Korçarja Alexia Traiko mahnit Greqinë/ Momenti emocionues kur fiton spektaklin per Top Modele

GNTM 5 u mbyll mbrëmjen e së premtes së 23 dhjetorit, pak para Krishtlindjeve dhe fituese doli Alexia Traiko, 19 vjeçarja me origjine korçare. Ajo arriti të qëndrojë në garë për rreth 4 muaj. Krahas titullit GNTM (Greece’s Next Top Model), modelja e re fitoi edhe çmimin e rëndësishëm në para prej 50 mijë euro, kontratën vjetore me Dust and Cream, bursë dyvjeçare, 20 mijë euro bizhuteri nga kompania Georg Jensen dhe një makinë Citroen Ami.

Alexia Traiko, ra në sy me pozat e saj, personalitetin e saj, flokët e saj dhe ecjen e saj në pasarelë, si rezultat i së cilës mori një “po” unanime. E reja vjen nga Korça, por është rritur në Selanik, ku jeton me familjen e saj. Edhe pse 19-vjeçare, ajo ka arritur të ketë tre vite përvojë profesionale në fushën e modës, pasi ka rezervuar shumë punë të rëndësishme, nga sesionet fotografike e deri te pasarelat.


Pavarësisht pasionit për modelingun, siç është shprehur ajo, i pëlqen edhe kërcimi, me të cilin merret që në moshë shumë të vogël dhe merr pjesë në garat Hip-Hop, Salsa, Bachata dhe Taka të larta.

Motoja e saj është “Ajo që nuk të vret të bën më të fortë” dhe fituesja e re e konkursit të modelingut televiziv dëshiron gjithmonë të përpiqet për rezultatin më të mirë të mundshëm në jetën e saj.

“Fotot e para i kam bërë në një dyqan ushqimesh. Kur jam para kamerës ndihem e fortë, ndihem si një person ndryshe, ndihem sikur nuk jam unë dhe marr një formë tjetër,”-është shprehur ajo gjatë emisionit GNTM.

Për t’u bërë pjesë e grupit "KorcaBlog.com" mjafton të klikoni: Join Group dhe kërkesa do t’ju aprovohet menjëherë.