Category Archives: BLOG

Vlora dhe Saranda ta boshatisin portofolin/ Ja pse turistët po zgjedhin gjithmonë e më shumë Pogradecin…

Qetësia që të fal qyteti apo klima është një tjetër arsye pse turistët zgjedhin Pogradecin. Ndërsa këtu s’ke omlete 11 mije apo ujë 6 mijë lekë …por mund të zgjedhësh peshk të mirë dhe tradicional. Për të eksploruar më tepër dhe për të ndjerë magjinë e kësaj zone turistët kanë nisur rezervimet që në muajin maj. Operatorët tregojnë se risi janë turistët nga vendet arabe…

“Ka një ngritje nga viti i kaluar por ende nuk është në nivelin e parapandemise. Ndryshe nga vitet e tjera, shohim se në hotelin tonë por dhe në të gjithë Pogradecin po preket nga një grup turistësh nga gadishulli arabik që është një trend i ri në dy vitet e fundit, por nuk mungojnë dhe turistët të zakonshëm të huaj që vijnë nga Polonia, Çekia, Sllovakia dhe Gjermania”, thotë Krios Hyqmeti, pronar i një hoteli.

Rritja e çmimeve të shërbimeve nuk do t’i shtojë kostot për turistët, teksa drejtues të pushtetit lokal theksojnë në shtimin e turistëve ka ndikuar edhe aeroporti i Ohrit.

“Në Pogradec vihet për ajrin e pastër, për pastërtinë e qytetit, për liqenin e mrekullueshëm, për gjithë bukuritë natyrore, për gjithë monumentet e kulturës, për kulinarinë të shkëlqyer dhee kryesorja, për çmimet e ulta. Kemi mjaft turistë nga Kosova ku rregullisht ne na vijnë në fundjavë afro 10-15 autobusë prej tyre.

Kemi dhe turistë nga vendet e tjera sepse kemi fat që kemi aeroportin e Ohrit afër dhe shfrytëzojnë Ohrin dhe Pogradecin”, u shpreh nënkryetarja e bashkisë, Entela Gusho.

Bashkia e Pogradecit thotë se në sezonin turistik të vitit 2021, qytetin e vizituan mbi 100 mijë turistë.Pritshmëritë për këtë sezon janë dyfish, madje gjatë sezonit, afro 200 biznese të reja do të hapin dyert në shërbim të turistëve.

Për çfarë përdoret në të vërtetë kjo dorezë te makinat? Ja funsioni tjetër që nuk iu ka shkuar në mendje(Video)

Përdoruesja @sanne_vberkel postoi një video në TikTok, në të cilën ajo tregoi se si përdoret në të vërtetë doreza në makinë dhe kjo video u be virale. Pikërisht me këtë video, ajo mblodhi më shumë se 7.1 milionë shikime të përdoruesve të habitur, sepse nuk e dinin dhe e mësuan për herë të parë këtë gjë, për çfarë shërbente ajo realisht. Videoja fillon me tërheqjen e dorezës mbi dritaren e pasagjerit përpara se të rrokulliste brenda një kapëse të vogël. Kjo kapëse e mban dorezën të fiksuar (hapur), gjë që e bën më të lehtë varjen e gjërave në të.

Videoja tregon se kjo mund të mos funksionojë njësoj në çdo makinë, por ia vlen të kontrolloni nëse dorezat e automjetit tuaj mund të fiksohen në këtë mënyrë. Shumë përdorues të TikTok u tronditën nga kjo veçori, duke pranuar se nuk do t’u kishte shkuar kurrë në mendje. Shpejt ata zbuluan me komente se mësojnë më shumë në rrjetet sociale sesa në jetën reale.

