Emocion dhe spektakël/ Ikona e muzikës greke Glykeria elektrizon Pogradecin(Video)


Tingujt e muzikës greke dhe këngëve shqiptare pushtuan këtë herë sheshin “Odeon” në qytetin liqenor të Pogradecit ku për rreth dy orë performoi koncert Live këngëtarja greke me famë ndërkombëtare, Glyekeria. Rikthyer pas një viti në Shqipëri me zërin e saj brilant artistja greke dhuroi emocione të bukura duke elektrizuar publikun pogradecar. “Emrin e qytetit të Pogradecit e kam dëgjuar nga im atë. Është një qytet i mrekullueshëm. Kam një lehtësi të këndoj në gjuhë të huaja dhe jam shumë e lumtur që kam mësuar të këndoj edhe në gjuhën shqipe. Është kënaqësi të këndoj këngë në shqip falë muzikantit Dasho Kurti”, tha Glyekeria.

Për organizatoren e koncertit Enkeleida Fejoz evente të tilla janë një mundësi për të zhvilluar turizmin dhe jetën kulturore të qytetit.

“Është një kënaqësi kur publiku ia di këngët këngëtares. I shërben jo vetëm turizmit , por është dhe një marrëdhënie shumë e mirë midis dy popujve duke ditur që arti dhe muzika është një nga urat lidhëze mes dy popujve edhe për trashëgimi, traditë”, u shpreh ajo.

Pas qytetit të Pogradecit këngëtarja së muzikës greke, Glykeria do të vazhdojë turin e saj të koncerteve në Vlorë dhe në Dropull.


Jonada zemër, pse nuk kthehesh me ne në Angli?/ Pankarta rrëqethëse e tre vogëlushë…


Prej orës 19:00 para Ministrisë së Brendshme ka nisur protesta për tragjedinë e ndodhur në plazhin e Potamit, ku humbi jetën tragjikisht 7-vjeçarja Jonada Avdia si pasojë e përplasjes nga gomonia, e drejtuar nga komisari Arjan Tase. Tre vogëlushë me pankarta, me mbishkrime prekëse në duart e tyre janë shfaqur mes protestuesve.Jonada zemër, pse nuk kthehesh me ne në Angli”, lexohet në një nga pankartat. Ndërkohë në një tjetër pankartë shkruhet: “Nuk do të kthehemi as ne, pa drejtësi për ty”.

Është xhentil ,që në momentin e parë që e kam parë jam tërhequr/ Blogerja zbulon ‘sekretin’ e lidhjes 9-vjeçare me Shkëlzenin…

Armira Mevlani është prej 9 vitesh tashmë në në lidhje me djalin e ish-kryeministrit Sali Berisha. Edhe pse është përfolur disa herë që çifti do shkonin drejt altarit, planet e tyre janë anuluar për shkak të pandemisë së COVID-19. Megjithatë ky vit do jetë deçiziv, nëse dasma do zhvillohet … “Dasma që ka tre vjet që s’po e bëjmë nga pandemia. Në qoftë se nuk e bëj edhe këtë vit, nuk e bëj më”.- deklaroi ajo para pak javësh .

Gjithashtu Armina tregoi edhe ‘puthjen perfekte’ për të. Duke zbuluar se është një vajzë romantike Armina tha se puthja perfekte për të është në shi gjatë vjeshtës…

Më tej ajo shkruan: “Është shumë me këmbë në tokë, shumë xhentil, me kulturë, i dashur dhe për më tepër i ndjeshëm, njëlloj si unë, për njerëzit dhe kafshët”, theksoi blogerja.


Drejtori i Policisë, Gledis Nano, vizitë ngushëllimi në familjen e 7-vjeçares Jonada Avdia

Drejtori i Përgjithshëm i Policisë së Shtetit, Gledis Nano, ka shkuar paraditen e sotme për një vizitë ngushëllimi në familjen e 7-vjeçares Jonada Avdia, e cila u vra tragjikisht nga një skaf në plazhin e Potamit në Himarë, dy ditë më parë. “Kam ardhur si prind dhe qytetar dhe falënderoj familjen Avdia që i mirëpriti ngushëllimet e mia. I mirëkuptoj dhe i falënderoj që ngjyrime të caktuara i kanë lënë mënjanë dhe janë duke vuajtur të gjithë atë që ndodhi“, tha për mediat kryepolici Nano.


Qafë Plloçë- Qukës/ Prefekti i Korçës Nertil Jole inspekton punimet: “Shkurton rrugën drejt Tiranës me një orë


Nga Nertil Jole:

Me përfundimin e plotë të ndërtimit të segmentit rrugor Qukës-Qafë Plloçë, me gjatësi 43.4 km, do të shkurtohet me rreth një orë, koha e udhëtimit në aksin kombëtar Tiranë-Korçë. Me nënprefektin e Pogradecit Luan Maxhari vizituam kantierin dhe përshkuam segmentin nga kilometri i 9 deri tek kilometri 15, ku aktualisht po punohet me shtresa e mure. 10 km të këtij segmenti rrugor kalojnë buzë lumit Shkumbin, mes për mes një zone të bukur natyrore të paeksploruar të qarkut tonë, siç është ajo e Mokrës.

🛣Për shkak të terrenit të vështirë kjo vepër parashikon ndërtimin e një numri të madh muresh mbajtëse, mbi 20 ura, 2 tunele të ndërtuara me gjatësi 850 m dhe 350 m, së bashku me tunelin e emergjencës. Ka qenë gjithashtu terreni i vështirë, që ka imponuar ndërhyrje në studim e projekt, duke ndikuar edhe afatet e parashikuara për përfundimin.

