Janë gjetur dhe sekuestruar 55 kg marijuanë pranë kufirit greko-shqiptar si dhe 1 celular, 1 kartë SIM dhe 122 euro. Operacioni u krye nga policia greke në Follorinë dhe Edesa. Më konkretisht në Follorinë është ndaluar një makinë, ku pas kontrollit brenda saj u gjetën dhe sekuestruan 2 çanta që përmbanin 50 pako me 55 kg e 649 gram marijuanë, teksa u arrestua shoferi grek 53 vjeç.

Ndërkohë në Edesa është ndaluar një mjet tjetër që shërbente për kontrollin e rrugës dhe është arrestuar drejtuesi i mjetit, grek 48 vjeç.

Gjykata e Lartë e Drejtësisë në Ontario të Kanadasë ka dëmshpërblyer me afro 300 mijë dollarë punonjësin shqiptar Rr. O., i cili kishte paditur mbikëqyrësin dhe kompaninë për trafikim me qenie njerëzore dhe keqtrajtim, raporton “Law Times News”. Punonjësi i përkohshëm Rr. O. kishte paditur kompaninë Universal Structural Restorations Ltd. (USRL) dhe mbikëqyrësin Ludgero De-Almeida, mbi bazë se ishte abuzuar, e nënçmuar në mënyrën më të turpshme.

Shqiptari ka thënë se kishte gjuhë diskriminuese, fyerje, kërcënime në lidhje me statusin e tij të emigracionit dhe po ashtu abuzim fizik nga mbikëqyrësi, i cili e kishte goditur me grusht edhe në testikuj, e atë para kolegëve. Madje i shkaktoi dëme të mëdha, që përfundimisht çuan në humbjen e një testikuli.

Rr. O. i lindur në Shqipëri, shkoi në Kanada në vitin 2017 dhe ishte punësuar “në të zezën” nga kompania USRL në vitin 2018.Shqiptari kishte thënë se u largua pasi më nuk mund të toleronte se si po trajtohej dhe se ishte i shqetësuar se çfarë mund të ndodhte.

“Paditësi ka treguar se si ishte grushtuar në testikul dhe në një rast tjetër u la me orë në tokë pasi kishte rënë nga shkalla”, ka shkruar në vendimin e tij gjykatësi Di Luca.

Përkundër kësaj, Rr. O., ka treguar se kurrë nuk ishte ankuar me shkrim për trajtimin që po i bënte De-Almeida nga frika se mund të ketë hakmarrje. Shqiptari ka treguar se ishte detyruar të paguante tarifën për leje të punës e të kthente edhe dy dollarë në orë për sa punonte. Shqiptari në total ka marrë një dëmshpërblim afro 295 mijë dollarë.

Nga Sonila Meço:                                                                   “Nuk na e ka fajin Dea Mishel, nuk na e ka! Po si ka mundësi vëmë kujën për formimin e një të reje shqiptare, që jeton e studion këtu dhe nuk ka marrë përsipër të promovojë asnjë institucion arsimor në vend duke e mallkuar, sharë, fyer, denigruar, masakruar si individ kur britma duhej të vinte oshëtimë prej këtij lajmi:

“Prej 20 vitesh, grupi spanjoll Cybermetrics Lab përgatit një renditje të universiteteve në nivel botëror, mbështetur në volumin e përmbajtjes së tyre në internet, për shikueshmërinë dhe ndikimin e punimeve të këtyre universiteteve, bazuar kryesisht në citimet e tyre në punimet e studiuesve të tjerë (Ëebometrics Ranking of Ëorld Universities).

I pari mes universiteteve shqiptare renditet Universiteti i Tiranës, që mban vendin e 3972-të në botë, i ndjekur nga Universiteti Bujqësor i Tiranës, në vendin e 4379-të në botë. Pozicioni i Shqipërisë është i dobët krahasuar edhe me vendet fqinje të rajonit. Mes pesë vendeve fqinje të Ballkanit Perëndimor (Kosovë, Maqedoni e Veriut, Serbi, Mali i Zi dhe Bosnjë-Hercegovinë), numërohen 14 universitete që kanë renditje më të larta se universiteti i parë shqiptar (Universiteti i Tiranës).

