Nita Latifi dhe Shpat Kërleshi ishin të dy pjesëmarrës të këtij edicioni të BBV, e ndonëse Nita e filloi rrugëtimin para tij dhe u largua si gjysmë finaliste edhe Shpati bëri “zhurmë” me hyrjen e tij. Këngëtarja nga Kosova Nita Latifi, e cila arriti të shkonte deri në gjysmëfinale të BBV, u përfol edhe për një marrëdhënie me moderatorin nga Kosova Shpat Kërleshi, me të cilin njihej prej vitesh.
Që me hyrjen e tij të pazakontë në shtëpinë e Big Brother, Nita arriti ta njihte edhe pse ai ishte maskuar dhe kishte mbuluar fytyrën. Sapo e pa në sy ajo tha emrin e Shpatit duke ngritur në këtë mënyrë dyshime për afrimitetin e tyre.
Tanimë që gjithçka është përmbyllur dhe BB VIP ka mbaruar, ajo u pa në një hotel me Shpatin dhe kaq u desh që të nxiteshin zërat se mes tyre mund të kishte një lidhje.Megjithatë, këto aludime i hodhi poshtë vetë ajo duke thënë se e kishte takuar për çështje pune.
E pashë lajmin. Plus më keq në hotel (qesh). Po, po e them për herë të parë, atë që mbase edhe nuk keni dëshirë me dëgju. Jam taku për çështje pune. Ai do të jetë pjesë e klipit tim të ri”, ka thënë këngëtarja.
U pa teksa hynte në hotel me Shpatin/ Nita Latifi reagon për herë të parë dhe sqaron gjithçka… pic.twitter.com/yruiu0Yl4w
Aktorja shqiptare Almeda Abazi është një ndër të paktët persona e cila ndonëse prej vitesh jeton në Turqi, rikthehet në Shqipëri shumë shpesh dhe kudo që shkon e thotë me krenari kush është dhe prej nga vjen. Ajo së fundmi ka rrëfyer një histori mjaft të trishtë familjare ku tha se babait të saj i duhej një transplant që të mund të mbijetonte, por asnjë nga të afërmit e saj nuk u ofrua t’ia dhuronte.
Megjithatë, aktorja tregoi se ishte ajo e cila donte t’ja dhuronte, mirëpo i ati i kishte thënë që nuk do ja falte kurrë nëse merrte këtë vendim.
“Kërkohej një transplant. Veshka duhej të ishte ose nga vëllezërit, ose nga motrat ose nga fëmijët. Duhej të përputhej. Mund të përputhej me vajzat e tij ose me vëllezërit dhe motrat e tij. Unë isha e para që kërkova, i thash mamit që unë dua t’ia dhuroj, por që babi nuk ka pranuar asnjëherë. Ma bëri kështu çështje të përfunduar dmth, “nuk ta fal kurrë nëse bën diçka të tillë”.
Gjithësesi nuk e bëja dot sepse isha 15-vjeç dhe duhej të isha mbi 18-vjeç për të marrë një vendim të tillë. Edhe nëse unë doja ta bëja fshehurazi, dhe madje ua kërkova që të mos i tregonin babit, prapë nuk e bëja dot. Nuk e lejuan mjekët, sepse duhej të isha mbi 18-vjeç.
Asnjë i afërm nuk u ofrua për këtë transplant, por i kuptoj. Mundohem t’i kuptoj. Në ato kohë nuk i kuptoja dhe nuk doja t’i kuptoja sepse është vëlla. Por që me kalimin e kohës, kur bëhesh edhe vetë nënë i mendon disa gjëra. Ndoshta ngaqë kanë pasur fëmijë, nuk është ofruar njeri. Gjithsesi. Nuk mund të them që iu kam mbajtur mëri atyre sepse unë nuk jam njeri që mbaj dot mëri”, tregoi ajo për “Top Channel”.
