Mesfusha “e zbrazur”, Dita sakrifikohet sërish në mbrojtje. Shikoni si ndryshon Skënderbeu ndaj Partizanit

 

Skënderbeu ndryshon pamje në 2020-ën. Më shumë se nga afrimet në merkato, prej mungesave. Asion Daja dhe Jorgo Pëllumbi janë të pezulluar dhe zyrtarisht e humbasin Partizanin. Vend për dilema të mëdha nuk ka, të paktën kjo gjë është provuar në seancat e kësaj jave. Ilir Daja i ka fiksuar tashmë titullarët, ndërsa pritet që ta nisë me skemën 4-2-3-1. Porta i takon Koliçit, ndërsa mbrojtja ka risi. Mungesa e Pëllumbit në krahun e majtë është zëvendësuar kokë më kokë me Eni Imamin, i cili pritet që të debutojë ndaj “demave”. Nëse djathtas vendoset Meksi, në qendër janë Pollozhani me Ditën.

Skenderbeu-Partizani 2017

Ky i fundit do të sakrifikohet sërish në prapavijë, duke “zbrazur” mesfushën. Ky repart kthehet në një shqetësim, sidomos kur dihet që nuk luan as Asion Daja. E megjithatë, trajneri ka menduar që para katërshes së mbrojtjes të aktivizojë Elezin dhe Esienin, të cilët nuk kanë bërë shumë ndeshje së bashku. Edhe pse tekniku 53-vjeçar nuk i ka kursyer elozhet për formën në rritje të 18-vjeçarit nga Shkupi, ky 90-minutësh do të jetë një provë e madhe për të. Në sulm do të jetë Krasniqi, pa harruar mbështetjen e Ndekit, Gripshit dhe Bregut.

SFUMOHET SIDIBE

Merkatoja e Skënderbeut ka mbetur në “vendnumëro”. U përfol gjatë për një afrim cilësor në mesfushë, por deri dje nuk ka pasur zhvillime në hyrje. Sikur të mos mjaftonte kjo gjë, edhe pista “Sidibe” është sfumuar ndjeshëm. Klubi korçar pati arritur në parim akord me guineasit, megjithatë zyrtarizimi po vonon. Pengesë është bërë Besëlidhja, e cila nuk dëshiron që ta lëshojë lojtarin pa përfituar financiarisht. Kjo ka bërë që Ilir Daja të mos e angazhojë afrikanin me grupin, derisa klubi lezhjan këmbëngul që e ka nën kontratë.

Kf Skenderbeu

Korçarët po qëndrojnë të mënjanuar nga negociatat, pasi presin që të jetë vetë lojtari ai që do t’i zgjidhë mosmarrëveshjet me Besëlidhjen. Me merkaton që po shkon dita-ditës drejt fundit dhe me rrjedhën që po merr kjo histori, Lancinet Sidibe duket më shumë larg sesa afër Skënderbeut. Bardhekuqtë e duan, por nuk e kanë të plan që të presin pafundësisht. Për këtë arsye, drejtuesit janë duke parë alternativa të tjera për mesfushën.Panorama Sport

Korçës i këndoj,Mimoza Paraveli

 

Ka rreth dy dekada, që është një nga përfaqësueset më të denja të këngës së bukur korçare. Mimoza Paraveli ka brenda ëmbëlsinë e atij qyteti romantik e me tradita, që ia lexon në portretin e shkruar, ia dëgjon në zërin melodioz qe percillet me thjeshtësi dhe sharm.Pas këngës së suksesshme, “Po udhëtoj”, ajo nuk ka reshtur së “udhëtuari” drejt këngëve të reja dhe sukseseve.

Mimoza Paraveli

Korça ,Parisi i vogël”, qyteti i serenatave, qyteti i birrës, qyteti i dashurisë, i mikpritjes. Një qytet i qeshur, plot jetë, që të fton ta vizitosh në çdo stinë, në bardhësinë e dimrit dhe në freskinë e verës. Me malin e Moravës dhe kodra, pyje e fusha. Qyteti magjik, që i frymëzonte artistët dhe poetët të shkruanin atë muzikë dhe ato vargje, si trashëgimi e kulturës për brezat dhe me serenatat, Korça është bërë e njohur dhe e dashur për të gjithë shqiptarët.

Më datë 17 Tetor 2018, Mimoza Paraveli publikon videoklipin “Korçes I Kendoj”. Teksti i këngës u shkrua nga Jorgo Papingji.

