Category Archives: HISTORI

Përse nuk ka asnjë dokumentar kushtuar artistit të madh Kolonjar? Film apo një libër, një biografi?

Të kujtosh artistë kalibri si Agim Qirjaqi i bën mirë dhe keq vetes. Mirë në atë se si ia doli Gimi në skenë, në film dhe në jetë dhe keq se si e mposhti dhe e hëngri gradualisht sëmundja. Një aktor intelektual, me një logjikë interpretimi absolute, përgjegjësi krijuese dhe amplifikime emocionale në të gjithë rolet kinematografike për të cilat dhe sot nuk na humb kurioziteti, si dhe ato në teatër nga ku patosi dhe forca e fjalës e bënte të rrallë çdo karakter, me stilin dhe individualitetin e vet.

Teatri është një art sa magjik e primitiv, po aq dijeformues dhe filozofik që arrin të japë kuptime dhe qasje të thella mbi jetën. Gimi këtë e gërshetoi gjithë kohën sa qe gjallë: fuqinë sugjestive të iluzionit me mendimet e qarta dhe universalitetin e ideve që udhëheqin njeriun në jetë. Me një temperament fjalëpakë dhe sanguin në skenë, ai mbetet një nga talentet më të spikatura që arsyeja jonë gjen qartësi sa herë e kujton.

Lindur në Kolonjë në vitin 1950, Agim Qirjaqi do të mbaronte Akademinë e Arteve, duke nisur kështu rrugëtimin e artit skenik. Karriera tij e ngjit në skenën e Teatrit Kombëtar në vitin 1973, ku interpretoi në ‘’Familja e Peshkatarit’’ dhe ‘’Orët e Kremlinit’’. E më pas fama e thërret në film! Do të ishin ‘’Rrugë të bardha’’ të Viktor Gjikës dhe ‘’Lulëkuqe mbi mure’’ të një tjetër gjeniu, Dhimitër Anagnosti, prej nga ku fiton dhe çmimin e parë në Festivalin e II të Filmit, më 1977.


Shumëkush prej nesh nuk ka si të harrojë drejtorin e rreptë fashist të ‘’Strehës Vorfnore’’ i cili na ngrys ende vetullat prej inatit dhe sot, kjo falë Gimit dhe profesionalizmit të tij. E të mendosh që ishte thjesht në moshën 25 vjeçare ndërsa na shpërfaqet nën petkun e këtij personazhi dramatik 40 vjeçar, aktual dhe sot. Apo në filma si ‘’Dimiri i fundit’’, ‘’Radiostacioni’’, ‘’Apasionata’’, ‘’Tela për violinë’’ dhe ‘’Stola në Park’’.

Prej ku të gjithë e mbajmë mend Aleksin, shkrimtarin e shkëputur nga bota reale, për të jetuar dorëshkrimeve dhe ndoshta atij pasioni për teatrin në dukje të ekzagjeruar, por në thelb sinkron. Me një intensitet jetësor dhe përjetim të së njëjtës dashuri si ajo e Gimit. Sepse teatri ishte gjithçka donte.

Gimi mbajti postin e drejtorit të Teatrit Kombëtar në vitet 2002-2003 dhe ajo që bën përshtypje menjëherë ishte dorëheqja. Pse kaq pak? Çfarë e mundoi Gimin? E gjithë jeta e tij u përplas mureve të këtij Arti, që në Shqipëri të jep vetëm për të ngrënë një pjatë gjellë. Që, si duket, atë e ngopte. Nuk preferoi kurrë një pjatë të dytë, të tretë apo luksin e një ëmbëlsire.

Përse nuk ka asnjë dokumentar kushtuar këtij njeriu? Film apo një libër, një biografi? Mënyra si ai mbylli përjetë sytë, të dhemb dhe sot aq shumë!