Këngëtarja e njohur e muzikës popullore shqiptare, Blerina Balili ka folur sot për jetën e saj dhe sfidat me të cilat është përballur në jetë. E ftuar në emisionin “Ftesë në 5”, këngetarja zbuloi se familjarët e fejuan në moshën 13 vjeçare dhe see një vit më vonë partneri “e rrëmbeu” siç ndodhte në atë kohë. Blerina Balili u bë nënë në moshën 15-vjeçare, ndërsa është bërë edhe gjyshe në moshën 40 vjeçare. S
Gjithashtu Blerina tregoi se ka jetuar në Greqi për një jetë më të mirë. Sot ajo është 43 vjeç ka një nip dhe një mbesë nga dy djemtë e saj.
“Unë s’ jam dashuruar. Në moshën 13 vjeçare më fejuan, pas një viti më rrëmbeu dhe kur isha 15 vjeç u bëra nënë për herë të parë. Ne atë moshe ke nevoje për mësim. S’dija asgjë dhe mësova nga te tjerët. Kanë qenë situata të vështira, jete shumë e vështirë. Jetoja me vjehrrën dhe vjehrrin ne fillim pastaj ikëm ne Greqi për një ekonomi më të mirë. Kur isha 25 vjeç solla në jetë djalin e dytë”, u shpreh ajo.
Balili po ashtu rrëfeu për herë të parë se është divorcuar dhe se ndarja erdhi menjëherë pas lindjes së djalit të dytë.
Çifti më i famshëm dhe në qendër të vëmendjes ka shkuar në Shkodër. Në rrjetet sociale po qarkullojnë disa foto dhe video ku moderatorja Kiara Tito shfaqet në një fasoneri në Shkodër, ndërsa të gjitha gratë dëshirojnë që të bëjnë foto me të. Ndërkohë, Luizi ka postuar në InstaStory një foto me disa fëmijë të vegjël, ku shfaqet në një shkollë dhe krahas fotos shkruan:
“Me çapaçulat Ju dua fort”.
‘Nuse në Shkodër’/ Gratë e fasonerisë “çmenden” për të bërë foto me moderatoren pic.twitter.com/4hKPIqqhkT
Legjenda e Rock and Roll-it, Tina Turner, u nga nga jeta ditën e djeshme në moshën 83-vjeçare dhe la pas një karrierë të gjatë muzikore dhe një emër që do të mbahet mend në histori. Përveç anës profesionale, Turner është përfolur ndër vite edhe për jetën e saj private. Ajo gjeti dashurinë e vërtetë me Erwin Bach pasi u nda nga burri i saj i parë abuziv.
Turner u takua me Bach-un, një drejtues i kompanisë evropiane diskografike EMI, në aeroportin e Dyseldorfit në vitin 1985, kur ai u dërgua për ta përshëndetur. Çifti tha se takimi mes tyre ishte dashuri me shikim të parë.
Bach, 16 vjet më i ri se Turner, nuk u frikësua kurrë nga fama, talenti apo suksesi i saj dhe ishte konstant pranë saj. Ai madje i dhuroi veshkën e tij në prill të vitit 2017 për t’i shpëtuar jetën. E quajtura “Mbretëresha e Rock ‘n’ Roll-it” e falënderoi atë që i mësoi asaj se si ‘të duash të mos heqësh dorë nga ajo që je’, pasi martesa e saj e parë me Ike Turner përfundoi me një abuzim fizik dhe emocional.
Ajo ka lënë pas dy nga katër djemtë e saj – dy prej tyre vdiqën më herët – dhe bashkëshortin e saj Bach, 67 vjeç.
“Menaxheri i saj Roger [Davies] më kërkoi të merrja Tinan në aeroport”, kujton Bach në dokumentarin e HBO-së të vitit 2021 me titullin “Tina”. “Ai ishte me të vërtetë kaq i bukur. Zemra ime po rrihte shpejt dhe duart më dridheshin”.
“Duart e mia ishin të ftohta në akull. Pra, kjo është ajo që ata e quajnë dashuri me shikim të parë, mendova. O Zot, nuk jam gati për këtë”, kishte thënë artistja e ndjerë. Dyshja filloi lidhjen e tyre në të njëjtin vit dhe Turner vazhdoi të punonte me kompaninë EMI për të distribuuar muzikën e saj jashtë shtetit.
