Category Archives: ART – KULTURE

 

Rrëfehet Eleni Foureira: “Në Greqi më detyruan të mos tregoj që jam shqiptare” por…

Këngëtarja e njohur me origjinë shqiptare, Eleni Foureira ka realizuar një foto-sesion mahnitës, për revistën “Vogue Greece”, duke vënë në pah edhe barkun e rrumbullakosur, ndërsa është në kopertinë për numrin e ri të kësaj reviste. Eleni Foureira ka folur edhe për jetën e saj personale, nga fëmijëria e vështirë në Shqipëri mes varfërisë dhe luftës civile (trazirat e 97-ës), tek emigrimi në Greqi dhe fillimet e karrierës muzikore në shtetin fqinj.

Në fillim të karrierës sime u detyrova të mos them se jam nga Shqipëria, sikur të ishte diçka e keqe. Pastaj nuk e mbajta dot veten, edhe TV ishte ndryshe, më i dhunshëm. Unë mendoj se nëse do të filloja sot, nuk do t’i lija njerëzit ta bënin këtë me mua. Bota sot po shkon kundër racizmit, nuk po e lë të lulëzojë dhe kjo është shumë e rëndësishme. Tani, në këtë fazë të jetës sime, jam duke menduar vazhdimisht se si mund ta rris një fëmijë me mendje të hapur, pa paragjykime dhe stereotipa.

Dua ta mësoj që të respektojë të gjithë njerëzit, të mos diskriminojë, të mos ngacmojë, të pranojë, të empatizojë, të kuptojë diversitetin dhe të luftojë për dukshmëri. Dua që të mos ketë turp të jetë vetvetja dhe t’u lërë hapësirë njerëzve të tjerë që e rrethojnë të jenë vetvetja”, rrëfeu Eleni Foureira për “Vogue Greece”.

Më tej këngëtarja ka pohuar se që në moshë të re i është dashur të kalojë një sërë peripecish, duke nisur nga varfëria e lufta civile në Shqipëri, e më tej emigrimi në Greqi, ku i është dashur të punojë.

“Nuk mund ta krahasoj mënyrën se si ai do të rritet me atë se si jam rritur unë. Kam përjetuar një situatë tjetër. Varfëria, lufta civile në Shqipëri, migrimi në Greqi, një mënyrë e madhe për të ripërcaktuar jetën time në një moshë shumë të re. Në të njëjtën kohë, megjithatë, me dashuri të pakufizuar nga prindërit e mi. E gjithë kjo më bëri shumë të ndjeshme, por edhe shumë të vështirë në të njëjtën kohë. Në moshën trembëdhjetë vjeçare shpërndaja fletushka nëpër rrugë. Ne duhej të mbijetonim.

Nuk kishte vend që të gjithë të mos punonim. Unë do të rris një fëmijë që nuk do të duhet ta bëjë këtë për të mbijetuar. Por unë dua t’i mësoj atij se është mirë të mos kesh gjithçka dhe se jeta është një lojë pohimi. Asgjë nuk ju vjen kaq shpejt. Dua që ai të dijë se për të pasur diçka, ai duhet të punojë shumë, ashtu si unë kam punuar shumë për t’i dhënë atij atë që do t’i jap”, tha Eleni Foureira për “Vogue Greece”.

Ismail Kadare feston sot 87 vjetorin e lindjes

87 vite më parë, 28 janar të vitit 1936, u lind në Gjirokastër Ismail Kadareja, kolosi i letërsisë shqiptare. Ditëlindja e Kadares është nuk është një datë e shënuar vetëm për lexuesit shqiptarë që krenohen me të, por edhe për lexuesit e gjuhëve të tjera në botë, pasi letërsia e tij është përkthyer në më shumë se 45-së gjuhë. Kadare ka qenë disa herë kandidat për çmimin “Nobel” në letërsi, sakaq ka fituar dekoratën më të lartë franceze, si ‘Komandant i Legjionit të Nderit’.

