Nënkryetari i PArtisë Demokratike Edmond Spaho ka publikuar në rrjetet sociale një video nga Qafë Thana, ku prej orësh rruga është e bllokuar për shkak të rehsjeve të dendura të dëborës.

Ai ka akuzuar qeverinë se nuk ka dërguar asnjë borëpastruese që të hapë rrugën, ndërsa shton se Shqipëria nuk krahasohet as me Maqedoninë e Veriut, ku gëlojnë borëpastrueset dhe rrigët janë të kalueshme.

“Ne Qafe-Thane gjithçka eshte bllokuar. Edhe pas 24 oresh nga nisja e reshjeve, qeveria ka deshtuar te siguroje kalim normal per makinat. Maunet jane bllokuar prane doganes. Borepastruese nuk ka, megjithese paguhen mbi 15 milione euro ne vit per mirembajtjen e rrugeve.

Kjo qeveri na ka lene ne vendnumero, njesoj siç ka lene keto maune, njesoj siç la mbreme ne rruge mijera njerez ne te gjithe vendin. Nuk krahasohemi dot as me Maqedonine e Veriut, ku gelojne borepastrueset dhe rruga eshte lehtesisht e kalueshme.

8 vjet deshtime jane mjaft! Kjo qeveri na ka lene ne balte dhe ne duhet ta largojme! Ne 25 Prill, Edi Rama humb, Shqiperia fiton”, shkruan Spaho.

https://twitter.com/korcab/status/1361092505345875969?s=21

Prej orës 13:30 të ditës së sotme qindra qutetarë kanë mbetur të bllokuar në Qafë Thanë, për shkak të reshjeve të dendura të dëborës.

Situatën e bën më të vështirë edhe rrëshqitja e një autobusi dhe një kamioni, të cilët e kanë bërë të pamundur ndërhyrjen e borëpastrueseve.

Ministrja e Infrastrukturës Belinda Balluku është nisur drejt Qafë Thanës së bashku me drejtorin e ARRSH Ergys Verdho dhe drejtorin e policisë Ardi Veliu, në mënyrë që ta monitotojnë situatën nga afër.

Ish-ministri i Drejtësisë i LSI, Ylli Manjani teksa ka numëruar një për një të gjitha fatkeqësitë me të cilat është përballur vendi ynë, ka Dalë me një reagim të fortë.Manjani akuzon qeverinë se në asnjë rast nuk ka qenë e përgatitur, por pavarësisht kësaj, sipas tij, kryeministri Rama vazhdon e deklaron se “Nuk jam më i miri, po ska më të mirë”…!!

Jo vetëm kaq, por Manjani shkruan se nëse Rama fiton edhe kësaj here, hallall e pastë pushtetin, ndërsa ne komunizmin.

Postimi i plotë i Manjanit:

Qeveria dhe fatkeqsia.

Ra tërmeti, por qeveria as qen nuk kishte. Çadra, jo e jo..!!! 80% e njerëzve u strehuan nëpër familjarë e të afërm, ku banojnë edhe sot.

Ra pandemia, por qeveria as pati e as mori haber fare nga kjo gjë. Përveç pandemisë, pra fatkeqsisë shqiptarët mbajtën në kurriz edhe qeverinë. Sot pandemia është në gjendje të lirë. Shqiptarët po merren vetë me virusin, ndërkohë që merren dhe me policët e qeverisë…

Ra shi. U përmbyt vendi, por qeveria njësoj. As ndihmë, as haber. Uji vijon të bljë punën e tij. Duket se qeverinë e ka aleat.

Ra dhe dëborë. Bllokohen njerëzit në rrugë. Borëpastruese as që bëhet fjalë po as pak kripë, jo nga ajo e Nusretit, mund ta kishin hedhur. Por hiç. Asgjë…

Vetëm propagandë televizive. Ministrat janë zëdhënës, punëtorë, pastrues, lavazhierë, kafshë punë me një fjalë…

Ndërsa Ai shet pordhë me sondazhe. “Nuk jam më i miri, po ska më të mirë”…!!

Kanë mësuar një fjali tashmë që ua thonë njerëzve për ditë e për çdo gjë: “Rrini në shtëpi”..!!!
Po nëse duhet të rrinë në shpi njerëzia, pse u duhet qeveria?!