“Rënia në dashuri me burrin tim, Ervinin, ishte një tjetër ushtrim për të lënë zonën time të rehatisë, për të qenë e hapur ndaj dhuratave të papritura që jeta ka për të ofruar”, shkroi ajo në librin e titulluar “Happiness Becomes You: A Guide to Changing Your Life for Good”. “Ditën që takova Ervinin për herë të parë, në një aeroport në Gjermani, duhet të isha shumë e lodhur nga fluturimi im, shumë e preokupuar me mendimet për turneun tim të koncerteve”, shtoi ajo.
“Por unë e vura re atë dhe menjëherë ndjeva një lidhje emocionale. Edhe atëherë, mund të kisha injoruar atë që ndjeja – mund të kisha dëgjuar zërat në kokën time që më thoshin se nuk dukesha mirë atë ditë, ose se nuk duhet të mendoja për romancën sepse ajo nuk përfundon kurrë mirë”.
“Në vend të kësaj, unë dëgjova zemrën time. E lashë zonën time të rehatisë dhe e vendosa si prioritet njohjen me Ervinin. Ai takim i parë i thjeshtë çoi në një marrëdhënie të gjatë e të bukur – dhe martesën time të vetme të vërtetë”.
U deshën 27 vjet para se Bach dhe Turner, 73 vjeçe në atë kohë, më në fund të kurorëzonin lidhjen e tyre me martesë në një ceremoni civile në brigjet e liqenit të Cyrihut në Zvicër në vitin 2013.
Disa ditë pas dasmës së tyre, ata organizuan një festë luksoze me plot yje hollivudianë në shtëpinë e tyre ekstravagante zvicerane, ku Oprah Winfrey dhe David Bowie ishin në mesin e 120 të ftuarve.Rreth 70,000 trëndafila të kuq dhe të verdhë nga Holanda janë përdorur për të dekoruar shtëpinë e tyre.
Bach zbuloi se i kishte kërkuar Tina Turnerit që të martohej me të dy herë më parë kur ajo të mbushi 50 vjeç.
“Po përpiqesha t’i tregoja Tinës përkushtimin tim. Unë mendoj se kur një grua mbush 50 vjeç, ajo duhet të ketë një kurorë nga partneri i saj”, tha ai gjatë një interviste në “Oprah’s Next Chapter”. “Isha i përkushtuar dhe doja ta tregoja këtë, kështu që u ula në gju. Unë kurrë nuk e kam bërë këtë më parë në jetën time, nuk kam qenë kurrë i martuar më parë. Dhe unë kisha gati unazën time…Unë kisha gjithçka gati”.
Turner shpjegoi: “Edhe pse më propozoi, nuk e mendoja se ishte e vërtetë, nuk e besova”. Turner zbuloi se ajo kaloi vite duke luftuar me sëmundje kërcënuese për jetën pasi pësoi një goditje në tru vetëm tre javë pas martesës së saj me Bach-in dhe ajo u diagnostikua me kancer në zorrë në vitin 2016.
Ajo përjetoi efekte anësore të pakëndshme nga trajtimi dhe në vend të kësaj iu drejtua ilaçeve homeopatike, por kjo e përkeqësoi gjendjen e saj dhe përfundoi me dështim total të veshkave.
“Pasojat e injorancës sime përfunduan si çështje jete a vdekjeje”, shkroi ajo në librin e saj të kujtimeve të vitit 2018 me titull “My Love Story”.
“Në këtë moment të tmerrshëm, mësova diçka të mrekullueshme për Ervinin. Ai kurrë nuk më qortoi për gabimin tim. Në vend të kësaj, ai ishte besnik, i sjellshëm dhe i kuptueshëm – dhe i vendosur të më ndihmonte ta kaloja të gjithë këtë”.