“Çfarë?! Si nuk e kisha kuptuar deri në moshën 42-vjeçare?”, – pyeti një përdorues. Një tjetër shtoi: “TikTok më ka mësuar më shumë se shkolla”. SHIKO VIDEON

https://noa.al/newsImages/2022/05/download.mp4?_=2&fbclid=IwAR3983h3eQz6gd_COscfHvOX9ZnrNGbq5rYKu7fBKYrlmO-qdXZCu8lC2dE

5 qytetet më të mira në botë sipas prestigjozes “The Telegraph”

Media e njohur botërore “The Telegraph” thotë se qyteti më i mirë në botë ndodhet në Spanjë. Gazeta britanike, në rubrikën e saj të udhëtimeve, ka zgjedhur Barcelonën për diellin, distancën nga aeroporti, hotelet me pesë yje, restorantet me yje Michelin dhe plazhet.

“Barcelona kombinon gjithçka që është më tërheqëse në qytetet mesdhetare, me ndikimin kulturor dhe dizajnin e qyteteve në veriun e ftohtë”, lexohet në “The Telegraph”.

Barcelona ka plazhe spektakolar, ku mund të argëtohesh dhe të bësh sporte në mëngjes, pasdite dhe natë. Vlen të përmenden gjithashtu 19 restorantet me yje Michelin dhe 39 hotelet me pesë yje, dhe se aeroporti ndodhet vetëm 11 kilometra nga qendra e qytetit, i lidhur shumë mirë me autobus, metro dhe tren”,shton tabloidi.

Barcelona ka marrë 588 nga 810 pikët e mundshme në kategori si oferta kulturore, histori, arkitekturë, gastronomi apo siguri, 32 pikë mbi qytetin e renditur në vendin e dytë, që është Sidnej. Në vendin e tretë në klasifikim është Kejp Taun, në të katërtin Lisbona dhe në të pestin Venecia.

Rikthehen në modë gërshetat/ Ja tendenca e flokëve që do ta shohim kudo në verë (FOTO)

Vitet 2000 janë gjithandej rreth nesh dhe këtë e vërtetojnë paraqitjet e fundit të modës. Nga pantallonat e shkurtra dhe çantat baguette dhe deri te modelet e flokëve që të rikthejnë pas në kohë. Nëse dëshironi të përvetësoni një trend më diskret, provoni “gërshetat për bebe”. Kohët e fundit kemi parë shuma vajza të modës që bëjnë gërsheta të vogla në pjesën e përparme të flokëve. Bëhen shumë lehtë, shpejt – në varësi të gjatësisë së flokëve tuaj – dhe janë perfekte për pamjet tuaja pranverore dhe verore, pasi i japin një notë të lehtë, lozonjare çdo pamjeje. Shikoni më poshtë se sa argëtuese dhe moderne duken gërshetat e bebeve, merrni ide dhe provoni ato!

Pse ikin shqiptarët kur jemi një vend në Europë, dhe kur Europa për shqiptarët është vetë Shqipëria ?

Nga Jola Hysaj

Në një shoqëri ku ka degraduar i gjithë sistemi i vlerave dhe ku skandalet kthehen në normalitet nuk ka si të bëhet ndryshe, i mençuri bëhet për psikolog dhe budallai bëhet i ditur. Mbaj mend nga e ndjera gjyshja ime që thoshte se ishte e gabuar t’i hapje gjithë kohës rrugë budallait se në fund ai dilte i pari dhe i mençuri qëndronte gjithnjë në fund.

Në një shoqëri ku pjesa më e madhe e shtresës së mesme vrapon për të kapur avionin e rradhës, ku shesin çdo gjë të mundshme për t’u arratisur nga Shqipëria “vendi që aderon shumë BE” kuptohet më se miri dëshira e madhe që kemi për ta bërë këtë vend.

Vit pas viti, fenomeni i emigracionit po merr përmasa alarmante dhe po përfshin segmente të shoqërisë me aftësi. Statistikat thonë se 79% e studentëve shqiptarë dëshirojnë të largohen nga vendi në raport me 65% në vitin 2018. Nga ana tjetër, 95% e atyre që studiojnë jashtë nuk dëshirojnë të kthehen.

