Një ngjarje e rëndë ka ndodhur në Greqi. Një 31 vjeçar shqiptar me inicialet O.E. ka humbur ekuilibrin dhe ka rënë nga një lartësi prej rreth 15 metrash. Si pasojë shqiptari ka ndërruar jetë. I riu ndodhej në çatinë e godinës industriale dhe po merrej me mirëmbajtjen e çatisë së fabrikës Halyvourgia.

Ai punonte për një nënkontraktor që kishte marrë përsipër të kryente punime të ndryshme në industrinë e cila ishte jashtë funksionit ditën e djeshme.

Mediat greke bëjnë me dije se i riu shqiptar është transportuar me urgjencë drejt spitalit të Volos, por për shkak të plagëve të marra ai ka ndërruar jetë.