Banorët më të rinj të “Big Brother Albania Vip 2” kanë imunitet për dy javë. Gjatë ditës së sotme, Luizi ka nisur të “ngacmojë” banoret e reja. Ai i tha Antonetës se ka frikë të dalë në nominim. Luizi i tha asaj se Fotinia do ta heqë imunitetin dhe kështu grupi i tyre do skualifikohet nga sfida. Antoneta kërkoi një sqarim nga Fotinia dhe i tha mos ta heqë imunitetin në këtë pikë të lojës.

Fotinia u shpreh se ajo nuk e ka problem të dalë në nominim dhe se Luizi po përpiqet ta provokojë. Ajo e këshilloi Antonetën: Mos bjer prè e provokimeve të tij.

Gazetari Arjan Çani, thotë se situata që po ndodh në PD ku Lulzim Basha me dokumente rezulton ende kryetar i PD-së është e paprecedentë. Sipas Çanit, kjo është një situatë që mund të ndodhë rëndom në jetën e përditshme, por kurrë në politikë.

Me ironi ai thotë se kjo situatë meriton që të hyjë në rekordet Guinnes, pasi për të nuk në botë të tillë rast.

Policia e Shtetit ka njoftuar se nesër të gjithë qytetarët duhet të shmangin udhëtimin drejt Greqisë nga ora 09:00 deri në orën 18:00. Sipas njoftimit të dalë, në pikat e kalimit kufitar në palën greke, për shkak se do të kryen punime në sistemin e përpunimit të të dhënave, me qëllim instalimin e sistemit të ri SIS, do të ketë vonesa dhe ndërprerje të herëpashershme të punës. Policia shton se nuk do të kenë pengesa për të kaluar vetëm shtetasit grekë dhe shtetasit që kanë leje qëndrimi në Greqi.

Njoftimi i Policisë: Njoftojmë qytetarët dhe drejtuesit e automjeteve që kanë planifikuar të udhëtojnë drejt Greqisë apo anasjelltas, se nga ora 09:00 deri në orën 18:00 të datës 07.03.2023, në pikat e kalimit kufitar në palën greke, për shkak se do të kryen punime në sistemin e përpunimit të të dhënave, me qëllim instalimin e sistemit të ri SIS, do të ketë vonesa dhe ndërprerje të herëpashershme të punës.

Nuk do të kenë pengesa për të kaluar vetëm shtetasit grekë dhe shtetasit që kanë leje qëndrimi në Greqi. Për të mos krijuar radhë, pritje të gjata dhe konfuzion në pikat e kalimit kufitar, kërkojmë mirëkuptimin e qytetarëve dhe të drejtuesve të automjeteve që të shmangin lëvizjet drejt pikave të kalimit kufitar me Greqinë, në harkun kohor 09:00 – 18:00, të datës 07.03.2023.

Fenomeni “Luiz” ka prekur të madh dhe të vogël. Gjatë javëve të fundit “halli” i vetëm i shqiptarëve është Luizi dhe “padrejtësitë” që këtij konkurrenti sipas tyre po i bëhen. Kafe, ambiente pune, shkolla madje edhe në treg temë e diskutimit është banori i Big Brother Vip. Së fundmi, gazetari Altin Tufa ka dalë në rrugët e Tiranës për të pyetur më shumë për këtë “fenomenin Luiz”. Ai ka ndaluar kryesisht burra dhe gra të cilët i ka pyetur për Luizin dhe se çfarë mendimi kanë këta. E teksa ka marrë në pyetje disa prej tyre të njëjtën përgjigje i ka dhënë:

Që Luizi është SUPER! “ Bravo Luizit, ai ka të drejtë të fitojë, atij i takon. Ai nuk është i rrezikuar, Ne ja japim votën, le të futet kush të dojë, ai na pëlqen shumë edhe ai e fiton. Për ne është ok dhe na pëlqen”, dëgjohen të thonë disa gra në tregun e Tiranës. “Kurrë në botë nuk rrezikohet, ai përmbys qeverinë jo më Bigun”, dëgjohet të thotë një tjetër. Ndërkohë, një tjetër zotëri ka “parashikuar” edhe natën finale. Sipas këtij zotërie finale do të shkojë Luizi me Oltën, dhe ajo që do të fitojë sipas qytetarit është aktorja.

I ftuar në emisionin “Kojshia Show”, gazetarit Artan Hoxha i kanë bërë një “atentat”. Hoxha u bë pjesë e një kamere të fshehtë ku emisioni kishte organizuar disa djemë të maskuar që do të “zbarkonin” në emision për të sulmuar gazetarin Artan Hoxha.