‘’Kronikë provinciale’’ do të ishte dalja e tij e fundit publike, në premierën e filmit të Artan Minarollit, një tjetër regjisor që u shua para kohe nga jeta. I bërë një grusht! Duke lënë tek gjithë të pranishmit, shijen e athët të trishtimit. Gimi vuante nga sëmundja ‘’Alzaimer’’, e ishin miqtë e tij që e shtruan në Spitalin nr.5, në pavionin e neurologjisë. Mes analizave të shumta, nuk mjaftoi kujtesa e humbur e cila endej tashmë qiellit, por një koleksion i tërë sëmundjesh; tumor në kocka dhe veshka të rënduara nga azotemia.


Kështu jetoi afro dy vjet. Vetëm! Ditët e fundit i ngrysi në azil!

Sëmundja e ktheu në titanin mitologjik Prometeu, duke e shndërruar vuajtjen në një apoteoz për lirinë dhe sakrificën sublime.

Agim Qirjaqi u shua mëngjesin e 28 marsit 2010, në moshën 59 vjeçare, duke lënë pas një dhimbje që vrau jo vetëm kolegët, por një komb. Ishin të shumtë artistët që folën për të.

Mihail Luarasi, u shpreh: ‘’Humbja e tij ishte një humbje e madhe për teatrin. Një aktor dhe regjisor i shkëlqyer. Një njeri shumë i mirë, sepse në periudhën që ishte drejtor i Teatrit pati guximin dhe ndershmërinë qytetare për të dhënë dorëheqjen nga mospërputhja e mendimeve të drejtuesve sipër tij.’’

Dhimitër Anagnosti : ‘’Një aktor i madh , poliedrik. I shkëlqyer si në role pozitive, ashtu dhe në ato negative. Një njeri i madh në sensibilitetin dhe urtësinë e tij.”

‘’Kur mora vesh humbjen e tij – kujton Ermira Gjata – kam hyrë në studio dhe u thashë studentëve, të mbajmë një minutë heshtje për këtë aktor të madh, i cili meriton të lëvdohet si një ndër aktorët më të mirë të shkollës tonë. Kishte mënyrën e vet, shkollën e tij të interpretimit, nga e cila unë për vete kam mësuar shumë, e besoj do të mësojnë dhe brezat që do të vijnë. Ai, pa zhurmë dhe bujë, bënte punët. Detyrën në nivelin më të lartë profesional.’’

Ndërsa Gëzim Kame, flet : ‘’Më bënte shumë përshtypje që një aktor gjigant kishte këto elemente të mungesës së kujtesës. Fillimisht nuk fliste për sëmundjen. E shikoja që kishte një stërmundim të madh për të duruar simptomat e para të sëmundjes. Sikletosej më tepër me veten, pavarësisht se ne nuk kuptuam gjë në fillim këtë mungesë të vëmendjes’’.

Kanë kaluar shtatë vjet që Agim Qirjaqi nuk është më midis nesh dhe karrigia e tij vazhdon të mbetet bosh. Roli në skenë, gjithashtu.

Dhe në debatet shumëpërfolura për censurimin e filmave këto kohë, më vjen në mend vetëm një pyetje: Si mund të mos shihen rolet e Gimit?

Mall për to!/Konica.al/Ilnisa Agolli/

Kishte marrë 45 dele nga Greqia/ Policia e Korçës i lëshohet çobanit në stan: “Kë bërë kontrabandë!

Policia Devoll ka finalizuar me sukses operacionin e saj policor, teksa ka arrestuar një bari me 45 krerë bagëti kontrabandë. Sipas policisë, gjatë bastisjes së stanit të bariut nga Devolli, janë gjetur 45 dele, të cilat dyshohet se i ka kontrabanduar ilegalisht nga Greqia, nëpërmjet kufirit të gjelbër . Absolutisht, që nuk po inkurajohet kontrabanda, por daullet e ligjit duhet të bien për të gjithë, të barabarta….

Njoftimi i Policisë:

Shërbimet e Policisë gjatë kontrollit të ushtruar në stallën e këtij shtetasi në fshatin Cerje, Devoll, iu gjetën 45 krerë bagëti të imëta, të cilat dyshohet se i ka kontrabanduar ilegalisht nga Greqia, nëpërmjet kufirit të gjelbër.

Materialet i kaluan Prokurorisë së Rrethit Gjyqësor Korçë, për veprime të mëtejshme.