Nëse pas gjithë këtij dështimi spektakolar i ecën e pastë hallall, Ai super pushtetin dhe ne komunizmin!

---

Ah mos harroni!
Fajin e ka opozita ëëë…!!!

Një reagim ka ardhur edhe nga zv kryeministri Erjon Braçe, i cili shkruan se njê ndër akset më problematike është ai drejt Korçës, ku qytetarë të shumtë janë nisur të kalojnë Shën Valentinin.

Ja çfarê shkruan ai:

“MOTI ESHTE CMENDUR;
JO VETEM RRESHJE TE DENDURA DEBORE POR EDHE ERERA ME SHPEJTESI TE MADHE TE FORMES SE STUHISE SE BORES!

Cdo qytetari qe e ka te panevojshme qarkullimin me makine, i lutemi te qendroje ne shtepi bashke me mjetin e tij!

Momentalisht dy pika te rendesishme rrugore jane ne veshtiresi;

Miloti, rruga drejt Lezhes ku ererat e forta kane marre trajten e stuhise me debore dhe akull ne rruge;

Xibraka, rruga drejt Qafe Thanes ku dashnoret e medhenj te Korces kane krijuar nje karvan te tere mjetesh per Shen Valentin!
(Nuk kane degjuar hic per mbylljen per shkak te virusit)

Ne te dyja pikat ndodhet miniatrja e Transportit, drejtori i Autoritetit Rrugor, forcat e policise se shtetit, kontraktoret dhe borepastrueset, prefektet e qarqeve, kryetaret e bashkive;

PUNA PER ZHBLLOKIMIN E DY AKSEVE PO VIJON!

Ju lutem:
LEJONI BOREPASTRUESET TE BEJNE PUNEN NE RRUGE!

Ka 45 minuta qe eshte vendosur qe makinat e tonazhit te rende te ndalin qarkullimin per shkak se bllokojme punen e borepastrueseve!

Ndihmoni veten duke ndihmuar autoritetet shteterore tu sherbejne me punen e tyre!”

LISTA ME 11 AKSET PROBLEMATIKE NGA POLICIA

1. Aksi rrugor Milot – Lezhë – Shkodër vazhdon të jetë i bllokuar për shkak të erës së fortë që po fryn dhe të një kamioni me targa të Malit të Zi që është spostuar për shkak të akullit dhe erës së fortë.

Po punohet per kthimin e mjeteve në akse alternative dhe dhënien e ndihmës drejtuesve të mjeteve.

2. Aksi rrugor Milot – Kukës – Morinë është i kalueshëm, por me prezencë të shtresave të akullit, për shkak të temperaturave mjaft të ulëta (poshtë -12 gradë).
Nga koncensionari vazhdon shpërndarja e kripës dhe pastrimi i karrexhatës prej dëborës dhe akullit.

3. Aksi rrugor Elbasan – Librazhd është i kalueshëm me zinxhirë.
Aksi Elbasan – Pogradec është i kalueshëm dhe i hapur vetëm për mjete autovetura me zinxhirë dhe me goma dimërore;

4. Aksi rrugor Korçë – Pogradec është i kalueshëm me zinxhirë.

5. Aksi rrugor Korçë – Devoll dhe Korçë- Ersekë të kalueshëm vetëm me zinxhirë.
Në këto segmentet ka stuhi dëbore dhe temperatura mjaft të ulëta.Është pezulluar kalimi i mjeteve kamionë dhe autobuzë.

6. Akset rrugore të qarkut Vlorë dhe Fier janë të kalueshme pa probleme;

7. Aksi rrugor Burrel – Bulqizë – Dibër është i kalueshëm me vështirësi me zinxhirë vetëm për mjetet autovetura.

8. Aksi rrugor Peshkopi – Kukës është me prezencë të madhe dëbore dhe i kalueshëm vetëm me zinxhirë.

9. Akset rrugore Shkodër-Hani i Hotit dhe Shkodër-Muriqan janë të hapura dhe të kalueshme.

10. Aksi rrugor Vau i Dejës – Pukë është i hapur.

11. Akset rrugore të Qarkut Gjirokaster të kalueshme pa probleme.

Bora e rënë në orët e fundit ka sjellë bllokim në shumë qytete të vendit, ndërkohë që duket se në shumë akse rrugore nuk është hedhur as kripë për shkrirjen e akujve, duke rrezikuar jetën e drejtuesve të mjeteve dhe pasagjerëve .

