Kevin Kuka, futbollisti me origjinë shqiptare i Virtus Bolzanos, nuk arriti që t’i mbijetojë aksidentit. Aksidenti i tmerrshëm rrugor ndodhi me 20 prill të këtij viti dhe që atëherë 21-vjeçari ishte në spital. Kuka në momentin që ndodhi aksidenti kishte dalë nga makina për shkak të një përplasje të fuqishme mes makinës që po udhëtonte dhe një kamioni të ndaluar në rrugë për shkak të punimeve.

Shokët e skuadrës dhe tifozët e kishin pritur më kot rikthimin e tij pasi nuk ishte e shkruar që ai të shkonte më pranë tyrë. Ata ishin të veshur me bluza ku shkruhej “Hajde Kevin”.

Kudo që ti të jesh faleminderit për atë që na ke dhënë”, ishte mesazhi i ngushëllimit nga bashkëlojtarët.

Kevin Kuka, futbollisti me origjinë shqiptare i Virtus Bolzanos, nuk arriti që t’i mbijetojë aksidentit. Aksidenti i tmerrshëm rrugor ndodhi me 20 prill të këtij viti dhe që atëherë 21-vjeçari ishte në spital. Kuka në momentin që ndodhi aksidenti kishte dalë nga makina për shkak të një përplasje të fuqishme mes makinës që po udhëtonte dhe një kamioni të ndaluar në rrugë për shkak të punimeve.

Shokët e skuadrës dhe tifozët e kishin pritur më kot rikthimin e tij pasi nuk ishte e shkruar që ai të shkonte më pranë tyrë. Ata ishin të veshur me bluza ku shkruhej “Hajde Kevin”.

Kudo që ti të jesh faleminderit për atë që na ke dhënë”, ishte mesazhi i ngushëllimit nga bashkëlojtarët.

Skënderbeu zhvilloi pasditen e sotme në ambientet e stadiumit, një test miqësor brenda grupit, ku trajneri Ivan Gvozdenoviç, pati shansin të shikonte në lojë, të gjithë futbollistët, teksa fokusi ishte kryesisht te lojtarët e rinj të afruar në merkaton e verës. Dueli përfundoi me rezultatin 1-0, për ekipin me fanella të kuqe, teksa goli u shënua nga Rashica. Vlen të theksohet fakti se një penallti në këtë test miqësor humbi edhe Lika.

Skënderbeu ma fanelat e kuqe: Ali, Hysolli, Ramos, Bani, Shaqe, Liço, Pecani, Ramin Ali, Qeleshi, Beçka, Rashica.

Skënderbeu me fanelat e bardha: Alliu, Zenullari, Prençi, Kapllani, Frashëri, Janaqi, Sevio, Muharem, Lika, Moses, Nikaj.

U aktivizuan edhe Dervishaj, Leo, Çekrezi, Lamellari dhe Joni.

View this post on Instagram

A post shared by KorcaBlog.com | News & Media Web (@korcablog.com_)

Tre të mbyturit në Vilë Bashtovë të Kavajës u nxorrën nga deti me kajak nga një person që punon në plazh. Dy dëshmitarë tregojnë se panë një burrë që kishte ngritur duart dhe kërkonte ndihmë, por asnjë nga pushuesit nuk u fut në det sepse kishin frikë nga dallgët e mëdha. Personi me kajak ka nxjerrë fillimisht fëmijët e pastaj babanë. Dy dëshmitarë tregojnë më shumë për këtë tragjedi.

“Kishte dallgë, sapo erdhëm në mëngjes e pamë që kishte dallgë. Por futeshin. Fëmijët tentonin më shumë të hynin, edhe na erdhi e papritur se vetëm një moment pamë që një ndër personat që ishin aty afër ngriti dorën edhe në atë moment u turrëm. Isha aty afër, u turra, ishte një me kajak që i kishte këto personat e rrezikuar.