Kadare u lind në lagjen Palorto të Gjirokastrës së gurtë. Vokacioni i tij për letërsinë zuri fill që në moshë të hershme, kohë kur djalosharit Kadare do t’i linte mbresë të pashlyeshme leximi i tragjedisë “Makbethi” të autorit anglez, William Shekspir. Në vendlindje do të qëndronte deri në përfundimin e arsimit të mesëm, kur përgatiti për botim ciklin e tij të parë me poezi “Frymëzimet djaloshare” (1954). Mandej, u vendos në Tiranë, ku kreu studimet e larta në degën e Gjuhë-Letërsisë dhe u diplomua për “Mësuesi”.

Në harkun e viteve 1958-1960, Kadare thelloi studimet e tij në domenin e letërsisë në Institutin “Maksim Gorki” në Moskë. Në vitin 1960, i detyruar t’i braktiste studimet për shkak të ndërprerjes së marrëdhënieve mes Shqipërisë dhe ish-Bashkimit Sovjetik, u kthye në atdhe dhe nisi angazhimin në gazetari.

Në vitin 1963, pas një retushimi të herëpashershëm, u botua romani i tij “Gjenerali i ushtrisë së vdekur”, i cili pati jehonë edhe përtej vendit. Tematika e natyrës liridashëse të shqiptarëve që vërehet në këtë vepër, do të ishte kryefjalë edhe e romanit “Kështjella”, botuar në vitin 1970. Në këtë rrjedhë, autori u frymëzua edhe për shkrimin e romanit “Krushqit janë të ngrirë”, i cili flet mbi demonstratat e vitit 1981 të shqiptarëve të Kosovës.

Megjithatë, pena e Kadaresë nuk do t’i kursente as kritikat ndaj traditave prapanike të shoqërisë, siç rrok romani “Kronikë në gur” (1970). Në vargun e publikimeve të pandërpera, romani alegorik “Nëpunësi i Pallatit të ëndrrave” (1981), veçohet si më i lakuari në tërësinë e veprës së Kadaresë. Në vjeshtën e vitit 1990, Kadare u largua drejt Francës dhe u rikthye në atdhe pas zhvillimeve të para demokratike.

Që prej vitit 1996, shkrimtari shqiptar është anëtar i asociuar (përjetësisht) i Akademisë së Shkencave Morale dhe Politike të Francës. Ai është vlerësuar me një sërë çmimesh ndërkombëtare (“Man Booker Prize”, “Princi i Asturias” etj), si i përzgjedhur në radhët e shkrimtarëve botërisht të njohur, sikurse Gabriel Garcia Marquez, Günter Grass dhe Milan Kundera. Deri më tani, veprat e tij janë përkthyer në rreth 45 gjuhë të botës.

Rikthehet telenovela “Njerëz dhe fate”/ Arben Derhemi: “E nisim me 15 seri të reja….

Aktori i njohur, Arben Derhemi, ka rrëfyer detaje nga jeta e tij profesionale.Teksa ishte i ftuar në programin “Dola te Ola” në Neës 24, ku tha se e kishte cilësuar serialin “Njerëz dhe Fate” në të cilin ka luajtur, si sfidën e jetës së vetë. Ai konfirmoi lajmet se se ky serial do të rikthehej me seri të reja dhe shtoi se ka qenë insistimi i tij që kjo të bëhej e mundur. “Po mos ta merrja unë këtë hap nuk do të bëhej e mundur”, tha ai.

Kujtojmë se Arbeni ka patur personazhin e Florit te “Njerëz dhe Fate”, një serial që rrëmbeu mendjet dhe zemrat e shqiptarëve atëherë.

Ai shtoi se vazhdimi i serive të reja të këtij seriali do të jetë shumë i suksesshëm dhe se ngjarjet do të jenë edhe më të forta se në seritë e para. Ai zbuloi se kasti i aktorëve do të jetë 80% i atyre që kanë qenë, duke filluar nga vetë ai, Robert Ndrenika, Alfred Trebicka, Eni Jani, Pavlina Mani e cila do të jetë sa në Amerikë aty ku ajo jeton, sa në Shqipëri. “Do ta ndërlidhim me jetën e saj atje”, tha ai.