Kjo panoramë paraqitet dhe në Korçë, ku siç mund ta shihni dhe në videon e mëposhtme një ambulancë ka ngecur ne rruga F.Noli ,pak metra larg spitalit, ndërkohë që qytetarët janë bërë bashkë për ta shtyrë atë .

Acari që ka mbërthyer prej disa javësh veriun e Europës u shtri këtë fundjavë edhe në jug të kontinentit. Reshjet e dendura të dëborës mbërritën deri në rajonin jugor të Bazilikatës. Dëbora arriti një nivel prej pak centimetrash, por domethënës për një rajon që shumë rrallë zbardh zonat e ulëta

Shtresa e dëborës mbuloi edhe zonat bregdetare të Adriatikut. Temperaturat në jug tejkalojnë minus 10 gradë Celcius. Orët e fundit janë shënuar 4 viktima nga aksidentet rrugore në veri të Italisë, që ku acari vijon prej disa ditësh. Në Greqi, dëbora zbriti deri në Selanik, qytet që rrallë zbardhet nga dëbora.

Dëbora është duke përparuar drejt jugut deri në Athinë. Policia njoftoi për disa raste aksidentesh si pasojë e rrëshqitshmërisë së lartë për shkak të ngricave.

Reshjet e dëborës zbardhën edhe Stambollin dhe brigjet veriore të Egjeut turk ku temperaturat megjithatë nuk shkojnë më poshtë se minus 1 gradë Celcius. Ngricat shkaktuan disa aksidente dhe probleme në qarkullimin rrugor në këto zona.

Qarkullimi i mjeteve të tonazhit të rëndë është ndaluar që të kalojë për në territorin grek përmes Kakavijës. Drejtoria Vendore e Kufirit dhe Migracionit Gjirokastër bën të ditur se “autoritetet e Policisë greke, në bazë të një njoftimi që i kanë dërguar Policisë Kufitare Kakavije, sqarojnë se për shkak të kushteve të vështira të motit, në territorin Grek nuk do të lejohet qarkullimi i mjeteve të tonazhit të rëndë për një hark kohor deri në përmirësimin e kushteve të motit”.

Sipas Policisë, do të lejohet qarkullimi i autoveturave vetëm me zinxhirë. Policia Kufitare e Kakavijës iu bën thirrje të gjithë drejtuesve të mjeteve të tonazhit të rëndë që duan të udhëtojnë drejt Greqisë, që të shmangin udhëtimin deri në përmirësim të kushteve të motit.

Burime per Korca Blog bejne me dije” se 60- vjecari i cili u gjet i pajetë buzë liqenit të Pogradecit është vëllai i aktores Marjeta Ljarja.Bëhet fjalë për shtetasin Sotiraq Ilo, i cili u gjet i pajetë në vendin e quajtur “Ura e Qytetit”, buzë liqenit të Ohrit.

Ai ishte pronar i një biznesi hidro-sanitaresh, ndërkohë që gjendja e tij depressive mendohet të jetë shkaku i mbytjes së tij në liqen.

Nga këqyrja paraprake e trupit të tij nuk janë konstatuar shenja dhune.

“Më datë 14.02.2021, rreth orës 17:10, në afërsi të vendit të quajtur “Ura e Qytetit”, buzë liqenit të Ohrit, është gjetur i mbytur një shtetas rreth 60 vjeç.

Nga këqyrja paraprake e trupit të tij nuk janë konstatuar shenja dhune.

Trupi i pajetë do të dërgohet në morgun e Spitalit, nga ku do të pritet ekspertiza mjeko-ligjore që do të përcaktojë shkakun e vdekjes.

NGrupi hetimor po punon për identifikimin e viktimës dhe zbardhjen e rrethanave të ngjarjes”, thuhet në njoftimin e policisë.

Kryetarja e LSI-së, Monika Kryemadhi ishte sot në një takim me gra e vajza të Ersekës. Gjatë fjalës së saj, ndër të tjera Kryamadhi u shpreh se “LSI është një parti që e mban fjalën e saj dhe nuk ka as shi, as borë e as stuhi që na ndal, e aq më tepër presionet e pushtetarëve këtu.”

