Një godinë është përfshirë nga flakët pasditen e sotme në Lagjen Nr. 9 të qytetit të Korçës. Zjarri ka nisur rreth orës 16:50 në tarracën e godinës dhe shkak dyshohet të jetë bërë një masë në rrjetin elektrik. Flakët kanë shkaktuar dëme materiale, por fatmirësisht nuk ka njerëz të lënduar.

Korçë/Informacion paraprak: 

Më datë 23.09.2022, rreth orës 16:50, në lagjen nr. 9, Korçë, rruga “1 Maji”, ka rënë zjarr në tarracën e një godine (rrobaqepësie). Për pasojë ka vetëm dëme materiale, nuk ka njerëz të lënduar.

Grupi hetimor po punon për zbardhjen e rrethanave dhe përcaktimin e shkaqeve të rënies së zjarrit, ku paraprakisht dyshohet se mund të ketë rënë aksidentalisht si pasojë e një mase në rrjetin elektrik.

Merr flakë rrobaqepsia në Korea pic.twitter.com/GVArzIaa1c

— KorcaBlog.com (@korcablog1) September 23, 2022

Një tjetër bujtinë e bukur ka hapur dyert për turistët në Lin të Pogradecit. “Guest House 1960” e ndërtuar mbi themelet e shtëpisë së fëmijërisë nga familja Sulollari, është një ambient shumë miqësor ku spikat bujaria dhe mikpritja. Krahas natyrës magjepsëse që ofron Lini, në këtë shtëpi do të zbuloni dhe një mini-galeri me piktura të shekullit të 19-të që pasqyrojnë Shqipërinë e asaj kohe shkruan Rama ne facebook .

Hoxha Ahmed Kalaja në një intervistë në emisionin në RTV ORA tregoi rreth lidhjes së tij me besimin si dhe për familjen e tij të madhe. Kalaja thotë se ishin pyetjet e moshës që nuk mund t’ju jepte përgjigje ato që e çuan drejt besimit. “Kam 10 fëmijë dhe prindërit. Bashkëshortja është goxha potente në ndihmën e saj në këtë mision që kemi. Gjëja e mirë është që janë rritur dhe fëmijët.

Dhe kur mungojmë në shtëpi nuk vihet shumë re, se një pjesë të punëve e kryejnë ato. Moza në fundjavë është gjithë ditën në xhami. Dhe gjatë javës shumë kohë kështu, dhe në kopsht”, tha ai.

Sipas tij fakti që janë shumë fëmijë nuk e vështirëson por e zbukuro ditën. “Në familjet e reja përkëdhelin qen e mace, unë përkëdhel 10 fëmijët”, tha ai, duke ironizuar faktin se tashmë shqiptarët nuk lindin më.

Specialistët për Hetimin e Narkotikëve dhe Trafiqeve të Paligjshme të DVP Korçë bënë arrestimin në flagrancë të shtetasve: A. B., 17 vjeç; B. M., 15 vjeç; K. S., 16 vjeç; L. S., 17 vjeç dhe R. A., 16 vjeç, banues në Korçë, si dhe shpallën në kërkim shtetasin E. H., 18 vjeç, banues në Korçë, për veprën penale “Prodhimi dhe shitja e narkotikëve”, kryer në bashkëpunim. Gjatë kontrollit të ushtruar në lagjen nr. 9, Korçë, pranë një banese të braktisur, shërbimet e Policisë kanë konstatuar 5 shtetasit e mitur, të cilët sapo kanë parë punonjësit e Policisë, kanë hedhur dy qese, brenda të cilave u gjetën një sasi dozash me lëndë të dyshuar narkotike cannabis sativa, të cilat u sekuestruan në cilësinë e provës materiale. 18-vjeçari E. H., u shpall në kërkim, pasi dyshohet të jetë bashkëpunëtor në këtë veprimtari kriminale.

Një ngjarje e rëndë ka ndodhur në Korçë. Një 64-vjeçare e cila vuante nga depresioni është hedhur nga kati i pestë i pallatit. Shtetasja me iniciale V. G., i ka shpëtuar mrekullisht vdekjes dhe është dërguar në Spitalin e Korçës dhe aktualisht ndodhet nën kujdesin e mjekëve.

