Category Archives: SPORT

Skënderbeu ‘godet’ në merkato”, afron një mesfushor dhe një sulmues

Skënderbeu ka goditur sërish në merkato, duke afruar në klub dy futbollistët Savior Goduin dhe Moses Xhunior. Goduin luan si mesfushor qendre ndërsa Moses si sulmues i majtë teksa njihet për shpejtësinë e tij. Mesohet se dy nigerianët kanë nënshkruar një kontratë 4-vjeçare me korçarët.

Blerjet e bëra në këtë janar si Idrizaj, Hyseni, Moraes etj do të jenë nën urdhërat e trajnerit Gvozdenovic për të ndihmuar ekipin në objektivin e rikthimit në elitën e futbollit shqiptar

Bind Skënderbeu, likujdon Lushnjën 2-0 dhe vijon ngjitjen(Video)

Kategoria e Parë e futbollit në Shqipëri ka luajtur javën e 13-të. Flamurtari pretendent humbi 1-0 në Fier me Apoloninë ndërsa Burreli mori tre pikë me peshë në shtëpi, teksa fitoi 1-0 me Besën. Kryesuesit e Dinamos fituan 2-1 në “Selman Stërmasi” me Luzin.

Vijon ngjitjen Skënderbeu që pasditen e sotme në Korçë triumfoi me rezultatin 2-0 ndaj Lushnjës . Ishte Sumalia që në minutën e 64’ zhbllokoi sfiden ndersa në minutën e 89’ mendoi Liço per te mbyllur gjithçka duke shënuar nga pika e bardhë e penalltisë. Korçarët ngjiten në vendin e tretë, duke qendruar 1 pike larg Korabit te vendit te 2 dhe 4 pike larg Dinamos kryesuese.

SKËNDERBEU 2-0 LUSHNJA

Sumalia 64′, Liço (P) 89′

Dënim “bombë” për Juventusin, i hiqen 15 pikë nga klasifikimi për mashtrimin financiar

Komisioni i Apelit pranë Federatës Italiane të Futbollit ka marrë një vendim që padyshim do të tronditë futbollin italian sa i përket përfshirjes së Juventusit në çështjen e plusvalencave për të përmirësuar bilancet financiare.

Ndonëse prokurori i çështjes, pas rishqyrtimit të dokumenteve kërkoi rihapjen e hetimit dhe dënimin e Juventusit me heqjen e 9 pikëve, Apeli ka shkuar edhe më tej, duke dënuar bardhezinjte me -15 pikë në renditjen e sezonit aktual.

Gjithashtu dënime u morën dhe për ish-drejtuesit e lartë të Juventusit përfshirë dhe presidentin. 2 vjet e gjysmë larg fushave për Paraticin, 2 vjet për Agnellin dhe Arrivabene, 1 vit e 4 muaj për Cherubini dhe 8 muaj për Nedved. Juve tani pritet të apelojë vendimin në Kolegjin e Garancisë.

Humbja për kupë më Egnatian/ Gvozdenoviç: Objektiv kemi ngjitjen në Superligë, presim 3-4 përforcime

Skënderbeu u mposht në minutën e fundit shtesë nga Egnatia me rezultatin 1-0, sfidë e vlefshme për 1/8-at e Kupës së Shqipërisë. Skuadra korçare ishte në nivel të kënaqshëm, duke arritur të administronte si duhet takimin deri në minutën e 95-të. Pikërisht ky gol i pësuar në fund ka lënë shije negative të Ivan Gvozdenoviç. Për mikrofonin e Oversport, tekniku i Skënderbeut deklaroi:

“Ky është futbolli. Egnatia është një skuadër shumë e mirë, e fortë. Sot ishte një test i mirë për ne. Ishim me mungesa. Nuk ishim keq. Ishim mirë në të dy pjesët. Nuk jam shumë mirë me gjuhën shqipe, por i kuptoj të gjitha.

Situata? Duam të kthehemi në Superiore. Nuk jemi të gjithë bashkë. Po presim 3-4 lojtarë. Kemi një javë që po punojmë bashkë. Besoj se do të bëjmë një ekip të mirë për kampionatin tonë. Jemi gati për ta përballuar kampionatin. Kam shumë çuna të talentuar. Na duhet vetëm pak kohë dhe do të bëjmë mirë.

