Pika kufitare e Kapshticës po përballet këtë fundjavë me një numër të lartë udhëtarësh, kryesisht shqiptarë të cilët po kthehen pas pushimeve në vendin fqinj, Greqi. Radhët e automjeteve për shkak të fluksit të madh kanë qenë të gjata në zonën neutrale e deri tek hyrja e doganës tonë.

Shkaku i radhëve sipas policisë kufitare vijon të mbetet kapaciteti i reduktuar i sporteleve greke, ndërsa në palën shqiptare prej mëngjesit janë hapur të gjitha sportelet për të përballuar fluksin dhe për të shmangur radhët

Përgjatë dy ditëve nga kjo pikë kalimi kanë hyrë dhe kanë dalë 19000 shtetas ndërkohë gjatë 24 orëve të fundit kanë hyrë 4163 dhe kanë dalë 5862 shtetas.

Ky fluks mendohet të zgjasë deri në fund të gushtit.

Dy turistë italianë, duke udhëtuar me biçikletë, kanë gjetur në rrugë, një portofol me një shumë parash dhe në fund përfunduan duke bërë një gjest human. Ato e kanë dorëzuar në Komisariatin e Policisë Lushnjë. Uniformat blu pasi kanë kryer verifikimet në bazë të kartës ID që ishte në portofol, kanë njoftuar shtetasin që e kishte humbur,

i cili është paraqitur në Komisariat për të marrë portofolin me shumën e konsiderueshme të parave, kartat bankare dhe kartën e identitetit.

Pasi ka marrë portofolin, ai ka falënderuar dy turistët italianë për gjestin e tyre.

Balerini Kledi Kadiu është një prej qindra shqiptarëve të anijes Vlora që iknin nga Shqipëria për një jetë më të mirë në Itali. Që Italia dhe Shqipëria, dy vendlindjet e mia, kanë marrëdhënie të mira, vetëm mund të më kënaqë. Në Itali e gjeta shtëpinë time të dytë përmes kërcimit, por kam ende shumë lidhje me Tiranën ku jetojnë prindërit e mi dhe ku shkoj shpesh“ shprehet Kledi Kadiu, balerini dhe koreografi shqiptar,

duke komentuar pushimet e shkurtra të kryeministres italian Giorgia Meloni në Vlorë me ftesë të kryeministrit shqiptar Edi Rama.

I lindur në Tiranë, Kledi gjeti popullaritet në Itali falë programit “Amici di Maria De Filippi.

Në Itali tashmë ka krijuar familjen e tij ku jeton me bashkëshorten Charlotte Lazzari dhe fëmijët Gabriel dhe Lea. Këtë verë bregdeti shqiptar u kthye në destinacion turistik i italianëve në këto ditë pushimesh verore.