Skënderbeu bindi dhe për javën e 13-të në Superligë fitoi 3-1 me Teutën në Korçë. Trajneri i Skënderbeut, Ivan Gvozdenoviç u duk i lumtur pas ndeshjes dhe për “MCN” deklaroi: “Jam shumë i kënaqur nga rezultati. Një ndeshje me shumë nerva dhe tension, pasi dy ekipet kishin nevojë për pikët. Rëndësi kanë pikët dhe një bravo për çunat.

Kaq e lehtë?

Ky është futbolli. Goli i parë erdhi nga një aksion i bukur dhe sulmuesi bëri një finalizim perfekt. Goli i dytë me penallti, penallti është pjesë e futbollit. Goli i tretë mund të them se ishte me fat. Kur kemi nevojë për pikët dhe fusha bëhet e vështirë në dimër duhet të plotësojmë nevojat tona. Kështu që nevojën e pikëve e konkretizuam sot.

Frenkli?

Jam i shumë i kënaqur nga Frenkli, jo vetëm se shënoi. E meriton të jetë në fushë nga fillimi. Ai luajti mirë edhe në ndeshjet e shkuar dhe sot pati shansin si titullar. Jam i kënaqur nga ai jo vetëm për golin, por edhe si veproi dhe ana taktike.

Objektivi?

Jemi të katërt, por do të shikojmë. Në futboll nuk ka garanci. Diferencat e pikëve nga vendi 4 deri 9 nuk është i madh. Kemi ndeshje të vështira, pas 4 ditësh Kukësin dhe pastaj Erzeni.”

Ndryshe nga të gjitha herët kur ajo flet për komunikimin apo edhe fusha të tjera, të cilat i njeh dhe i mbulon mjaft mirë, këtë herë Balina Bodinaku kishte ardhur në studion e “Rudina” për të zbuluar më shumë për veten, duke u përballur edhe me pyetje të pazakonta. Mes të tjerave, ish-opinionistja e “Big Brother VIP”, rrëfeu edhe momentin e saj më të vështirë – periudhën – siç e quajti ajo më pas, duke qenë se nuk është pak, por plot 10 vjet, përmes të cilave ajo ka kaluar jo pak sprova.

Në pyetjen për momentin më të vështirë, Balina tha se, në fakt, nuk ka kaluar.

Prej të paktën 10-vjetësh, ajo përballet me një sëmundje për të cilën nuk dha detaje, por tha se është serioze, edhe pse tashmë ajo është mësuar të jetojë me të. Momenti më i vështirë në jetën time është momenti kur unë u diagnostikova me një sëmundje të rëndë, ndoshta të pashërueshme, i cili më ndryshoi jetën, më ndryshoi gjithçka në jetën time, është një sëmundje me të cilën vazhdoj luftoj… Ky është momenti më i vështirë.

Por pavarësisht se duket si… okej, është moment i vështirë, nuk është gjë e bukur për të kaluar, unë kam shumë vite që merrem me këtë sëmundje, por brenda së keqes, ka edhe shumë gjëra të mira që fitojmë nga sfida.

në e quaj një sfidë, e quaj një provë dhe mendoj që nuk jam e vetmja që kaloj prova. Të gjithë i kanë provat e tyre në jetën e tyre. Kjo është ajo që mua më takoi të ndeshem me të dhe brenda saj sigurisht ka shumë mësime.”

Mëson shumë, merr shumë, njeh veten ndryshe, njeh të tjerët ndryshe, sheh veten dhe botën ndryshe.

Kupton që nuk ekziston asgjë e pamundur dhe kufijtë nuk janë ata që mendojmë ne që janë, nuk ka kufij. Eshte thjesht çështje perceptimi, është thjesht çështje vetëbesimi, është thjesht çështje e të punuarit me veten dhe të dashurit për të parë gjënë e mirë në gjithçka që ndodh, në fund të ditës, jemi në këtë jetë për të kaluar edhe prova dhe pjesë e rritjes sonë si njerëz dhe të qenit ata që ne jemi, kështu si jemi janë edhe provat dhe nuk e shikoj këtë si një dramë, e shikoj si një vështirësi me të cilën punoj”.

Skënderbeu ka marrë një fitore karakteri dhe me shumë vlera, ku në Korçë mposhti Teutën në shifrat 3-1. Djemtë e Gvozdenovic u rikthyen te tri pikët pas katër javësh, teksa tanimë sigurojnë vendin e katërt në klasifikim. Ndeshja nisi mirë për korçarët që kaluan në epërsi me Franklin në minutën e 13-të. Për herë të parë titullar, sulmuesi përfitoi nga asisti i Zenullarit dhe mposhti Demën me kokë nga më shumë se 11 metra largësi.