Ky është mentaliteti im. Unë kam lojtarë të rinj dhe duan pak mbështetje. Për momentin nuk jemi keq, jemi mirë.

Objektivi? Patjetër, Superliga”, tha ai.

Belajdi Pusi i jep lamtumirë Skënderbeu:”Uroj të rikthehet sa më shpejt ekipi i sukseseve të mëdha…

Belajdi Pusi i ka dhënë sot lamtumirën klubit të Skënderbeut, për të nisur një aventurë të re në kampionatin e Azerbajxhanit, ku do të veshë fanellën e Turan Tovuz. Palët kanë gjetur akordin për këtë transferim, me sulmuesin shkodran i cili do të bëhet pjesë e këtij klubi deri në fundin e sezonit.

Vetë Pusi, në një postim në rrjetet sociale, ka dashur të falënderojë korçarët për ndihmën që i kanë dhënë, duke e aktivizuar rregullisht për ta bërë një emër të njohur në futbollin shqiptar.

“Jeni ju që më ndihmuat në një periudhë të vështirë dhe nuk ju harroj kurrë. Falënderoj presidentin Takaj, të gjithë trajnerët, bashkëlojtarët, tifozët dhe miqtë e mirë në Korçë. Uroj të rikthehet sa më shpejt Skënderbeu i sukseseve të mëdha. FORCA SKËNDERBEU”, shkruante futbollisti duke konfirmuar kështu lamtumirën e tij nga korçarët.

Kupa e Shqipërisë/ Egnatia shtang Skënderbeun në shtesë….

Egnatia ka arritur të fitojë me rezultatin 1-0 në transfertë kundër Skënderbeut. Duhej të vinte minuta e 95-të që rrogozhinasit të triumfonin me Paulauskas. Ky i fundit i afruar në merkaton e dimrit shënoi një supergol duke lënë shije të mirë të mirë në stafin teknik. Kjo ndeshje ishte e vlefshme për 1/8-at e Kupës së Shqipërisë, ndërsa takimi i kthimit do të zhvillohet në datën 2 shkurt.

90+5′- Egnatia befason dhe realizon në minutën e 95′.
90′- Gjyqtari i katërt jep 5 minuta shtesë.
80′- 10 minuta nga fundi, kjo sfidë duket se i po i drejtohet barazimit.
67′- Donald Mëllugja provon nga distanca, por pret portieri Puja.
53′- Gresild Lika provon me një gjuajtje nga brenda zone, por nuk ka shënjestrën e duhur.
46′- Starton pjesa e dytë.

45′- Gjyqtari i katërt jep 2 minuta shtesë. Mbyllet pjesa e parë.

37′- Egnatia pranë golit. Goditje e bukur nga distanca me Kasën, por portieri Ruçi bën mrekullinë.
35′- 10 minuta nga fundi, asnjë rast për t’u shënuar në portat respektive.
27′- Lila provon nga distanca, portieri Ruçi në gatishmëri.
20′- Ndërhyrje e gabuar nga Jurgen Goxha. Emanuela Rusta nuk e kursen kartonin e verdhë.
16′- Rast i mirë për Egnatian, por është portieri Ruçi ai që neutralizon gjithcka.
10′- Të dy skuadrat zhvendosin lojën në mesin e fushës ku duken se po studiojnë njëra-tjetrën.
1’- Starton ndeshja në stadiumin e Skenderbeu.

SKËNDERBEU-EGNATIA 0-1
90’+5′ Paulauskas

SKËNDERBEU: Ruçi, Prençi, Frashëri, Hysolli, Zenullari, Ali, Peçani, Liço, Lika, Vecaj, Sumaila. Trajner: I.Gvozdenoviç.

EGNATIA: Puja, Kacbufi, Selita, Goxha, Atanda, Lila, Kasa, Agbekpornu, Mëllugja, Meçja, Mihana. Trajner: Sh.Duro.