Universiteti i parë në rajon renditet Universiteti i Beogradit, në vendin e 443-të në botë, i ndjekur nga Universiteti i Novi Sadit, në vendin e 963-të, Universiteti i Nishit, në vendin e 1487-të. Ndër universitetet me pozicionim më të mirë se Universiteti i Tiranës renditet edhe ai i Prishtinës, në vendin e 2982-të në Botë.”

Dea Mishel është pasojë e zgjedhjeve të veta, si çdokush zgjedh të qendrojë injorant, i pa shkolluar, të korruptojë për notat (tek e fundit u korruptua FBI, jo më universitetet tona). Dhe të bësh shënjestër pa mëshirë pasojën pa i hyrë shkaqeve është më dëshpëruese se njohuritë e Deas, që nuk ka marrë përsipër të përfaqësojë kënd tjetër veç vetes. Edhe të fitojë famë duke e përçmuar po deshi.Po si do t’ja bëjmë me arsimin, edukimin, institucionet tona të rraskapitura që nga Universitetet e deri tek Akademia e Shkencave?”, shkruan Meço.

Sot në tregun e këmbimit valutor një dollar amerikan do blihet me 106.8 lekë dhe do shitet me 107.6 lekë. Euro edhe sot mbetet i pandryshuar, duke u blerë me 115.7 lekë dhe shitur me 116.4 lekë,

duke treguar qendrueshmeri.

Katër persona janë plagosur sot në një aksident rrugor që ndodhi në zonën e Pogradecit. Ata ishin duke udhëtuar në aksin rrugor Trebinjë-Vërdovë, ku në vendin e quajtur “Varrezat e Grekut”, një mjet tip Honda ka dalë nga rruga. Sipas informacioneve të policisë, makina ka rënë në një distancë prej 5 metrash përshkak të rrugës me dëbore.

Dy prej të plagosurve madje janë nisur drejt Spitalit të Traumës në Tiranë, jashtë rrezikut për jetën. Pjestarët e 2 familjeve kishin qenë për fundjavë pranë familjeve të tyre në fshatin Pleshisht dhe po ktheheshin sëbashku drejt Tiranës ku edhe banojnë. Policia bën me dije se shkak i aksidentit mund të jetë bërë prania e akullit në këtë segment rrugor duke sjellë humbjen e kontrollit në një kthesë dhe për pasojë mjeti pasi ka kryer disa kryer disa rrokullisje.

Aksident i frikshëm në Pogradec/ Makina humb kontrollin dhe del nga rruga, plagosen 4 persona… pic.twitter.com/tsAoXJS6Tp

— KorcaBlog.com (@KorcaAlbania) February 5, 2023

Vënia nën akuzë dhe arrestimi pak para mesnate të datës 3 shkurt duket se ka shkaktuar probleme shëndetësore për ish-zyrtaren e lartë Alda Klosi. Mësohet se pasi e kanë vendosur në qeli, ish-shefja e kabinetit të Arben Ahmetajt ka treguar shenja të tensionit të lartë. Si pasojë ajo është dërguar me urgjencë në QSUT ku dhe ka marrë trajtimin e parë e më pas duke u vendosur nën kujdesin e mjekëve, por edhe nën ruajtjen e policisë.

Burimet kanë bërë të ditur se gjatë orëve të para të së shtunës ajo ka shfaqur shenja stabiliteti, por do të vazhdojë të jetë nën trajtim nga bluzat e bardha. Tashmë pritet që të hënën gjykata të vendosë ndaj saj masën e sigurisë.

Ndalimi i Klosit erdhi pas dëshmisë së pastrueses që fillimisht u akuzua për grabitjen e 120 mijë eurove. Ndërsa gjithçka ka ndryshuar pasi në banesë iu gjetën edhe 404 mijë euro të tjera.