Ndërkohë gazetari Hoxha duke ruajtur qetësinë kërkonte të dinte se kush i kishte dërguar personat që donin ta “, “sulmonin”, në këtë kamerë të fshehtë u përfshi edhe kunati i gazetarit, i cili po mundohej ta mbronte.

Në Greqi vijojnë protestat pas aksidentit tragjik me tren në Larisa ku humbën jetën 57 persona. Disa studentë kishin zgjedhur një formë simbolike të protestës së tyre gjatë ditës së sotme. Ata kishin vendosur jashtë Ministrisë së Transporteve 57 karrige me trendafila, aq sa ishte numri i viktimave të aksidentit.

Më merr kur të mbërrish”, “Kurrë më”, “Nuk mjafton zija kombëtare, duam edhe projekte kombëtare”, ishin pankartat që mbanin protestuesit.

Prindërit, të afërmit dhe miqtë i dhanë dje lamtumirën e fundit studentes shqiptare Klaudja Leta 21-vjeç, e cila humbi jetën në përplasjen e trenave në Greqi. E reja dhe partneri i saj kaluan fundjavën në Patra dhe të martën po ktheheshin me tren për në Selanik. Për fat të mirë i riu ka shpëtuar pasi pak sekonda para përplasjes ka dalë nga vagoni i mensës për të gjetur ndenjëse për vete dhe të dashurën e tij në një nga vagonat e tjerë. I riu duke folur për mediat greke ka përshkruar momentet e fundit me partneren e tij.

“Ne ishim në mensë. I thashë se do të kërkoja për ndonjë vend tjetër sepse isha i mërzitur dhe i lodhur. Ajo më pa drejt në sy dhe më tha “shko tani”. U habita nga mënyra e të folurit dhe pa u menduar u ngrita në këmbë. Pashë që më buzëqeshte, i buzëqesha dhe u largova. Më pas ndjeva një zhurmë dhe u rrëzova. As nuk e kuptova se çfarë kishte ndodhur, thjesht ndjeva hekurat që më binin mbi shpinë. Fatmirësisht nuk u lëndova gjëkundi. U zgjova nga tymi. Tani kam probleme me frymëmarrjen. Në një moment mbylla sytë, lotova dhe thashë se do të digjem i gjallë”, tregoi ai.

“Në të njëjtën kohë po mendoja për Klaudian. Nuk e kuptova se çfarë kishte ndodhur sepse gjithçka ishte e errët. Unë thjesht isha i tronditur. Disa bërtisnin se po digjeshim”, shtoi partneri i së resë shqiptare.

“Më pa në sy dhe më tha “ik”/ Partneri i së resë Shiptare tregon momentet para tragjedisë…. pic.twitter.com/DKAnIo5x6T

— KorcaBlog.com (@korcablog1) March 6, 2023

Kursi i këmbimit të euros po bie në rënie të lirë, duke arritur poshtë kufirit të 115 lekëve. Luhatjet në këtë fillim marsi janë në nivelin e festave të fundvitit, dhe të njëjtin trend kanë edhe dollari e paundi britanik. Monedha Europiane po bie në rënie të lirë, duke u këmbyer këtë të hënë 114.86 lekë, me kursin e Bankës së Shqipërisë. Rënia në këto nivele u pa edhe në fund të vitit 2022, në sezonin e festave.

Agjentët e këmbimit valutor thonë se gjatë javëve të fundit blerjet e euros kanë qenë në nivele të ulëta. Nga ana tjetër, ata shprehen se prurjet e monedhës europiane ngelen relativisht të larta, nga individët. Ndikim në favor të zhvlerësimit të euros dhe forcimit të lekut mund të ketë dhënë edhe bilanci tregtar i vendit. Sipas INSTAT, për muajin janar defiçiti tregtar u ul me 70% krahasuar me dhjetorin. Edhe turizmi po bëhet një faktor me ndikim gjithnjë e më të rëndësishëm në bilancin e pagesave dhe si rrjedhojë edhe në kursin e këmbimit valutor.

Avokati i familjes shqiptare Micka, Stelios Sourlas, të cilët humbën vajzën e tyre 23-vjeçare Evgjeninë në aksidentin fatal hekurudhor në Larisa, është shprehur se familja e studentes kërkon drejtësi dhe vënien përballë përgjegjësisve të personave që shkaktuan këtë tragjedi tronditëse me 57 persona të vdekur.