Arbeni zbuloi se si fillim do të ketë 15 seri, pasi është një punë e madhe dhe sipas tij duhet shumë investim. “Është një staf prej 45 vetësh, të cilët për rreth dy muaj e gjysmë do të spostohen në vende të ndryshme të Shqipërisë dhe Kosovës”, tha më tej ai.

E pranishme në serial sipas Arbenit, do të jetë edhe aktorja Arta Muçaj, që luante personazhin e Didit. Ndërkohë mbetet për t’u parë se çfarë organizimi dhe risishë do të sjellë ky serial.

Regjisori Eduart Grishaj: “BBVIP ka 73- kamera ,risi është se do hyjnë dy personazhe të fortë…

I ftuar në “Wake Up” regjisori Eduart Grishaj deklaroi se në BBV do të futen dy personazhe të rinj shumë shpejt, të cilë priten të jenë zgjedhje mjaft të mira, që do të ndryshojnë dinamikën e lojës në javët në vijim.

“E kam thënë që ky “BBV” do ta sfumpojë patjetër atv të parin dhe ky “Big Brother” është edhe për stafin, një konkurrencë që kemi me veten. I pari ishte fantastik, por kjo ishte sfida më e madhe e jona për ta realizuar atë akoma edhe më mirë. Dhe kjo do të ndodhi sa herë që ne ta bëjmë atë. Personazhet janë të jashtëzakonshëm”, tha Grishaj.

Ndahet nga jeta në moshën 95-vjeçare ylli i kinemasë italiane Gina Lollobrigida

Vdes në moshën 95-vjeçare aktorja e madhe Gina Lollobrigida. E lindur në Subiaco më 4 korrik 1927, ajo është e njohur për punën me disa prej regjisorëve më të mëdhenj italianë, nga Vittorio De Sica te Mario Monicelli. Ylli i kinemasë ka marrë çmime të rëndësishme, duke përfshirë një Golden Globe, shtatë çmime David di Donatello, dy Shirita Argjendi. Ndër filmat e saj më të famshëm është “Pane, amore e fantazi ” nga Dino Risi.

Hapat e parë në kinema – Gina bëhet e famshme më herët jashtë se në Itali dhe për shumë dekada ishte e vetmja divë italiane (së bashku me Alida Vallin) e dashur nga regjisorët amerikanë. Në Itali ajo punoi me Pietro Germi (“Qyteti mbron veten”) dhe me Carlo Lizzani (“Achtung banditi”).

Jeta e saj personale ishte shumë torturuese. Ajo u martua vetëm një herë (në vitin 1949 me mjekun slloven Milko Skofiç me të cilin kishte një djalë dhe nga i cili u divorcua në vitin 1971), pas 90 vjetësh zbuloi se ishte përdhunuar shumë e re duke shpjeguar se kjo dhimbje i kishte shënuar gjithë jetën. Në vitin 2006 ajo njoftoi se donte të martohej me spanjollin shumë më të ri Javier Rigau, por më pas martesa u mohua nga të dy.

Makina nuk ka aty/ Njihuni me qytetin Grek ku çdo transport bëhet me gomar…

Ishulli grek Hydra është një nga vendet që dalëngadalë po i thotë “jo” mjeteve motorike. Një traditë kjo e nisur herët, që në vitet ’50, kur u vendos me dekret shtetëror që kafshët shtëpiake si kali apo gomari të përdoreshin për mjete transporti në ishull, kjo për të ruajtur arkitekturën dhe karakterin e tij.

Meqenëse qyteti është ndërtuar mbi kodra të pjerrëta, gomarët janë e vetmja formë transporti që mund të ngjiten në shkallët e pjerrëta dhe rrugicat e ngushta deri në shtëpitë e shumë banorëve.