Turner filloi të mbyllte karrierën e saj të muzikës pasi marrëdhënia e saj me Bach-in lulëzoi dhe bëri albumin e saj të fundit në vitin 1999 në moshën 59-vjeçare dhe dha performancën e saj të fundit në vitin 2009.
Modelja Kejvina Kthella u bë e njohur për publikun shqiptar pas daljeve të shumta dhe të njëpasnjëshme në emisione të ndryshme televizive, duke u bërë kështu pjesë e botës së ekranit dhe showbizit shqiptar. Së fundmi ajo ka marrë pjesë në edicionin e dytë te “Big Brother Vip”, nga ku mori një vëmendje të madhe që me hyrjen e saj e deri pas eliminimit nga formati, që erdhi si pasojë e shpullës së famshme të saj ndaj Luiz Ejlit. Që atëherë modelja nuk është shfaqur në dalje televizive, duke u shkëputur kështu nga bota e televizionit dhe ekranit.
Madje menjëherë pas eliminimit ajo u zhduk edhe nga rrjetet sociale, për tu rikthyer përsëri me një paqe virtuale me Luizin. E pas kësaj eksperience aspak të lehtë që modelja kaloi, ajo ka njoftuar vendimin e papritur.Në një njoftim në InstaStory, ajo tregon se ka hequr dorë nga mediat shqiptare, pasi synimi i saj tashmë janë të huajat.
Madje, ajo tregon se publiku do ta shikojë me projekte të reja nga një tjetër cep i botës, por s’dimë nga ku. Duket se këtë informacion do ta mësojmë në vazhdim.
“Përshëndetje, miq! Duke falenderuar të gjithë gazetarët, autorët dhe moderatorët, dua t’ju njoftoj publikisht, siç edhe ua kam komunikuar privatisht: Kam hequr dorë nga mediat shqiptare. Kjo për zgjedhje profesionale dhe personale. Faleminderit çdo personi që punon në media dhe në çdo dalje timen më ka trajtuar me dashuri. Ndërsa me ju publik bashkë do shihemi por nga një cep tjetër i botës.”- shkruan Kejvina.
Ndonëse brenda shtëpisë së Big Brother Vip, nuk patën marrëdhënie të mira me njëri-tjetrin, si duket tani që format ika përunfuar, Kejvina dhe Luizi janë miq të mirë. Një nga temat për të cilat u diskutua përgjatë qëndrimit të Luizit brenda në shtëpi ishte momenti kur Kiara i kërkoi partnerit të saj të hiqte bluzën që Kejvina ia kishte dhënë. E për këtë situatë si duket, Kejvinës akoma “s’i ka dalë inati”.
Me “kunja” ditën e sotme modelja ka komentuar në fotografinë e postuar ditën e sotme nga këngëtari, ku i ka kërkuar bluzën publikisht. Por, ky koment është kthyer në “mollë sherri” mes ish-banorit tjetër të shtëpisë, Ronaldo Sharkës si dhe Kejvinës. Atë dy kanë nisur përplasjet, deri në ofendime.
Kejvina: Këtë bluzen dua Luiz. Ma nis me postë. O Luiz o yll, aman një foto bashkë’
Ronaldo: Shko mi lëpirëse, le nam duke u lëpirë për pak folloë.
Kejvina: Ik o lëpirës i keq
Ronaldo: Ik andej nga ke ardhur, se s’të don Shqipëria, je non grata.
Kejvina: Do qaj, po unë kthehem Milano bjondo, po ti në Lushnje të shesësh shalqinj.
Ronaldo: Shalqi do shes, madje do vendos fytyrën tënde aty.
Aktori Gentian Zenelaj njihet për qëndrimet e tij në rrjet sidomos kur bëhet fjalë për çështje të artit, ku edhe vetë është i përfshirë. Së fundmi në një lidhje telefonike me emisionin radiofonik “Merre Me Long” në Top Albania Radio ai i ka mëshuar faktit që artistët e vërtetë nuk janë ato që të gjithë pamë dhe stërpamë në “BBV”.