GJYQTARË: E.Rusta, A.Mahmuti, R.Muzhaqi

Skënderbeu në rrënie të lirë ,pas kapitenit Zguro ikën edhe Belajdi Pusi…

Rrugët e Belajdi Pusit me Skënderbeut janë ndarë. Pak ditë pasi drejtuesit korçarë kishin deklaruar se kishin një akord për vijimësinë e futbollistit te kjo skuadër, por shkodrani i ka dhënë lamtumirën për të nisur një aventurë të re jashtë. Nëpërmjet një publikimi në Instagram, Pusi ka shpërndarë lajmin se tashmë është lojtari më i ri i Turan Tovuz, skuadër e cila luan në kampionatin e Azerbajxhanit.

Futbollisti raportohet se ka nënshkruar deri në fund të edicionit me këtë klub, me të drejtën e zgjatjes së marrëveshjes nëse gjithçka shkon mirë. Një situatë që padyshim krijon probleme te Skënderbeu i cili pak ditë më parë humbi edhe shërbimet e kapitenit Vangjel Zguro dhe po sheh t’i largohen disa nga emrat më me eksperiencë në këtë skuadër.

Superkupa e Spanjës i takon Barcelonës, Real Madrid dorezohet pa kushte…

Barcelona e ka kthyer tashme ne nje festival golash finalen ndaj Real Madrid ne Arabine Saudite. Katalanasit kane shenuar 3 gola dhe duket se zbaviten teksa Gavi-Pedri-Lewandowski kane shkelqyer…Keshtu Barcelona është fituese e Superkupës së Spanjës pasi mundi në “King Fahd International Stadium” (Riyad) ekipin e Real Madrid me shifrat 1-3. Një goditje e bukur me të majtën e Gavit i jep avantazhin katalanasve, të cilët mundën të festonin pas gjysmë ore loje.

Po Gavi jep një pasim për Leëandoëskin në minutën e 45-të, me polakun që e ka të thjeshtë të realizojë golin e dytë.

Me epësinë e dyfishtë, ekipi i Xavit e pati edhe më të lehtë në pjesën e dytë, ku mbylli llogaritë e takimit një herë e mirë 20 minuta para fundit me Pedrin.

Asgjë për të thënë për Los Blancos në këtë takim, paraqitje tejet zhgënjyese, vetë një gol në fund nga Benzema dhe tanimë fokusi për djemtë e Ancelotit do jetë në kampionat dhe Champions League.

Faleminderit Korça, ishte nder’ /Zguro e mbyll me Skënderbeun…

Vangjel Zguro i ka dhënë lamtumirën skuadrës së Skënderbeut. Ka qenë vetë mbrojtësi i cili ka njoftuar nëpërmjet rrjeteve sociale se mbyllte këtu kapitullin e karrierës së tij te skuadra korçare ku mbante shiritin e kapitenit. “Faleminderit Korça, ishte nder dhe kënaqësi për mua të isha lojtari juaj dhe kapiteni i ekipit. Respekt të veçantë lojtarëve që ndamë fushën së bashku.

Ju uroj vetëm suksese në vazhdim atyre dhe ekipit:”, shkruante mbrojtësi i cili tashmë bëhet gati për një aventurë të re.

Zyrtare/ Bylis ‘i rrëmben’ kapitenin Skënderbeut

Vangjel Zguro ka lënë Skënderbeun dhe ka firmosur për Bylisin në Kategorinë Superiore. Kapiteni i korçarëve kishte oferta edhe nga SHBA, aty ku ka luajtur më herët me Red Wolves dhe Tulsa, teksa ka pranuar të jetë pjesë e ballshiotëve. Lajmi është konfirmuar nga Bylis, me trajnerin Bellai që do ketë një alternativë më shumë në mbrojtje.

“Vangjel Zguro, një lojtar me shumë eksperiencë në kampionatin tonë është afrimi i parë në këtë merkato te klubi ynë”, njofton Bylis. Mëngjarashi 29-vjeçar njihet për grintën dhe lojën e fortë në fushë, teksa Bylis duket se ka bërë një afrim të studiuar.

Pogradecari lë kështu Skënderbeun në Kategorinë e Parë dhe rikthehet të luajë në Superligë.