Mimoza Paraveli

Korçës i këndoj

Me petale trendafili
Çupkën dua ta mbuloj
Dhe ne zë që ka bilbili
Korçës dua ti këndoj

Ajd të mblidhemi në Panda
që të pimë një kupë me birrë
Dy cironka tre kërnacka
Ta bëjmë qefin sa më mirë (2x)

Dhe i dehur nga marazi
Kupën unë do ta kthej
Do shkoj te dyqani i Tasit
Çupën time do ta gjej

Korça ti ,Korça me halle
Vend në botë si ty nuk gjen
Do të vishem karnavale
Në mes Korçës do kërcej

Ti shkon mer një mandolinë
Unë në mur kam një kitar
Mos këndoj për dashurinë
Mos i thonë vetes Korçar (2x)

Si Korca ne bote nuk ka !

Intervista e parë e Konicës si ministër i Shqipërisë në Uashington

 

Më, 11 korrik të 1926 mbërriti në Uashington ministri i legatës shqiptare, Faik Konica. Duke qenë se Shqipëria nuk kishte pasur kurrë legatë në Uashington, arritja e Faikut pritej me kërshëri të natyrshme nga shtypi.

Intervistën e parë si ministër i legatës shqiptare Faiku e dha për një gazetare të agjensisë së lajmeve Associated Press që erdhi për ta intervestuar në hotelin New Willard, njëra nga pyetjet e para ishte për gratë.

Zoti ministër, ju pëlqejnë gratë amerikane?

KONICA: Në Amerikë ka një përqindje më të madhe grash të bukura se në cilido qytet tjetër të botës, me përjashtim të Vjenës.

Po jeta e qarqeve shoqërore në Uashington, si ju duket?

KONICA: Oh, ajo nuk më intereson aspak dhe nuk kam ndërmend të luaj “lojën sociale” në kryeqytet. Madje i kam pasë refuzuar ofertat për të përfaqësuar Shqipërinë si diplomat në Londër e Romë pikërisht për shkak të mospëlqimit që kam për shoqërinë e lartë.

Biseda u hodh pastaj te stili bob i flokëve të grave që, në atë kohë, ishte bërë i modës në Perëndim, aq sa përshkruhej si epidemi prej disave. Krijesë e kërcimtares Helen Castle, flokët e prera në nivelin e nofullës kishin hyrë si një zgjidhje praktike për ato gra amerikane, të cilat gjatë Luftës së Parë Botërore punonin nëpër uzina. Në Amerikë ishte hapur debati nëse flokët e prera shkurt ishin shenjë emancipimi.

Zoti ministër, a tregojnë flokët bob emancipim?

KONICA: Në vendin tim, në Shqipëri, gratë e praktikojnë këtë stil që prej dy mijë vjetësh, madje tani flokët bob kanë dalë mode. Për mua, gjithë kjo zhurmë është e pashpjegushme, sepse stili bob nuk ka lidhje me emancipimin.

Cili është hobi juaj zoti ministër?

KONICA: Teatri. Kam shkruar edhe vetë drama, megjithëse punimet e mija më të mira janë esetë. Më pëlqen shumë Shekspiri dhe gjatë pesë viteve që jetova në Londër kam parë çdo pjesë të Shekspirit që është shfaqur atje. Tani jam duke përkthyer në shqip Nata e Dymbëdhjetë mirëpo loja e fjalëve që përdor Shekspiri ma bën të vështirë punën.

Pra, ju vazhdoni të shkruani edhe tani që jeni bërë ministër?

FAIKU: Patjetër, nuk do të heq dorë nga shkrimet, edhe pse jam në shërbim diplomatik.

Cilët shkrimtarë amerikanë pëlqeni më shumë?

FAIKU: Për mua më të pëlqyerit janë Henry Louis Mencken, Theodor Dreiser, Sherwood Anderson dhe James Branch Cabell, ndërsa si dramaturg më pëlqen irlandezi George Bernard Shaw.

Për çfarë ka nevojë më shumë sot vendi juaj, zoti ministër?

FAIKU: Shqipërisë i duhen biznesmenë amerikanë për të zhvilluar industrinë e saj. Biznesmenëve evropianë nuk u zihet besë, pasi kurrë s’merret vesh nëse ata nuk nisen nga motive politike. Amerikanët janë më të pëlqyer sepse shqiptarët e dinë që ata bëjnë biznes vetëm për hir të biznesit.

(Marrë nga libri i Ilir Ikonomit, “Faik Konica, jeta në Uashington“). 