“Familja është e tronditur dhe në të njëjtën kohë shumë e revoltuar. Ata kërkojnë nga shteti që të gjithë përgjegjësit të mos u shpëtojë përgjegjësive. Do të bëj padi në ditët në vijim dhe do të kërkoj mbrojtjen e akuzës si dhe hetimin e përgjegjësive penale ndaj autoritetit përgjegjës, por edhe ndaj personazheve politikë që kishin mbikëqyrjen dhe supozohej të kontrollonin sigurinë dhe masat”, tha ai.

Ai gjithashtu theksoi se përgjegjësia penale që do të kërkohet nga familja është në kujtimin e Evegjnisë.

Si ndodhi ngjarja? 

Evegjeni Micka ishte duke u kthyer me të dashurin nga Athina ku kishin shkuar që të hënën. I fejuari i saj ka pësuar djegie të shumta në trup. Ai ka thënë se vajza ishte varur tek ai nga dritarja dhe ai ka bërë thirrje për ndihmë, por askush nuk është përgjigjur. 23-vjeçarja shqiptare ishte pa ndjenja dhe zjarrfikësit thanë se do e nxirrnin jashtë, por ai nuk pa më asgjë. Familja e saj e kërkoi për dy ditë, pasi ajo nuk ishte as në listën e të plagosurve dhe as në listën e të vdekurve. Trupi i saj u identifikua më pas përmes ADN.

Në Tiranë, një i ri tentoi t’i japë fund jetës me overdozë ilaçesh për shkak se nuk shlyente dot një borxh të akumuluar nga bastet online. Dy të dyshuarit Mario Lika dhe Blenard Ahmetaj, akuzohen nga prokuroria për gjobvënie dhe për organizim lojërash fati në kundërshtim me ligjin. Prokuroria thotë se ata e kanosën bastexhiun e ndeshjeve sportive mbasi viktima e tyre nuk arriti tu shlyente borxhin prej gati 4 milionë lekë.

Ata i shkuan vazhdimisht në banesë, kanë qëndruar duke e vëzhguar në distancë dhe e kanë kërcënuar tha prokurorja në gjykatë gjatë masës së sigurimit personal. Të njëjtën gjë kërcënuese bënë edhe kundër bashkëshortes së tij, duke i kanosur fëmijët derisa sa konflikti kulmoi në datën 2 mars dhe i sulmuan shtëpinë bastexhiut duke synuar që të shkatërronin derën e të hynin brenda.

I riu ra në kontakt me administratorët e faqes së basteve në një kazino ku dhe ju bë oferta që të vinte baste ndeshjesh në telefon, njofton Top Channel. Prokurorja pohoi se si prova rënduese për gjobëvënien e bastit janë edhe komunikimet në telefon jo vetëm me bastexhiun por edhe të ëmën si dhe fakti që njëri nga të dyshuarit rezulton me precedentë të mëparshëm penale në Gjermani.

I ndodhur midis dy zjarresh, nga njëra anë pamundësisë për të shlyer borxhin dhe nga ana tjetër trysninë, ai konsumoi medikamentet me shpresën se kështu ai do shpëtonte familjen. Mbas dozave të shumta me medikamente, në datën 25 shkurt, 32-vjeçari përfundoi në spital në gjendje të rëndë për jetën. Por ai ja la fajin depresionit dhe nuk tregoi asgjë në spital. Mbasi doli prej andej, ai u gjurmua më tej dhe në një rast ju dërguan në telefon video të banesës ku ishte zhvendosur të jetonte e shoqja mbasi kishte frikë nga kërcënimet deri ditën kur lojtari u bind se nuk kishte shpëtim nëse nuk njoftonte policinë./TCH

Twitter po përjeton probleme teknike. Sipas DownDetector, çështjet filluan rreth orës 17:30 të hënën dhe kanë prekur më shumë se 4,000 përdorues në mbarë botën. 80 për qind e njerëzve raportuan probleme me faqen e internetit, 13 për qind me aplikacionin dhe 7 për qind me lidhjen e serverit.

Përdoruesit po ankohen se kanë probleme me aksesin në platformën e mediave sociale, por arsyeja e problemeve mbetet e paqartë.

Në 14 maj shqiptarët nuk do të zgjedhin vetëm kryetarët e rinj të bashkive, por do të zgjedhin e ‘parlamentet’ lokale. Thënë ndryshe, do të votojnë për këshilltarët bashkiakë. Ndërsa Shqipëria me një reformë të Edi Ramës u nda në 61 bashki, numri i këshilltarëve bashkiakë është më shumë se 1600. Më saktë bëhet fjalë për 1603 këshilltarë bashkiakë ,ku sigurisht pjesën më të madhe të kësaj “torte” e zë Tirana, Durrësi, Fieri, Shkodra apo dhe Elbasani, ndërsa Bashkia Korçë ka vetëm 41….

