Incidenti në Gramsh/ Ministri Peleshi: “Jetojmë në një rajon delikat, ngjarja po trajtohet me seriozitet nga ne

Ministri i Mbrojtjes, Niko Peleshi, komentoi sot në një konferencë për shtyp incidentin e ndodhur në uzinën e armëve në Gramsh, ku tre shtetas të huaj tentuan të futen me forcë, duke sulmuar dy ushtarë shqiptarë. Ai u shpreh se ngjarja po trajtohet me seriozitet nga të gjitha strukturat, ai Antiterrori, SHISH, policia dhe Prokuroria, edhe në këndvështrimin e situatës që ka shkaktuar pushtimi rus në Ukrainë.

Ngjarje që nga ne po trajtohet me seriozitet, se kemi të bëjmë me tre të huaj që kishin goxha ditë në Shqipëri e nuk kanë qenë vetëm në Gramsh por dhe në zona të tjera, e si ngjarje mund të jetë dhe një ngjarje që nuk na shqetëson shumë se çfarë kanë fotografuar por nga ana tjetër mund të ketë pasur synim për të devijuar vëmendjen nga një skenar tjetër.

Jemi në një kohë të prishjes së ekuilibrave gjeopolitike por cdo ngjarje meriton të shohim jo si duket por dhe në mënyrë të tërthortë.

Ne jetojmë në një rajon delikat, jemi në një rrugëtiom drejt anëtarëismit të strukturat euroatlantike, por jo të gjithë shtetet kanë të njëjtën agjendë. Shqipëria është kampioni persa i përket orientimit të ballkanit perëndimor. Jemi të brishtë si rajon ndaj na bën dy herë më të vëmendshëm tha Ministri Niko Peleshi.


Për t’u bërë pjesë e grupit "KorcaBlog.com" mjafton të klikoni: Join Group dhe kërkesa do t’ju aprovohet menjëherë.