Po prek majat në Greqi/ Aktori i njohur e pranon se është shqiptar: “Jam nga Durrsi….

Shqiptari Vasilis Mihas ka arritur të ndërtojë një karrierë të suksesshme në Greqi. Aktori shqiptar ka pushtuar kinemanë greke me filmat dhe telenovelat që ka luajtur. 30 vjeçari nga Durrësi e ka nisur karrierën me futbollin por pas një dë mtimi që pësoi, iu desh ta linte ëndrrën në mes. Më pas, nisi të merrej me modeling, profesion të cilin e la për aktrimin. Në një intervistë për “Abc-ja e mëngjesit”, ka rrëfeu rrugëtimin në sport, modeling dhe më pas në aktrim.


Fillova të merresha me futboll pasi babai dhe xhaxhai luanin. Më pëlqente shumë dhe fillova që në moshën 7 vjeç. Por kisha disa op erime dhe nuk mundesha ta vazhdoja pasionin tim. Kur lashë futbollin kisha disa kohë që nuk ndihesha fare mirë, nuk shihja as shokët e mi kur luanin futboll. Ishte ëndrra ime, doja të bëhesha profesionist. Kam kaluar shumë vite me stërvitje.”, tha ai duke folur më pas për modelingun.

“Pas futbollit, nuk dija se çfarë të bëja. Më gjeti një fotografe dhe për një muaj shkova te Fashion Week në Milano. U bë aq shpejt dhe thashë se do të ishte mirë të largohesha nga Greqia dhe të shoh me çfarë do të merrem.”, tha aktori.


Por si arriti që të bëhej pjesë e botës së aktrimit?

Sikur u lodha pak me modelingun dhe nuk më pëlqente dhe shumë. Mora eksperiencën, pashë punën por doja më tepër nga vetja ime. Shkova të punoj në një bar part time dhe mendoja se do të ishte interesante që të bëhesha actor. Aty ishte një casting director dhe më tha ‘mendon te mërresh me aktrim’.

Fillova të bëj disa kurse trajnimi dhe shkova në një kasting për një telenovelë dhe e fitova. Thashë do të futem dhe do të jap më të mirën. Deri më tani ka shkruar mirë”, tregoi 30 vjeçari.

Tërmet në tregun valutor/ Dollari kap majat, Euro në situatë dramatike

Monedha europiane është duke përjetuar ditët më të këqija në tregun vendas në raport me lekun. Euro ra sot në nivelin më të ulët të 20-viteve, duke rënë nën 96 cent kundrejt dollarit amerikan, rënia më e madhe në dy dekada. Monedha e vetme, e cila hyri në qarkullim fizik në 2002-shin, ra në 0.9550 dollarë kundrejt monedhës së gjelbër, përpara se të rritej përsëri. Sipas Bankës së Shqipërisë, një euro këmbye sot me mesatarisht 116.32 lekë ndërkohë që e mbylli javën me 116.58 lekë.


Ndërkohë, situata duket krejtësisht ndryshe sa i përket dollarit. Një dollar këmbehet sot me 120.12 lekë, ndërkohë që në fund të javës së shkuar ishte 119.46 lekë.

Krahas zhvillimeve ndërkombëtare, zhvlerësimi i ndjeshëm i euro në tregun shqiptar lidhet edhe me sasinë e madhe të monedhës europiane që është futur gjatë muajve të fundit në Shqipëri duke e kthyer vendin në një lavatriçe të mëdha parash, të cilat investohen kryesisht në sektorin e ndërtimit.

Nga situata e krijuar me euron preken drejtpërdrejt ata që kanë të ardhura në këtë monedhë dhe shpenzimet në lekë dhe përfitojnë shumë ata që të ardhurat i kanë në lekë dhe shpenzimet në euro.

E pazakontë në Qarkun e Korçës / Njihuni me bashkinë e vetme në Shqipëri që nuk ka asnjë farmaci…

Që Shqipëria është vend çudirash, tashmë kjo gjë dihet, por historia që do lexoni më poshtë me siguri që nuk do e besoni, por ja që është e vërtetë. Në juglindje të vendit është një bashki, që nuk ka asnjë farmaci. Seriozisht do thoni ju? Po, po shumë seriozisht, është bashkia e Pustecit. Kjo është bashkia më e vogël në Shqipëri dhe kur është bërë censusi i fundit në vitin 2011, nuëmronte afro 3.300 banorë.