Postimi i plotë nga KQZ

𝗤𝗮𝗿𝗸𝘂 𝗕𝗲𝗿𝗮𝘁 – Bashkia Berat 31 këshilltarë, Bashkia Kuçovë 21 këshilltarë, Bashkia Poliçan 15 këshilltarë, Bashkia Skrapar 15 këshilltarë, Bashkia Dimal 21 këshilltarë.

𝗤𝗮𝗿𝗸𝘂 𝗗𝗶𝗯𝗲̈𝗿 – Bashkia Bulqizë 21 këshilltarë, Bashkia Dibër 31 këshilltarë, Bashkia Klos 21 këshilltarë, Bashkia Mat 21 këshilltarë.

𝗤𝗮𝗿𝗸𝘂 𝗗𝘂𝗿𝗿𝗲̈𝘀 – Bashkia Durrës 51 këshilltarë, Bashkia Krujë 31 këshilltarë, Bashkia Shijak 21 këshilltarë.

𝗤𝗮𝗿𝗸𝘂 𝗘𝗹𝗯𝗮𝘀𝗮𝗻 – Bashkia Belsh 21 këshilltarë, Bashkia Cërrik 21 këshilltarë, Bashkia Elbasan 51 këshilltarë, Bashkia Gramsh 21 këshilltarë, Bashkia Librazhd 21 këshilltarë, Bashkia Peqin 21 këshilltarë, Bashkia Prrenjas 21 këshilltarë.

𝗤𝗮𝗿𝗸𝘂 𝗙𝗶𝗲𝗿 – Bashkia Divjakë 31 këshilltarë, Bashkia Fier 51 këshilltarë, Bashkia Lushnjë 41 këshilltarë, Bashkia Mallakastër 21 këshilltarë, Bashkia Patos 21 këshilltarë, Bashkia Roskovec 21 këshilltarë.

𝗤𝗮𝗿𝗸𝘂 𝗚𝗷𝗶𝗿𝗼𝗸𝗮𝘀𝘁𝗲̈𝗿 – Bashkia Dropull 21 këshilltarë, Bashkia Gjirokastër 31 këshilltarë, Bashkia Këlcyrë 15 këshilltarë, Bashkia Libohovë 15 këshilltarë, Bashkia Memaliaj 15 këshilltarë, Bashkia Përmet 15 këshilltarë, Bashkia Tepelenë 15 këshilltarë.

𝗤𝗮𝗿𝗸𝘂 𝗞𝗼𝗿𝗰̧𝗲̈ – Bashkia Devoll 21 këshilltarë, Bashkia Kolonjë 15 këshilltarë, Bashkia Korçë 41 këshilltarë, Bashkia Maliq 31 këshilltarë, Bashkia Pogradec 31 këshilltarë, Bashkia Pustec 15 këshilltarë.

𝗤𝗮𝗿𝗸𝘂 𝗞𝘂𝗸𝗲̈𝘀 – Bashkia Has 21 këshilltarë, Bashkia Kukës 31 këshilltarë, Bashkia Tropojë 21 këshilltarë.

𝗤𝗮𝗿𝗸𝘂 𝗟𝗲𝘇𝗵𝗲̈ – Bashkia Kurbin 31 këshilltarë, Bashkia Lezhë 41 këshilltarë, Bashkia Mirditë 21 këshilltarë.

𝗤𝗮𝗿𝗸𝘂 𝗦𝗵𝗸𝗼𝗱𝗲̈𝗿 – Bashkia Fushë – Arrëz 15 këshilltarë, Bashkia Malësi e Madhe 31 këshilltarë, Bashkia Pukë 15 këshilltarë, Bashkia Shkodër 51 këshilltarë, Bashkia Vau – Dejës 31 këshilltarë.

𝗤𝗮𝗿𝗸𝘂 𝗧𝗶𝗿𝗮𝗻𝗲̈ – Bashkia Kamëz 41 këshilltarë, Bashkia Kavajë 31 këshilltarë, Bashkia Rrogozhinë 21 këshilltarë, Bashkia Tiranë 61 këshilltarë, Bashkia Vorë 21 këshilltarë.

