Eni Vasili: Nuk e kemi personale me Ramën, por ai po na prish pishinat. Durohet kjo?

Eni Vasili dhe moderatorja e emisionit “Open” ndërsa ka komentuar ndërhyrjen e IKMT-së për lirimin e bregdetit, deklaroi se “Prestige Resort” është një copë Europë në atë mishmash në të cilën ndodhet Golemi. Por Vasili harron se Europa nuk e uzurpon bregdetin, nuk e ndan me parcela me blloqe betoni, si “tokë e xanun”, pasi është pronë publike dhe si e tillë u përket të gjithë qytetarëve.

Sipas Vasilit, janë vetëm dy pishina që po prishen.

“Ajo që shikon sot në ‘Prestige’, aty ku është një vend shumë i bukur një investim fantastik, duket si një copë Europe në mes atij mishmashi që afron Golemi dhe të shohësh ato pamje të vjen keq. Duket sikur kanë rënë bombat e një lufte. Çdo qytetar ndihet i prekur nga kjo gjë, tani ajo çfarë thua çfarë garancie kam unë.

News24’ po reagon në mënyrën e vet dhe po bën shumë mirë. Nuk është thjesht çështje personale”, ka thënë Vasili.

Shehi: “Nëse protesta përdoret për treguar se kush e ka “çetën” më të madhe gabojmë”

I ftuar në “Radari Informativ” në Abc, të gazetares Juli Xhokaxhi, kreu i LZHK-së, Dashamir Shehi, ka folur për aksionet opozitare që pritet të nisin, ku i pari pritet javën e ardhshme tek inceneratori i Tiranës. Shehi tha se protesta duhet përdorur si një qëllim për të përmirësuar gjendjen, dhe jo si pikë për të treguar se kush e ka më të madhe “çetën” apo se kush do të dominojë politikën. Ai theksoi se opozita duhet të jetë e qartë në qëndrimet e saj lidhur me këto çështje.

“Këtu ka dëshirë për tu bërë protesta, dhe njerëzit janë të gatshëm për të bërë protesta. Shpeshherë niveli i protestave nuk varet nga tema që ke dalë për të protestuar, varet nga akumulimi që është krijuar.

Kështu që protesta dhe revolucione të lajmëruar me datë dhe me orë është çikë e zorshme. Por dalja në protestë është një gjë e mirë. Por edhe këtu është tema e protestës, që do dalim për të luftuar korrupsionin, apo për të treguar se sa e madhe është çeta ime, unë kam frikë se njëherë për njëherë na mund Rama me çetën e tij. Nëse e përdorim protestën për të treguar se fjalimin e mbaj, unë besoj se e zhvlerësojmë protestën. Unë kam shkuar tek të gjitha protestat do të shkoj prapë, për sa kohë ka tema të qëndrueshme politike”, u shpreh Shehi.

Merte drogë në kufi dhe e trafikonte në Athinë / Kapet me 52 kg canabis 31-vjeçari Shqiptar dhe…

Departamenti i anti drogës në rajonin e Kozanit, arrestoi dy shtetas shqiptarë nën akuzën e trafikut të lëndëve narkotike. Sipas njoftimit për shtyp të policisë greke, dy shtetas shqiptarë 31-vjeçar dhe një grua 51-vjeçare, u arrestuan në kushtet e flagrancës, pasi mbas kontrollit të kryer në automjetin e tyre me targa greke u gjet sasia prej 51.5 kilogramë kanabis.

Automjeti i trafikantëve u bllokua në aksin Kozani-Selanik në një postobllok të ngritur prej policisë helene për arrestimin e trafikantëve të narkotikëve. Autoritetet greke thanë se dy të arrestuarit kishin marrë sasinë e drogës në vijën kufitare mes Shqipërisë dhe Greqisë, dhe do ta dërgonin atë në Athinë.

Në cilësinë e provës materiale u sekuestrua lënda narkotike, dy automjete,disa telefona si dhe 1000 euro kash. Ata u dërguan në gjykatën e Kozanit, e cila vendosi t’i lërë më burg deri në përfundimin e hetimeve.

Procedohet 38-vjeçari në Pogradec/ U kap duke transportuar dru zjarri pa dokumentacion dhe…

Specialistët e Trafikut Urban dhe Interurban pranë DVP Korçë bënë ndalimin e shtetasit në kërkim L . K., 38 vjeç, banues në Pogradec, pasi Prokuroria pranë Gjykatës së Shkallës së Parë Pogradec me vendimin e datës 12.08.2022, ka urdhëruar ndalimin e tij për veprat penale “Shkelja e rregullave të qarkullimit rrugor”, “Drejtimi i automjetit në mënyrë të parregullt” dhe “Largimi nga vendi i aksidentit”.