✅️Projekti është i ndarë në 3 lote dhe me realizmin e plotë të kësaj vepre do të sigurohet ndërlidhja e domosdoshme për komunitetet që banojnë në afërsi të këtij aksi, si dhe do të krijohet një perspektivë e re për zhvillimin e zonës së Mokrës, me ndikim pozitiv për gjithë rajonin tonë shkruan Nertil Jole.


Policia rrugore “zhdëp” shoferët në Korçë / Vendos 646 gjoba ,iu heq patentën 13 prej tyre…


Policia Rrugore ka vijuar kontrollet për evidentimin dhe ndëshkimin e shkelësve të Kodit Rrugor, me rritjen e parametrave të sigurisë rrugore. Kontrollet janë zhvilluar me radar për parandalimin e shpejtësisë tej normave të lejuara dhe drager për evidentimin dhe ndëshkimin e drejtuesve të automjeteve që drejtojnë mjetin nën efektin e alkoolit ose në gjendje të dehur. Gjithashtu kanë vijuar kontrollet në drejtim të mbikëqyrjes së hapësirave publike, të dedikuara vetëm për qarkullimin e këmbësorëve. Gjatë javës që lamë pas, nga specialistët e Trafikut Urban dhe Interurban u arrestuan në flagrancë 4 shtetas për veprën penale “Drejtimi i mjetit në mënyrë të parregullt” dhe u referuan materialet në Prokurori për 2 shtetas të tjerë.

Janë proceduar administrativisht gjithsej 646 drejtues mjetesh📝

Nga kontrollet e ushtruara me radar, janë ndëshkuar 271 drejtues mjetesh, për tejkalim të normave të shpejtësisë në rrugë.

17 drejtues mjetesh janë proceduar administrativisht për mosvendosjen e rripit të sigurimit dhe 2 për përdorim të celularit gjatë drejtimit të mjetit.

Janë vendosur 101 masa administrative për qendrim të gabuar dhe 103 për parakalim të gabuar.

Janë tërhequr gjithsej 13 leje drejtimi për drejtim mjeti nën efektin e alkoolit, për shpejtësi tej normave të lejuara dhe për shkelje të tjera të Kodit Rrugor.


Janë vendosur 141 masa administrative për shkelje të tjera, të Kodit Rrugor.

Sektori i Policisë Rrugore në DVP Korçë do të vijojë kontrollet në të gjitha akset rrugore urbane, interurbane dhe rurale, për të gjitha kategoritë e mjeteve, me qëllim parandalimin e ngjarjeve rrugore. Për_më_shumë_siguri_rrugore👮🚓

S’përmbahet 34- vjeçari nga Pogradeci, rreh në shtëpi motrën e tij…


Specialistët për Hetimin e Krimeve në Komisariatin e Policisë Pogradec bënë arrestimin në flagrancë të shtetasit R. Ç., 34 vjeç, banues në fshatin Tushemisht, Pogradec, për veprën penale “Dhuna në familje”, pasi në fshatin Tushemisht, ka ushtruar dhunë fizikë ndaj motrës së tij, shtetases L. K., 48 vjeçe, banuese në Pogradec. Materialet i kaluan Prokurorise se Rretheve Gjyqësor Pogradec, për veprime të mëtejshme.

Aksident i frrikshëm në Tiranë… / Humbi kontrrollin e mjetit, vdes 60-vjeçarja

Një aksident me pasojë vdekjen ka ndodhur pasditen e sotme në zonën e Laknasit. Një 60-vjeçare me iniciale S.Gj. ka humbur kontrollin e automjetit. Sipas policisë, 60-vjeçarja ka pasur probleme shëndetësore. Në momentin kur policia ka shkuar në vendngjarje, 60-vjeçarja është gjetur pa shenja jete. Uniformat blu nuk sqarojnë nëse 60-vjeçarja humbi jetën si pasojë e plagëve të marra nga aksidenti apo për shkak të problemeve të saj shëndetësore.

Njoftimi i policisë:

Më datë 04.08.2022, në Laknas, shtetasja S. Gj., rreth 60 vjeçe, dyshohet se ka humbur kontrollin mbi drejtimin e automjetit, për shkak të problemeve shëndetësore.

Pas mbërritjes së shërbimeve të Policisë, në vendngjarje, kjo shtetase është gjetur pa shenja jete. Grupi hetimor po punon për zbardhjen e rrethanave të ngjarjes.


Shkoi për kronikë/ Goditet gazetarja në Devoll, autori dhunon fizikisht dhe vajzën…


Devoll

Ushtroi dhunë fizike ndaj vajzës së tij dhe goditi gazetaren e emisionit investigativ gjatë ushtrimit të detyrës, vihet në pranga 62-vjeçari. Specialistët për Hetimin e Krimeve në Komisariatin e Policisë Devoll bënë arrestimin në flagrancë të shtetasit L. J., 62 vjeç, banues në fshatin Ponçarë, Devoll, për veprat penale “Dhuna në familje” dhe “Dëmtime të tjera me dashje”.

Shtetasi i mësipërm, ditën e djeshme, në fshatin Ponçarë, Devoll, ka ushtruar dhunë fizike ndaj vajzës së tij, shtetases G. Ç., 33 vjeçe, si edhe ka goditur gjatë detyrës shtetasen M. M., 32 vjeçe,

banuese në Tiranë, me detyrë gazetare, e cila do të realizonte një kronikë me shtetasen G. Ç., për një emision investigativ.