Korçë/Informacion paraprak

Më datë 23.09.2022, rreth orës 11:30, në lagjen nr. 10, Korçë, dyshohet të jetë vetëhedhur nga kati i pestë i një pallati shtetasja V. G., rreth 64 vjeçe, e cila u dërgua në Spitalin e Korçës dhe aktualisht ndodhet nën kujdesin e mjekëve.

Nga deklarimet e marra familjarëve të saj, rezulton se kjo shtetase vuante nga depresioni.

Grupi hetimor po punon për zbardhjen e plotë të rrethanave të ngjarjes.

Ministrja për Evropën dhe Punët e Jatshme, Olta Xhaçka, mëngjesin e sotëm ka dhënë një lajm të mirë për të gjithë shqiptarët. Përmes një positmi në “Facebook”, ministrja ka njoftuar se është arritur marrëveshja për heqjen e vizave mes Shqipërisë dhe Kazakistanit. Marrëveshja është nënshkruar gjatë vizitës së Xhaçkës në Neë York, ku po mbahet asambleja e Organizatës së Kombeve të Bashkuara.

“Me Ministrin e Jashtëm të Kazakistanit, Tileuberdi Mukhtar nënshkruam në Nju York marrëveshjen për heqjen reciproke të vizave mes dy vendeve.

E bindur se kjo marrëveshje do të kontribuojë në intensifikimin e mëtejshëm të bashkëpunimit tonë dypalësh, në lirinë e lëvizjes dhe kontaktet e qytetarëve tanë”, shkruan Xhaçka.

Një çift grek, burrë e një grua, ishin vënë nën vëzhgim nga oficerët e Prokurorisë së Narkotikëve të Pirgos , për të cilët kishin informacione se tregtonin drogë në Ilia. Kur i panë duke mbërritur me një automjet në një plazh në zonën e Bashkisë së Pinios, kuptuan se ata nuk kishinardhur për plazh.Gjatë vëzhgimit, oficerët e policisë panë burrin duke nxjerrë nga toka ku i kishte groposur dy pako me drogë duke i arrestuar menjëherë. Kur hapën pakot, brenda tyre gjetën gjithsej dy kilogramë e 25 gramë kanabis të papërpunuar të tharë. Më pas gjatë kontrolliy në banesën e çiftit u gjetën edhe shtatë gramë kanabis. Ndaj tyre është ngritur një dosje për veprat penale të mbajtjes, transportit dhe trafikimit të lëndëve narkotike dhe janë dërguar në Prokurorinë e Amaliadës, shkruan Protothema.

Në Fier lindshmëria është në shifrat më të ulëta historike të saj. “Viti i fundit ka një rënie drastike të numrit të lindjeve.”, thotë mjeku Besnik Brahimaj. Nëse në vitet 90 lindjet kanë qenë deri në 5000 fëmijë, në 2010 arriti në 2500 të tillë, ndërsa prej atij viti rënia filloi në mënyrë drastike, duke arritur në shifra alarmante këtë vit ku deri më tani kanë lindur rreth 500 fëmijë

Besnik Brahimaj: Po të marrim një periudhë kohore nga viti 2010 dhe në vitin 2022 ka ardhur një rënie graduale. Nga viti 2010-2016 kemi qenë te 2000-2600 deri në 2400 lindje. Nga viti 2017-2020 kanë arritur në 2400 lindje ndërsa për këtë vit deri në muajin e shtatë janë rreth 560 lindje.

Për specialistët, arsyet kryesore të uljes së lindjeve lidhen kryesisht me emigracionin masiv të dhjetë viteve të fundit. Besnik Brahimaj: Në radhë të parë është emigracioni. Numri i madh i të rinjve që ikin jashtë shtetit ka bërë që të ulet dhe numri i lindjeve në Fier.

Lindshmëria nuk është problem vetëm në fier por në të gjithë vendin tonë, sipas Institutit të Statistikave në vitin 2017 në vendin tonë kanë lindur 30 869 persona ndërsa në vitin 2021 shifra është ulur në 27 284. Ndërsa në 2020 vendi ynë përjetoj uljen më të madhe historike të shtresës natyrore e cila arriti në 470./ Ora News