Zhgënjimi i prindërve, sidomos i atyre me mundësi të larta ekonomike, shtyn të rinjtë të studiojnë jashtë, ndërsa të tjerët ikin nga mungesa e perspektivës dhe mundësive në vend. Rritja e dëshirës për emigrim zbulon dobësitë strukturore të ekonomisë dhe politikave, që në vend që të përmirësohen po përkeqësohen dhe nuk po gjenerojnë mundësi dhe perspektive për popullatën. Fenomeni i largimit është më i lartë në Shqipëri, se kudo tjetër në Europë.

Ti thuash të vërtetën vetvetes është vlerë e shtuar dhe për këtë po tregoj një histori, le ta quajmë “Histori Shqiptare”

I arsimuar dhe i mbushur plot ëndrra dhe pavarësisht për çfarë kishte studiuar del në atë çka është jeta reale. Me ëndrrën që të jepte kontributin e tij në shoqëri me besimin dhe shpresën se sakrifica do të shpërblehej duke kërkuar punë, por çdo derë ishte e mbyllur, pasi u përpoq shumë, ëndrra e tij u vra. I irrituar nga realiteti që preku, pasi tentoi për vite me rradhë të hapte dyert e punësimit hoqi dorë së kërkuari dhe zhytur në borxhe mori rrugën e emigrimit për një jetë më të mirë, për një shpresë më të madhe që quhet Evropë. Shqiptarët po rendin pafund dyerve të Evropës si azilant, si emigrant ekonomik.

Sot jetojmë në një vend ku depresioni masiv ka përfshirë vendin, ku ëndrrat dhe shpresat vriten sepse pasi familja dhe vetë individi bën një investim gjithë sforco dhe sakrifica për t’u arsimuar dhe për të qenë sa me profesional.

Kjo është e vërteta e madhe, a kemi sy për të parë dhe vesh për të dëgjuar? Kjo varet nga secili prej nesh, a jemi në gjendje që në vend që të ikim të rrimë dhe të marrim në dorë fatet tona? Kjo varet nga secili prej nesh. A duhet t’i lëmë kryeministrit të drejtën mbi fatet tona apo duhet të përcaktojmë fatin tonë dhe atë ta zbatojë kryeministri? E kjo varet sërisht nga ne.

Çfarë po presim ne shqiptarët, të na marrë Evropa për dore e të na thotë bëhuni apo do bëhemi për vete si fillim, pastaj për të tjerët?

Mjaft na vratë ëndrrat dhe shpresat, na lini të jetojmë të lirë. Mos e largoni pjesën më vitale të shoqërisë shqiptare, mos na e pini gjakun në presione dhe të na izoloni nga mungesa e zotësisë suaj për ta bërë Shqipërinë tjetër.

Përse kur jemi një vend në Evropë, kur Evropa për shqiptarët është vetë Shqipëria.

Jola Hysaj

Pas rrugëtimit të tij në politikë/ Nard Ndoka ndryshon ‘korsi’ : “Hola Nardi” emisioni ku pritet të jenë të ftuar edhe Rama me Berlusconin

Pas rrugëtimit të tij në politikë, Nard Ndoka ndryshon ‘korsi’. Ish-ministri do të vijë tashmë në rolin e moderatorit. Vetë Ndoka ka zbuluar se gjithçka është gati për të sjellë formatin e tij që do të mbajë titullin “Hola Nardi”. Vetë ish-deputeti ishite i ftuar mëngjesin e sotëm në Top Channel për të zbuluar më shumë rreth këtij projekti kaq të ndryshëm me çfarë jemi mësuar ta shikojmë.

“Këtu ka një problem, politika është shndërruar në teatër, edhe thashë më mirë aty ku bëhet shoë. Është për t’i dhënë një lloj sinjali edhe politikës. Aty ku bëhet politikë, duhet seriozitet, duhet përgjegjësi. Nëse kanë ndonjë ide për show, le të vijnë ta provojnë edhe ato. Kjo ishte një ide e imja që e kisha diskutuar me miqtë e mi para disa kohësh.

Tani ishte koha e përshtatshme, sepse vura re se tashmë njerëzit kanë nevojë të qeshin, sesa të merren me politikë”, u shpreh Ndoka.