‘E urrej shiun kur bie, se njëherë ma fiku një zjarr dashurie’

 

Rok grupi i njohur Elita 5 është një nga grupet më të preferuara në vendet shqipfolëse, të cilët i rezistuan kohës.Me të dëgjuar këngët e tyre, meloditë na kthejnë prapa në kohë. Sot po ju sjellim njërën nga perlat muzikore “E urrej shiun”.

Bashkangjitur gjeni videon dhe tekstin e këngës.

Elita 5

Në kitarë teli… i këputur 
ndali këngën më të bukur… 
por s’e ndali, shiun në këtë qytet.. 
Ku je buza e paputhur 
dashuria ime e humbur 
në mes të rrugës.. unë po lagem vetë.. 

dhe pse ngjajnë me shiun 
që më ndau nga ti.. 
Dashuria ish dikur 
mbet kornizë pa pikturë 
që askund nuk e shoh në mur… 

I harruar si një letër e djegur… 
në këtë rrugë pa adresë kam mbetur 
E urrej… shiun kur bie… 
se njëherë ma fiku një zjarr.. 
një zjarr dashurie… 
I urrej.. lotët e mi…

I harruar.. si një leter.. e djegur… 
në këtë rrugë.. pa adrese kam mbetur…

E urrej shiun kur bie.. 
se njëherë ma fiku një zjarr 
një zjarr dashurie… 
i urrej.. lotët e mi… 
sepse ngjajnë me shiut.. (2x) 
E urrej shiun kur bie.. 

se njëherë ma fiku një zjarr 
një zjarr dashurie… 
I urrej lotët e mi… 
dhe pse ngjajnë me shiun 
që më ndau nga ti.. 
Ti ndoshta ishe një rrufe 

që erdhe shpejt…
dhe kur shkove, nuk e dita, as e di
por këngën edhe shpresën
i le të treten nëpër shi…

Braimllari foto nga takimet në Korçë te LSI

 

Sekretari i Përgjithshëm i LSI Endrit Braimllari, pas takimit te Monika Kryemadhit në Korçë me qindra e qindra të rinjë, ka postuar në faqen e tij në facebook foto nga takimi. Po botojmë vetëm një pjesë të fotove, pasi Braimllari ka postuar me dhjetra foto.

Endrit Braimllari

Postimi i plotë bashkë me fotot :

Të rinjtë e Korçës energji pozitive dhe shpresë për ringritjen e vendit????????????#LSI_forca_e_te_rinjve @ Korçë, Albania

Korça qyteti i serenatave

 

Nga Agim Xhafka

Në Korçë këndojnë të gjithë. Pleq,plaka,burra,gra,të rinj,fëmijë ia marrin në festa,në gëzime,në dreka e darka,por edhe kot. Ose sa pér sport,ia themi një herë o byrazer? Ka plot shpjegime kjo. Ca thonë ndikon uji,ca thonë forma e fytit,ca guxojnë e ia ngjeshin ajrit e klimës,ca të tjerë…
Unë shpjegimin e kam konkret. Aty lindi para shekujsh e shekujsh serenata dhe ashtu si Italia që ruan traditën e picës apo Franca verën,korçarëve u ka rënë barra të ruajnë serenatën.

Që mos zhduket,që të lulëzojë ajo duhet kënduar. Ndaj jepini zërit patriotë,ushqejeni serenatën,mbusheni me shpirt,me ëmbëlsi dhe emocion. Ua la historia këtë mision…E korçari për një serenatë rron e gëzon.

‘Jetojmë në një botë ku dasmat janë më të rëndësishme se dashuria, ku dukja është më e rëndësishme se dituria’

 

Shkrimtari, gazetari dhe publicisti Eduardo Galeano i cili ishte i njohur me krijimet e tij fillimisht në Spanjë, e më pas i përkthyer edhe në shumë gjuhë të botës, shumë shpesh ka pasë deklarata të fuqishme, të cilat përkojnë edhe me ditët e sotme.

Ndërsa ju sjellim këtë deklaratë të famshme të Galeanos, që ka të bëjë me vdekjet, dasmat, dukjen e diturinë.

Eduardo Galeano

‘Jetojmë në një botë ku varrimi është më i rëndësishëm se i vdekuri, ku dasmat janë më të rëndësishme se dashuria, ku dukja është më e rëndësishme se dituria.
Jetojmë në kulturën e ambalazhit, e cila e urren përmbajtjen.’

Miq të mirë, libra të mirë dhe një ndërgjegje e qetë, kjo është jeta ideale – Mark Tuein

 

“Librat respektohen duke i përdorur, jo duke i lënë pas dore…”.

(Umberto Eko)

“Miq të mirë, libra të mirë dhe një ndërgjegje e qetë: kjo është jeta ideale”.

