Qeveria pritet të marrë një vendim që drutë e zjarrit të tregtohen me të njëjtin çmim që ka qenë para luftës në Ukrainë. Lajmin e ka bërë me dije vetë kryeministri Edi rama gjatë një takimi me qyetarët në Dropull. Ky vendim vjen pas rritjes stratosferike të çmimit të druve të zjarrit, në Korçë apo dhe ne rajonet e tjera ku nga 4- 5 mijë lek që ishte me pare ,sot një metër sot kushton 7500 lek.

“Nuk do t’i lëmë të rrisni çmimin e druve të zjarrit. Nuk do t’i lëmë! Ç’lidhje kanë drutë e zjarrit që kanë filluar me dyfishin e çmimit, me gjithë produktet e tjera, këtë unë nuk e di. Vendimi i qeverisë do të jetë që çmimi i druve të zjarrit do të shiten me çmimin e para luftës. Këtu hynë në punë të bashkitë të cilat bëjnë ca kontrata të çuditshme”, tha Rama.

Me tej Rama tha se mezi pret që Krfica të ngrejë “Akademinë e Barinjve” që të fusin aty analistët e të mësojnë se nuk jane barinjtë për tu përqeshur.

T’ia lëmë në dorë Dautit e këtij mikut te stani e të kuptojnë që çobenjtë s’janë për t’u marrë në gojë e për t’u përqeshur, se jetojnë në lartësi të mëdha jo si zvarranikët e klubeve të ekraneve të natës në Tiranë”, tha Rama.

Detaje kanë dalë nga arrestimi i disa punonjësve në doganën greko-shqiptare të Kapshticës. Ekathimerini shkruan se shtatë policë grekë të rangut të ulët akuzohen se kanë marrë ryshfet nga 100 deri në 600 euro për të lejuar hyrjen dhe daljen e shtetasve shqiptarë nga Greqia, edhe pse ndaj tyre kishte vendime ndalimi të hyrjes në fuqi për shkelje si trafiku i drogës. Hetimi nisi pas një urdhri të prokurorisë së qytetit verior të Greqisë, Kastoria, pas një hetimi të kryer nga Autoriteti Portual i Patrës.

Ekzistenca e korrupsiopnit u konfirmua pasi u hoqën kufizimet e privatësisë në celularët e oficerëve në fjalë. Të përfshirë në këtë grup ishin dhe dy persona të tjerë, i pari pronar i një lokali në afërsi të doganës kufitare dhe i dyti punonjës privat.

Autoritetet po ndjekin penalisht edhe tre taksistë, të cilët morën pasaportat nga shtetas shqiptarë dhe ia transferuan ato oficerëve të policisë në Krystallopigi, ku u vulosën. Sipas hetimeve të Shërbimit të Punëve të Brendshme, grupi dyshohet se ka qenë aktiv që nga viti 2020.

Gjatë kësaj kohe, punonjësit e policisë janë përfshirë në 77 raste të dhënies së dokumenteve false.

Ata vendosin vulën hyrëse-dalëse në dokumentet e udhëtimit të shtetasve shqiptarë, duke i lejuar ata të vazhdojnë udhëtimin. Taksistët, përveç dorëzimit të pasaportave, vepronin edhe si grumbullues të dokumenteve të falsifikuara. Nga survejimi i telefonave u zbulua se falsifikimi i pasaportave ka ndodhur në orët e para të mëngjesit pasi në atë kohë kishte shumë pak oficerë të uniformuar në shërbim.

Kryeministtri Edi Rama ka zhvilluar sot një takim me të rinjtë në Gjirokastër. Një studente e pyeti atë për ndihmën që duhet të japë qeveria për punësimin e të rinjve teksa i tha se shumica po ikin nga Shqipëria. Ne studentët studiojmë, mirë, na thatë dhe për trajtinimin, e bëjmë, por për çfarë, për të punuar në ëmbëltore apo në furrë buke. Neve studentët kërkojmë punë, por na kërkojnë eksperiencë disa vjeçare kur sapo kemi dalë nga bankat e shkollës, me ne të rinjtë çfarë do të bëhet, ku është mbështetja për ne?

Rama u tha të rinjve se jetesa më e mirë është këtu në Shqipëri. Sipas tij, kush ka mundësi, mund të hapë një biznes në vendin tonë, pa qenë mundësia për të ikur me 20 mijë paund në Angli apo diku tjetër.

Gjithsesi, nuk është shteti përgjigjia, nuk punësohen të gjithë në shtet. Ka një hapësirë të tërë. Nëse do më pyesje para 5-6 vitesh, do ta kisha më të vështirë të jepja përgjigje, por sot nuk e kam të vështirë. Janë shtuar kapacitetet dhe këtë gjë e ka bërë puna e njerëzve. Kush ka më shumë ambicie që të shkojë të punojë kamerier është në një betejë me tregun. Nuk është e thënë që të gjithë ata që mbarojnë shkollën do tu japë punë shteti, nuk ekziston kjo gjë.

Është vështirë nuk diskutohet, ne nuk jemi një vend me oferta të pafundme, është e vështirë sigurisht, unë e kuptoj, por di t’ju them që ka shumë të rinj që paguajnë 20 mijë paund për të shkuar ilegalisht në Angli. Me 20 mijë paund ti hap një biznes të vogël dhe merresh me dicka. Megjithatë nuk hyj tek ata që thonë obobob nuk duhet të ikin, unë hyj tek ata që thonë se nuk jemi në bunkerin e shokut Enver. Ka që thonë të rri të pres unë sat ë bëhet ky vend si the, unë shkoj atje direkt. Ka paga më të larta, pork a dhe detyrime të mëdha, ka më shumë mundësi por nuk është një parajsë.