Komunat në mbarë botën aktualisht po kërkojnë mënyra për të reduktuar varësinë nga makinat private, apo edhe për t’i ndaluar ato plotësisht nga pjesë të caktuara të qytetit. Në përshtypjet e para, jeta në ishull pa makina mund të duket idilike.

Fakti që nuk ka makina është, në shumë mënyra, një shtytës i madh i ekonomisë së ishullit. Hydra është vetëm rreth 90 minuta me varkë nga shtrirja e ngjeshur metropolitane e Athinës, por duket një botë larg. Turistët vijnë pikërisht sepse është kaq paqësore. Hydra është gjithashtu ishull shumë më i pasur se ishujt e tjerë në arkipelagun Saronik të cilit i përket. Kjo, të paktën pjesërisht, nxitet nga fakti se të huajve u pëlqen sa e qetë është.

Duke mos lejuar asnjëherë automjete me motor, Hydra ka shmangur shumë nga sfidat me të cilat përballen ishujt e tjerë të vegjël në vend. Të imitosh Hydrën dhe të shkosh pa automjete, mund të mos jetë një opsion realist për ishujt e tjerë të një madhësie të ngjashme.

A ju kujtojet lola tek ‘Njerëz dhe fate’ ? Ja sa shumë ka ndryshuar…dhe ja ku jeton tani(Foto)

Të gjithë e kujtojmë telenovelen e pare Shqiptare ,’Njerëz dhe fatee cila ishte një ndër të preferuarat e atyre viteve, duke pasqyruar realitetin e vërtetë të asaj kohe. Një nga personazhet që la gjurmë në atë serial ishte edhe Lola që luhej nga aktorja Valbona Imami. Lola ishte vajza e madhe e familjes shqiptare me shumë probleme që trajtonte telefilmi shqiptar.

Disa kohe me pare u be me dije se Valbona jetonte mes Amerikes dhe Nigerise, pasi bashkeshorti i saj amerikan, Evan Scott Thomas ishte me mision ne Abuja.

Që nga ajo kohë “Lola” nuk ka qenë aktive në ekranin shqiptar, ndërsa me vitet ajo ka ndryshuar shumë. Këtë mund ta shihni në fotot e publikuara. Por sido që të jetë ajo dhe çfarë do të bëjë , ne do e kujtojmë gjithmonë si Lola e “Njerëz dhe fate”.

5 anarkitë e Shqipërisë! Kur Fan Noli i përshkruante shqiptarët, njësoj sikur ta kish bërë sot…

Noli është nga ato figura komplekse që rrallë mund t’i kuptosh drejtë, pasi gjithmonë ka diçka të fshehur brenda çdo fjale. Në gjithë fjalimet që Noli ka mbajtur, është vlerësuar shumë realiteti që ai shpreh dhe mënyra e mendimit dhe perceptimit të tij. Ndaj edhe sot do të flasim për një nga fjalimet e tij të mbajtur para Parlamentit të Shqipërisë në vitin 1924, ku tregon për pesë anarkitë që ka Shqipëria. Ja si shprehet ai: “Në vendin tonë mbretëron konfuzioni i të pesë anarkive:

E para, anarkia fetare: katër fe të ndryshme, që s’kanë zënë rrënjë në zemrën e një populli pagan.

E dyta, anarkia sociale: këtu s’ka as klasë bejlerësh, as klasë bujqësh, as klasë burxhoazie. Këtu bujku është më bej se beu, beu më bujk se bujku. Kini një shembull të bukur në Partinë Popullore, e cila mbahet sot në fuqi prej bejlerëve dhe oxhakët më të vjetër, kur anëtarët e kësaj partie lëvdohen që kanë shpëtuar prej bejlerëve.

E treta, anarkia morale: këtu qeni s’njeh të zotin; këtu karakteret lopësohen, qullosen dhe ndërrojnë forma dita-ditën si në kaleidoskop. Këtu ambiciet janë pa fre e pa kufi. Këtu i padituri i di të gjitha dhe i pazoti është i zoti për të gjitha.

