Shqiptarët e kthejnë Tik Tok-un në pazar për pasaporta të BE/ Ja mënyra e re që përdorin për të shkuar në Angli…

Këtu kemi një foto të një pasaporte greke me të dhëna biometrike të prodhuara nga trafikantët. Një e re shqiptare reklamon mjetet e falsifikuara të identifikimit në TikTok. Ndërsa tregon jetën e saj të begatë në Britaninë e Madhe. Ion Daci, e përdorur nga bandat për të nxitur mashtrimin e të rinjve u thotë 239,700 ndjekësve të saj se si “të hapin llogari bankare false, të blejnë pasaporta, ID dhe patentë” transmeton the sun .

Këto publikime vijnë në një kohë që kryeministri Rishi Sunak dhe presidenti francez Emmanuel Macron po punojnë për të rregulluar si duhet marrëveshjen e tyre për të goditur kalimet e emigrantëve të paligjshëm në Kanal.

Por një burim shqiptar tha: “Bandat janë gjithmonë një hap përpara. Biznesi i pasaportave të rreme po lulëzon. Ato janë kopje të sakta të gjësë reale. I lejojnë emigrantët të shmangin rrezikun e kalimit dhe mjerimin e kampeve në MB”.

Burimet thonë se emigrantët e paligjshëm shmangin aeroportet e Londrës. Kjo pasi aty kontrollet kufitare janë më të rrepta. Ndaj ata zgjedhin qendra më të vogla si Glasgow, Birmingham dhe Mançester. Hetuesi ynë kontaktoi me trafikantët në WhatsApp dhe ata na thanë:

“Pasaporta plus ID plus patentë kushton 3000 Euro (£ 2,618)”. Na u tha të paguanim një depozitë në Tiranë, “kur të marrim nga ju karakteristikat biometrike dhe shenjat e gishtërinjve”.

Të pyetur nëse falsifikimet ishin përdorur tashmë me sukses për të hyrë në Britani, ata u përgjigjën: “Po, kryesisht me pasaportë bullgare”.


Moti merr kthesën e papritur/ Java e re nis me rrebeshe shiu në gjithë Shqipërinë…

Kjo javë do të ketë tipare të një vjeshte të vërtetë. Sipas Shërbimit Meteorologjik Ushtarak, moti përgjithësisht do të mbizotërohet nga vranësira dhe kthjellime të përkohshme. Reshjet e shiut, do të përfshijnë kryesisht pjesën bregdetare me intensitet të ulët. Herë pas here, reshjet do të marrin intensitet mesatar. Ditën e enjte dhe të premte, reshjet do të përfshijnë të gjithë vendin. Në pjesën bregdetare rrebeshe me rrufe. Era, do të fryjë juglindje e jugperëndim e lehtë e mesatare. Në bregdet, gjatë të enjtes e të premten era e vrullshme në bregdet. Valëzimi në det i forcës 2 deri 4 ballë.


Traditë dhe histori e re / Zhvillohet gara mbarëkombëtare e hipizmit në Korçë(Foto)

🏇“Shtëpia e Kuajve” mirëpriti dje vizitorë vendas e të huaj, kryesisht adhurues të kuajve dhe të apasionuar të hipizmit, amatorë e profesionistë, të cilët ndoqën nga afër një garë hipizmi. Në të merrnin pjesë 15 konkurrentë nga Shqipëria dhe Maqedonia e Veriut.

“Shtëpia e Kuajve” është shndërruar tashmë në shtëpinë e vizitorëve që pëlqejnë kuajt, hipizmin, ushqimin e mirë dhe natyrën relaksuese.🏇🐎🌳🌿
Ndodhet në rrugën Korçë-Voskopojë dhe është e vetmja në Shqipëri, që zhvillon gara me kuaj edhe në nivel ndërkombëtar.
🏇🏇

Pronari i fermës, Uli Myrtollari, i apasionuar pas kuajve, ka një përvojë më shumë se 15 vjeçare si kampion hipizmi dhe trajner në Greqi. Pas rikthimit nga emigracioni, së bashku me bashkëshorten dhe vëllanë ndërtoi fermën e “ëndrrave” të tij, duke e kthyer në një atraksion për shumë njerëz. Përveç qëndrimit për pushim në të ofrohen kurse e guida për hipizëm.


🏕Ky është viti i dytë që ferma funksionon dhe gradualisht po krijon një traditë të bukur, që ia shton mjaft vlerën zinxhirit të ofertës turistike në qarkut tonë shkruan Prefekti Nertil Jole.


Artizanët e Korçës drejt zhdukjes/ Flet mjeshtri i hekurit në Korçë: “Jam trashëgimtari i fundit i brezave…

Trokitja e këtij Cekani dëgjohet prej 120 vitesh në pazarin e Korçës. Pëllumb Kovaci është trashëgimtari i fundit i kovacëve në Korçë që ruan mbiemrin dhe zanatin e disa brezave të familjes së tij. Sot afër të 70-tave ai përpiqet të mbajë gjallë dyqanin dhe profesionin e trashëguar nga të parët në zonën e pazarit të Korçës. Thotë se pasionin për këtë zanat e ka si në ditën e parë, kur ishte 14 vjeç.

“E kam filluar që në fëmijëri. E kam pasur shume qejf. E kemi të trashëguar nga babai, gjyshi strëgjyshi. Në periudhën e komuzimit kovacan nëpër ndërmarrje. Dyqanin e kam trashguar nga gjyshi. Ai ia la babai. Me këtë profesion do vazhdoj.”

Sot nga kovaçana të ardhurat janë fare të pakta. Për këtë arsye fëmijët e Pëllumbit nuk e trashëguan këtë profesion.


Dëshira ime është të vazhdonte me tutje. Djemtë e mi se duan. Kjo pune duhet te te hyje ne qejf që në fëmijëri, por në kohën e komunizmit nuk mund ta mbaje një fëmijë në ndërmarje të mësnte. Tani kane profesione të ndryshme.”

Kovaçët çdo ditë e më tepër po i largohen këtij zanati, që dikur ka qenë baza e prodhimit të veglave bujqësore.

“Kryesisht veglat bujqësore te fshatarëve. Çjanë vegla bujqësore këtu vijnë.”

“Më përpara i krijon vete veglat, ndersa sot i ben fabrika. Ketu vijne vetem per riparime. Blelin, shaten, preshajken. Pune ka, por nuk eshte me volum. Eshte pune e vogël, jo shumë e voltishme për ekonomi.”

Punishtja e familjes Kovaçi eshte hapur në vitet 1900, kohë në të cilën është ndërtuar pazari i Korçës nga Ilias Bej Mirahori.

Kjo punishte qe as me shume e as me pak, eshte nje kovaçane, eshte nderuar ne hyrje te pazarit, aty ku ishte planifikuar te vendosej vargu i dyqaneve te zanaçinjëve. Punishtja artizane ne Korçë, qe daton qe me ndertimin e pazarit, eshte nje Kovacane. /abcnews.al/

Video