Specialistët e Seksionit për Hetimin e Krimit të Komisariatit të Policisë Pogradec referuan materialet në Prokurori dhe filloi procedimi penal në gjendje të lirë për shtetasin D. P., 53 vjeç, banues në fshatin Leshnicë, Pogradec, për veprën penale “Prerja e paligjshme e pyjeve”, pasi në fshatin Stropckë, Pogradec, u kap duke transportuar me mjetin kamion tip “Benz”, një sasi lëndësh drusore, pa dokumentacionin përkatës.

Materialet i kaluan Prokurorisë së Rrethit Gjyqësor Pogradec për veprime të mëtejshme.

Gjermania “Boshatis” Shqipërinë/ Të rinjtë grumbull te ambasada gjermane…

Me të mbaruar gjimnazin, të rinjtë shqiptarë po dynden në dyert e ambasadës gjermane për t’u larguar nga vendi. Por teksa “karta e shanseve” e të shkuarit në Gjermani për të rinjtë e sapo-diplomuar është ndjekja e studimeve universitare, destinacioni i parapëlqyer i shqiptarëve po mendon vetë për pjesën tjetër, ata që i kanë vënë kyçin arsimimit dhe presin për një punë.

Grejsi dhe Mea po presin me dosje në duar me dokumentet e kërkuara të sistemuara me kujdes.

Dorëzimi i tyre në derën pas shpine do të thoshte në rastin më të mirë “mirupafshim Shqipëri”. Pak hapa tutje tyre është Renaldi, edhe ai një 18-vjeçar, maturant ekselent që synon jetesën në Gjermani. Por teksa “karta e shanseve” e të shkuarit në Gjermani për të rinjtë e sapo-diplomuar është ndjekja e studimeve universitare, destinacioni i parapëlqyer i shqiptarëve po mendon vetë për pjesën tjetër, ata që i kanë vënë kyçin arsimimit dhe presin për një punë.

Ministri i Punës, Hubertus Heil paralajmëroi në fillim të javës se Gjermania do të miratojë një “ligj modern imigrimi” i cili do t’i hapte dyert të huajve që duan të punojnë.

Po çfarë do të thotë kjo për tregun e punës në vend, dhe si mund të amortizohet largimi në masë.Referuar të dhënave nga Instituti Europian i Statistikave, Gjermania është shteti i tretë për numrin më të lartë të lejeve të qëndrimit të dhëna në harkun e viteve 2008-2021.

Sipas Eurostat, dy vitet e fundit numri i lejeve të qëndrimit të dhëna nga Gjermania për shqiptarët janë tkurrur, por me fillimin e këtij viti shifrat janë rigjallëruar duke iu rikthyer niveleve të para pandemisë Covid-19.

“Mirupafshim Shqipëri”/ Unë do të iki se jam shumë e re të vdes, do më marri malli…por vëndi po boshatiset çdo ditë…

Nga Silvana BEGAJ 

Mirupafshim Shqipëria ime! Po lë çdo gjë në duart e të paepurve, krimit, drogës, injorancës. Unë nuk mund ta bëj shpirtin pis në emër të dashurisë për këtë vend! Mirupafshim Shqipëri! Unë do të mendoj e do më marrë malli! Vras mendjen a do të marrë dhe ty për mua? E nëse do të merrte, pse më le të iki! Mirupafshim Shqipëri! Vërja flakës veten se unë nuk dua të digjem! Le të digjen ata që duan ty në zjarr.

Mirupafshim Shqipëri!

Po të lë me vendet e tua të bukura për të cilat Naim Frashëri shkruante ditë e natë! Po të lë me dy detet më të bukur të rruzullit, me malet më të thepisur, po të lë me ajrin më të ëmbël dhe me diellin që ndriçon më shumë! Tani që e mendoj, po të lë dhe me hënën që të qan hallet çdo natë.

Mirupafshim Shqipëri e Gjergj Kastriot Skënderbeut! Luftuam kaq vite për ty dhe në fund të shesim me politikë. Mirupafshim Shqipëri se dhe po të rri nuk kam me kë. Vendi po boshatiset çdo ditë dhe ata që janë aty janë thjesht fizikisht se me mendje janë larg nga ti!

