Një nga lëvizjet e rëndësishme në klubin dinamovit, gjithmonë pas projektit të ri, ishte afrimi i Haris Fakiç në postin e drejtorit sportiv. “Jam shumë i lumtur që kthehem në Shqipëri dhe në një klub të madh, siç është Dinamo. Ky është një projekt tjetër që më ka pëlqyer që në momentin e parë kur fola me drejtuesit. E vlerësova maksimalisht.

E mora si një sfidë për ta kthyer Dinamon atje ku i takon, sipas emrit dhe historisë.

Herët të flasim për objektiva dhe për titullin, por jemi munduar të ndërtojmë një skuadër kompetitive”, theksoi mes të tjerash Fakiç.

Pas pjesëmarrjes së saj në edicionin e dytë të “BigBrother VIP”, Olta Gixhari është kthyer një ndër emrat më të përfolur përgjatë muajve të fundit, ku vëmendja e fansave është plotësisht tek ajo. E së fundmi, ish-banorja ka realizuar një ‘ask me question’ ku ndjekësit i kanë drejtuar pyetje nga më të ndryshmet dhe Ola nuk ka ngurruar së kthyeri përgjigje.

E një ndër pyetjet më të shpeshta që i është bërë aktores së fundmi është nëse ka dëshirë që të bëhet nënë për herë të dytë.

A je në pritje të ëmbël”– e ka pyetur ndjekësi/ja, ndërsa aktorja është përgjigjur:

Edhe po të jem nuk do e tregoj”.

Ministri i Mbrojtjes Niko Peleshi, ka njoftuar se Forcat e Armatosura i janë përgjigjur kërkesës së autoriteteve të Elbasanit për të në ndërhyrë në zjarrin që ka përfshirë fushën e plehrave në Elbasan.

Bëhet me dije se zjarri favorizohet nga era dhe nga temperaturat e larta

Reagimi i Plotë:

Forcat e Armatosura iu përgjigjën menjëherë kërkesës së autoriteteve vendore të Elbasanit për të ndihmuar më vënien në kontroll të flakëve në vendgrumbullimin e mbetjeve urbane. 20 efektivë të BMEC-së dhe 5 mjete janë nisur krah forcave zjarrfikëse të Elbasanit për të frenuar përhapjen e zjarrit që favorizohet nga era dhe temperaturat e larta.

Qyteti shqiptar qe e zbrazi TikTok” kështu titullohet një reportazh i gjatë i realizuar nga gazetarët e agjencisë “Coda Story”, e cila trajton tematika mbi rrymat e dezinformimit në teknologjisë. Qyteti që i referohet është Kukësi, i cili në dekadën e fundit po përjeton një zbrazje të frikshme, dhe ndikues janë piëkrisht rrejtet sociale, videot në TikTok dhe Instagram.

Të cilat shfaqin një jetë paralele, luksi të shfrenuar të personave që emigruan, kryesisht në britanin e madhe.

“Coda” e ka sjell këtë fenomen nëpërmjetë disa personazheve midis tyre edhe historia e Besmir Billës, i cili ka zgjedhur të mos largohet nga qyteti i lindjes Kukësi, por të ndërtojë të ardhmen në vendin e tij, duke i rënë çiftelisë. “Dikur kisha në mendjen time një ide të largohesha nga ky vend dhe të shkoja jashtë. Sigurisht, si gjithë të tjerët edhe unë kam menduar për këtë”, rrëfen Billa i cili thotë se që nga rënia e komunizmit në 1991, Kukësi ka humbur afërsisht gjysmën e popullsisë së tij.

Vitet e fundit, mijëra të rinj, kryesisht djem dhe burra, kanë hedhur zarin dhe kanë udhëtuar në Angli, shpesh me varka të vogla dhe pa dokumente të duhura, madje duke rrezikuar edhe jetën. Billa 32 vjeç zgjodhi të mos largohej. Ai gjeti një punë në vendlindjen e tij dhe qëndroi me familjen e tij. Por për një person të moshës së tij, kjo është i pazakontë.

Gjatë gjithë kohës, në këtë qytet, ekziston një realitet paralel që luhet larg shtëpisë, një realitet që kukësianët e shohin në pamje të parë në TikTok dhe Instagram.

Videot u tregojnë atyre një pamje shumë të kuruar se si mund të dukej jeta e tyre nëse do të largoheshin nga ky vend: punë të mira, shumë para, blerje në dyqanet e stilistëve dhe lëvizja nëpër Londër me makina të shpejta. Ndërsa ata që jetojnë në Kukës përballen me jetë të vështirë, pagat janë të ulëta, çmimet që po rriten çdo ditë dhe mbijetesa është e vështirë.

Për të rinjtë që rriten në qytet, është e vështirë t’i bindësh se këtu ka një të ardhme. Këtë vështirësi ka edhe Billa me dy nipat e tij. Edhe pse në moshë 7 dhe 11 vjeç, edhe ata si çdo i ri tjetër janë të ndikuar ndaj videove luksoze të stilit të jetesës nga Britania e Madhe, të cilat bien ndesh me vlerat që ai po përpiqet t’u mësojë atyre.

