Shokohet familja në Korçë/ Fëmija 3-vjeç rrëzohet në kopsht, niset me urgjencë në spital…

Një 3-vjeçare është rrëzuar aksidentalisht ditën e sotme gjatë kohës që ishte në kopsht në Korçë. Policia bën me dije se ngjarja ka ndodhur rreth orës 08:40, në lagjen nr. 18, Korçë në ambientet e brendshme të kopshtit të fëmijëve. Vogëlushja është transportuar në spitalin e Korçës për ndihmë mjekësore.

Korçë/Informacion paraprak

Më datë 07.10.2022, rreth orës 08:40, në lagjen nr. 18, Korçë, në ambientet e brendshme të kopshtit të fëmijëve, dyshohet se është rrëzuar aksidentalisht një 3-vjeçare, e cila u dërgua për ndihmë mjekësore, në spitalin e Korçës.
Grupi hetimor po punon për sqarimin e rrethanave të ngjarjes.

Gaz Paja: “Shqipëria s’ka pasur udhëheqje më të mirë se këta, i njoh nga afër dhe e shikoj si punojnë dhe përpiqen

Çështja e Teatrit Kombëtar ishte sot në qendër të vëmendjes së emisionit “Shqipëria Live” në Top Channel, ku të ftuar ishin artistë që janë pro godinës së re dhe ato kundër. Aktori Gazmend Paja ka debatuar me regjisorin Edmond Budina. Ky i fundit i ka përmendur Pajës, i cili ka qenë pro shembjes së Teatrit Kombëtar, se ai është i pozicionuar politikisht në radhët e mazhorancës socialiste duke qenë se është anëtar i Këshillit Bashkiak Tiranë prandaj po mban këtë qëndrim. Budina ka shkuar edhe më tej duke i përmendur Gaz Pajës faktin se ai figuron mes investitorëve strategjikë për ndërtimin e një resorti në Dhërmi. Ndërkohë aktori Paja ka replikuar duke thënë ndër të tjera: “Në opinionin tim nuk ka pasur udhëheqje më të mirë Shqipëria. Mua më pëlqejnë këta njerëzit se si punojnë. Unë i njoh dhe nga afër dhe i shikoj se si punojnë, se si përpiqen…”, thotë Paja duke iu referuar qeverisë së drejtuar nga Edi Rama.

Video: