Një 44-vjeçar eshtë arrestuar ne Pogradec, pasi gjate kontrollit té dy banesave të țij policia gjetu nje arme zjarri automatik dhe municion luftarak, të cilat i posedonte pa leje. Operacioni i koduar “Befasia” u finalizua nga specialistët e Komisariatit të Policisë Pogradec, pas kontrolleve, hetimeve dhe informacioneve operative për goditjen e rasteve të armëmbajtjes
pa leje dhe parandalimin e ngjarjeve kriminale.
Sezoni i ri televiziv pritet të sjellë ndryshime në “Portokalli”, ndërsa një prej tyre lidhet pikërisht me drejtimin e spektaklit të humorit në Top Channel. Bëhet fjalë për Agron Llakajn, një prej figurave më të njohura të humorit shqiptar dhe një emër i lidhur ngushtë me historinë e “Portokalli”.
Sipas informacioneve të siguruara nga “Loki magazine”, pas 16 vitesh nga largimi i tij, Llakaj pritet të rikthehet këtë sezon në program, këtë herë sërish në drejtimin e tij.
Një rikthim i tillë do ta sillte Agron Llakajn përsëri në formatin ku për vite me radhë ishte një prej figurave kryesore, si në moderim, ashtu edhe përmes personazheve të tij në skenë.
Pikëpyetja që mbetet lidhet me Salsano Rrapin, të cilit prej vitesh i është besuar drejtimi i “Portokalli”. Ende nuk dihet nëse ai do të vazhdojë të jetë pjesë e moderimit dhe do ta drejtojë spektaklin në bashkëpunim me Llakajn, apo sezoni i ri do të sjellë një formulë tjetër.
Deri në prezantimin zyrtar të sezonit të ri, detajet për mënyrën se si do të organizohet drejtimi i programit mbeten për t’u zbuluar.
Ajo që pritet të përbëjë një prej risive më të mëdha është rikthimi i Agron Llakajt në “Portokalli”, 16 vite pas largimit./lokimagazine
Bora Zemani nuk do të jetë më pjesë e Top Channel në sezonin e ri televiziv, duke mbyllur kështu një kapitull të rëndësishëm në karrierën e saj. Gjatë viteve, ajo u bë një prej fytyrave kryesore të programeve argëtuese, duke drejtuar formate si “Për’puthen”, “Dancing With The Stars” dhe “Piramida”, si dhe duke qenë pjesë e programit humanitar “Për Shqiptarët”.
Largimi i saj vjen pa shumë bujë, ndërsa mbetet e paqartë nëse Bora do t’i përkushtohet më shumë biznesit të saj apo do të rikthehet në ekran nën një tjetër emër televiziv.
E ardhmja e saj në televizion mbetet një nga misteret më interesante të sezonit të ri.
Lajmi u raportua së pari nga telegrafi.com para 14 orëve. Për më shumë informacione, më poshtë kemi listuar të gjitha burimet që e trajtojnë këtë temë.
Nga 5 të lënduarit që janë dërguar në Tiranë pas zjarrit në hotelin në Vlorë, 3 prej tyre ndodhen në spitalin “Nënë Tereza.” Njëra prej pacienteve është në gjendje të rënduar, për shkak të përqindjes së lartë të djegieve, ndaj kërkon monitorim dhe kujdes të vazhdueshëm mjekësor, njofton Ministria e Shëndetësisë. Pacienti tjetër klinikisht paraqitet më i qetë.
Në Spitalin e Traumës janë dy pacientë të cilët kanë pësuar fraktura pas hedhjes nga ballkoni, në përpjekje për të shpëtuar.
Një paciente është në gjendje shëndetësore të stabilizuar, por për shkak të dëmtimeve të marra do të vijojë të mbahet në monitorim intensiv dhe të vazhdueshëm nga stafi mjekësor. Tjetra po ashtu është në gjendje të qëndrueshme.
Sipas policisë Nga hetimet paraprake, përfshirë këqyrjen e pamjeve të kamerave të sigurisë, ka rezultuar se zjarri ka qenë aksidental. Sipas policisë, flakët dyshohet se janë shkaktuar nga djegia e prizës elektrike të një frigoriferi, i cili ndodhej në ambientet e restorantit.
Një i ri nga Polonia ka treguar momentet kur ra zjarri në hotelin në Lungomare të Vlorës. Ai tregon se fillimisht ndjeu një erë të çuditshme dhe dëgjoi të bërtitura. Sipas tij, ngjarja ka ndodhur rreth orës 04:00. “Ndjemë një erë të çuditshme dhe dëgjuam të bërtitura. Ishte ora rreth 4, pastaj dolëm në dritare dhe pamë çfarë po ndodhte. Kishte njerëz që kërkonin ndihmë”, ka treguar i riu nga Polonia.
Gjykata e Apelit Tiranë ka vendosur ndryshimin e masës së sigurimit ndaj producentit Petri Bozo, duke zëvendësuar masën “arrest në burg” me “arrest në shtëpi” dhe duke urdhëruar lirimin e tij të menjëhershëm nga paraburgimi.
Vendimi i Apelit vjen pas kërkesës së paraqitur më herët nga mbrojtja e Bozos për zëvendësimin e masës së sigurisë. Kërkesa ishte shqyrtuar fillimisht nga Gjykata e Elbasanit, e cila kishte vendosur ta rrëzonte atë, duke lënë në fuqi masën “arrest në burg”, raporton korrespondentja e Top Channel Bruna Kërçyku.
Pas ankimit, çështja kaloi për shqyrtim në Gjykatën e Apelit Tiranë, e cila ka vlerësuar ndryshe kërkesën e mbrojtjes dhe ka vendosur një masë më të lehtë sigurie.
Petri Bozo ishte vendosur në masën e sigurisë “arrest në burg” nga Gjykata e Elbasanit, pas shqyrtimit të kërkesës së organit të akuzës. Prokuroria kishte paraqitur përpara gjykatës provat dhe argumentet mbi të cilat mbështeste kërkesën për masën më të rëndë të sigurimit.
Kërkesa e prokurorisë ishte pranuar nga Gjykata e Elbasanit dhe producenti kishte qëndruar për disa javë në paraburgim.
Në momentin e caktimit të masës së sigurisë, avokatët mbrojtës të Bozos e kishin kundërshtuar vendimin dhe kishin kërkuar që ndaj tij të aplikohej një masë më e lehtë. Megjithatë, trupa gjykuese në Elbasan kishte vendosur lënien e tij në burg.
Vendimi i marrë tashmë nga Gjykata e Apelit ndryshon situatën juridike për producentin, i cili do ta vijojë masën e sigurimit në kushtet e arrestit në shtëpi.
Sipas vendimit të Apelit, masa “arrest në burg” është zëvendësuar me “arrest në shtëpi”, ndërsa është urdhëruar lirimi i menjëhershëm i Petri Bozos nga paraburgimi.
Çështja penale ndaj tij vijon të jetë në shqyrtim dhe ndryshimi i masës së sigurimit nuk përbën vendim përfundimtar mbi fajësinë apo pafajësinë e të pandehurit.
KORÇË- Një 21-vjeçar nga fshati Libonik i bashkisë Maliq ka përfunduar në prangat e Policisë, pasi u kap duke transportuar emigrantë të paligjshëm kundrejt përfitimit monetar. I riu me inisciale S. D. u ndalua nga shërbimet e policisë gjatë kohës që po transportonte me një automjet të tipit “Volkswagen Golf” 6 emigrantë të paligjshëm nga Korça në drejtim të Tiranës.
Në momentin e pikasjes nga forcat e rendit, 21-vjeçari ka braktisur automjetin dhe ka tentuar të largohet me vrap në këmbë, por është neutralizuar dhe prangosur menjëherë pas ndjekjes nga uniformat blu.
Nga hetimet e para rezulton se i riu u merrte emigrantëve shuma monetare me qëllim ndihmën për kalimin e paligjshëm të kufirit dhe transportimin e tyre brenda territorit shqiptar. Uniformat blu po vijojnë hetimet për zbardhjen e plotë të kësaj veprimtarie kriminale, si dhe për identifikimin e kapjen e personave të tjerë të mundshëm të përfshirë në këtë rrjet të trafikut të qenieve njerëzore./Dosja.al
Festa e Birrës në Drenovë vijon të mbledhë qytetarë të shumtë dhe të sjellë në skenë emra të njohur të muzikës shqiptare. Por mes artistëve që kanë performuar, një emër i madh mungon dhe kjo nuk ka kaluar pa u vënë re nga publiku.
Bëhet fjalë për Eli Farën, këngëtaren e njohur korçare, e cila është me origjinë nga Drenova dhe është një prej emrave më të spikatur të muzikës qytetare korçare.
Mungesa e saj në një aktivitet që zhvillohet pikërisht në vendlindjen e saj ka sjellë komente nga qytetarë dhe ndjekës të eventit. Shumë prej tyre e shohin si të çuditshme që një artiste me këtë lidhje të fortë me Drenovën të mos jetë pjesë e programit.
“Si ka mundësi që Eli Fara mungon?” është një nga pyetjet që ngrihet në komentet e publikut.
Për shumë banorë, prania e saj do t’i jepte një tjetër dimension festës, duke lidhur muzikën, traditën dhe identitetin e Drenovës me një prej artisteve që e ka përfaqësuar Korçën ndër vite.
Dhe për shumë komentues, pyetja mbetet e njëjtë:
Pse mungon Eli Fara në Festën e Birrës në Drenovë, në vendin ku ajo ka lindur?
Nata e tretë e Festës së Birrës në Korçë u kthye në një tjetër mbrëmje të mbushur me muzikë, ritëm dhe mijëra qytetarë e vizitorë në Polin e Eventeve në Drenovë. Mbrëmjen e 14 gushtit, skena priti disa prej emrave më të njohur të muzikës shqiptare, mes tyre Aurela Gaçe, Ledri Vula dhe Devis Xherahu.
Përgjatë natës, hapësira e festivalit në Drenovë u mbush me qytetarë të ardhur nga Korça, zona të tjera të vendit dhe vizitorë, ndërsa muzika dhe atmosfera e festës vijuan deri në orët e vona. Sipas organizatorëve, fluksi i pjesëmarrësve ishte mbi 10 mijë persona.
Por në përfundim të festës, situata ndryshoi. Qytetarë të shumtë shiheshin duke u larguar në këmbë drejt Korçës. Në pamjet e siguruara në përfundim të mbrëmjes, shihet edhe një autobus që mori rreth 40–50 persona, ndërsa një pjesë tjetër e qytetarëve zgjodhën të ktheheshin në këmbë.
Kthimi në orët e vona të natës solli sërish vëmendjen te çështja e transportit për dhe nga Drenova, veçanërisht pas përfundimit të eventit, kur mijëra persona largohen pothuajse në të njëjtën kohë.
Miliardat që harxhohen për “kokofilka”!
Nga Pandeli Bardhi
Të thuash që Bashkia Korcë, nuk ka leka, kjo nuk është e vërtetë, Për këtë bindesh po t ju bjerë rasti të shkoni në afërsi të fshatit Drenovë, atje në mes të fushës, brënda një kohe të shurtër u krijuan ambientet për të festuar festën e birrës në 20 vjetorin e saj.
Është rezultat i “popullimit” me shpejtësi të qytetit nga të rinj e të reja, që detyroi Bashkinë të shvendosi festën nga terminali i autobusëve, në këto ambiente mbasi nuk kishin ku të conin 11 miliardë leka. Në të ardhmen, po të vazhdojë “popullimi” me këtë ritën festa do të bëhet në fushën e Korcës…
Pamjet e mëposhtme, janë marë para pak kohësh. “Gojët e liga” thanë që as më shumë e as më pak, janë shpenzuar plot njëmbëdhjetë milliard lekë.
Nuk ka ndonjë gjë të keqe kjo, por po të mendojmë që qyteti ka halle të tjera më të mëdha, kjo festë është e fundit ku duhet të investohet.
Të investohet dakord, por prioritet duhet të kenë sektorët që sjellin fitime, sic është prodhimi, bujqësor apo industrial, kurse ivestimi në konsumin e birrës, dihet se çfarë “prodhimi” ka. Ja psh të marim një nga shëmbujt më të rëndomtë sic është shërbimin ndaj qytetarëve, shërbimi urban për të moshuarit se të rinjtë e marin në këmbë.
Një autobuz urban në linjën nga Shëntrialla tek ish Parku, duhet ta presësh me orë të tëra, tek sheh që e merr rrugën “lento lento” si i “dremelitur” me mëdyshje të ec apo të mos ec.
Ka edhe shumë sektorë të tjerë që presin investime sic është ai i shëndetsisë, i shërbimit ndaj qytetarëve e mbi të gjitha për plagën e shpopullimit ku Korca është nga më të goditurit…
Megjithatë, ne një mendim japin, por më mirë se kushdo këto halle i dinë “të mëdhenjtë” e Bashkisë se ku “dhëmb dhëmbi”.
Zakonisht në panaire të ndryshme që bëhen, çmimet e mallrave ulen, kurse në këtë “panair” ndodh e kundërta. Kjo mund të jetë tregues i cilësisë të lartë të birrës por duhet shijuar që të bindesh.
Megjithatë edhe ky është problem i “lekallinjve” dhe në përfundim mund të themi që ta gëzojnë e ta shijojnë edhe këtë festë tradicionale sepse duhet të jetë me fitim përderisa edhe pjesmarja është falas …
Të dhënat që shoqërojnë reformën e re territoriale tregojnë një vend gjithnjë e më të polarizuar: popullsia grumbullohet në pak qendra, ndërsa dhjetëra bashki humbasin banorë dhe plaken
TIRANË – Shqipëria po përjeton një përqendrim gjithnjë e më të madh të popullsisë në pak qendra urbane, ndërsa një pjesë e madhe e territorit, veçanërisht zonat rurale, verilindja, juglindja dhe rajonet malore, po humbasin banorë dhe kapacitete zhvillimi.
Kjo është panorama që del nga dokumentet analitike që shoqërojnë propozimin e mazhorancës për reformën e re administrativo-territoriale dhe reduktimin e numrit të bashkive nga 61 në 46.
Dokumenti “Reforma Administrativo-Territoriale 2.0”, i hartuar nga ekspertët socialistë në Komisionin e Posaçëm Parlamentar, evidenton një grup bashkish me dobësi të vazhdueshme demografike, ekonomike, financiare dhe administrative.
Një prej analizave kryesore është Indeksi i Masës Urbane, i ndërtuar mbi të dhënat e Censusit të vitit 2023.
Sipas tij, vetëm 13 bashki klasifikohen me nivel të lartë të masës urbane, por në territorin e tyre jeton 62.5 për qind e popullsisë së Shqipërisë.
Në anën tjetër, 30 bashki klasifikohen me nivel të ulët të masës urbane dhe përfaqësojnë vetëm 14.2 për qind të popullsisë së vendit. Tetëmbëdhjetë bashki të tjera renditen në kategorinë e ndërmjetme.
Tirana dominon ndjeshëm hartën demografike, me më shumë se gjysmë milioni banorë, ndërsa pas saj renditen Durrësi, Vlora, Elbasani, Shkodra, Fieri, Kamza dhe Berati.
Në skajin tjetër ndodhen bashki të vogla si Pusteci, Libohova, Himara, Këlcyra, Memaliaj, Selenica, Dropulli, Finiqi, Delvina dhe Kolonja, të cilat, sipas analizës, kanë humbur peshë demografike dhe urbane.
Indeksi nuk merr në konsideratë vetëm numrin e banorëve. Ai kombinon madhësinë dhe dendësinë e popullsisë, mënyrën e shpërndarjes së saj në territor, raportin e varësisë demografike dhe nivelin e urbanizimit.
Kjo bën që edhe një bashki me territor të madh të konsiderohet strukturalisht e dobët nëse shumica e banorëve janë përqendruar në një qendër të vogël dhe pjesa tjetër e territorit është thuajse e pabanuar.
Një nga të dhënat më domethënëse të analizës është se mesatarisht rreth 57 për qind e territorit të bashkive rezulton i pabanuar.
Koeficienti Gini, i përdorur në këtë rast për të matur pabarazinë në shpërndarjen territoriale të popullsisë, arrin në nivel kombëtar në 0.86, duke treguar një përqendrim shumë të lartë të banorëve në një numër të kufizuar zonash.
Në Kolonjë dhe Korçë ky tregues arrin në 0.97, ndërsa Kamza regjistron vlerën më të ulët, 0.42, çka tregon një shpërndarje më të gjerë të popullsisë në territorin e saj.
Një tjetër problem është plakja e popullsisë.
Sipas raportit të varësisë demografike, në 51 bashki barra që fëmijët dhe të moshuarit përfaqësojnë ndaj popullsisë në moshë pune është më e lartë se mesatarja kombëtare. Në shumë prej këtyre njësive, numri i të moshuarve është tashmë më i lartë se ai i fëmijëve.
Edhe niveli i urbanizimit mbetet i ulët në një pjesë të madhe të vendit. Pa përfshirë Tiranën, norma mesatare e urbanizimit në 60 bashkitë e tjera llogaritet në 29.8 për qind.
Sipas analizës, 25 bashki nuk kanë asnjë vendbanim që përmbush kriteret për t’u konsideruar qytezë. Bazuar në kriteret e përdorura, vetëm gjashtë bashki mund të kategorizohen si qytete, 13 si qyteza ose periferi dhe 42 si kryesisht rurale.
Mazhoranca e përdor këtë ndryshim të fortë demografik si një prej argumenteve kryesore për rishikimin e hartës territoriale të miratuar në vitin 2014.
Raporti thekson se shpërndarja e popullsisë ka ndryshuar ndjeshëm gjatë kësaj periudhe, pasi disa zona janë rritur ndërsa të tjera kanë humbur një pjesë të konsiderueshme të banorëve.
Në dokument evidentohen gjithashtu vështirësitë e disa bashkive për të siguruar të ardhura të qëndrueshme, personel të kualifikuar dhe kapacitete të mjaftueshme administrative.
Megjithatë, vetë analiza pranon se ndryshimi i kufijve nuk është i mjaftueshëm për të zgjidhur problemet që lidhen me emigracionin, plakjen e popullsisë, pabarazitë territoriale dhe përqendrimin e aktivitetit ekonomik në pak zona.
Propozimi i socialistëve parashikon që 15 bashki të humbasin statusin e tyre si njësi të pavarura të vetëqeverisjes vendore dhe të bashkohen me bashki më të mëdha fqinje.
Bëhet fjalë për Fushë-Arrëzin, Klosin, Rrogozhinën, Dimalin, Poliçanin, Patosin, Divjakën, Selenicën, Maliqin, Këlcyrën, Memaliajn, Libohovën, Cërrikun, Belshin dhe Prrenjasi.
Propozimi ka shkaktuar kundërshtime në disa prej këtyre zonave, ku banorët kanë protestuar nga frika se shkrirja e bashkive mund t’i largojë më tej nga shërbimet publike dhe qendrat administrative.
Më 11 gusht të këtij viti, u bënë plot dy vite nga ndarja nga jeta në mënyrë tragjike të 16-vjeçarit shqiptar Lorenzo Çela, i cili vdiq pas aksidentit të rëndë që pësoi teksa udhëtonte me të dashurën e tij dhe mamanë e kësaj të fundit. Ndonëse zemra e “tradhtoi”, familja e Lorenzos vendosi që të dhuronte organet e djalit të tyre, ndërsa sot dy vite pas transplantit, ata duan të njihen me personin që jeton sot falë organeve të dhuruara.
Përmes një postimi të bërë në rrjet, ka reaguar zemërthyer mamaja e Lorenzos e cila ka jetuar dy vite pa vogëlushin e saj, mirëpo ajo që mund t’i japë forcë në këto momente të vështira është të zbulojë se kush po jeton falë organeve të të birit.
“Sot do të doja të shprehja një dëshirë dhe t’u kërkoja marrësit të organeve të djalit tim Lorenzo, edhe pse është pothuajse e pamundur, t’ju takonin. Transplantimi i organeve u krye natën midis 12 dhe 13 gushtit 2024, në Spitalin Civil të Brescias” shkruan mamaja e Lorenzos në një postim të ndarë së fundmi në rrjet.
Reagimi i mamasë së Lorenzos:
Me lot në sy e një dhimbje të papërshkrueshme për vdekjen e nipit të ri në lule të rinisë, ka reaguar dhe xhaxhai i Lorenzos. Po ashtu, xhaxhai i Lorenzos e kujton mes lotësh 16-vjeçarin si djalin që e donin të gjithë, ndërsa shton se që nga dita kur adoleshenti u nda nga jeta, në familjen e tyre ka mbizotëruar errësira.
“Ti ishe djali që të gjithë donin, ti ishe dashuria e familjes sonë, tani në familjen tonë ka vetëm heshtje dhe errësirë, xhaxhai të do si gjithmonë, fundja çfarë fryme… Do të të kujtoj gjithmonë, Zemra ime na tha Shpirtin, o djali na helmon, zemrën o jeta ime ti” shkruan xhaxhai i Lorenzos.
Reagimi i xhaxhait të Lorenzos:
Kujtojmë se aksidenti fatal i ndodhur në një mbrëmje të gushtit të 2024, në via Mantova, në kufirin mes Lonato dhe Castiglione delle Stiviere, i shkaktoi Lorenzos 16-vjeçar plagë aq të rëndë, të cilave ai nuk i përballoi dot, e mbylli sytë përgjithmonë në një moshë delikate duke tronditur kështu të gjithë komunitetin shqiptar në Itali e jo vetëm./newsbomb
Aktivisti dhe pedagogu Ervin Goci, i ftuar në studion e News24, ka komentuar ecurinë e protestave masive kundër kryeministrit Edi Rama dhe qeverisë së tij, ndërsa sot shënohet dita e 76-të radhazi e qëndresës qytetare. Goci nënvizoi se pavarësisht kushteve të vështira atmosferike dhe temperaturave përvëluese, vendosmëria e protestuesve mbetet e palëkundur për shkak të kërkesës së tyre kryesore.
“Kjo protestë nuk ka për të ndaluar. Do të ketë edhe një valë të dytë e të tretë.
Ka vështirësi objektive për momentin, temperaturat janë mbi 40 gradë, një njeriu mbi një moshë të caktuar nuk del dot sepse vdes, e sërish njerëzit dalin në shesh. Ka vetëm një moto: dorëheqja e kryeministrit, ndaj është aq e fortë dhe ka aq shumë njerëz. Ajo që e mban protestën është vetëm kjo kërkesë dhe kryeministri e di shumë mirë këtë.”, tha ai.
Më tej, pedagogu u shpreh se rezistenca popullore po dëshmon një lëvizje të madhe shoqërore që ka prekur edhe vetë bazën e mazhorancës në vend:
“Çdo gjë që ai bën tani legjitimon kërkesën për dorëheqje, nuk bën dot luftë frontale me gjithë popullin. Edhe socialistët nuk mendoj se janë aq të gëzuar që Rama është sot në pushtet. Kur pëson këtë goditje dhe dalin masa popullore, tregon se po ndodh një ndryshim i madh.”, pohoi aktivisit.
Moti i keq ka përfshirë pasditen e kësaj të premte qytetin e Pogradecit, duke sjellë një ndryshim të shpejtë nga i nxehti i madh që ka shoqëruar vendin tonë gjatë javëve të fundit. Ajo që nisi si një vranësirë dhe stuhi e papritur, është shndërruar shpejt në përmbytje në disa prej rrugëve kryesore të qytetit.
Pamjet tregojnë qytetarë dhe këmbësorë të detyruar të heqin këpucët për të kaluar përmes ujit, ndërsa disa të tjerë përpiqen të lëvizin me biçikleta përmes rrugëve të bllokuara nga uji.
Gjithashtu vetëm pak kohë pas inaugurimit të ndërhyrjeve në lagjen “Naim Frashëri” në Pogradec, reshjet e shiut kanë nxjerrë në pah problematikat me sistemin e kullimit. Pusetat u bllokuan, ndërsa uji vërshoi në rrugë duke krijuar një “lum” në mes të lagjes muze.
Policia në Korçë ka marrë masat dhe ka ndëshkuar me gjobë një shofer kamioni i cili ka kryer një parakalimi të gabuar në një segment me fushëpamje të kufizuar, në aksin rrugor “Pogradec- Qafë Thanë”. Policia bën me dije se ka indetifikuar shoferin të cilit gjithashtu i ka pezulluar lejen e drejtimit për 4 muaj.
Ndër masat e tjera, shoferit gjithashtu iu hoqën 10 pikë nga leja e drejtimit. Lidhur me masën administrative, mësohet se ai u gjobit me 16 000 lekë.
“Reagim i Drejtorisë Vendore të Policisë Korçë. Në lidhje me një video të postuar në rrjete sociale, në të cilën shfaqet një kamion gjatë një parakalimi të gabuar, në një segment me fushëpamje të kufizuar, në aksin rrugor “Pogradec- Qafë Thanë”, informojmë se shërbimet e Policisë Rrugore,
si rezultat i veprimeve hetimore dhe procedurale të kryera, identifikuan drejtuesin e kamionit, shtetasin S. Xh., i cili bazuar në pikën 10 të nenit 141 dhe në pikën 16 të nenit 146 të Kodit Rrugor, u ndëshkua me masa administrative, gjobë 16 000 lekë, pezullim 4 muaj të lejes së drejtimit dhe zbritje të 10 pikëve nga leja e drejtimit.
Drejtoria Vendore e Policisë Korçë falënderon dhe fton qytetarët dhe median, që të denoncojnë në numrin 112, çdo rast të shkeljes së rregullave të qarkullimit rrugor, dhe i garanton ata, se reagimi do të jetë i menjëhershëm dhe konform ligjit”, thuhet në njoftim.
Sinoptikani i Shërbimit Meteorologjik Ushtarak, Elvi Jahaj, ka bërë të ditur për Top Channel se temperaturat do të pësojnë rënie gjatë fundjavës, pas ditëve të nxehta që kanë përfshirë vendin. Sipas Jahajt, masat ajrore të lagështa që pritet të hyjnë në territorin e Shqipërisë këtë të premte do të sjellin reshje shiu, kryesisht në zonat malore të jugut, por edhe në pjesë të Shqipërisë së mesme.
Nga vlerat 40-41°C të ditëve të fundit, temperaturat pritet të zbresin në rreth 35-36°C gjatë fundjavës.