(Mark Tuein)

“Mos lexoni siç bëjnë fëmijët, për t’u zbavitur apo siç bëjnë ambiciozët për të mësuar. Jo, lexoni që të jetoni”.

(Gustav Flober)

“Kur kam pak para, blej libra; dhe kur më tepron ndonjë gjë prej tyre, blej ushqim dhe veshje”.

(Desiderius Erasmus)

“Ne jetojmë për librat”.

(Umberto Eko)

Umberto Eko

“Nëse ke një kopsht dhe një bibliotekë, atëherë ke gjithçka që të duhet”.

(Cicero)

“Librat janë pasqyra: pasqyrojnë atë çfarë kemi brenda…”.

(Carlos Ruiz Zafon)

“Kur të mos jesh më pjesë e imja, do të të heq nga kujtesa shumë yje të vegjël, atëherë qielli do të jetë kaq i bukur, saqë e gjithë bota do të bjerë në dashuri me natën…””.

(Uilljam Shekspir)

Surprizat e motit, ja çfarë na pret në 5 ditët e ardhshme

 

Shërbimi Meteorologjik Ushtarak ka publikuar parashikimin e motit për pesë ditët e ardhshme. Sipas SHMU-së, reshjet e shiut dhe të dëborës që përfshinë sot disa zona të vendit, do të ndërpriten për t’u lënë radhën ditëve me diell dhe temperatura të ulëta.

Parashikimi:

Po kalojmë një ditë me reshje lokale shiu dhe dëbore në zonat malore. E gjitha kjo, ishte ndërprerje e shkurtër e ditëve me diell.

Java që pritet të nisë, do të sjellë përsëri ditë me diell e vranësira kalimtare. Më të përqendruar vranësirat, do të jenë përgjatë maleve e në jug të vendit.

Mjegulla e mjegullina, përgjatë luginave e pranë sipërfaqeve ujore, përsëri do të gjejë kushtet e favorshme për tu formuar. Aty ku temperaturat do të jenë negative, mjegulla do të jetë e ngrirë. Përsëri, si shkak i vlerave negative si në tabelë, ngricat do të jenë të pranishme.

Era, do të fryjë kryesisht nga kuadrati i veriut e lehtë. Gjatë së hënës e të enjtes mesatare në brigjet detare. Deti pak i valëzuar e ditën e enjte i trazuar.

“Nëse dëshiron të zbulosh defektet e një femre, fillo të lavdërosh shoqet e saj.”

 

Benjamin Franklini ka lindur më datën 17 janar të vitit 1790 në Filadelfia dhe ka vdekur më 17 prill të 1790′.Ka qenë burrë shteti, shkrimtar, botues dhe filozof politik. Konsiderohet si njëri etërit e themelimit të Shteteve të Bashkuara të Amerikës.

Gjatë karrierës së tij, ai është marrë edhe me cështjet me interes publik, duke dhënë kontribut me shkrimet e tij. Franklin botoi edhe shumë traktate dhe ese nga të gjitha llojet e temave, me theks të vecantë politike, si dhe me cështjet ligjore arsimore.

Sonte, po i sjellim disa nga thëniet e tij më të famshme, në ditëlindjen e tij:

Benjamin Franklin

“Ose shkruaj diçka që ia vlen të lexohet, ose bëj diçka që ia vlen të shkruhet.”

“Sigurisht, duhet të thuash gjënë e duhur në vendin e duhur, por njëkohësisht duhet edhe të mos e thuash gjënë e gabuar në çastin kur ndjehesh i tunduar”.

“Ji në luftë me veset e tua, ji në paqe me fqinjët e tu, dhe bëj të mundur që çdo vit që vjen të të gjejë njeri pak më të mirë nga ç’ishe.”

“Njeriun që vështron tokën dhe është ateist, e kuptoj, por njeriun që vështron qiellin natën dhe prapë s’beson në Zotin, nuk kuptoj.”

One dollar

“Në këtë botë nuk ka asgjë të sigurtë përveç vdekjes dhe taksave.”

“Ji i edukuar me të gjithë; i shoqërueshëm me shumë; i afërt me pak, mik me vetëm një; armik me askënd.”

“Nëse dëshiron të zbulosh defektet e një femre, fillo të lavdërosh shoqet e saj.”

“Kush dashurohet me veten nuk ka asnjëherë rivalë.”

“Siguria pa lirinë quhet burg”.

“Mos kini frikë nga vdekja. Sa më shpejt të vdesim, aq më gjatë do të jemi të pavdekshëm.” /KultPlus.com

News