𝗤𝗮𝗿𝗸𝘂 𝗩𝗹𝗼𝗿𝗲̈ – Bashkia Delvinë 15 këshilltarë, Bashkia Finiq 21 këshilltarë, Bashkia Himarë 21 këshilltarë, Bashkia Konispol 15 këshilltarë, Bashkia Sarandë 31 këshilltarë, Bashkia Selenicë 21 këshilltarë, Bashkia Vlorë 51 këshilltarë.

Avokati i familjes shqiptare Micka, Stelios Sourlas, të cilët humbën vajzën e tyre 23-vjeçare Evgjeninë në aksidentin fatal hekurudhor në Larisa, është shprehur se familja e studentes kërkon drejtësi dhe vënien përballë përgjegjësisve të personave që shkaktuan këtë tragjedi tronditëse me 57 persona të vdekur.

“Familja është e tronditur dhe në të njëjtën kohë shumë e revoltuar. Ata kërkojnë nga shteti që të gjithë përgjegjësit të mos u shpëtojë përgjegjësive. Do të bëj padi në ditët në vijim dhe do të kërkoj mbrojtjen e akuzës si dhe hetimin e përgjegjësive penale ndaj autoritetit përgjegjës, por edhe ndaj personazheve politikë që kishin mbikëqyrjen dhe supozohej të kontrollonin sigurinë dhe masat”, tha ai.

Ai gjithashtu theksoi se përgjegjësia penale që do të kërkohet nga familja është në kujtimin e Evegjnisë.

Si ndodhi ngjarja? 

Evegjeni Micka ishte duke u kthyer me të dashurin nga Athina ku kishin shkuar që të hënën. I fejuari i saj ka pësuar djegie të shumta në trup. Ai ka thënë se vajza ishte varur tek ai nga dritarja dhe ai ka bërë thirrje për ndihmë, por askush nuk është përgjigjur. 23-vjeçarja shqiptare ishte pa ndjenja dhe zjarrfikësit thanë se do e nxirrnin jashtë, por ai nuk pa më asgjë. Familja e saj e kërkoi për dy ditë, pasi ajo nuk ishte as në listën e të plagosurve dhe as në listën e të vdekurve. Trupi i saj u identifikua më pas përmes ADN.

Gjergji Jorgo ka ngjitur shkallët e karrierës nga Kapiten i Parë, Major, Kolonel, Komisar, Drejtues deri në Gradën Drejtues i Parë. Ai ka mbajtur postet e Inspektorit, Shefit të Komisariatit, Zv/Drejtorit deri në Drejtor i Policisë së Qarkut Korçë. “Tronditës lajmi i kombshëm për ndarjen e beftë dhe të parakohshme të Drejtuesit të Parë Gjergji Jorgo.

Kolegu dhe miku jonë, i shërbeu me devotshmëri dhe profesionalizëm Policisë së Shteti nga viti 1991 pa ndërprerje deri në vitin 2013 me largimin e padrejtë nga detyra. Gjergji ka ngritur shkallët e karrierës së tij policore përmes performancës së tij në mënyrë graduale nga Kapiten i Parë, Major, Kolonel, Komisar, Drejtues deri në Gradën Drejtues i Parë. Me pozicione të ndryshme si më kryesore: Inspektor, Shef Komisariati, Zv/Drejtor deri në Drejtor i Policisë Qarku Korçë.

Humbëm sot një qytetar, koleg, mik, profesionist dhe familjar model.

I shprehim ngushëllimet më të ndjera Zonjës së tij Juli, vajzës Elona dhe djalit Gerti. Ngushëllime gjithë të afërmve dhe miqve të tij. Lamtumirë mik dhe koleg i nderuar! Shpirti i tij u prehtë në paqe!”, thuhet në mesazhin e Shoqatës së Punonjësve të Policisë në Lirim.

Vangelis Bournazis polici grek 54-vjeçar dhe djali i tij 15-vjeçar të cilët humbën jetën në aksidentin e trenave në Larisa janë përcjellë sot për në banesën e fundit. Mediat greke raportojnë se 54-vjeçari ishte larguar nga detyra si polic rreth një vit më parë. Ai donte të pushonte dhe t’i përkushtohej rritjes së djalit të tij të mitur.

Ata po ktheheshin nga një udhëtim në Athinë. Në rrugën e kthimit, ai rezervoi një shtrat me djalin e tij. Tre fëmijët e tij ishin gjithë jeta e tij, pasi dy vite më parë humbi gruan nga kanceri. Njerëzit që e njihnin e përshkruajnë atë si një polic shembullor dhe një familjar të denjë.