Një ngjarje aspak e bukur dhe e dënueshme ligjërisht është regjistruar në vendin tonë. Një veprim i ulët nga një i moshuar…ku nje vajzë e sëmurë me disleksi (vështirësia e të nxënit) është grabitur në një nga plazhet shqiptare. “Kam humbur gjithçka, më ndihmoni të gjej hajdutin”, shkruan vajza në rrjetet sociale. Ajo quhet Marinela Marku së cilës i kanë vjedhur çantën e shpinës me të gjitha sendet me vlerë si edhe pajisjet elektronike Apple që kishte brenda. Ajo ishte duke notuar në det kur hajduti i ka përlarë gjithçka që kishte. Marinela tregon se disa njerëz i kanë dhënë para dhe rroba, duke qenë se hajduti i kishte marrë dhe rrobat e trupit duke e lënë vetëm me ato të plazhit. Ndërkohë, policia përmes kamerave të vëzhgimit ka identifikuar hajdutin. Por ende nuk e kanë gjetur. Videoja e saj mblodhi mbi dy milion shikime në Tiktok.

Çmenduri/ I moshuari grabit vajzën e sëmurë, e lë veç rrobat e banjës pic.twitter.com/mLxpC1mNQ9

— KorcaBlog.com (@korcablog1) August 26, 2022

Kreu i zgjedhur i Partisë së Lirisë, Ilir Meta, ka zhvilluar sërish mbrëmjen e sotme një bashkëbisedim me të rinjtë në kampin e Jalës. Gjatë fjalës së tij, ish-presidenti Meta tha se beteja për 200 vitet e ardhshme është që “nuk kemi atdhe për të humbur”. Ai i ftoi të rinjtë që të bashkohen për të shporrur qeverinë e cila sipas Metës, punon për një pakicë të pangopur. Ju e dini kush është beteja jonë, është beteja për 200 vitet që vijnë. Nuk kemi atdhe për të humbur.

Fundi i kësaj drame është që rinia dhe mundësitë për integrimin e saj këtu, për mundësitë e reja që jepen këtu, është prioriteti i prioriteteve tona. Unë jam shumë optimist që ditët e para dhe javët e para të shtatorit do të jenë një pranverë e jashtëzakonshme edhe pse shumë e vonuar. Dhe është e vërtetë siç ia kam thënë atij djalit nga Vlora dhe e kam menduar shumë mirë se “pranvera vjen çdo ditë, por rinia veç njëherë”.

Ndaj duhet triumfi i lirisë mbi tiraninë.

Ne do të fitojmë dhe do t’u japim lirinë dhe patronazhistëve dhe ata do ndihen më të mirë dhe do kenë mundësi të shkëlqyera. Dhe mos harroni ‘It’s the Final Countdown’. Iku koha e ndeshjeve të trukuara dhe opozitës në xhepin e Edi Ramës. 90% e shqiptarëve presin ndryshimin dhe e presin tani”, tha Meta.

Inteligjenca e Britanisë së Madhe ka publikuar një raport ku thotë se 4 në 10 emigrantë janë shqiptarë. Shumica e trafikantëve i joshin emigrantët përmes rrjetit social TikTok. Ata publikojnë aty edhe çmimet dhe ofertat e tyre duke iu bërë thirrje emigrantëve që mund t’i kalojnë nga Franca për në Britani me gomone. Ata kanë paraqitur edhe një ofertë të çuditshme, ku i bëjnë thirrje shqiptarëve se mund t’i kalojnë falas për në Angli dhe se udhëtimi është 100 për qind i sigurt. Në ofertat që paraqiten në TikTok, trafikantët shkruajnë se kryejnë udhëtime nga Shkodra për në Dunkirk.

