomone/ Momenti kur babai i 7-vjeçares konfliktohet me policin(Foto)

Pamje trishtuese nga momenti i aksidentìt të rëndë të ndodhur sot në plazhin e Potamit në Himarë. Fotot që shihni tregojnë momentin e përplasjes së babait që humbi 7-vjeçaren në mënyrë tragjike dhe të drejtuesit të gomones Arjan Tase që goditi vajzën e vogël. Gjithashtu në një tjetër foto duket edhe momenti dramatik kur babai i vajzës së ndjerë ka rënë në tokë me dy duar në kokë, i tronditur nga humbja e vajzës. Ngjarja e sotme për fat të keq, ka bindur të madh e të vogël që pushimet në Shqipëri, sado patriotë të jemi duhen harruar një herë e mirë , pasi shkërmoqi shtetin dhe funsionin e tij.


Ngjarja që shokoi Himarën/ Meta: “Shteti ka rënë, policia përdoret vetëm për të shtypur protestat

Kryetari i zgjedhur i Partisë së Lirisë, Ilir Meta ka reaguar për ngjarjen e rëndë të ndodhur sot në Himarë, ku një vajzë 7-vjeçare humbi jetën pasi u përplas në breg të detit nga një gomone. Meta është shfaqur në një deklaratë të jashtëzakonshme për media, duke thënë se ngjarje të tilla nuk janë rastësore. Ai fajësoi qeverinë për rehabilitimin e punonjësve të policisë që kanë bashkëpunuar më herët me grupet kriminale.

Ngjarjet tregojnë që shteti ka rënë, që policia nuk është ajo që do populli, komuniteti. Policia nuk është në shërbim të popullit, por përdoret për t’i shtypur, kur bëhen protesta paqësore dhe civile. Është koha që të reagohet me forcë, është koha t’i jepet fund përdorimit të policisë si një instrument shtypës.

Nuk jemi popull për t’u shtypur nga askush, e aq më tepër nga policia.

Nuk kemi fëmijë për të humbur nga kjo papërgjegjshmëri, duhet të ketë masa të forta dhe të menjëhershme në mënyrë që të rivendoset besimi mes policisë dhe komunitetit. Dhe natyrisht që të gjitha këto justifikime dhe deklarata nuk vlejnë, ashtu sikurse nuk vlejnë edhe deklaratat që nuk kemi helikopterë apo avionë për zjarret.

Video:

Tragjedia në Himarë/ Reagon Rama: “Drejtuesit e Policisë të nxjerrin mësimet e duhura…

Kryeministri Rama ka reaguar në lidhje me ngjarjen e rëndë që ndodhi në Himarë këtë të martë, ku një 7-vjeçare u përplas për vdekje nga një mjet lundrues teksa po lahej në bregun e detit. Përmes një postimi në Twitter, Rama shkruan se nuk ka fjalë ngushëlluese për dhimbjen e familjes së viktimës . “Tragjedia e familjes së të miturës në Himarë është rrëqethëse dhe s’ka fjalë ngushëlluese për dhimbjen. Uroj që fajtori të marrë ndëshkimin më ekstrem nga drejtësia dhe drejtuesit e Policisë së Shtetit të nxjerrin mësimet e duhura e t’u japin mësimin e duhur trupave përgjegjëse!”, shkruan Rama në Twitter .



Ju bëfsha m….. mu në turizëm! Shpërthen gazetari: “Bëjini sh*rrën perlës së jugut tani

Nga Mentor Kikia

U desh edhe një viktimë tjetër ë? Duhej të ikte nga kjo botë edhe një fëmijë 5 apo 7 vjeç, që të kujtoheshit se skafet nuk duhet të “lahen” në të njëjtin vend me njerëzit? Kishte ardhur nga Britania e Madhe për pushime në mëmëdhe familja e saj.

Ku e keni kordonin e sigurisë? Ku i keni rojet bregdetare që ndalojnë horrat, edhe titullarë policie, me motorra uji e gomone të futen mes pushuesve?

Kur një tjetër horr i pasur i hapi kafkën një turisti rus, e nxorrët nga burgu, pasi e quajtët aksident, apo jo?

Edhe këtë do ta nxirrni, sa të shuhet revolta e njerëzve. Aksident ishte edhe ky, patjetër. E pushuat nga puna, apo jo? Sa rëndë e ndëshkuat! Mos duhej ta ngrinit në detyrë?

Sa herë motorrat e ujit të gangove, që duan të shesin mend para femrave me bikini, futen mes pushuesve duke plagosur njerez dhe ju nuk i ndaloni? Videoja tregonte se fare pranë bregut e mes njerëzve qe laheshin, kishte disa motorra e skafe të tjerë të stacionuar.


Kur ne që “grindemi” shkruajmë për këto probleme, ju na akuzoni se po i bëjmë antireklamë turizmit tonë, apo jo?

Bëjini shurrën turizmit dhe perlës së Jugut tani! Merreni atë fëmijë të vrarë dhe bëjini një statujë në mes të qytetit turistik! Unë për vete se shkel atë vend, edhe sikur dhuratë të mi bëjnë pushimet. Shkoni në Mal të Zi(jo në Turqi, Kroaci apo Greqi) dhe shikoni nëse ia mban ndonjërit nga ky soji, me motorr uji apo me skaf, ti afrohet bregut. Shkoni mësoni, e pastaj dilni shisni mend për turisët që po vijnë tufa tufa.

P.S: Edhe një gjë të fundit. E shikoni atë tendë në foto?

Është qendra ku jepen skafet dhe motorrat e ujit me qera. I shikoni ata bidona në tokë? Janë bidona me benzinë, një shkëndijë dhe gjysma e pushuesve aty mbaruan punë.

Ku është koridori i sigurisë aty, si mund të jetë ai stacion mu në mes të pushuesve?