Në këtë format, Nard Ndoka do të ketë të ftuar, jo vetëm shqiptarë. Me humor dhe me sarkazëm, Ndoka u shpreh se do të ftonte edhe politikan. Madje në fjalën e tij tha se do të kishte të ftuar edhe Edi Ramën. Por edhe Silvio Berluksoni është një emër që është kontaktuar për të qenë pjesë e emisionit. Formati i tij do të jetë brenda emisionit “E Diell” dhe pritet të nisë së shpejti.

Vëllezërit e mi, mos u ktheni !Unë ,mami dhe babi jemi të gëzuar që s’ju kemi pranë

Luela Myftari

E diel, nuk lexova asnjë lajm. Nuk e hapa celularin, deri tani. Ora 00.30, e zyrtarisht ishte e hënë. Fotografia e një djali 20 vjeç shfaqej ngado, diku një fragment nga libri i mikut tim Liridon Mulaj, diku një bisedë imagjinare, lexova, lexova, lexova edhe një tjetër, jo lajme, miq të mi lexova. Të gjitha shoqëruar me imazhin e një djali me sy të kaltër, një djali që kush e di ç’ëndrra kishte. Dhe çdo herë mendoja sytë e nënës së tij që e kish përcjellë për punë duke i dhënë uratat, por që kush e di ç’zjarr po ia digjte tani sytë

Në sytë e tij, pashë ëndrrat e dy vëllezërve të mi që nisën të punonin njëri 16 e tjetri 17 vjeç, në restorante të shtrenjta, në komplekse verore që ishin krijuar me sherre, shantazhe apo pazare malli e njerëzish. Në sytë e tij u përpoqa të gjeja ëndrrën e një të riu. Im vëlla punoi dy vite për të blerë një kitarë, ai djalë ndoshta donte një kompjuter, ose nënës t’i blinte syzet që i janë vjetëruar, që sytë e saj ta shihnin përpjekjen e tij, sytë që sot humbën dritën.

M’u kujtuan vëllezërit e mi që pas 7 vitesh punë, ndonjëherë edhe mes sherresh i shpëtuan ëndrrat e tyre, e në fund hapën një lokal. U munduan edhe dy vite të tjerë. S’ja dolën dot. Elti vërtet e bleu kitarën, por 4 vite nuk pushoi asnjëherë në Dhërmi se ishte gjithmonë në punë. Fatmali vërtet dashuroi, por paratë nuk i dolën të pushonte as 7 ditë në jug. I shpëtuan vërtet ëndrrat e tyre kur thanë se do të iknin nga ky vend. Lokali, ëndrra e tyre e bukur u mbyll. Pasqyrën e lokalit e ka ende mami dhe babi në shtëpi. Ata nuk ishin të fortët e s’donin të bëheshin si të fortët. I kishin mbijetuar gjithë sherreve të bosave të tyre. Shpëtuan veten dhe ëndrrat kur ikën. Na shpëtuan edhe ne dritën e syve. Po djali me sy të kaltër, që ëndrrat i reflektonin në det? Po ai që ditën e parë të punës ia morën ëndrrat? Po nëna e tij në ç’pasqyrë do ta shohë kthejtësinë e syve të tij?

Im vëlla u nis në Jalë kur ishte 17 vjeç, për të punuar. Ditën e parë e lanë të flinte në shezllon, ditën e dytë pronari i tha që do t’i rregullonte një vend, ditën e shtatë e ngjiti shezllonin në tarracë. Ditën e 10 ai u kthye në shtëpi. Sherret kishin nisur, që kur ai tha se kuzhieri duhet të lahet çdo ditë. Ditën e 11 Elti u kthye në shtëpi. Mami nuk tha asgjë, u trishtua vetëm se ai nuk do të blinte kitarën që ai ëndërronte. Babi tha që ai s’duhej të kthehej, ngado jeta është e vështirë! Vëllai im quhet Elti Myftari dhe sot punon në Irlandë si kuzhinier. Vëllai im nuk kishte sytë e kaltër si djali që sot i morën jetën, por me siguri disa ëndrra i kishte njëlloj si im vëlla.