Në karrierën e tij, Zguro në Shqipëri ka luajtur për Pogradecin, Korabin, Luftëtarin, Kamzën, Kukësin dhe Skënderbeun.

Milan-Roma në “San Siro”, nuk mungon flamuri shqiptar në tribuna

Milan dhe Roma janë përballur në supersfidën e kësaj jave në Serie A. Në tribunat e San Siros kamerat fokusuan për një moment flamurin shqiptar, që mbahej nga një tifoz. Milanit i ikën fitorja nga duart, njësoj si Interit dje teksa ishte duke fituar deri ne minuten e 87-te 2-0 me golat e Kalulu ne pjesen e pare dhe Pobegas me pas.

Por, pikerisht atehere kur mendohej e mbyllur, ndodh e pabesueshmja. Roma gjen golin me Ibanez dhe ne fund Abraham vulos 2-2, duke ndaluar kuqezinjte. Një barazim që djeg shumë për kuqezinjtë për sa i përket luftës për titull ,tashme ndodhet 7 pike larg kryesuesit Napoli dhe barazim me pike me Juventusin.

‘Ronaldo i Arabisë’ mbërrin familjarisht në Riad, qyteti “vishet” me fotot e tij(Video)

Pas një jave pritjeje mediatike dhe kurioziteti, Kristiano Ronaldo, ka zbarkuar sonte në aeroportin ndërkombëtar “King Khaled” në Riad nga Madridi. Klubi Al-Nassr do të mbajë një ceremoni dy-orëshe të mirëseardhjes për Ronaldon të martën, më 3 dhjetor në Marsool Park në orën 19:00, ku ai do të nënshkruajë një kontratë dhe do t’u drejtohet fansave dhe mediave një konferencë për shtyp.

I gjithë qyteti i Riad është mbushur me reklama ku shfaqet Ronaldo me fanellën e Al Nassr. Stadiumi do të jetë i mbushur me 30 mijë tifozë, teksa klubi saudit ka shkuar ne 7 milionë ndjekës nga 800 mije që ishte para se te njoftonte blerjen e Ronaldos. Ronaldo do të fitojë rreth 200 milionë euro në sezon bashkë me sponsorizime dhe në total mund të shkojë në 1 miliardë euro duke qenë edhe ambasador për organizmin e Botërorit në Arabinë Saudite.

CR7 ka zbarkuar në aeroport i shoqëruar nga e gjithë familja, Xheorxhina dhe fëmijët.

Manifestime e dashurisë kunddrejt portugezit mbërritën, në fakt, edhe gjatë ndeshjes së fundit të vitit të Saudi Pro League. Nga tribunat e stadiumit disa herë u dëgjuan koret për kampionin: “Ronaldo” dhe “Siuuu”.

70 MLN euro në sezon/ Cristiano Ronaldo behet “sheik”, prezantohet tek Al Nassr ne Arabine Saudite…

Merr fund ‘telenovela’ Cristiano Ronaldo, pasi sulmuesi portugez është bërë me skuadër të re. Pas largimit nga Manchester United javë më parë, Cristiano Ronaldo më në fund është zyrtarizuar tek skuadra e re dhe ai ka ndërruar edhe kontinent. Ka qenë klubi arab që ka zyrtarizuar portugezin i cili është prezantuar nga drejtuesit e klubit dhe ka marrë fanellën me numrin e tij të preferuar shtatë.

Ronaldo do të ketë trajner francezin Rudi Garcia, ndersa bashkëlojtarë emra të mëdhenj që kanë lënë gjurmë në Evropë si Vincent Aboubakar, Talisca, Luiz Gustavo, Alvaro Gonzalez apo David Ospina.

Nis epoka e re e Juventusit, zbulohet përbërja e re e bordit të ekipit

Sot është një ditë e veçantë për Juventusin, që ka zbuluar dhe këshilltarët e bordit të ri të propozuar nga “Exor”, kompania e kryesuar nga John Elkann Konfirmohet se president do të jetë Gianluca Ferrero, ndërsa Maurizio Scanavino, ish-drejtor i përgjithshëm, do të hyjë në bord si drejtor menaxhues.