“Duhet t’ju tregojmë shqiptarëve që thellë-thellë artistët nuk janë ata që panë në “Big Brother”. Jemi më të mirë se aq,”-është shprehur ndër të tjera Genti. Kujtojmë që këtë sezon në Big Brother Vip ishin pjesëmarrës shumë personazhe të njohur sidomos nga fusha e aktrimit.
Modelja e njohur Jori Delli ka folur për disa detaje nga jeta e saj. Ish-banorja e këtij edicioni të “BBV” sqaroi disa thashetheme që janë bërë së fundmi me të. Ndër të tjera ajo foli në “ Top Albania Radio ”në lidhje me marrëdhënien që ka me reperin e njohur, Noizy, si dhe ka zbuluar nëse ka qenë e lidhur me Luiz Ejllin, para se futeshin në BBV.
E pyetur se cili është mashkulli ideal, ish-banorja e BB VIP u përgjigj: “Më pëlqejnë meshkujt ezmer, bjondët nuk më pëlqejnë fare, as sy bojqiellët. Baby Face nuk më pëlqejnë gjithashtu. Kam kërkesa, komente, mesazhe por nuk dua fare të fokusohem tek kjo gjë. Mbase nga shtatori e mendoj.(qesh).
Sa dola nga “BBV” e thashë që nuk dua të krijoj lidhje, kam pak kohë që jam ndarë, dua të rri vetëm dhe me shoqërinë time.
Këngëtarja Korçare shume e dashur për publikun, Anxhela Peristeri, ishte sot e ftuar në emisionin “Live from Tirana”, ku ka folur për bashkëpunimin e saj të fundit me G-Banin. Ata kanë risjellë hitin e G-Banit të vitit 2006 me Crazy Girl, “Të dua”.Por jo vetëm kaq, pasi Anxhela ka zbuluar edhe se si do të jetë ky sezon veror për të.
Nuk bëj krahasime. Kënga “Habibi” që solla vjet në verë ka dalë në korrik, ka qenë e paplanifikuar. Këtë e kam nxjerrë që në maj, e kam hapur që në fillim sezonin. Jam nga ato që nuk i duroj xhirimet e videoklipeve. Por është diçka që duhet ta bëj, por e bëj me vështirësi. Por procesi i regjistrimit në studio më pëlqen shumë”, tha këngëtarja e njohur.
E pyetur se çfarë e bën një këngë hit, Peristeri u shpreh: “Këngën e bën hit veçantia. Tregu është tejmbushur, këngëtarët janë bërë si fabrikë. Duhet të gjesh diçka të veçantë, një këngë të veçantë. Unë kam filluar të mos nxjerr shumë këngë. Dua të nxjerr këngë që të ngelin gjatë, jo thjesht për numër”.
Pjesë nga intervista:
Në fund të ditës, a mendon se ia vlen i gjithë mundi dhe lodhja?
Për sa kohë bëj atë që dua, ia vlen gjithmonë. Kam nxjerrë këngë që dua të nxjerr, jo që duhet të nxjerr.
A ke gabuar ndonjëherë në karrierë?
Jo.
Nga ana tjetër, ti ishe e pranishme edhe në “afterparty” që u bë për “Big Brother VIP” ku performove këngët e tua. Si tu dukën banorët e “Big Brother VIP” dhe kush po e shijonte më shumë kur po këndoje?
Efi, sepse e kisha përpara meje. Banorët ishin të gjithë aty përpara. I falënderoj sepse kanë qenë shumë mbështetës, i këndonin dhe i kërcenin këngët e mia. Nuk kam shumë njohuri për “Big Brother”. Kam filluar ta ndjek këto katër vitet e fundit. Showbiz-i zakonisht kështu është, puthu e shahu prapa krahëve. Ata që kanë qenë të vërtet me njëri-tjetrin do të vazhdojnë të jenë, ata që nuk kanë qenë nuk do të jenë.
Ti këndove gjithashtu dhe me Luizin dhe videoja bëri xhiron e rrjetit. A mendon të bësh një duet me të?