Teksa po bënte një shëtitje në Pazarin e Gjirokastrës, një grua i është afruar Edi Ramës për ta përqafuar.“Lum nëna që të ka bërë. Edhe kështu qëndro i fortë. Të durojmë edhe pak se të mirat e Edi Ramës do vijnë, që të kënaqet i gjithë populli”, i ka thënë gruaja teksa po përkëdhelte Kryeministrin. Shihni videon më poshtë.

Këngëtarja shqiptare, Elsa Lila, është rikthyer në rrjetet sociale disa muaj pas arrestimit të saj në Itali, ku u akuzua se ishte e përfshirë në një grup kriminal që merrej me trafikun e drogës. Vetëm disa javë pas arrestimit të saj, ku së bashku me këngëtaren shqiptare ranë në pranga dhe disa shqiptarë të tjerë, daja i saj, avokati Saimir Visha theksoi se Elsa kishte dalë nga burgu dhe ndaj saj kishin rënë të gjitha akuzat. Ndërkohë, së fundmi, këngëtarja është bërë pjesë e Instagramit ku ka postuar një set me fotografi nga fotografi i mirënjohur shqiptar, Fadil Berisha, si dhe ka njoftuar se një këngë do të vijë së shpejti nga ajo. Elsa kishte munguar jo pak në rrjetet sociale, pasi të shumtë kanë qenë fansat dhe miqtë e saj të cilët i kanë uruar mirëseardhjen.

View this post on Instagram

A post shared by Elsa Lila (@elsalilaofficial)

Disa biznese në Korçë janë konstatuar nga Autoriteti Kombëtar i Ushqimit, me produkte jashtë parametrave të sigurisë, kryesisht vezë dhe mish pule. Nga kontrollet në 6 subjekte, pa specifikuar emrat e tyre, AKU konstatoi të ishte hedhur në treg ushqim i pasigurt për konsum, tregtimi i vezëve pa vulën përkatëse dhe të paetiketuara, mungonte sistemi i gjurmueshmërisë dhe disa produkteve u kishte kaluar afati i përdorimit. Për shkeljet e konstatuara AKU vendosi 11 gjoba me vlerë 2 milionë e 100 mijë lekë të rinj si dhe u bllokuan rreth 20,000 kokrra vezë dhe produkte të tjera ushqimore të pasigurta për konsum.

Njoftimi i Aku:

“Trupa inspektuese e Autoritetit Kombëtar të Ushqimit, gjatë monitorimit në qarkun Korçë në njësi të tregtimit të produkteve të mishit, mishit të pulës dhe të vezëve, ka konstatuar disa subjekte në cenim të sigurisë ushqimore, për tregtim të ushqimit të pasigurt, në mungesë gjurmueshmërie, etiketimi dhe afat të kaluar të përdorimit.
Nga kontrollet e kryera në subjektet me iniciale “E”, “H.E”, “A.C”, “Ll”, “ZH” dhe “K.F”, u konstatua hedhja në treg e ushqimit të pasigurt për konsum, tregtimi i produktit vezë pa vulën përkatëse dhe të paetiketuara, mungesë e sistemit të gjurmueshmërisë, tregtimi i produkteve ushqimore me afat të kaluar përdorimi si dhe ushtrim i aktivitetit i pa pajisur me licencën përkatëse.

Për shkeljet e konstatuara trupa inspektuese e AKU-së vendosi 11 masa administrative gjobë me vlerë 2,100,000 lekë të rinj si dhe u bllokua sasia prej rreth 20,000 kokrra vezë dhe produkte të tjera ushqimore të pasigurta për konsum. Autoriteti Kombëtar i Ushqimit siguron konsumatorët se do të vijojë me monitorime dhe kontrolle në të gjthë vendin në zbatim të ligjit për garantimin e sigurisë ushqimore dhe mbrojtjen e shëndetit”, thuhet në njoftim.

Nga Gjirokastra kryeministri Edi Rama është zotuar se qeveria do të rrisë përsëri pagën minimale. Gjatë fjalës së tij, kreu i qeverisë tha se buxheti i vitit 2023 është dyfish më i lartë, i cili do të përdoret edhe për të përballuar situatën e krijuar nga rritja e çmimeve. Qeveria nuk do të lejojë që kriza e energjisë të shfaqet në faturën e energjisë. Pavarësisht se ne kemi vendosur fashën 800 kë/h, mbi këtë shifër janë një numër i vogël, duke parë që kishim një mundësinë nuk e lamë atë mundësi të fusnim duart në arkën e familjes.,

po shohim nëse kemi mundësi që të mos e vëmë në zbatim edhe për nëntorin, duhen reshje dhe kursim. Nuk duhen dëgjuar hienën e darkave të rublave. Ne do bëjmë çmos që edhe rritjen e çmimeve ta përballojmë së bashku duke vendosur më shumë financa në si pozicion të njerëzve, kemi indeksuar dy herë pensionet dhe 15 % pensionet. Jemi mbrapa me rritjen e pagave, por po punojmë në këtë drejtim, është koha që edhe ju të paguani më shumë punonjësit qe t’i keni këtu, të kthehen nga Greqia.

Paga minimale 400 mije lekë do arrijë më shpejt sesa ishte parashikuar Brenda mandatit.

Në buxhetin e 2023 kemi vendosur një financim të veçantë, do kemi buxhet dyfish. Do ta çojmë pagën minimale 400 mijë lekë. Duhet të rrisim të gjitha pagat e punonjësve të shtetit. Nuk kemi një paketë tjetër, por kemi bërë një rritje të qendrueshme. Në buxhetin e 2023 do të vendosim një financim të veçantë për të përballuar situatën. Do të kemi dyfishin e buxhetit të 2013”,-tha Rama.