Territori gjatë paradites do të mbetet në pjesën më të madhe në ndikimin e kthjellimeve, por në zonat e thella malore do të ketë kalime të pakta të vranësinave. Ndërsa në orët vijuese pritet që vranësinat të shfaqen në të gjithë zonën malore dhe të ulët, ku në skajin Verior do të ketë shifra të pakta. Temperaturat e ajrit do të ulen lehtë në mëngjes, por do të rriten në mesditë duke u luhatur vlerat ditore nga 16 gradë C deri në 40 gradë C. Era do të fryjë mesatarisht me shpejtësi 35 km/h nga drejtimi Veriperëndimor duke krijuar në det dallgëzim mbi 2 ballë.

Dashuria nuk njeh moshë, le të njihemi me gruan 24 vite më të madhe të presidentit Macron
Zgjedhjet e vitit 2022 në Francë do të mbahen midis 10 dhe 24 prillit, kur do të zgjidhet presidenti i Republikës. Lideri aktual francez, Emmanuel Macron, dhe e djathta ekstreme, përfaqësuar nga Marine Le Pen, janë favoritët për të fituar zgjedhjet e dymbëdhjeta presidenciale.

Ajo do të mbushë 69 vjeçe në mes të votave franceze. Brigitte është mbiquajtur ‘Bibi’, u martua me Emmanuel Macron në vitin 2007.Ajo ka qenë e martuar më parë me bankierin André-Louis Auzière (1974-2006), me të cilin u divorcua vetëm një vit para se të bëhej gruaja e presidentit aktual francez. Siç shihet nga biografitë e tyre, Brigitte është 24 vjeçe më e madhe se burri i saj.Emmanuel Macron ka lindur më 21 dhjetor 1977, gjithashtu në Amiens.

Zonja e parë franceze ka tre fëmijë, të gjithë nga martesa e mëparshme, ndonëse marrëdhënia që kanë me Emmanuel është e jashtëzakonshme. Për më tepër, shtatë nipërit e zonjës së parë e konsiderojnë Macron si gjyshin e tyre.

Brigitte Macron ishte mësuese e shkollës së mesme dhe deri në vitin 2015 ka dhënë mësime letërsie në “Lycée Saint-Louis-de-Gonzague” në Paris, një shkollë e rëndësishme elitare. Por përpara se të jepte mësim aty, Brigitte punoi në Kolegjin Lucie-Berger në Strasburg (1980) dhe në Lycée la Providence në Amiens (1990).Pikërisht aty u takua me Emmanuel Macron, me të cilin kishte marrëdhënie intime, edhe duke qenë nxënësi i saj.

Prej vitesh ka pasur një polemikë të madhe për sek sualitetin e saj, pasi thuhej se ishte një grua transseksuale. Ishte viti 2021 kur kjo hipotezë u hodh poshtë. Ishte Natacha Rey, një përdoruese e internetit franceze e ekstremit të djathtë dhe mbështetëse e QAnon, e cila hodhi poshtë këtë teori, sepse Brigitte ka tre fëmijë.

Një aksident është regjistruar në Korçë. Një 20 vjeçar me inicialet N.K, banues në Voskopojë ka humbur kontrollin e mjetit të tij rreth orëve të para të mëngjesit të sotëm dhe ka përfunduar në kanal. I riu është lënduar dhe aktualisht ndodhet në spitalin e Korçës.

Njoftimi i Plotë:

Korçë/Informacion paraprak

Më datë 02.07.2022, rreth orës 05:45, jemi njoftuar se në aksin rrugor Korçë-Voskopojë, në afërsi të fshatit Turan, Korçë, shtetasi N. K., rreth 20 vjeç, banues në fshatin Voskopojë, duke drejtuar mjetin tip “Toyota”, dyshohet se ka humbur kontrollin e mjetit dhe ka dalë nga rruga. Për pasojë është lënduar vetë drejtuesi, i cili po merr ndihmën mjekësore në Spitalin e Korçës.

Grupi hetimor po punon për sqarimin e rrethanave dhe përcaktimin e shkaqeve të daljes nga rruga të automjetit.

Kryeministri Edi Rama ka futur në “riedukim” një tjetër gazetar, pasi ky i fundit e nervozoi duke i drejtuar një pyetje ministres Olta Xhaçka. Gazetari Klevin Muka pyeti ministren, por ka ndërhyrë kryeministri i cili nuk ka pranuar që të japë përgjigje.

Diskutimi me Ramën:

Edi Rama :Do të kalosh në riedukim si Ambrozia dhe për 3 muajtë e ardhshëm nuk jeni i mirëpritur në takimet tona dhe konferencat.