Udhëtim 100% i sigurt në Angli ”/ Ja si trafikantët shqiptarë ‘bëjnë namin’ në TikTok dhe joshin të rinjtë pic.twitter.com/4YraJ7Yadp

— KorcaBlog.com (@korcablog1) August 26, 2022

“Udhëtime të përditshme Shkodër në Dunkirk. Për më shume info DM (Direct Message).”Një tjetër shkruante: “

Një tjetër shkruante: “Udhëtoni çdo ditë. 100 për qind e sigurt.” Në publikimet e tyre shfaqen foto, video, dhe minibusëve që ofrojnë shërbimin së bashku me një ftesë të hapur për njerëzit që të regjistrohen duke u dërguar mesazhe trafikantëve, shkruajnë mediat britanike.

Një tjetër postim në TikTok tregonte një video të një shoferi minibusi teksa i cili thoshte se: “Djemtë sapo filluan udhëtimin për në Dunkirk. Thanx djema. Zoti ju ndihmoftë. Nxitoni! Informacionet i merrni në DM”.

Burimet e emigracionit në Shqipëri kanë raportuar se refugjatët që hyjnë në tratativa të tilla rrezikojnë të bien pre e bandave të trafikut të drogës.

Një aksident me pasojë plagosjen e tre personave ka ndodhur këtë mbrëmjre në autostradën Lushnjë-Fier në vendin e quajtur Bishqem. Një mjet me targa të Kosovës është përplasur me një mjet me targa ‘AA873XN’. Shpejtësia e madhe me të cilën udhëtonin të dy mjetet në kohën që janë përplasur me njëra-tjetrën në tentativë parakalimi të mjetit Opel me targa të Kosovës ka shkaktuar goditjen dhe me trafikndareset e të dy mjeteve. Nga shpejtësia mjetet kanë përfunduar me qindra metra larg njëri-tjetrit. Policia e qarkullimit rrugor në vendngjarje po disiplinon trafikun dhe po merren me dokumentimin e aksidentit. Te lënduarit janë transportuar me ambulancë në spitalin e Lushnjës dhe ndodhen jashtë rrezikut për jetën.

Ilir Meta tha sot se vendi do të shkojë në zgjedhje të parakohshme dhe këtë opozita do ta bëjë të realizueshme në bashkëpunim me popullin e Shqipërisë.“Do e realizojmë me bashkëpunimin e popullit, Rama do rrëzohet si e meriton, siç ndodhi kur la basketbollin, para një gjigandi me vendosmëri të përditshme për ti rikthyer fuqinë popullit dhe institucioneve”, tha Meta. I pyetur në intervistën për FaxNews sesi do shkohet në zgjedhje, meta u përgjigj: “Jam i bindur që ekziston një vullnet i përbashkët për t’u kthyer fuqinë qytetarëve, primaret, referendumi janë shtylla të forta”.

Edhe pak muaj na ndajnë nga stina e dimrit dhe shqiptarët në qytete të ndryshme të vendit kanë nisur të bëjnë përgatitjet për stinën e ftohtë. Dimri në Korçë është tepër i ashpër, me borë, akull, ngrica dhe temperatura nën minus. Qytetarët korçarë kanë nisur të marrin masa që tani por gjatë dy javëve të fundit janë përballur me një rritje të frikshme të çmimit të druve. Çmimi i druve tani është dyfishuar nga sa ka qenë një vit më parë dhe qytetarët, kryesisht pensionistët nuk e përballojnë dot një rritje të tillë pasi për ngrohjen duhet të shpenzojë gati gjysmën e pensionit.

Jetesën jo pensionisti që e ka shumë të vështirë ta përballojë me këto çmime që është lënda drusore, por edhe një mesatar nuk i përballon dot, detyrohet të hyjë në borxh, të shkrijë atë pak dhjame që ka grumbulluar, kështu që e ka të vështirë sepse çmimi i druve ka shkuar shumë lart. Unë i kam marrë para 3 muajsh i kam marrë 50 mije lek te vjetra. Ka që i kanë marrë 60 edhe 70, pra është një tmerr, drurin tonë e marrim me çmim shumë të lartë, është e vështirë shumë.