Më pas ishte Dean Liço që në të 37′ shënoi golin e dytë nga pika e bardhë e penalltisë.

Minuta e 44 solli dy kartona të verdhë për Ardit Nikaj, me sulmuesin që në harkun e pak sekondave mori karton të kuq dhe la korçarët me një lojtar më pak.

Në fraksionin e dytë të lojës Teuta e Edi Martinit shënoi me Peposhin në të 73 minutë, duke dhënë përshtypjen se sfida u rihap. Për të shuar zërat mendoi Rashica, që në minutën e 83 shënoi golin e 3-1. Me këtë sukses Skënderbeu shkon në kuotën e 17 pikëve për vendin e katërt, ndërsa Teuta ka katër ndeshje pa fitore, tre nga të cilat të humbura dhe me 12 pikë renditet në vendin e fundit të Superligës.

FT|Skënderbeu 3-1 Teuta

Frenkli 12′, Liço 38′ (11-m), Rashica 83’/ Peposhi 72′

Formacionet zyrtare:

Skënderbeu (3-4-3): Alia; Prençi, Ramos, Dwumfour; Frashëri, Zenullari, Liço, Rabiu; Rashica, Ahononu, Nikaj. Trajner: Ivan Gvozdenovic
Teuta (3-5-1-1): Dema; Jazxhi, Qaqi, Kotobelli; Kruja, Daja, Beqja, Karabeci, Gjinollari; Boçi; Daci. Trajner: Edi Martini

Superiore: Java 13
Stadiumi: Skënderbeu
Arbitër: Olsid Ferataj

Me punë, punë dhe veç punë, synimet arrihen dhe ëndrrat bëhen realitet. Këtë e ka treguar së fundmi moderatorja shumë e dashur nga publiku Alketa Vejsiu, e cila ka ndarë me ndjekësit lajmin e bukur se ka dalë në kopertinën e revistës “Forbes” në Britaninë e Madhe. Moderatorja dhe sipërmarrësja shprehet shumë e lumtur në një postim në Instagram, që iu kushtua një artikull në këtë revistë, si shqiptare më shumë sesa si Alketa Vejsiu.

Shprehjet e saj pasqyrojnë ndjenjën e një ëndrre që bëhet realitet.

Ajo shton se, edhe pse Shqipëria mund të jetë një vend i vogël, aspiratat dhe vizionet e saj dhe të bashkëatdhetarëve janë gjithmonë të mëdha. Alketa nuk hezitoi të theksojë se ndjenjën e të qenit “një qytetare e botës” dhe se me krenari ka treguar gjithmonë pasaportën shqiptare.

Pozimi i Alketës për “Forbes” jo vetëm që shërben si një simbol i suksesit të saj personal, por edhe si një rrugë që hapet për të tjerët, duke u dhënë shpresë dhe motivim për të ndjekur ëndrrat dhe për t’u bërë zë i dëgjuar në botë.

View this post on Instagram

A post shared by ALKETA VEJSIU (@alketavejsiu)

Një 37-vjeçar është arrestuar në Elbasan, pasi ka tentuar të vrasë me gërshërë hekuri një 28-vjeçar. Sipas policisë dy personat e përfshirë në ngjarje ishin konfliktuar për motive të dobëta me njëri-tjetrin në një lokal në lagjen “Dyle Haxhiri”. Sherri agravoi deri në përdorimin e gërshërës, ku i arretsuari tentoi që të vriste 28-vjeçarin, i cili përfundoi me plagë në spitalin e Elbasanit.

Njoftimi i policisë

Elbasan/ Tentoi të vriste me mjet prerës, një 37-vjeçar, për shkak të një konflikti për motive të dobëta, identifikohet, kapet dhe shoqërohet 28-vjeçari.

Sekuestrohet mjeti prerës (gërshërë hekuri). Pas njoftimit se në mesditë, në spitalin e Elbasanit, kishte shkuar për të marrë mjekim, i dëmtuar me mjet prerës, shtetasi M. T., 37 vjeç, shërbimet e Komisariatit të Policisë Elbasan kanë organizuar menjëherë punën me qëllim identifikimin dhe arrestimin e autorit, si dhe për zbardhjen e rrethanave të rastit.

Si rezultat u kap dhe u shoqërua në ambientet e Komisariatit të Policisë Elbasan, shtetasi A. B., 28 vjeç, banues në Elbasan.

Nga hetimet e deritanishme rezulton se 28-vjeçari ka tentuar të vrasë me mjet prerës (gërshërë hekuri), shtetasin M. T., për shkak të një konflikti për motive të dobëta, ndërmjet tyre, në një lokal në lagjen “Dyli Haxhire”. I dëmtuari vijon të jetë në kujdesin e mjekëve. Në cilësinë e provës materiale është sekuestruar mjeti prerës me të cilin është kryer plagosja.Materialet procedurale i kaluan Prokurorisë, për veprime të mëtejshme.

Specialistët e Trafikut Urban dhe Interurban të DVP Korçë arrestuan në flagrancë shtetasin A. D., 51 vjeç, banues në Korçë, pasi në qytet u kap duke drejtuar automjetin,

në gjendje të dehur.

Korçë/Informacion paraprak

Dje, në fshatin Turan, Korçë, në një objekt kulti (teqe), janë vjedhur një sasi lekësh nga arka ku besimtarët dhuronin lekë. Grupi hetimor po punon për identifikimin dhe kapjen e autorit dhe për zbardhjen e rrethanave të ngjarjes.

Leku e mbylli javën duke u forcuar më shumë në kursin e këmbimit me të gjitha valutat e huaja kryesore. “Black Friday” ( E premtja e zezë) sot nuk ishte vetëm si një ofertë për blerje në dyqane, por dhe një nënccmim i mëtejshëm i euros ndaj momedhës vendase. Sipas kursit zyrtar të këmbimit të Bankës së Shqipërisë, Euro u këmbye të premten me 102.43 lekë, duke humbur rreth 1.5 lekë në harkun e një jave në kursin e këmbimit me monedhën vendase.

Ky është niveli më i ulët i kursit të këmbimit Euro-Lek që prej datës 2 gusht.

Rënia e Euros ka tërhequr në rënie të gjitha valutat e tjera kryesore që kuotohen në tregun shqiptar. Dollari Amerikan zbriti në nivelin e 93.9 lekëve dhe në harkun e një jave ka humbur afërsisht 1.7 lekë në kursin e këmbimit. Edhe kursi i Dollarit Amerikan me Lekun ka prekur nivelin më të ulët që prej datës 2 gusht.

Rënia është shpejtuar në dy javët e fundit për shkak të një rritjeje të fortë të ofertës së euros në tregun valutor.

Një ngjarje e rëndë është regjistruar mbrëmjen e së enjtes në Greqi, ku një 19-vjeçare shqiptare ka humbur jetën, si pasojë e një aksidenti të rëndë rrugor. në zonën e Varkizas, në rrugën Athinë-Sunio, kur dy automjete u përplasën kokë më kokë. Në njërin mjet ku ishte edhe 19- vjeçarja shqiptare, ndodheshin 5 persona në total. E reja nuk arriti ti mbijetojë plagëve të marra, teksa të tjerët ndodhen në spital jashtë rrezikut për jetën.

I dashuri i 19-vjeçares ka rrëfyer për mediet greke momentin e tmerrshëm kur ai dhe familja e vajzës morën vesh lajmin tragjik. I thashë natën e mirë në orën 23:10. Ajo doli nga puna, doli për shëtitje me kushërirën e saj, më dërgoi një selfie dhe kaq.

I dërgova mesazh, rashë në gjumë dhe nuk më tha as natën e mirë. Mamaja e saj më telefonoi në mëngjes“, shprehet i prekur i dashuri i 19- vjeçares shqiptare. “Mbesa ime… Sapo erdha nga Lobster ku punoja dhe motra dhe dhëndri më treguan për këtë. Ne i njihnim të gjithë fëmijët që ishin në makinë”, shtoi tezja e vajzës.

Kushëriri 19-vjeçar i vajzës së ndjerë, sipas informacioneve, dyshohet se drejtonte makinën fatale, ku tezja e 19-vjeçares shton “Të gjithë jemi shumë keq. Zoti i ruajt të gjithë fëmijët e botës”.

Aktori Julian Deda ka reaguar pas ndarjes nga jeta të ‘mjeshtrit të madh’ të humorit Zef Deda. Në një postim të bërë në faceboook, Julian Deda njofton se homazhet do të mbahen ditën e nesërme dhe më pas përcjellja për në banesën e fundit në varrezat e Rrmajit.

Postimi i Julian Dedës:

Me dhimbje të thellë, ju njoftoj për ndarjen nga jeta të babait tim, Zef Deda.

Homazhet do bëhen neser (e Shtune, 25 Nentor) në hollin e Teatrit “Migjeni”, qe ishte edhe shtepia e tij e dytë, duke filluar nga ora 09:00. Pas homazheve, në orën 13:00, kortezhi niset për meshën e dritës, më pas percjellja për në banesen e fundit, në varrezat e Rrmajit.

Kapet dhe vihet në pranga një 27-vjeçar i shpallur në kërkim në kuadër të operacionit antidrogë “Knock Down 2”, i zhvilluar 1 vit më parë. Si rezultat i kontrolleve të mbështetura tek informacionet e siguruara nga inteligjenca policore dhe të kryera në vijim të operacionit policor kombëtar të koduar “Sundimi i ligjit”, specialistët e Seksionit për Hetimin e Narkotikëve të DVP Korçë ndaluan shtetasin në kërkim

J. Xh., 27 vjeç, banues në Korçë.

Gjykata e Rrethit Gjyqësor Korçë ka caktuar për këtë shtetas, masën e sigurisë “Arrest në burg”, për veprën penale “Prodhimi dhe shitja e narkotikëve”, kryer në bashkëpunim. 27-vjeçari ishte shpallur në kërkim në kuadër të operacionit antidrogë të koduar “Knock down 2”, të finalizuar më datë 28.10.2022, nga strukturat e Policisë Korçë, pasi në bashkëpunim me shtetas të tjerë, ushtronte aktivitetin kriminal në fushën e prodhimit dhe shitjes së lëndëve narkotike.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

Ka ndërruar jetën në moshën 73-vjeçare mjeshtri i madh i humorit, Zef Deda. Ai ishte një nga komedianët më të njohur shqiptar, i cilësuar edhe si Charlie Chaplin i Shqipërisë. Lindi në Shkodër më 27 korrik 1950. U shkollua në qytetin e tij të lindjes, dhe ndoqi politeknikumin e ndërtimit në Tiranë. Filloi shkollën e lartë për gjuhë – letërsi, por nuk e mbaroi dot për arsye shëndetësore.

Ka punuar për më shumë se 40-vite në Teatrin Migjeni të Shkodrës.

Talenti i tij spikat që në moshë të vogël. Me një shkathtësi dhe me një plastikë të shkelqyër psiko-fizike ai arrine të realizojë qindra figura artistike. Prandaj ishte mjaft i dashur për publikun shqiptar, sidomos atë Shkodran. Pas një shkeputje prej 6 vitesh, për shkak te emigrimit jashtë atdheut, ai kthehet në vitin 1996 në Shqipëri për të ushtruar profesionin e aktorit, të cilin e vazhdoi me sukses.

Zef Deda ishte i martuar me Rozina Dedën dhe ka dy djem, Julian Deda dhe Marjan Deda. Zef Deda gjithashtu ka interprertuar edhe shumë komedi si: “Vëllai nga babai”, “Kollovari”, “Big Brother Shkodra 1”, “Big Brother Shkodra 2”, etj.

Data 22 Nëntor e njohur si Dita e Alfabetit të Gjuhës Shqipe do të jetë festë kombëtare dhe për rrjedhojë, ditë zyrtare pushimi si të gjitha festat e tjera kombëtare. Ideja për të shtuar këtë ditë të re festash kombëtare ka ardhur nga presidenti i Republikës, Bajram Begaj, por u bë e ditur të enjten nga kryeministri Edi Rama.

Më herët kjo ditë ishte bërë festë kombëtare në Maqedoninë e Veriut.

Tani pritet që të bëhet nga 2024 edhe në Shqipëri, ndërsa nuk dihet nëse kjo do të ndodhë edhe në Kosovë

Në fjalën e tij në Samitin e Tretë të Diasporës në Tiranë, Rama tha se nisma vjen me “një sugjerim shumë të arsyeshëm të Presidentit të Republikës” dhe shtoi: “…Arbën Xhaferri i cili nuk jeton më, pati vizionin që të kërkojë që Dita e Alfabetit, 22 Nëntori të jetë një ditë e njohur si festë kombëtare për shqiptarët e Maqedonisë së Veriut.

Kosova është ende pa trajner pas shkarkimit të Primoz Gliha. Përfaqësuesja dardane është në kërkim të një “timonieri” të ri ku emrat e përfolur janë të shumtë. Ilir Daja është një nga kandidatët kryesorë dhe së fundmi mediet kosovare e kanë nxjerrë në “pole-position” për këtë pozicion. Telegrafi raporton se tekniku kryeqytetas është më i preferuari nga drejtuesit e Federatës së Futbollit të Kosovës dhe është favorit për të marrë drejtimin e Kosovës.

Gjithashtu nga emrat e përfolur ishin edhe Nenad Graçan dhe Blaz Sliskoviç, por me sa duket Ilir Daja ia ka dalë të fitojë më shumë kuota.

Pritet me interes të shihet se çdo të ndodhë, teksa trajneri kryeqytetas ka shkruar historinë në futbollin kosovar duke kualifikuar dy herë në grupet e Conference League skuadrën e Ballkanit.