Klevin Muka:Se kuptoj, a e keni vendosur vetë ju Kodin Etik?

Edi Rama: Siç pe, me Ambrozian korrektësia ishte dhe për pyetje të përsëritura pa asnjë kuptim do të kesh një riedukim për 3 muaj që i bie korrik, gusht, shtator. Në tetor eja dhe je i mirëpritur, sepse e para në Kodin Etik të gazetarit dhe të Konferencës ka një normë që quhet respekt.

Jeta në Shqipëri sa po vjen dhe po bëhet më e vështirë dhe zgjidhja duket se është vetëm emigrimi, pasi këtu s’ka shumë shpresë se mund të ndryshojë situata. Një 32-vjeçar që punon faturino dhe merr 450 mijë lekë rrogë në Tiranë në BoxPop e Abc, shprehet se kjo rrogë nuk i del për asgjë dhe po merr ilace nga stresi i tepërt. “Marr gjilpëra dhe ilaçe nga stresi i tepërt. Po flejmë gjumë për të kursyer një vakt bukë. Nuk kemi për të ngrënë. Ngelëm beqarë, nuk gjejmë dot një nuse për të krijuar familje.

Këtu jetojnë ato që bëjnë budalliqe dhe kanë makina luksi ndërsa shtresa jonë nuk jeton dot. Paga nuk del për asgjë. Kjo është jeta këtu. 120 lekë buka, 60 lekë një mollë dhe 80 lekë një dhallë, bëjnë 280 lekë, pra vetëm një vakt.

Këtu është skandal, me ik natën. Vetëm këto bëjnë 280 lekë, po deri në darkë? Nje vakt e ha, një vakt fli gjumë se nuk ia del dot, kursejmë ushqimin. Ngelëm beqar, s’vjen nusja me 450 mijë lekë se c’do bëjë me aq. Do iki jashtë sa më shpejt të jetë e mundur”, thotë ndër të tjera i riu nga Tirana. SHIKO VIDEON

Bordi i Transparencës ka vendosur, këtë të premte, çmimet e reja për karburantet, të cilat kanë pësuar një ulje të lehtë. Nga sot pas orës 18:00 çmimi i naftës do të jetë 243 lekë për litër, çmimi i benzinës 235 lekë dhe gazi 81 lekë për litër.

Njoftimi i plotë:

Bordi i Transparencës në datë 1 Korrik 2022, në mbledhjen e radhës vendosi:

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 243 lekë/litri, ndërsa i shitjes me shumicë jo më shumë se 231 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 235 lekë/litri,ndërsa i shitjes me shumicë jo më shumë se 223 lekë/litër.

Çmimi i shitjes me pakicë i nënproduktit gaz, të jetë 81 lekë/litri me pakicë dhe i shitjes me shumicë 69 lekë/litër për automjetet.

Çmimet e caktuara nga Bordi do të hynë në fuqi sot datë 1 Korrik ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes. Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi. Në rast të shkeljeve të konstatuara nga operatorë të ndryshëm do të vendoset pezullimi i aktivitetit. Jemi në monitorim të vazhdueshëm të ecurisë së bursave, me qëllim reagimin sa më të shpejtë

Policia Rrugore ka vijuar kontrollet për evidentimin dhe ndëshkimin e shkelësve të Kodit Rrugor, me rritjen e parametrave të sigurisë rrugore. Kontrollet janë zhvilluar me radar për parandalimin e shpejtësisë tej normave të lejuara dhe drager për evidentimin dhe ndëshkimin e drejtuesve të automjeteve që drejtojnë mjetin nën efektin e alkoolit ose në gjendje të dehur.

Gjithashtu kanë vijuar kontrollet për mjetet me targa të personalizuara dhe mjetet e luksit; si edhe kontrollet në drejtim të mbikëqyrjes së hapësirave publike, të dedikuara vetëm për qarkullimin e këmbësorëve.

Gjatë javës që lamë pas, nga specialistët e Trafikut Urban dhe Interurban u vunë në pranga 2 shtetas për veprën penale “Drejtimi i automjeteve në mënyrë të parregullt” njëri prej të tyre edhe për veprën “Largimi nga vendi i aksidentit” dhe u referuan materialet në Prokurori për 3 shtetas të tjerë.

Janë proceduar administrativisht gjithsej 650 drejtues mjetesh📝

29 drejtues mjetesh janë proceduar administrativisht për mosvendosjen e rripit të sigurimit dhe 2 për përdorim të celularit gjatë drejtimit të mjetit.

Janë vendosur 168 masa administrative për qendrim të gabuar dhe 157 për parakalim të gabuar.