Kur kam qenë e ftuar në BBV, Luizi, Kristi, Maestro dhe Olta kanë qenë në burg dhe nuk ishin të pranishëm. Prandaj e këndova aty dhe Luizi u afrua ta këndonim bashkë. Dueti më pëlqeu shumë sepse ai përshtatet me natyrën time. Mendoj që do dëgjohej shumë bukur me zërat tanë, siç edhe ndodhi për aq sa zgjati. Nëse do të kishte një bashkëpunim mes meje dhe atij, do preferoja të ishte një baladë. Ai ka një zë shumë të ngrohtë dhe kjo do të na shkonte më shumë.
Do të kemi këngë të reja së shpejti?
Doja dhe një hit për verën, por nuk më ka ardhur diçka që të më ngrohë mjaftueshëm. Për momentin do mjaftohem me këtë me G-Bani, që do të mbulojë të tre muajt e verës. Më pas vjen një tjetër këngë në tetor.
Aktorja e njohur Monika Lubonja, e cila u bë akoma më shumë e ndjekur pas eksperiencës në “Big Brother Vip”, ka dhënë një intervistë për “After Party”, në të cilën i është përgjigjur disa pyetjeve me “spec”. E pyetur nëse do të zgjidhte midis një roli erotik, apo të mbyllte karrierën, Lubonja deklaroi se karrierës nuk i jep fund, ndaj do të zgjidhte personazhin erotik…
Po do ta bëjmë edhe filmin erotik po erdhi, e pranojmë. Karrierën jo”, tha ajo.
Mbrëmë u zhvillua After Party i “Big Brother VIP”, ku përpos ish-banorëve, opinionistëve dhe produksionit, ishin të ftuar dhe shumë personazhe të njohur të ekranit. Në rrjete sociale po qarkullon një video ku shihet se Luizi është takuar me Noizyn. Jo vetëm pak. Dyshja përqafohen të buzëqeshur me njëri-tjetrin. Më pas të dy janë ngjitur në skenë dhe kanë dhuruar emocione të mëdha për fansat.
Më pas Noizy skenën ia la Luizit, i cili këndoi këngën e dedikuar Kiarës, ndërsa pranë tij ishte dhe vetë moderatorja.
Këngëtarja shqiptare Ledina Çelo është duke shijuar disa ditë pushime në Emiratet e Bashkuara Arabe. Ajo ka zgjedhur Dubain, si një nga destinacionet më luksoze dhe të frekuentuara në lindjen e mesme. Ledina publikoi një video, ku shfaqej në ballkonin e hotelit teksa bënte një vallëzim provokues, ndërsa mbante veshur një body që i nxirrte në pah linjat tepër tërheqëse.
Në videon e publikuar nga këngëtarja nuk kanë munguar pëlqimet dhe komentet e shumta, por as kriktikat nga ndjekësit.
Ish-banori i Big Brother Vip, Armaldo Kllogjeri ka publikuar në Youtube këngën e tij më të re, me titullin “Zeshkane moj”, një këngë me nota të muzikës popullore shqiptare. Me hyrjen e tij në Big Brother Vip, artisti, Armaldo Kllogjeri u bë më i njohur për publikun shqiptar.
Humor, batutat dhe debatet me Luizin dhe banorë të tjerë e bënë atë një nga banorët më të preferuar për publikun.
Këngëtarja e njohur shqiptare, Ledina Çelo, është duke shijuar së fundmi disa ditë të mira pushimi. Ajo ka zgjedhur të kalojë një javë jo-produktive në një nga destinacionet më luksoze në botë. Në disa imazhe të fundit që ka ndarë me ndjekësit e saj në rrjetet sociale, është shfaqur në formë mjaft të mirë nga pushimet.
Ajo shihet në bikini, teksa vë në pah linjat e tonifikuara të trupit, të cilat duket se vijnë si rezultat i një jete të shëndetshëm dhe festive. Më ke munguar diell”, shkroi Ledina në mbishkrimin e disa prej fotografive të publikuara në Instagram së fundmi.