E katërta, anarkia patriotike: këtu brenda në një ditë, si me magji, tradhëtori bëhet patriot dhe patrioti tradhëtor. Këtu shohim përpara syve tanë të kapardisen si patriotë të mëdhenj, ata që kanë lëftuar për “harfet” e për flamurin e babës, që kanë djegur Shqipërinë e Mesme ose ata që janë puthur me andartët e i kanë ndihmuar për të shkreptuar anembanë Toskërinë; këtu, si më thoshte një mik, është më mirë të jetë njeriu tradhëtor e të shikojë interesin e tij e të jetë i sigurt që të nesërmen do të proklamohet patriot i madh.

E pesta, anarkia e idealeve: këtu idealet janë të errëta, të shtrembëra e të mumifikuara të Fanarit e të Buharës përfyten e përleshen në një lu.ftë për vd.ekje me idealet e gjalla, elegante dhe të ndritshme të Perëndimit; na mungojnë vetëm idealet e antropofagëve.

Po për të zënë vendin e tyre kemi kolltukofagët, krimba të verdhë me kokë të zezë, që rriten me plagët e infektuara të Shqipërisë në lëngim, këpushë, që mund t’i copëtosh, po jo t’i çqitësh nga trupi që kafshojnë e thëthijnë.

Herodoti na tregon se në betejën navale të Selaminës, një athenian kapi një anije persiane me dorën e djathtë e s’e lëshonte gjersa ia prenë; ahere e kapi me dorën e dorën e mëngjër; ia prenë edhe këtë; ahere e kapi me dhëmbë dhe s’e lëshoi gjersa i prenë kokën. Sikur të ngjallej Herodoti përsëri do të shikonte që kolltukofagët tanë janë më të fortë se ky trim legjendar i vjetërsisë greke. Që t’i çqitësh këta tanët nga kolltuku duhet t’u preç jo vetëm duart e kokën, po dhe këmbët e trupin…”

(Pjesë nga fjalimi i mbajtur në Parlamentin e Shqipërisë në vitin 1924 por që tingëllon njësoj aktual edhe sot)

E zgjodhi publiku / Albina Kelmendi do të përfaqësojë Shqipërinë në Eurovision 2023(Video)

Albina Kelmendi dhe familja e saj do të përfaqësojë Shqipërinë në Eurosong 2023 në Liverpool. Albina u shpall fituese me këngën “Duje” në edicionin 61 “Festivalit të Këngës” bazuar te votat e publikut.Për herë të parë, kënga që do të përfaqësojë Shqipërinë në Eurovision 2023 u zgjodh vetëm me votat e publikut me anë të SMS-ve. Rezultoi që “Duje” ishte e preferuara e publikut.

Elsa Lila ishte fituese e çmimit të parë të “Festivalit të Këngës”, çmim që u dha nga juria profesioniste; Albina me këngën “Duje” mori çmimin e dytë; ndërsa të tretët u renditën 2 Farm me këngën “Atomike”.

Fitoi Festivalin e 61 të Këngës/ Elsa Lila: “Më rikthyet pas në vite, vajza ime më dha inspirim

Këngëtarja e njohur, Elsa Lila u shpall mbrëmjen e djeshme, fituesja e çmimit të parë të Festivalit të 61 të Këngës në RTSH. Me këngën “Evita”, ajo u rikthye në Festival pas 25 vitesh dhe u vlerësua nga juria me pikët maksimale. Pas marrjes së trofeut, këngëtarja u shpreh shumë e lumtur që publiku e pëlqeu këngën. Elsa i falenderoi të gjithë për dashamirësinë, veçanërisht vajzën që i dha inspirim.

“Ndiej shumë në këtë moment! Dhe e kam shumë të vështirë ta përmbledh, gjithnjë lëmsh dhe një histori që më rikthen pas në vite. Gjithë kjo falë jush, inspirimit tuaj, dashamirësisë së jurisë dhe një orkestre të mrekullueshme, falë një stafi të palodhur dhe vajzës sime që më dha kaq inspirim! Ju falënderoj nga zemra për emocionet që më keni dhënë gjatë Festivalit. Jam shumë e lumtur që ju e pëlqyet këngën, e perceptuar dhe jam e lumtur që edhe pse nuk kanë kaluar as dy ditë, ju e këndoni“, deklaroi artistja në skenën e madhe.