Janë tërhequr gjithsej 7 leje drejtimi për drejtim mjeti nën efektin e alkoolit, për shpejtësi tej normave të lejuara dhe për shkelje të tjera të Kodit Rrugor.

Janë vendosur 279 masa administrative për shkelje të tjera, të Kodit Rrugor.

Sektori i Policisë Rrugore në DVP Korçë do të vijojë kontrollet në të gjitha akset rrugore urbane, interurbane dhe rurale, për të gjitha kategoritë e mjeteve, me qëllim parandalimin e ngjarjeve rrugore. Për_më_shumë_siguri_rrugore👮🚓

Një grup hajdutësh mashtrues i kanë vjedhur një 61-vjeçareje në Selanik 76.500 euro. Grupi kriminal përbëhet nga 5 persona nga Shqipëria dhe Kosova. Ata prezantoheshin si teknikë të një kompanie kontabiliteti duke thënë se ofronin shërbime për mbrojtje të llogarive bankare, raportojnë mediet greke. Më pas kanë përfituar dhe kanë fituar akses në celularët dhe kompjuterët e tyre nëpërmjet instalimit të aplikacioneve. Rasti po hetohet nga oficerët e policisë së Departamentit të Sigurisë Pylaia – Chortiatis dhe në dosjen e lëndës përfshihen veprat e organizatës kriminale, mashtrimi, mashtrimi kompjuterik dhe aksesi i paligjshëm në të dhënat e sistemit informativ, të vazhdueshme.

Moti ka marrë një kthesë të fortë nga dielli dhe temperaturat e larta në rrebeshe shiu dhe breshër. Ditën e sotme rreshje të fuqishme breshëri ka goditur një pjesë të juglindjes së vendit , të cilat kanë nisur paraditen e sotme dhe kanë zgjatur më shumë se 30 minuta duke dëmtuar kështu jo vetëm të mbjellat dhe vreshtarinë e fermerëve, por edhe drutë frutorë .Dëmet me të mëdha janë shkaktuar në fshatin Pendavinj, Cangonj, Vranisht ,Progër apo edhe ne zonen Orman-Pojan.

Çmendet moti në Pendavinj/ Shiu dhe breshëri shkaktojnë dëme te mëdha në bujqesi pic.twitter.com/NL2FOX6PgN

— KorcaBlog.com (@korcablog1) June 30, 2022

Çmendet moti në Korçë/ Shiu dhe breshëri shkaktojnë dëme te mëdha në bujqesi pic.twitter.com/ul3KeoFEFT

— KorcaBlog.com (@korcablog1) June 30, 2022

Çmendet moti në Pendavinj/ Shiu dhe breshëri shkaktojnë dëme te mëdha në bujqesi (Video) pic.twitter.com/tJnByMjyLE

— KorcaBlog.com (@korcablog1) June 30, 2022

Ministrja e Shtetit për Standardet dhe Shërbimet Milva Ekonomi, iu përgjigj akuzave të deputetes së Partisë Demokratike, Grida Duma për dështimin e qeverisë në ndërhyrjen e rritjes së çmimeve. Ekonomi tha se qeveria ka marrë masat e duhura. Sipas ministres, situata ekonomike është e qendrueshme, madje sipas saj, shqiptarët kanë vendosur edhe para mënjanë.

“Në fakt duke menduar se ishte orë ekonomie që duhet të vendosej në shinat e caktuara që ne diskutojmë doja të thoja se sot INSTAT ka publikuar të dhënat e GDP-së. Meqë jemi duke monitoruar të dhënat është fakt se rritja ekonomike në Shqipëri është e nivelit të lartë dhe e krahasueshme me vendet e BE (5.6%). Duke parë këtë shifër kemi vënë re që gjërat janë të vështira por ekonomia jonë ka rezistuar.

Po të shihni të dhënat e Agjencisë së Depozitave, njerëzit që kanë depozita, numri i tyre në fund të 2021 ishte rritur dhe kishte shkuar më shumë se 2 mln. Vlera e depozitave të siguruara kishte shkuar në mbi 3 trilionë lekë. INSTAT na ka ndihmuar edhe me ndarjen e buxheteve të familjeve për grupe me nga 20% dhe vumë në dukje se paketa e rezistencës jep kuptim për pensionistët dhe ata me pagë që ne e çuam në 40 mijë lekë të reja.

Me paketën e rezistencës këto grupe ia dolën me rritjen e inflacionit. Shifrat janë të rëndësishme dhe paketat në ekonomi ishin sinjifikative. Ne menduam për disa sektorë. çmimet në tregjet globale nuk varen nga ne”, tha Ekonomi.