Billa ndihet sikur po lufton kundër një algoritmi, duke u përpjekur t’u tregojë nipave të tij se mënyra e jetesës që promovojnë videot nuk është reale, dhe kjo është drama e qytetit verilindor i cili po boshatiset çdo vit e më shumë. Në vitin 2022, numri i personave që u larguan nga Shqipëria për në Mbretërinë e Bashkuar u rrit në mënyrë dramatike, si dhe numri i atyre që kërkuan azil, duke arritur në 16,000, trefishi më shumë se një vit më parë./ tvKlan

Trajneri i njohur Sulejman Starova, ka analizuar ndeshjen e parë të Superiores, atë ku Skënderbeu mundi Egnatian, duke theksuar se korçarët kishin bërë gjithçka mirë në këtë duel duke u dhënë një leksion rrogozhinasve. Më pëlqeu loja, u bë interesante. Sigurisht kishte momente ku ritmi nuk ishte i lartë, por pamë një ndeshje të mirë. Në pjesën e parë Egnatia bëri pak, krijoi pak, krijoi dy raste për gol në goditje standarte.

Por në përgjithësi, në pjesën e parë korçarët u mbrojtën mirë, patën disa kundërsulme, krijuan edhe ata dy aksione e një goditje shumë të fortë.

Ajo që është më kryesorja, fituan duelet me Duamenen dhe Kasën. Egnatia humbi durimin në ndërtimin e sulmit, se në pjesën më të madhe ishte në gjysmëfushë, humbën durimin qendrat, sidomos Malota, me top të gjatë që shkonte para. Ndaj nuk pamë as minimalen e asaj që Egnatia bëri në pjesën e dytë, edhe ndërrimet bënë të vetën.

Në pjesën e dytë bënë volum, pesë raste për gol, nga një pjesë e parë që prodhuan pak. Mund ta gjejnë ato vete gabimin nga pjesëmarrja në pjesën e parë, duhej të luante kështu që në pjesën e parë. Korçarët i japin leksion me një skuadër të re, modeste, me të rinj të talentuar. Janë për t’u lavdëruar, luajtën mirë. Një trepikësh i shkëlqyer që debuton për të shkuar lart, te ai Skënderbeu që ka qenë, Egnatia merr një leksion, një goditje”, tha Starova në “MCN” për sfidën e parë të Superiores.

Nga Tomas Menkshi:

Mbreti vjen të mbretërojë,
SKËNDERBEU i pavdekshëm,
që të gjithë t’i gjunjëzojë
ky kolos i përjetshëm.

S’jemi Inter dhe as Roma
as Partizon e as Tirona,
bardh e kuq shndrit arena
lindur për të qenë kampiona.

Nëpër fushë porsi miu
kundërshtari vërdalloset,
topin kur e merr Rabiu
“Sassuoloja” po trulloset.

Dwamena vallë ku fshihesh
të ka zënë lebetia,
se në portë nuk është Someri
por gjigandi ynë ALIA.

Si për herë të parë në galaksi
udhëtoi Juri Gagarini,
golin e parë me mjeshtëri
e qëndisi Juri Merlini.

Profesor Ivani i tmerrshëm
jep kurajo nga bankina,
Frashëri ujku i rrufeshëm
i kthen kundërshtarët në balerina.

Dridhet toka, dridhet guri
topin kur e merr Xhumfuri,
dridhen gjithë analistat
gjithologët, specialistat.

Dean Liço virtuozi
gjithë klasin e shpalosi,
e ul kokën dhe Manushaqja
kur lufton me shpirt Shaqja.

Plot me zemër dhe sakrifica
kur sprinton me shpirt Rashica,
Prenci, Ramos, mbrojtjen blindojnë
Gërço e Nikaj fluturojnë.

Kush s’na do dhe i zë kriza
pini uthull se kemi surpriza,
prapë s’do ju zërë gjumi
anonime që të shkruni…

Ne ishim, ne prapë jemi
krenaria e Shqiptarisë,
emri i shenjtë i SKËNDERBEUT
Korçë simbol i qytetarisë.

Mediat greke kanë shkruar se rreth 74 mijë hektarë tokë janë djegur në zonë dhe 13 mijë hektarë prej tyre janë djegur vetëm në parkun kombëtar Dadia. Rreth 74,000 hektarë tokë janë djegur në zonë, 13,000 prej tyre vetëm në parkun kombëtar Dadia”, raportojnë mediet greke.

Pas zjarreve shkatërruese në Greqi, pjesa më e madhe e fokusit mbeti në verilindje të vendit, në rajonin e Evros pranë kufirit me Turqinë, ku një zjarr pyjor i shkaktuar nga nxehtësia u ndez tetë ditë më parë dhe u përhap me shpejtësi.

Komisioni Evropian e përshkroi atë si zjarrin më të madh të vetëm në historinë e Bashkimit Evropian.

Parashikohej të binte shi gjatë fundjavës në Greqinë qendrore, në qytetin port verior të Selanikut dhe madje edhe në Athinë. Megjithatë, rrufeja ndezi flakë të reja, këtë herë në qytetin bregdetar të Varit pranë Athinës.

Specialistët për Hetimin e Krimeve të Komisariatit të Policisë Pogradec arrestuan në flagrancë shtetasin Z. H., 43 vjeç, banues në fshatin Buçimas, Pogradec, pasi dyshohet se ka ushtruar dhunë fizike

ndaj prindërve të tij.