Shqipëri, ti ndoshta nuk e di, por në asnjë vend nuk ngroh dielli si aty dhe nuk ndriçon hëna si aty! Mirupafshim Shqipëri!

Do iki dhe do gjej një vend për qetësinë e shpirtit tim.

Një vend që mos të ketë aq vrasje çdo ditë. Kam nevojë të di që jam e sigurt se jam shumë e re të vdes nga rastësia. Mirupafshim Shqipëri! Mirupafshim o Shqipëri e pasur për 0.001 përqind të popullsisë dhe mjerim për pjesën tjetër. Hap sytë Shqipëri! Tradhtarët sjellin fitore të pisët! Eh, do të më mungosh e marrtë dreqi! Do të më mungosh aq shumë sa do pres vetëm një shenje nga ti dhe un do te vi perseri.

Degradon sherri në Pd e Korçës/ Sekretari ia plas Kryetarit me shishe në kokë

Ka plasur sërish sherri në Partinë Demokratike. Pak minuta më parë, mësohet se kryetari Devis Osmani, është konfliktuar me Eduart Topallin, i cili e ka goditur me shishe në kokë, duke e lënë të plagosur.
Dyshohet se motiv i konfliktit mbeten mosmarrëveshjet brenda partisë. Ngjarja ka ndodhur në ambjentet e jashtme të një lokali në hyrje të Korçës. Konfliktet mes tyre kanë qenë të vazhdueshme që pas zgjedhjeve të degëve.

Kjo ndodh për shkak se grupi që ndjek Topallin ka ankimuar rezultatin e zgjedhjeve për kryesinë e degës së Korçës, duke kërkuar rivotim….Ndërkohë ende nuk ka një vendim të prerë nga forumet e partisë për çështjen e konstituimit të Kryesisë, duke çuar në përplasje të shpeshta ndërmjet Osmanit dhe Topallit.

Eduart Topalli vs Devis Osmani

E rëndë/ Mbytet 45-vjeçari nga Korça në plazhin e Zvërnecit…

Një ngjarje e rëndë është shënuar mëngjesin e sotëm në plazhin e Zvërnecit në Vlorë. Sipas informacioneve një 45-vjeçar ka gjetur vdekjen. Viktima me inicialet E.B, banues në Korçë është mbytur në det, teksa mësohet se ngjarja ka qenë aksidentale. Detaje të reja mbi ngjarjen nuk janë bërë ende me dije

Vlorë/Informacion paraprak

Më datë 06.09.2022, në plazhin e Zvërnecit, Vlorë, dyshohet se është mbytur aksidentalisht në det, shtetasi E. B., 45 vjeç, banues në Korçë.

Grupi hetimor po punon për sqarimin e plotë të rrethanave të ngjarjes.

Kur Shqipëria e vogël prodhonte traktorin e saj të parë “Made in Albania”

Sot vendi ynë edhe barin për bagëtitë e importon nga jashtë ndërsa dikur kishte avionë e nëndetëse, anije e tanke, flotë tregtare detare dhe hekurudha. Kishte edhe mjaft fabrika e kombinate që sado jashtë kohe prodhonin dhe fabrikonin produkte “Made in Albania”. I tillë ka qenë edhe ky traktor të cilin “Mapo.al” e sjell në këtë fotogaleri retrospektivë dhe në një video-dokumentar që i takon asaj kohe vërtetë të lavdishme për industrinë modeste shqiptare, por që guxoi dikur.

Më pas erdhi dhe legjendari Traktori shqiptar, sipas modelit kinez të traktorëve me zinxhirë të asaj kohe.

Por sot edhe ata pak ekzemplarë që kanë mbetur skajeve të Shqipërisë, e që i kanë shpëtuar shkrirjes bastarde për skrap, shikohen nga brezat e rinj si objekte “jashtëtokësore”, apo sikur janë të ardhura nga lashtësia, edhe pse disa ekzemplarë janë ende në gjendje funksionale dhe mund të bëjnë punët për të cilat u krijuan.