U turrëm dhe i kapëm kush nga krahu e kush nga këmba, i nxorrëm në breg, i shtrimë. Menduam që ishte. Kur pamë që ishin 3 veta, ai babai ishte dhe i bëshëm, mezi e nxorrëm. E nxorrëm në breg dhe kush mundi pastaj filloi t’i bënte masazh”, thotë njeri prej tyre.

“Tragjedia edhe mund të evitohej. Në momentin që hapet plazhi unë mendoj se duhet të jetë ajo vija e kufirit deri ku mund të futet një notar i theshtë, ndërkohë që këtu nuk ekzistojnë.

Pastaj nëse dhe më shpejt do kishte patur një ndihmë mjekësore do ishte evituar. Pashë që u sensibilizua e gjithë shoqëria që ishte aty, gjithë pushuesit, por ishte e kotë”, tregon një tjetër.

Megjithëse në bregdet i bënë masazh dhe frymëmarrje, ata humbën jetën. Babai kishte shkuar në plazh me dy fëmijët e tij nga Tirana.

Ata po laheshin të tre bashkë 30 metër larg bregut. Fillimisht u mbyt djali 13-vjeçar dhe babai u përpoq të shpëtonte 15-vjeçarin dhe në këtë përpjekje u mbyt edhe vetë.

Tragjedi në bregdetin Shqiptar/ Babai mbytet me dy fëmijët e mitur… pic.twitter.com/RCLChdul1s

— KorcaBlog.com (@korcablog1) July 10, 2023

Moderatori Ronaldo Sharka i ftuar ditën e sotme në “E Diell” nuk i ka kursyer aspak komentet e tij pikante. Ai është shprehur se vajzat shkojnën në jug sepse e dinë që aty mund të kapin çunat me lekë. Ndër të tjera ai ka treguar gjithashtu se pikërisht këto vajza që shkojnë dhe kërkojnë çunat e Londrës dhe Spanjës,

kërkojnë gjithashtu t’ju paguhen drekat e shtrenjta, dhomat luksoze të resorteve apo të tjera detaje luksi si këto.

“Shumica e gocave shkojnë në jug që të qerasen, t’ju paguhet dhoma në resorte me 300 euro nata, t’ju paguhet dreka me karkaleca.

Ky nuk është paragjykim. Ato e dinë që aty janë çunat që vijnë nga Londra dhe Spanja”- tha Ronaldo.

Një ngjarje tragjike është regjistruar në Kavajë. Mësohet se në plazhin Vilë-Boshtovë, janë mbytur 3 persona. Konkretisht viktimat janë babai Elvis Halilaj 50 vjeç, dhe dy djemtë e tij të mitur 13 dhe 15 vjeç. Pas ngjarjes tragjike në kete plazh janë vendosur flamujt e kuq , për të sinjalizuar pushuesit që deti është i trazuar dhe rrymat janë të forta…

Njoftimi i policisë:

Kavajë/Informacion paraprak Më datë 09.07.2023, në plazhin Vilë-Boshtovë, duke notuar në det janë mbytur tre shtetas, pjestarë të së njëjtës familje (shtetasi E.H 50 vjeç, dhe dy djemtë e tij të mitur rreth 13 dhe 15 vjeç, nga Tirana).

Shërbimet e Njësisë Policore Detare kanë ndërhyrë për ti shpërtuar por të tre shtetasit kishin ndërruar jetë si pasojë e rrymave detare. Në vendngjarje ndodhet grupi hetimor dhe po punon për sqarimin e plotë të rrethanave të ngjarjes

Tragjedi në bregdetin Shqiptar/ Babai mbytet me dy fëmijët e mitur… pic.twitter.com/RCLChdul1s

— KorcaBlog.com (@korcablog1) July 10, 2023

Pas fitores së “BBVIP” Luiz Ejlli duket se i është përkushtuar totalisht karrierës muzikore (përvec asaj në kinematografi), teksa e kemi parë të publikojë projekte të reja dhe të angazhuar me koncerte, jo vetëm në Shqipëri. E duket se këngëtari ka gati bashkëpunimin e radhës, me një prej emrave më të mëdhenj të muzikës shqiptare. Po flasim për Getoar Selimin, për të cilin Luizi është shprehur se “e ka adhuruar gjithë jetën”

dhe që jo vetëm ja ka kënduar këngët gjatë qëndrimin në shtëpinë e “BBVIP”, po vazhdon i performon edhe në eventet e tanishme ku merr pjesë…

Në një prej koncerteve të fundit, Luizi konfirmoi:

“Bashkëpunimi im i parë do jetë me dikë që e kam adhuruar gjithë jetën, me Getoarin. Keni për tu kënaqur, kam dalë pak si i fortë.”