Vitin e kaluar një metër dru kushtonte 35-40 mijë lekë të vjetra, ndërkohë këtë vit kushton 65-75 mijë lek të vjetra.

Kreu i Partisë së Lirisë, Ilir Meta, ka paralajmëruar kryeministrin Edi Rama se do ta njohë Ilir Metën e vërtetë përmes ligjeve që ka firmosur vetë. Meta deklaroi në News 24 se personat në kërkim për çështjen e Inceneratorëve ndodhen në Austri nga ku tha se paguajnë edhe shkrime për të dëmtuar figurën e tij. “Do të dalë mbi SPAK mali i fakteve. Letrave, shkresave dhe vendimeve të paligjshme të një regjimi mafioz që mbështetet në falsifikime.

Kjo është një çështje e tyre. Unë kam qenë dhe jam këtu jo vetëm përballë drejtësisë së partisë por mbi të gjitha përballë popullit. Ato firmat fët e fët do e kalojnë katin më të lartë të SPAK shumë shpejt. Edhe në Zimbabve vepron më shpejt drejtësia. Në Austri paguhen shkrime për të shpifur për Ilir Metën. Ilir Meta ka qenë këtu që prej 22 marsit të vitit 92. Tani ka një detyrë të vështirë se duhet të punojë më shumë se në këto 30 vite.

Për këtë guxim të marrë që ata kanë marrë ndaj interesave publike, që i dinë punët e firmave një punë të mbaruar.Kjo do të jetë një çështje shumë e shpejtë. Punë javësh. Do e njohin mirë Ilir Metën. Se kanë njohur mirë në të kaluarën edhe për shkak të përgjegjësisë sime. Në 200 vjet nuk do guxojnë të prekin kushtetutën. Populli është gjykatës dhe prokuror suprem në këtë vend. Askush të mos bëjë më marrëzira të tilla për 200 vitet që vijnë. I harxhuam 10 vjet me këtë aventurier që na e infliltruan të tjerët për të përçarë vendin. Duke zbatuar vetëm ligjet e tij”, tha Meta.

Ish-kryeministri Sali Berisha ka denoncuar sot në konferencën me gazetarët planin e qeverisë për të sjellë në Portin e Vlorës impiantet për prodhimin e energjisë nga Bangladeshi. Berisha u shpreh se këto impiante veprojnë si gjeneratorë duke shpenzuar shumë energji dhe ndosin ambientin duke qenë se sipas tij punojnë me naftë të rëndë të ndaluar për t’u përdorur. “Sot dua të sjell në vëmendjen e mediave dhe publikut një zhvillim anti ekonomik të rëndë. Një shpërdorim në fushën e energjisë.

Anija që po sjell impiantet për prodhimin e energjisë në Portin e Vlorës ka hyrë në kanalin e Suezit. 760 milion euro është e llogaritur nga specialistët më të mirë kostoja për dy vite që do punojnë këto impiante përfshirë këtu qiranë e tyre dhe naftën që shpenzojnë. Më poshtë keni të detajuar nga ekspertët koston e këtyre impianteve. Kostoja e tyre ditore është kjo: Për prodhimin e 1 mgv, këto impiante shpenzojnë 220 litra naftë. Prodhojnë 110 mgv në 24 orë. Ato shpenzojnë 580 800 litra naftë në ditë.

Në qoftë se i shumëzojmë jo me 2300 vetëm me 1900 lekë (jo çmimi real i naftës) harxhojnë në ditë mbi 900 mijë euro.

Kjo është vetëm nafta. Prodhimi ditor i energjisë është 2240 mgv. Por përveç kostos së naftës qiraja ditore është 91 117 euro. Në total është 1 049 779 euro. Në rast se llogarisni çmimin e mgv këto para shpenzohen për prodhimin e 2240 mgv. 1 mgv kushton 398 euro, pra rreth 400 euro. Po ta llogarisësh me çmimin e sotëm të naftës del një shifër më e lartë.

Çfarë po bën Edi Rama?