Galeria e mëposhtme e fotove që “Mapo.al” ka bërë duke kërkuar në site të ndryshme për të mbledhur foto-dëshmi të prodhimit të parë motorik shqiptar, e dëshmon qartë se si ka qenë dikur dhe se është katandisur sot Traktori Shqiptar./ZgjohuShqiptar.info

Dy shoqe të përjetshme/ Marina publikon foton me të bijën :“Ku kam qenë pa ty”…

Moderatorja shumë e dashur nga publiku, Marina Vjollca u bë nënë për herë të parë në nëntorin e kaluar. Ndersa prej ditësh Marina ndodhet me pushime me familjen. Siç ka zbuluar vetë moderatorja ,këto janë pushimet e para që po shijon me të bijën. Krahas fotove me Marget, ajo shkruan:”Ku kam qenë pa ty jeta ime Marget”.

“Kam vizituar 134 vende të botës”/ Blendi Fevziu zbulon kush e shoqëron në udhëtime…

Gazetari Blendi Fevziu ka treguar në “ABC e Mëngjesit” se ka vizituar 134 vende të botës dhe është shumë i dhënë pas guidave. Ai ka deklaruar se përpara se të shkojë në një vend, ka shumë informacion lidhur me gjithçka. Përpara se të udhëtojë në një vend, unë jam thuajse i informuar për vendin. Unë di ekzaktësisht se çfarë ka vendi. Njeriu udhëton me dëshirat e tij, e dinë se çfarë duan.

Dikush di të gjitha vendet ku ka muzikë të mirë dhe shkon atje, dikush di plazhet më të mira dhe shkon atje se i pëlqen. Unë jam shumë i dhënë pas guidave. Kam vizituar 134 vende, më kanë ngelur edhe shumë të tjerë që nuk janë anëtare të OKB-së. Ka edhe territore që duhet t’i konsiderosh”, tha gazetari.

Më tej, Fevziu zbuloi se më kë shkon në udhëtime, nga miqtë, familja deri te udhëtimet vetëm.

Ndonjëherë udhëtoj me familjen, ndonjëherë kur ka vende të vështira vjen vajza ime e madhe, kam miq si Baton Haxhiu, udhëtoj dhe vetëm se më pëlqen. Kur udhëtoj vetëm problemi më i madh që kam është darka, por unë mundohem kudo që shkoj të krijojë kontakte të reja. Zakonisht guida më e mirë është taksisti i aeroportit, të cilin mund ta pyesësh për gjithçka, nga çmimet se si janë te vendet. ”, tha Fevziu./abcnews.al

Sa paguhet një shqiptar në “shtëpi bari” në Angli?

Nga Genc Sejko:

Pavarësisht legjendave urbane, trillimeve dhe historive që tregohen nëpër tavolina apo rrjete sociale, e vërteta e asaj që ndodh me një pjesë të mirë të të rinjve shqiptarë që hyjnë ilegalisht në Angli dhe merren me kultivimin e kanabisit është e hidhur dhe aspak shpresëdhënëse. Çfarë ndodh në të vërtetë me ata që futen në shtëpi bari në Angli?!Si fillim duhet thënë se janë dy kategori që punojnë në shtëpi bari në Angli.

Ata që punojnë me një rrogë fikse. Dhe ata që paguhen në bazë të ‘prodhimit’ që nxjerrin. Ata që paguhen me rrogë fikse marrin mesatarisht £4.000 në muaj. Duken shumë për një realitet të varfër si Shqipëria. Por nuk është ashtu sepse është një punë që zgjat 24 orë në ditë. Në një ambient ku ajri i pastër nuk futet kurrë. Ku nuk shikon kurrë dritë natyrale dhe je i vetëm gjatë gjithë periudhës së kultivimit. Në mes të pesticideve.

Në një shtëpi që mund të marrë flakë në çdo moment (sepse ata që kanë instaluar llambat dhe janë duke vjedhur energjinë nuk janë elektriçistë).

Shto këtu faktin që përgjegjësia penale bie mbi personin që kapet duke e ruajtur. Thënë më thjeshtë. Po të ishe duke punuar roje parkimi do merrje £2.000 në muaj për tetë orë punë. Pra nëse do punoje 24 orë në parkim do merrje £2.000 me shumë se në shtëpi bari. Edhe gjumin do e bëje më rehat. Të dytët janë ata që paguhen në bazë të prodhimit. Ata paguhen më shumë se kategoria e parë. Në teori të paktën.

Sepse në shumicën e rasteve nuk ndodh kështu.