Sigurisht që tani janë akoma dhe më pak duke, dike ditur që emigrimi i viteve të fundit ka përfshirë edhe këtë bashki, ashtu si gjithë pjesën tjetër të vendit.Pusteci është i vetmi vend ku banorët nuk kanë se ku të blejnë as ilaçet bazë. Banorët thonë se nuk ka farmaci dhe ata shkojnë në Korçë ose Pogradec për ilaçet që iu duhen.

“Turp i madh që gjithë kjo zonë që është këtu të shkojmë në Korçë për një ilaç. Doktori s’ka faj. Farmaci të jetë e hapur dhe të ketë farmacistë”, thotë njëri nga banorët e zonës. Ata kërkojnë që të paktën të hapet një farmaci që mos të sorallaten më në Korçë ose Pogradec.

Kur Shqipëria e vogël prodhonte traktorin e saj të parë “Made in Albania”

Sot vendi ynë edhe barin për bagëtitë e importon nga jashtë ndërsa dikur kishte avionë e nëndetëse, anije e tanke, flotë tregtare detare dhe hekurudha. Kishte edhe mjaft fabrika e kombinate që sado jashtë kohe prodhonin dhe fabrikonin produkte “Made in Albania”. I tillë ka qenë edhe ky traktor të cilin “Mapo.al” e sjell në këtë fotogaleri retrospektivë dhe në një video-dokumentar që i takon asaj kohe vërtetë të lavdishme për industrinë modeste shqiptare, por që guxoi dikur.


Më pas erdhi dhe legjendari Traktori shqiptar, sipas modelit kinez të traktorëve me zinxhirë të asaj kohe.

Por sot edhe ata pak ekzemplarë që kanë mbetur skajeve të Shqipërisë, e që i kanë shpëtuar shkrirjes bastarde për skrap, shikohen nga brezat e rinj si objekte “jashtëtokësore”, apo sikur janë të ardhura nga lashtësia, edhe pse disa ekzemplarë janë ende në gjendje funksionale dhe mund të bëjnë punët për të cilat u krijuan.

Galeria e mëposhtme e fotove që “Mapo.al” ka bërë duke kërkuar në site të ndryshme për të mbledhur foto-dëshmi të prodhimit të parë motorik shqiptar, e dëshmon qartë se si ka qenë dikur dhe se është katandisur sot Traktori Shqiptar./ZgjohuShqiptar.info


Festa e birrës në Korçë pa këngëtar korçar dhe pa “Birra Korça”/ Shpërthejnë qytetarët më Bashkinë:”Bëjeni në Librazhd më mirë

Bashkia e drejtuar nga Sotiraq Filo prej ditësh fton qytetarët që të shkojnë në Korçë për 5 netë “fantastike”. Nata e parë ka qenë dje, më 17 gusht, por i ftuar nuk ka qenë asnjë këngëtar vendas. Edhe në grupin që do të këndojë sonte, në natën e dytë të festës së birrës, përsëri nuk ka asnjë artist vendas dhe kjo ka irrituar korçarët. Po ashtu, gjatë pesë netëve të festimeve ,nuk do të jetë prezente as “Birra Korça”. Në rrjetet sociale qytetarët bëjnë thirrje që festimet e këtij viti të bojkotohen pasi nuk ka asgjë tradicionale një traditë e qytetit të Korçës. “Bëjeni në Librazhd më mirë”, i shkruan një banor kryebashkiakut Filo. Një tjeter shkruan : Feste birre pa birre ,Feste birre ne terminal, Feste birre pa banjo, edhe spikerin që flet e sollen nga Tirana, vetem te mbledhin leke


Shitet Zaharai/ Çfarë pritet të ndodhë me godinën historike ?