Për të dalë para shqiptarëve me këtë batardi po bën zbrazjen e rrufeshme të kaskadës së Drinit. Kaskada ulet me mbi 50 cm në ditë. Nga Suezi gjer në Vlorë, Kaskada është 274 metër në një kohë kur në rregulloren që përbën ligji, në datë 1 shtator nuk duhet të jetë kurrë nën 284 metër. Edi Rama për të justifikuar këtë krim të shëmtuar. Për t’i thënë shqiptarëve që nuk ka energji në bursë dhe në diga.

Impantet kanë funksionuar për 20 vite me radhë në Bangladesh.

Nga viti 2010 deri më sot ato kanë qenë pa funksion. Problemet e tyre që lidhen me ambientin janë të tmerrshme. Këto janë gjeneratorë gjigantë që funksionojnë me naftë të rëndë që ka në përbërjen e vet 50 mg për litër, squfur. E ndaluar për t’u përdorur. Dhe me këtë toksicitet ajo do krijojë një ndotje në Vlorë sikur të qarkullojnë 100 mijë automjete. Dhe këto të bëjnë nga 100 km rrugë në territorin e qytetit. Kjo është një çmenduri”, tha Berisha.

Nga Edi Oga :

Britanikët duket se e kanë marrë seriozisht problemin e dyndjes ilegale të shqiptarëve në ishull. Ata po bëjnë çdo përpjeke për të dekurajuar mbipopullimin e mbretërisë me njerëz të cilët, sipas tyre, më së shumti merren me trafiqe dhe punë të rrezikshme. Me këtë rast, ata po na njohin. Po njohin pasardhësit e pellazgëve të cilët ndërmjet të tjerave gëzojnë këto edhe këtu virtyte:

Shqiptarët jetojnë sipas parimit ‘All or nothing’! Ata rrezikojnë ta humbasin jetën mbi gomone më mirë sesa të jetojnë gjithë jetën duke parë çfarë makine solli nga Anglia fqinji i tyre në fshat.

Shqiptarët punojnë derisa ‘të kapin veten’, pastaj duan të shohin të tjerët duke punuar për ta. Po të ishte për të punuar vetë gjithë jetën, punonin në vendin e tyre ata. Nuk kishte pse emigronin.

Shqiptarët duan të pasurohen të gjithë, shumë dhe shpejt. Hashashi është mundësi e shkëlqyer. Nëse ju o anglezë e tymosni kaq shumë, përse të mos e blini nga ne shqiptarët?!

Shqiptarët janë popull vital.

Nëse nuk do të ishit ju të ligj, do të na lejonit ta ndërtonim këtu jetën tonë. Por ju nuk na keni dashur kurrë. Ju na keni ndarë 100 vite më parë dhe na këshilloni keq sot. Po, edhe për Tony Blair po flas. Ish-kryeministrin tuaj. Ai që na mashtroi dhe na griu nga lekët. Edhe ai ka kontribuar që sot t’ju vijmë të paftuar në derë!

Mos na e mbyll at der’, o Toni Bler’!

Një krim i rëndë në familje është raportuar mbrëmjen e sotme në Greshnicë të Mallakastrës. Në një zënkë me të atin në banesën ku jetonin, 37-vjeçari nuk arriti të përmbahej dhe e goditi 73-vjeçarin me një pllakë betoni në kokë. Si pasojë e dëmeve të marra Qemal Muhametaj ndërroi jetë. Neser bëhet përcjellja e tij për në banesën e fundit, ndërsa i biri është ndaluar nga policia . Rreth orës 21:30, në fshatin Greshicë, Mallakastër, shtetasi M. M., 30 vjeç (i cili vuan nga probleme të shëndetit mendor), ka vrarë me sende të forta babain e tij, shtetasin Q. M., 73 vjeç. Grupi hetimor po punon për zbardhjen e plotë të ngjarjes dhe kapjen e 30-vjeçarit, i cili është larguar nga vendngjarja” – thuhet në njoftimin e policisë.