Vëllai tjerër punoi te Havana a Dream City a ca të tjerë, pak rëndësi ka emri. Punoi në vende ku shprehja: “Pse sheh nga tavolina ime”, është bërë jo pak herë motiv për të nxjerrë armët. Udhëtova unë një ditë drejt jugut dhe vetëm një ditë e bëra plazhin pranë tij. Ishte dita kur ia lava bluzat me dorë dhe qaja. Dhe qava kur i lashë bakshishin në mbrëmje. Dhe pse mami më kishte thënë mos i ble cigare, ia çova. Do t’ia çoja edhe sot. Fatmali sot është në Maltë dhe punon në një restorant. Fatmali ka qenë gjithnjë frikacak dhe i pari që vraponte për t’iu larguar sherrit, por në kokë ka tre të çara se fatin ashtu si vrapin se ka pas të madh kur bëhej fjala për sherre. Por, Fatmali sot është larg, ia futi vrapit sa iu dha mundësia të ikte nga ky vend.

Vëllezërit e mi, shpëtoni ëndrrat. Sado t’na djegë malli, sot me sytë e tij, me të kaltrën e syve të mi, ju them mos u ktheni, se ëndrrat tuaja janë më të bukura se cublliku i maskarenjve që vrasin fëmijë, se unë pardje shkruaja për një familje që u shua në aksident, ndërsa sot për një tjetër që kanë vrarë.

Mos u ktheni, vëllezërit e mi!

Flet shoferja e kamionit që fiton 63 mijë $ në vit: “I kam vënë kapakun dhe nuk fle me askënd”

Blayze Williams është cilësuar si kamionistja më e bukur në Australi. Ajo fton 63 mijë dollarë në vit që kur është bërë pjesë e faqes për të rritur, “OnlyFans”. 29-vjeçarja nga Adelaide ka marrë tashmë vëmendjen e të gjithëve me fotot e saj, teksa është e ulur pas timonit të disa prej kamionëve më të mëdhenj në botë. Ndoshta keni dëgjuar për të.

Që prej vitit 2020, 29-vjeçarja duket se është revoltuar nga komentet negative që i kanë bërë për trupin, e për këtë arsye ka vendosur që t’u kundërpërgjigjet.

“Para se të filloja OnlyFans, ndihesha sikur më admironin shumë më tepër, por tani po marr shumë komente të këqija nga njerëzit që supozojnë se jam femër e ulët. Unë shes fotografi dhe video për njerëzit që janë të interesuar t’i shohin”, tha Blayze Williams.

Kjo e fundit ka shtuar: “Nuk jam duke fjetur me askënd, por edhe nëse e bëj, pse duhet të ketë rëndësi? Unë jam një shofere kamioni e shkëlqyer dhe jam e mirë në punën time, prandaj e kam bërë atë për një dekadë. Por kam marrë komente të tilla negative, shumicën e kohës nga femra të tjera, të cilat më thonë se nuk duhet të jem shofere kamioni dhe se nuk mund të jesh edhe e bukur, dhe të ngasësh kamionë”.

Blayze Williams është shprehur më pas se është pjesë e aplikacionit për të rritur, për të marrë të ardhura dhe shprehu keqardhjen që pjesa më e madhe e komenteve negative i merr nga vajzat.

Marrja e të ardhurave të OnlyFans do të thotë që unë jam në gjendje t’i shijoj ato dhe më jep më shumë liri për të marrë frymë. Unë marr shumë komente të këqija për shkak të pamjes sime. Sinqerisht, shumica e tyre vjen nga gratë, gjë që është shumë zhgënjyese. Gratë duhet të mbështesin njëra-tjetrën”, tha Blayze Williams.

“Unë ngisja kamionë 10-13 orë në ditë, por më pas dëmtova këmbën dhe duhej të pushoja për 1 vit e gjysmë. Kam komplikime të vazhdueshme në këmbë. Më duhej të ndaloja së punuari dhe po arrija në pikën financiare ku nuk e dija se çfarë do të ndodhte. Më pas po flisja me shoqen time, e cila më sugjeroi ta bëja”, ka thënë Blayze Williams.