Kujtojmë se këto ditë, Elsa ka qenë kryefjala e mediave rozë, pasi u rikthye në muzikë, pas arrestimit të bujshëm në Itali, ku u la e lirë, pasi u liruan të gjitha akuzat që rëndonin mbi të.

Elsa Lila e këndoi ‘Pyes Lotin’ me këngëtarin nga Kosova/ Reagon kompozitori: “Urgjent të fshihet, mos ma bëni këngën pis

Në natën e dueteve në Festivalin e Këngës, Elsa Lila dhe Capital T risollën një version të ri të këngës hit “Pyes lotin”. Por, ky ripërpunim duket të mos i ketë pëlqyer aspak kompozitorit të këngës.Ai ka reaguar përmes një postimi në rrjete sociale, i indinjuar. Valentin Veizi i ka bërë thirrje këngëtarëve që mos t’ia bëjnë pis këngën, duke kërkuar mes tjerash edhe që RTSH ta heqë nga transmetimi këtë variant, të cilin e ka konsideruar të “shëmtuar”.

“Këta nuk kanë as edukatën edhe as respektin të paktën të kontaktojnë për të marrë lejen e autorit”, thotë mes tjerash Veizi.

Ikona e Kostandin Zografit, vepra e çmuar e Muzeut të Artit Mesjetar(Foto)

Muzeu i Artit Mesjetar, në Korçë solli në vëmendje veprën e një prej ikonografëve më të shquar të shek. XVIII”, “Lindja e Krishtit”, që e ka përzgjedhur edhe si kartolinë të urimeve të festave të Fundvitit. Vepra është një ikonë e pikturuar nga Kostandin Zografi nga Korça dhe paraqet skenën e lindjes së Krishtit, me fëmijën, Marinë dhe Jozefin, barinjtë që diktuan yllin, mbretërit që sjellin dhuratat si dhe engjëjt në qiell.

Ikona ishte pjesë e ikonostasit të katedrales “Burimi Jetëdhënes” në Korçë dhe është një nga veprat e çmuara që ruhen në ambientet e Muzeu Kombëtar i Artit Mesjetar, në seksionin e dedikuar vëllezërve Zografi dhe krijimtarisë së tyre të jashtëzakonshme. Në fund të ikonës shkruhet: “Viti 1770, nga dora e Kostandinit”. /atsh /

Në fund të ikonës shkruhet: “Viti 1770, nga dora e Kostandinit”

Elsa Lila rikthehet pas 25 vitesh në Festivalin e Këngës, me dedikim për të bijën…

Këngëtarja e njohur Elsa Lila është rikthyer në skenën e Festivalit të Këngës në RTSH, pas 25 vitesh. Mbrëmja e dytë e tij eventi, ka kulmuar mes të tjerash dhe me rikthimin e Lilës, pas problemeve me drejtësinë italiane, më herët këtë vit.

Elsa Lila ka zgjedhur të qëndrojë e heshtur para performancës, por siç konfirmoi moderatorja Arbana Osmani, kënga “Evita” me të cilën ajo merr pjesë në festival, i dedikohet së bijës që mban këtë emër. Evita, është gjithashtu e pranishme në Pallatin e Kongreseve.

Arbana Osmani e zbulon: “BBV Albania” nis për Krishtlindje (Video)

Pas suksesit të jashtëzakonshëm me edicionin e parë, ”Big Brother Vip Albania 2” nis më 24 dhjetor 2022. Moderatorja shumë e dashur nga publiku, Arbana Osmani ka ndarë për ndjekësit e saj në Instagram promon e “BBVIP” ku zbulon se spektakli do të nisë natën e Krishtlindjeve. Më herët, Arbana në një intervistë, ka zbuluar se personazhet këtë vit janë më tepër aktivë.