Nëse përmendim emrin e Ciljeta Xhilagës dhe Inis Gjonit, na shkojnë menjëherë në mendje “kohët e arta” të muzikës dhe filmit shqiptar, edhe pse artistet mbeten mjaft aktive në treg si me muzikë të re, ashtu edhe me projekte të reja në teatër e seriale (në rastin e Inisit). E mesa duket me kalimin e viteve vajzat kanë mbetur mike, madje tani marrëdhënien e tyre po e kalojnë në tjetër stad sepse nga tani e tutje janë zyrtarisht edhe “krushka”.

Kështu ka shkruar Ciljeta në postimin e fundit në Instagram, ku shfaqet në të njejtin event me Inisin, teksa bashkë me to janë edhe fëmijët, djali këngëtares, Fernando dhe vajza e regjizores Coco Antonel.

Bashkangjitur me foton, që sipas Anna Likës në komente duket fiks si “foto fejese”, Ciljeta shkruan: “Krushkat bashkë”.

Tre djem kanë dhunuar një polic në Tiranë. Mësohet se efektivi 31-vjeçar, është qëlluar me grushte nga tre të rinjtë. Njëri nga këto tre të fundit kishte shkelur masën e sigurisë “Arrest në shtëpi”. Djemtë janë të moshës 23, 25, 26 vjeç.

Njoftimi i policise:

Specialistët për Hetimin e Krimeve të Komisariatit të Policisë Nr. 1 arrestuan 26-vjeçarin, si dhe referuan materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për shtetasin, 23 vjeç, dhe po punojnë për kapjen e shtetasit, 25 vjeç, të tre banues në Tiranë.

Këta shtetas, në rrugën “Shyqyri Ishmi”, gjatë një konflikti kanë goditur me grushte shtetasin, 31 vjeç, banues në Tiranë (punonjës policie). Pas verifikimeve të kryera ka rezultuar se shtetasi 26-vjeçar., ka shkelur masën e sigurisë “Arrest në shtëpi”.

Ndërron jetë në Spitalin e Traumës në Tiranë Gjelosh Rushaj, i cili u aksidentua të enjten në Dukagjin. Ai ishe duke u kthyer me kamionçinën e tij drejt Shkodrës nga fshati Plan i njësisë administrative Pult të Dukagjinit në kamionçinën e tij kur doli u batua duke përfunduar në humnerë.Pas aksidentit ai u dërguar me anë të helikopterit në Spitalin e Traumës, por për shkak të plagëve të marra përkundër përpjekjeve të mjekëve nuk arriti të mbijetojë.

Në nëntor të vitit të kaluar Gjelosh Rushaj humbi vëllain dhe nipin, përkatësisht Pjetër dhe Jason Rushaj, të cilët u morën nga lumi në zonën e Bogës në Malësi të Madhe.

Mëngjesin e sotëm, në vendin e quajtur “Ura e Gajtarit”, në Delvinë, automjeti tip “Benz” me drejtues Irodhi Dalani 61 vjeç, banues së Sarandë, është përplasur me automjetin tip “Volkswagen”, me drejtues shtetasin N. B., 26 vjeç, banues në Delvinë. Si pasojë e aksidentit janë dëmtuar të dy drejtuesit e automjeteve. Pavarësisht se është dërguar për mjekim drejt Janinës, Irodhi nuk ka mundur të mbijetojë. Irodhi Dalani ka qenë kryetar i Komunës Livadhja dhe ushtronte aktivitet në përpunimin e qumështit.