Ndodh shpesh që dikush i grabit pak ditë para korrjes dhe humbin çdo gjë. Apo i ndërpresin energjinë dhe prodhimi “vdes”. Ka qenë i lodhur dhe ka harruar te kujdeset siç duhet për bimën dhe në fund merr çerekun e prodhimit. Ose më e keqja fare, kapen nga policia pa korrur as dorën e parë. Dhe kjo e fundit ndodh rëndom. Pasi segmente te policisë ndjekin humbjen e energjisë në rrjet. Bima lëshon erë të fortë. Nga një shtëpi që nuk i hap perdet kurrë. Në një lagje ku të gjithë njohin njeri-tjetrin e askush nuk të njeh ty.

Dhe sa më lart është vetëm një pjesë e realitetit të hidhur drejt të cilit nxitojnë duke rrezikuar edhe jetën shumë të rinj shqiptarë.

Nuk kam ndërmend të jap receta se si mund të zgjidhin apo zgjedhin të ardhmen e tyre të rinjtë në Shqipëri. Duke e ditur shumë mirë edhe llumin dhe shpresën e humbur atje. Por kultivimi dhe trafikimi i drogës nuk mund të jetë kurrsesi zgjidhje dhe zgjedhje. Sepse ajo që ju “shitet” si ëndrra e çunave të Londrës është kurthi ku hyn dhe lë peng të vetmen gjë që ke: rininë dhe jetën.Morali?!I shihni këta pordhacët që lëvizin në rrugë me makina të bukura? Ju nuk do jeni kurrë si ata. Ju do punoni për ta. Dhe do bëni burgun që duhet ta kishin bërë ata.

Greket përgatisin atmosfere të çmendur në prezantimin e Marcelos(Video)

Marcelo që dje është zyrtarizuar si lojtar i Olympiacosit në Greqi .Pritja për legjendën e Real Madrid dhe jo vetëm. duket madheshtore. Në një video që klubi i njohur grek e ka postuar në “Twitter” shihet entuziazmi dhe spektakli i dhuruar për një nga ikonat e futbollit boteror duke u prezantuar para mijërave tifozë grek bardhekuq në Karaiskakis. “Faleminderit për mirëseardhjen. Jam i kënaqur dhe i lumtur dhe unë dhe familja ime që jemi këtu. Unë jam këtu për të ndihmuar ekipin me gjithë forcën dhe përkushtimin tim. Mezi pres të filloj, por dua t’ju them një gjë. Faleminderit edhe një herë. Le të shkojmë në Olympiacos!“, ishin fjalët e yllit brazilian.

“Ika me gomone”/ Shqiptari rrëfen jetën në “shtëpi bari”: Rri brenda 18 orë në ditë, kam borxhe

Një emigrant shqiptar në Angli, që punon në një “shtëpi bari” ka treguar eksperiencën e tij, që nga momenti që mori vendimin për t’u larguar dhe deri te “prapaskenat” e punës. Në një lidhje me Skype për “ABC e Mëngjesit”, i identifikuar si “Personi X”, ai ka zbuluar se rri 18 orë në ditë në “shtëpinë e barit” dhe është i detyruar pasi ka borxhe për të larë.

“Kam pasur një biznes dhe më lindën problemet me borxhet. Unë zgjodha Anglinë se me çfarë kisha dëgjuar është një vend më i lehtë për të arritur. Në pamundësi për të pasur një punë timen, u detyrova të rri këtu. Unë rri 18 orë në ditë këtu, jemi disa persona. Disa rrinë brenda, disa rrinë jashtë. Këtu ka disa mundësi. Nuk është si diçka që dikush të kërcënon. Dikush të dha një opsion për të fituar. Nuk besoj që do jetë punë me vite se është diçka shumë e rëndë të rrish brenda. Në një farë forme, mua keq më vjen. Po gjithsesi jeta ndonjëherë të përplas dhe bën zgjedhja të tilla. Unë nga Shqipëria dola si shumica e çunave, nga Gjermania, Austria, Hungaria. Bëra disa punë të ndryshme derisa arrita deri këtu”, tha emigranti.

Më tej, ai zbuloi edhe detaje të udhëtimit me gomone, ku pagoi 6 mijë paund për t’u larguar deri në Angli.

“Gomonen e drejtonte një person që nuk ja kishte idenë. Udhëtimi zgjati rreth 6 orë derisa mbërritëm. Kemi qenë 38 veta, ishin 18 shqiptarë dhe 20 të huaj. Unë të them të drejtën, në momentin që hynë në ujërat anglez vjen roja që të merr. Ne na kap policia, thjesht nuk na kthen mbrapsht….

Video