Korça ështe “ndriçuar” ndër vite nga ndërtimet luksoze dhe të veçanta. Një ndër to është edhe Zaharai ,që konsiderohet si nga godinat me madhorë të qytetit, që bën krenar banorët e zonës për urbanistikën, veçorinë apo historinë e lidhur me të pasi në pamjen e jashtme spikasin ballkonet, verandat ,grilat në dritare, kangjellat në ballkone, etj. Kjo godinë nuk do të jetë më….sipas Agjensisë Imobiliare të Korçës , njoftohet shitja e objektit, dhe se vendin e tij ,do ta zerë një atraksion i ri turistik. Në të ardhmen me tepër do t’i rikthemi më shumë fotove për të kujtuar kohën , apo kujtimeve të atyre që i jetuan ato vite…


Qafë Plloçë- Qukës/ Prefekti i Korçës Nertil Jole inspekton punimet: “Shkurton rrugën drejt Tiranës me një orë


Nga Nertil Jole:

Me përfundimin e plotë të ndërtimit të segmentit rrugor Qukës-Qafë Plloçë, me gjatësi 43.4 km, do të shkurtohet me rreth një orë, koha e udhëtimit në aksin kombëtar Tiranë-Korçë. Me nënprefektin e Pogradecit Luan Maxhari vizituam kantierin dhe përshkuam segmentin nga kilometri i 9 deri tek kilometri 15, ku aktualisht po punohet me shtresa e mure. 10 km të këtij segmenti rrugor kalojnë buzë lumit Shkumbin, mes për mes një zone të bukur natyrore të paeksploruar të qarkut tonë, siç është ajo e Mokrës.

🛣Për shkak të terrenit të vështirë kjo vepër parashikon ndërtimin e një numri të madh muresh mbajtëse, mbi 20 ura, 2 tunele të ndërtuara me gjatësi 850 m dhe 350 m, së bashku me tunelin e emergjencës. Ka qenë gjithashtu terreni i vështirë, që ka imponuar ndërhyrje në studim e projekt, duke ndikuar edhe afatet e parashikuara për përfundimin.

✅️Projekti është i ndarë në 3 lote dhe me realizmin e plotë të kësaj vepre do të sigurohet ndërlidhja e domosdoshme për komunitetet që banojnë në afërsi të këtij aksi, si dhe do të krijohet një perspektivë e re për zhvillimin e zonës së Mokrës, me ndikim pozitiv për gjithë rajonin tonë shkruan Nertil Jole.


Çmenduri në Mykonos/ Hajdutët nuk pyesin për asgjë,iu vjedhin 3 Shqiptarëve 45 mijë euro buxhuteri

Bandat kriminale po bëjnë kërdinë në ishujt grekë, me shumë pushues që kanë denoncuar në polici se u janë vjedhur para cash dhe sende personale me vlerë, siç janë bizhuteritë. Rasti i fundit ka të bëj me tre turistë shqiptarë të cilët kishin vendosur të shijonin detin dhe perëndimet magjepsëse të ishullit të famshëm grek, Mykonos. Tre turistët shqiptarë kanë denoncuar në polici se hajdutët u kanë vjedhur bizhuteri me vlerë 45 mijë euro. Protothema.gr raporton se turistes së parë shqiptare, siç ka denoncuar në polici, i kanë marrë bizhuteri floriri me vlerë totale 17.100 euro, pasaportën dhe patentën e shoferit. Të motrës i janë marrë sende dhe bizhuteri me vlerë 18.400 euro, si dhe pasaporta. Ata i kanë marrë të dashurit të saj dhe sende dhe bizhuteri me vlerë 10 mijë euro si dhe pasaportën .

Prej disa kohësh në Mykonos është një bandë hajdutash që “shënjetron” turistët dhe sapo ata dalin nga hoteli futen në dhomat e tyre dhe marrin gjithçka që është me vlerë. Policia greke ende nuk ka rritur që të identifikojë dhe ndalojë anëtarët e kësaj bande që po iu prish pushimet shumë turistëve që zgjedhin Mykonos.

Kujtojmë se Mykonos është një nga zonat më të shtrenjta në Greqi, por vjedhjet e shumë që bëhen aty janë problem më vete dhe duket e pazgjidhshme.