Zv.kryeministrja Belinda Balluku ka zbardhur detaje nga diskutimet që janë zhvilluar në Tiranë me presidentin e Azerbajxhanit Ilham Alieyev. Ajo thotë se në qendër të diskutimeve ka qenë dhe projekti për gazifikimin e qytetit të bukur të Korçës. Sipas Ballukut, pala azere do të bëjë një ekspertizë për sektorin e gazit, veç projektit të mëparshëm për Vlorën. “Vizita e Presidentit të Azerbajxhanit, Ilham Aliyev në Tiranë, shënon një gur të ri kilometrik në marrëdhëniet e shkëlqyera mes dy vendeve tona. Kemi diskutuar dhe mirëpritur ekspertizën e tyre në sektorin e gazit, jo vetëm për projektin e madh të Vlorës, por edhe për gazifikimin e vendit, nisur nga qyteti i bukur i Korçës”, vijon Belinda Balluku.

View this post on Instagram

A post shared by Belinda Balluku (@belindaballuku)

Poetja Mimoza Ahmeti është dënuar me 40 orë punë në shërbim të komunitetit pas një gjyqi një vjeçar ndaj saj për ndërtim pa leje. Poetja e njohur është paditur se ka bërë ndërtim pa leje, pasi tërmeti i dëmtoi shtëpinë e ndërtuar në Petrelë, në periferi të Tiranës. Ahmeti ishte pjesë e rreth 30 shtetasve të tjerë që u dënuan këtë vit pse kishin ndërhyrë për të riparuar banesat e tyre pas dëmtimeve nga tërmeti i 26 nëntorit 2019.

Dënimi i poetes Ahmeti pason atë të kantautorit Bojken Lako, i cili u dënua në prill të këtij viti nga gjykata e Tiranës me 3 vjet burg për ndërtim të paligjshëm, dënim që pas gjykimit të shkurtuar u konvertua në liri me kusht. Në vendimin e gjykatës thuhej se Boiken Lako ka kryer punime pa leje në një magazinë të marrë me qira prej tij në zonën e njohur si ‘NRSHRAKU’, të cilën do ta kthente në studio muzikore.

Sipas gjykatës, Lako kishte marrë leje për kryerjen e disa punimeve hidraulike, elektrike, suvatime të mureve dhe tavaneve, shtrim me pllaka dhe restaurime të dritareve dhe dyerve të objektit, por ka ndërhyrë në godinë në hapjen e katër dritareve të reja.

Pak muaj më parë qeveria shqiptare tha se do të ndëshkojë ndërtuesit që kishin ndërtuar pa leje kate shtesë, apo godina të tëra, por asnjë prej tyre nuk u dënua, dhe sipas qeverisë, u detyruan të paguajnë për katet shtesë që kishin ndërtuar nën hundën e autoriteteve.

Kryeministri Rama deklaroi në shtator se ndërtuesit që kanë ndërtuar kate pa leje do të duhet t’i paguajnë ato me çmimin e tregut, por pa paditur asnjërin për ndërtim pa leje.

Pamjet tregojnë qartë se shumica e prodhimit ka përfunduar e hedhur kanaleve, ndërsa dhjetëra tonelata qepë janë ende në tokë, ndërkohë që sipas kohës së prodhimit, duhet të ishte në treg. Kostot e shtuara me rritjen e çmimeve, mos subvencionimi nga shteti, por dhe mungesa e një pike tregtimi kanë ndikuar në uljen e çmimit dhe mbetjen stok të këtij produkti bujqësor.

“Është nga mungesa e tregut. Qepa është shumë e mirë, çmimet janë shumtë të ulëta. Plehrimet e të tjerat kanë shkuar shumë shtrenjtë e rrjedhimisht ne duam ta shesim më shtrenjtë. Për të shitur nuk kam shitur asgjë, për të pasur shyqyr Zotit ka shumë por nuk shkon. Dapi, plehrimi është i shtrenjtë. Deri tani me humbje se nuk kemi shitur. “-deklaron Edmond Braushi, fermer.

“Kam afro 200 kuintalë. Nuk pyet njeri fare. Shkoi me 3 e gjysmë më parë, tani nuk pyet më njeri. Thonë me 2.8 por nuk vjen njeri ti marre. Unë kam rreth 200 kuintalë qepë. 1 milion e gjysmë i kam hedhur, tokë me qira, rreth 300 mijë kam marrë deri tani. Jam me humbje”- thotë fermerja Shegë Zacellari.