BORDI I DREJTORËVE

  1. Fioranna Vittoria Negri (*)
  2. Maurizio Scanavino
  3. Gianluca Ferrero
  4. Diego Pistone
  5. Laura Cappiello (*).

Kandidatët e shënuar me simbolin (*) kualifikohen si drejtorë të pavarur në bazë të nenit 148, pika 3, të Dekretit Legjislativ nr. 58/1998 (“TUF”), siç referohet në nenin 147-ter, paragrafi 4, i TUF, si dhe në zbatim të Kodit të Qeverisjes së Korporatave të miratuar nga Komiteti i Qeverisjes së Korporatave

Ish-kapiteni Stavrion Lako : “Te Skënderbeu duhen afrime në çdo repart, Takaj ta bëjë një sforco…

Skënderbeu duhet të përmbushë objektivin sezonal dhe të rikthehet në Superiore brenda sezonit. Vetëm kështu mund të shpëtohet futbolli korçar dhe të rikthehen sportdashësit në stadium. I këtij mendimi është ish–kapiteni Stavrion Lako, që sheh të lidhur ngushtë nivelin e skuadrës me qasjen e tifozëve. Në një prononcim të dhënë enkas për “Panorama Sport”, 42-vjeçari vlerëson ecurinë e bardhekuqve me Ivan Gvozdenoviçin në krye. Ai thekson se serbi ka rikthyer mbi të gjitha harmoninë në grup.

“Skënderbeu ka një detyrë të vështirë për të përmbushur dhe për mua është më kryesorja. Rikthimi në Kategorinë Superiore është objektivi primar, për të ngritur në nivelin e duhur sportin e një qyteti. Tifozët janë mësuar me një Skënderbe cilësor dhe nuk e pranojnë dot faktin që ekipi është në këto nivele. Për këtë arsye mendoj se janë larguar dhe kanë bërë gabim, pasi ekipi ka nevojë për mbështetje edhe në ditë të tilla. Jam i bindur se rikthimi i shpejtë do të mbushte sërish stadiumin si në kohët e arta. Ekipi duket se është në rrugën e duhur.

Tre ndeshjet e fundit dhe shtatë pikë të marra janë një ecuri e mirë jo vetëm për objektivin, por edhe për të mbajtur lart psikologjinë e lojtarëve. Me Ivan Gvozdenoviçin më duket një grup shumë më në harmoni dhe po punon mjaft mirë. Por e rëndësishme është që të vazhdojnë kështu”, tha fillimisht Lako, duke evidentuar ndryshimet që sheh te skuadra.

MERKATOJA DHE RIVALËT – I ndalur te cilësia e lojtarëve dhe grupi që ka stafi teknik në dispozicion, ish-kapiteni gjykon se skuadra nuk është ndër më të mirat e mundshme. Mendon se ka nevojë për ndërhyrje në të gjitha repartet për t’i siguruar një vijimësi projektit të nisur me serbin. Për këtë ish-mbrojtësi mendon se Ardjan Takaj do të bëjë një sforco në janar që të kënaqë kërkesat e trajnerit. Afrimet i sheh të domosdoshme, madje në çdo repart, ndonëse evidenton vështirësinë për të gjetur të duhurit në këtë periudhë të vitit.

“Ekipi ka nevojë për merkato dhe diçka e tillë është e dukshme.

E ka kërkuar edhe vetë Ivani dhe normalisht ai e di më mirë pasi punon nga afër me grupin. Ka nevojë për afrime në çdo repart. Duhet forcuar skuadra, nëse duan që të garojnë si të barabartë me ekipet e tjera, të cilat janë të parat në renditje, si Dinamo apo Flamurtari. Mendoj që Ardjan Takaj do të bëjë një sforco. Nëse kërkon objektivin maksimal, do t’ia plotësojë kërkesat. Projekti i nisur me Gvozdenoviçin është tepër ambicioz… Por vështirësia në këto momente për të gjetur lojtarët e duhur është shumë e madhe në këtë periudhë. Shpresoj që të afrohen elementët e duhur dhe të japin më të mirën për ekipin”, përfundoi Stavrion Lako prononcimin e tij për gazetën.