”I forti i Greqisë”/ Ky është Alket Rizai që me arratitë nga burgu dhe bemat i tij i kanë dedikuar dhe këngë

Reperi Tus i ka dedikuar një këngë të plotë Alket Rizait, i burgosuri shqiptar më i famshëm në Greqi, i njohur për bëmat e tij me arratitë nga burgu, por jo vetëm.“Kam kënduar për Alket Rizain sepse Alket Rizai është hero këtu në Greqi. Është trim, ka bërë gjëra të çmendura brenda dhe jashtë burgut” do të shprehej Tus asokohe. Nuk dihet sesa sukses do të ketë reperi në Greqi me këtë projekt, por e sigurt është se kënga “ka ndezur” edhe në Shqipëri.

Kush është Alket Rizai

Alket Rizai ka lindur me 24 maj 1978 ne Ballsh. Në moshën 16 vjecare u largua per në Greqi për të punuar. Është bërë i njohur si shqiptari që është arratisur dy herë nga burgjet greke me helikopter. Ai ishte më i vogli i tre djemve dhe ka qenë një fëmijë i bindur. Kishte një pasion të veçantë, të cilin ndoshta mund ta shndërronte në profesion nëse e ardhmja e tij do të ishte ndryshe: elektronikën.

I zbërthente pajisjet elektronike dhe i montonte sërish që në moshën 10-vjeçare. Vitet e para të fëmijërisë Alketi i kaloi në fshatin Kalenjë, te dajat e tij. Gjashtë vjeç është kthyer në qytetin e lindjes për të nisur klasën e parë. Shkollën e mesme nuk e ka përfunduar, është larguar për në Greqi.

Alketi perveç gjuhes shqipe flet 5 gjuhë të huaja. Alket Rizai eshte arratisur 2 here me helikopter nga burgu i Koridalos.Tentoi arratisjen e trete duke marre peng 6 police te burgut te Malandrinos. Per momentin ndodhet ne burg.

Nuk është “Të dua”/ Kjo është fjala që burrat duan të dëgjojnë nga gratë….

Dashuria dhe respekti janë parësore në çdo marrëdhënie. Megjithatë dhe fjala magjike “të dua”, nëse përsëritet shpesh, e humbet rëndësinë e saj. Por përveç fjalëve “të dua”, ka disa fjalë të tjera të rëndësishme qe mund t’ja thoni të dashurit tuaj.

Fraza “të vlerësoj” është në fakt më e fortë se “të dua”. Pse?

Pothuajse çdo person ka përjetuar tradhtinë në një moment të jetës së tij, ndaj jemi shumë të kujdesshëm kur dikush na thotë “të dua”. Por kur dikush na vlerëson, është një emocion i sigurt, thonë psikologët. Shprehjen “të dua” e përjetojmë shpesh si diçka të zakonshme.

Për shembull, ne shpesh themi: “Ti e di që të dua”… Për shkak të përdorimit të vazhdueshëm, kjo frazë humbet fuqinë e saj. Fraza “Të dua” mund të përdoret gjithashtu si një formë manipulimi – për të bindur një partner për diçka, për t’u qetësuar në një situatë të tensionuar.

Ndryshe nga fjala shpesh manipuluese “ti e di që të dua”, shprehja “të vlerësoj” vjen nga zemra, duke provokuar përgjigjen më të sinqertë. Si t’ja thoni partnerit se e vlerësoni atë? Shikojeni në sy dhe thuaj: “Unë të vlerësoj që je kaq i mirë / i sjellshëm / i kujdesshëm / i mirë / fisnik / ambicioz …”

Mos kini frikë të tregoni mirënjohje për gjërat e vogla: “Unë e vlerësoj larjen e enëve dhe pastrimin e shtëpisë” ose “Unë e vlerësoj shumë që i çon fëmijët në kopësht që unë të kem më shumë kohë për veten time në mëngjes”.