“Kam rreth 70-80 kuintal qepë. Asnjë nuk kam shitur. Hiç. Vijnë tallen, e marrim sot nesër e asgjë. Mjerë ne, mjerë ky popull. Asnjëherë nuk kam dalë intervistë ama na ka zënë halli aty ku nuk tregohet. Na këputi ne fshatarëve, me mollë, me qershi, asgjë nuk shkon. Kam 4 fëmijë atje, buke nuk kanë të hanë. Me shpirt me zemër e them. Hiç do behet. Do ha kafshatë buke, të rroje qeverie, kuadrot e neve na rroftë. Mjerë ky popull se çfarë heq “- shprehet Festim Shkëmbi, fermer për euronews.

Çmimi i një kilogramë qepë sot tregtohet me 30 lekë. Referuar 5 viteve të fundit, ky është çmimi më i ulët. Ndikim ka edhe importi i qepës nga vendet e rajonit.

I është dashur disa ditë të mendohet Oriela Nebiaj për të marrë apo jo mandatin e deputetes, si pjesë e grupit të PD-së në anën e Enkelejd Alibeajt, por në fund ka vendosur ta pranojë. Për këtë duhet të braktisë emisionin “Përputhen”, të cilin e drejtoi për këtë sezon mes të rinjve që kërkojnë një lidhje nën vëzhgimin e kamerave. Nebiaj merr mandatin e Grida Dumës, që la grupin e PD-së për të nisur emisionin Top Story në Top Channel. Rrokada e dyfishtë është ndjekur me interes nga media, pasi kërcimet nga showbiz në politikë nuk ndodhin përditë.

View this post on Instagram

A post shared by Oriela Nebijaj (@ori_nebijaj)

Vidhet për të disatën herë konizma e kishës së Shën Sotirit në bulevardin Republika të qytetit të Korçës. Sipas policisë persona ende të pa identifikuar kanë hapur me forcë arkën e dhurimeve financiare të besimtare. Ngjarja ka ndodhur në orët e para të mëngjesit të sotëm dhe mendohet se kanë qenë më e pakta dy persona që kanë kryer vjedhjen.

Policia ka sekuestruar pamjet e një prej kamerave të bizneseve ngjitur me Konizmën e kishës, ashtu sikundër ka sekuestruar pamjet e kamerave të sigurisë të bizneseve të tjera përreth si dhe të Zyrës Rajonale të Punësimit që ndodhet përballë vendit të ngjarjes.

Nga ana e Mitropolisë së Korçës bëhet me dije se është e disata herë që ky objekt kulti grabitet nga persona të ndryshëm dhe vetëm një herë policia ka shkuar tek autorët e grabitjes. Duhet thënë se objektet e kultit ortodoks në juglindje të vendit herë pas here janë bërë pre e grabitjeve.

E pazakontë në ⁰Korçë/ Maskat vjedhin sërish ‘Konizmën e ‘Shën Sotirit’… pic.twitter.com/xiWSV36YoY

— KorcaBlog.com (@korcablog1) November 15, 2022

Këngëtarja Ronela Hajati ka rënë pre e grabitjes gjatë qëndrimit të saj në Londër. Këtë e ka bërë të ditur vetë këngëtarja përmes postimeve në rrjete sociale. Hajati ka publikuar disa foto, teksa tregon se i kanë vjedhur edhe paratë e një koncerti. Këngëtarja shton se bëri denoncimin në polici si dhe bllokoi kartat e kreditit, por sipas saj, personat që i kanë vjedhur portofolin kishin shpenzuar paratë.

“Shkova në stacionin e policisë. Dhe kartat i bllokova por ishte shumë vonë. Kishin bërë dhe shopping, kishin blerë byzylykë dhe atlete pafund.”, ka shkruar ajo duke folur më pas përmes disa videove për ngjarjen. “Më kanë vjedhur të gjithë lekët, kartat dhe jam në mes të Anglisë pa identitet.

Më mirë s’po them se sa lekë më morën. Të gjitha lekët e koncertit i kisha me vete. Më duket të iki dhe në Spanjë, nuk kam lekë për metro dhe taxi.

Nga të gjithë ngjarjet që më kanë ndodhur gjatë dy viteve të fundit, jam personi më fatkeq i 2020-2022. Kjo pjesa e lekëve është gjëja më e vogël që më ka ndodhur nga gjërat që më kanë ndodhur”, është shprehur Ronela.