Një mjet është përfshirë nga flakët pak momente më parë më rrugën kryesore midis gjykatës dhe spitalit. Nuk dihen rrethanat, por mjeti përfundoi pranë një kantine, që shiste hamburgerë, ndërsa u dogj pjesërisht bashkë me të. Ngjarja ndodhi sonte pak para mesnatës duke gdhirë e diela, rreth orës 23:25, në lagjen nr. 4, Korçë. Policia tha se shtetasja M. Ç., duke drejtuar automjetin tip “Volkswagen”, dyshohet se ka humbur kontrollin mbi drejtimin e makinës

Për pasojë është përplasur me automjetin kantinë tip “Benz”, të parkuar në rrugë. Si pasojë e përplasjes, të dyja automjetet kanë marrë zjarr. Shërbimet e zjarrfikëses në vendngjarje, bënë të mundur shuarjen e zjarrit pa precipituar më tej.

Drejtuesja e automjetit shtetasja M. Ç., u dërgua për ndihmë mjekësore në spitalin e Korçës, ku ndodhet jashtë rrezikut për jetën. Grupi hetimor tha se po punon për sqarimin e rrethanave të aksidentit.