Sali Berisha, zhvilloi dje një takim me përfaqësuesit e sindikatave. Aty dha disa premtime, të cilat me siguri do t’i mbajë kur të vijë në pushtet. Berisha tha se gjatë kohës kur ai ishte në qeveri, mendonte ta jepte ujin e pijshëm falas për qytetarët, pasi Shqipëria është një vend i cili ka mjaftueshëm ujë. Më tej ish-kryeministri tha se këtë gjë do e bëjë të mundur kur të vijë përsëri në qeveri. Ndonëse nuk do e bëjë direkt, pasi fillimisht nevojiten ujësjellëse funksionale, Berisha tha se qytetarët do e paguajne ujin me çmimin më të ulët.

“Gjatë viteve të qeverisjes një nga gjërat që mendoja gradualisht ta japim falas ishte uji. Pse kjo? Sepse ne jemi vend i bekuar me ujëra. Ne kemi shumë ujëra dhe ujëra shumë të mira.

Domethënë duhen investime, por ujërat tona mbulojnë të gjithë territorin, po marr përshembull ujërat e Tomorit mund të furnizojnë të gjithë Myzeqenë me ujëra të cilësisë më të mirë.

Ka një vend që u jep krenarisht falas dhe është Austria e jep sepse thotë ne kemi shumë ujë, dhe Austria ka ujë. Por, Shqipëria nuk ka më pak ujëra. Është një akt i papërgjegjshëm kj oqë bënë këta me dy tre fishimin.

Sigurisht dhënia e ujit falas kërkon të kesh sipërmarrje ujësjellësi funksionalë dhe unë nuk them që do të bëhet menjëher, por çmimi i ujit do të kthehet ashtu si ka qenë dhe më ulët. Ju siguroj që do të ketë çmim të veçantë për sipërmarjret turistike në të gjithë vendin”, tha Berisha.