“Ndryshe nga viti i kaluar janë personazhe më të njohur dhe kanë karriera më aktive dhe më të gjata. Ka një konkurrencë shumë më të madhe se kush do të hyjë, nga viti që shkoi. Kemi gati një edicion të ri me një kast të shkëlqyer që mbase do t’i lënë në hije ata të edicionit të kaluar.

Të gjithë ata që kanë marrë pjesë janë parë në 360 gradë, në të mirat dhe dritëhijet e tyre, por kanë sjellë te shikuesit më shumë të mira sesa skandale, personazhet ishin me të vërtetë shumë simpatikë. Ky antagonizmi Ilir-Donald tërhoqi shumë, tifozeritë u krijuan.‘Big Brother’, edicioni i dytë VIP, do të nisë brenda këtij viti, është përzgjedhur kasti. Nuk kemi kërkuar gjëra të veçanta, të çuditshme.

Kemi kërkuar personazhe dhe karaktere interesantë, të këndshëm, pas së cilëve njerëzit të afeksionohen.

Çfarë ndodhi me ‘Big Brother’-in vjet ishte se njerëzit i pëlqenin personazhet e ‘Big Brother’-it, u bënë fansa të tyre, nuk është se e ndiqnin ‘Big Brother’-in për të parë sherre dhe skandale, këtë gjë kemi kërkuar prapë. Ndryshe nga viti i kaluar, janë personazhe më të njohur dhe kanë karriera, nuk po them më të mira, por shumë më aktive dhe më të gjata. Ka një konkurrencë shumë më të madhe se kush do të hyjë. Mesa duket kemi bërë një punë shumë të mirë edicionin e kaluar”, ka thënë ajo.

“The Voice of Greece”/ I riu shqiptar mahnit jurinë me porformancën, dhuron emocione të forta (Video)

Në garën “The Voice of Greece”, vëmendjen e jurisë mbrëmjen e djeshme e rrëmbeu një shqiptar. Xhuljo Imeri, i rritur në Gjirokastër, pas performancës së tij me këngën “Stay with me” mori dritën jeshile nga të katërt anëtarët e panelit. Ai kohët e fundit ka performuar në Greqi si artist rruge bashkë me të dashurën e tij Dhimitrën, dhe siç është shprehur kryesisht këndon dhe flet në anglisht, e pak në gjuhën greke.

Siç ka rrëfyer, Imeri ka pasur një jetë të vështirë, prej divorcit të prindërve, tek dyzimi për të hequr dorë nga muzika, por kritikat pozitive dhe dashamirësia e publikut e kanë bërë të rivlerësojë talentin e tij. Xhuljo luan gjithashtu në kitarë, shkruan tekste dhe ka publikuar edhe këngë në shqip, siç është “Më harro”, bashkëpunime si “Unë dhe ti”, dhe një sërë coverash të këngëtarëve të njohur.

Pas performancës këngëtari ka reaguar në rrjetet sociale përmes një statusi në gjuhën shqipe.

“Ishte ditë e gjatë shumë. Emocione te forta. Mendime shumë. A do ja dal? A jam mjaftueshëm i mirë? Para se të shkoja në atë skenë, kisha ankth, isha nervoz, i gëzuar dhe në të njëjtën kohë i frikësuar. Një skenë e madhe, audiencë me shumë njerëz para meje dhe katër njerëz me karrige të kthyera kundrejt meje.

Artistë që kanë bërë histori. Dhe ashtu siç isha në këto mendime, pasi ngjita shkallët për të shkuar në atë skenë, i thashë vetes sime, që do bëj atë që di të bëj më mirë; të këndoj para njerëzve, të jap shpirtin, të bëj njerëzit të ndiejne diçka. Ata janë aty për mua, dhe juristët gjithashtu. Të më dëgjojnë mua, duhet t’i bëj të ndiejnë diçka… Dhe atë bëra! Edhe pse jo perfekte, këndoi zemra dhe shpirti!”, shkruan ndër të tjera muzikanti.