Njoftimi i policise:

Mëngjesin e sotëm, në vendin e quajtur “Ura e Gajtarit”, në Delvinë, automjeti tip “Benz” me drejtues shtetasin I. D., 61 vjeç, banues së Sarandë, është përplasur me automjetin tip “Volkswagen”, me drejtues shtetasin N. B., 26 vjeç, banues në Delvinë.

Si pasojë e aksidentit janë dëmtuar të dy drejtuesit e automjeteve, të cilët janë dërguar në spitalin e Sarandës, për të marrë mjekim. Disa orë pas aksidentit, shtetasi I. D. ka humbur jetën gjatë kohës që po transportohej në Greqi, për mjekim më të specializuar. Në vijim të veprimeve procedurale, është arrestuar në flagrancë drejtuesi i automjetit tjetër, shtetasi N. B. Grupi hetimor vijon punën per sqarimin e rrethanave të aksidentit.

Mbetet nën dominimin e kushteve të qëndrueshme atmosferike Shqipëria duke bërë që moti i kthjellët dhe temperaturat e larta të jenë prezent në të gjithe territorin e vendit. Parashikohet që kjo situatë meteorologjike të vijojë edhe gjatë orëve të pasdites, ku kthjellimet do të jenë të pranishme pothuajse në të gjithë terrritorin, përjashtuar zonat verilindore-juglindore ku pritet grumbullim i vranësirave, por nuk priten reshje.

Era pritet të fryjë me drejtim veriperëndim-juglin shpejtësi mesatare deri në 8m/s, ndërsa përgjatë vijës bregdetare fiton shpejtësi deri 13m/s. Valëzimi në dete do të jetë i forcës 2-3 ballë.

Temperatura më e lartë pritet të shenojë 37 grade Celcius dhe më e ulëta 15 gradë Celcius

Vijojnë kontrollet intensive për parandalimin e ndotjes akustike në të gjithë qarkun. Prishën qetësinë publike duke vendosur muzikë të lartë në ambientet e një lokali, procedohet penalisht pronari i lokalit dhe 3 muzikantë, të cilët ishin punësuar në mënyrë të paligjshme. Sekuestrohen pajisjet që gjeneronin muzikën.

Shërbimet e Komisariatit të Policisë Korçë në bashkëpunim me Task Forcën si rezultat i kontrolleve gjatë natës, për parandalimin e shqetësimit të qytetarëve dhe pushuesve, nga ndotja akustike që është pasojë e muzikës së lartë në subjekte të ndryshme argëtimi, kanë konstatuar 1 rast të paligjshmërisë në këtë fushë.

Konkretisht në një lokal në lagjen nr. 4, Korçë, është konstatuar muzikë e lartë, në tejkalimin të përcaktimeve ligjore mbi nivelin e zhurmave. Në vijim të veprimeve procedurale për këtë rast, specialistët për Hetimin e Krimeve të Komisariatit të Policisë Korçë referuan materialet në Prokurori ku nisi procedimi në gjendje të lirë, për shtetasit M. Z (pronari i lokalit), A. H; A. Zh. dhe M. Ç., muzikantë në këtë lokal, për veprën penale “Prishja e qetësisë publike”, kryer në bashkëpunim.

Gjithashtu gjatë verifikimeve të kryera rezultoi se tre muzikantët nuk ishin të deklaruar në skemën e sigurimeve shoqërore, si të punësuar në këtë lokal. Në cilësinë e provës materiale u sekuestruan pajisjet që gjeneronin muzikën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

Policia e Shtetit apelon për të gjithë administratorët dhe pronarët e lokaleve dhe hoteleve, që të zbatojnë me rigorozitet ligjin dhe rregullat në lidhje me ndotjen akustike, pasi në rast të konstatimit të paligjshmërive në këtë fushë, shërbimet e Policisë do të sekuestrojnë pajisjet që gjenerojnë muzikë dhe do të procedojnë sipas ligjit, shtetasit përgjegjës njofton Drejtoria vendore e policise Korçe.