Teksa bëri thirrje që në 25 prill të gjithë të shkojnë të votojnë, Kryemadhi u shpreh se kryeministri Rama goditjen më të madhe do ta marrë nga vetë socialistët.

“Ndaj, unë do t’ju ftoja që të punojmë çdo ditë me njerëzit tanë, me familjarët tanë, të shkojmë të trokasim shtëpi më shtëpi, derë më derë, në mënyrë të tillë që ti çojmë njerëzit më 25 prill në kutinë e votimit. E për këtë të jeni të bindur që do të na përgjigjen të gjithë, e më shumë socialistët, të cilët do ta dënojnë me votë, sepse ata nuk pranojnë dot tjetërsimin e vlerave dhe të historisë së tyre.

Një nga dhimbjet më të mëdha të socialistëve është pikërisht braktisja që po i bën baza e Partisë Socialiste. Pse ndodh kjo? Unë kam takuar shumë socialistë në Fier. Edhe dje në Korçë ne ishim në një familje socialiste dhe ata shpërthejnë më shumë se ç ‘shpërthejmë ne. Qëndrueshmëria e më shumë se 30 viteve e socialistëve që kanë qenë studentë e që sot janë gjyshër, u ka ndodhur që iu kanë tjetërsuar punën, kontributet, identitetin, vlerat dhe normalisht njerëzit e kuptojnë që vjen një njeri dhe fshin historinë e mbi 30 viteve të një partie politike. Pra, socialistëve u ka ndodhur një braktisje në masë.

Dhe unë mendoj që goditjen më të madhe do ta marrë nga socialistët e tij, por ne nuk do të gëzohemi nga kjo. Ne duhet të përgatitemi të bëjmë gati një Shqipëri anëtare të Bashkimit Evropian me dinjitet, me integritet. Një anëtare e BE-së me djemtë dhe vajzat tona që jetojnë, punojnë këtu si evropianë të vërtetë”, tha kryetarja e LSI-së.

Pas reshjeve intensive të borës që kanë përfshirë të gjithë Shqipërinë, akulli dhe bora mbizotërojnë tani në rrugët kombëtare. Dhjetëra automjete të tonazheve të ndryshme kanë mbetur të bllokuara në aksin rrugor Milot-Lezhë, ku lëvizja mbetet kaotike prej pasdites së të shtunës.

Akulli në rrugë ka krijuar vështirësi edhe në aksin rrugor Rrogozhinë-Lushnje, ku përgjatë së dielës u shënuan disa aksidente, fatmirësisht pa viktima. Në Dibër, Bulqizë, Kukës ka fshatra të izoluara nga bora që shkon deri në 70 cm. Rruga Peshkopi-Tiranë është e kalueshme me vështirësi me zinxhirë. Nga Ura e Çerenecit në Librazhd është bllokuar.

Të gjitha rrugët nacionale në Korçë janë të kalueshme vetëm me zinxhirë. Në Vlorë ka pasur reshje në qafën e Llogarasë, por kalimi është pa probleme. Temperaturat shënuan disa gradë nën zero në pjesën më të madhe të vendit ndërsa ka raportime për probleme me energjinë elektke.

Fshatra të bllokuara e vështirësi në rrugë ka edhe në qarqet e Beratit e Gjirokastrës. Reshjet e borës zbritën edhe në Bregdetin e Durrësit e qytetin e Fierit, ku banorët iu gëzuan fenomenit të rrallë për ta.

Moti në tre ditët e ardhshme do jetë shumë i acartë me temperatura shumë nën zero. Ndërsa nga e enjta fillon të largohet moti shumë i akullt.

Për me tepër shikoni tabelën e temperaturave sipas rretheve:

Mediat greke po shkruajnë për një talent 26-vjeçar nga Tirana.Bëhet fjalë për Marselino Sherifin, emri i të cilit pikasi në një talent shoë të njohur në vendin fqinj.

Ai performoi në në “The Voice of Greece” dhe menjëherë u pëlqye nga jurua dhe fitoi zemrat e publikut.

Marselino tashmë ka shkuar në finale dhe një është një nga pretendentët kryesorë për të fituar çmimin e madh.

Nëse fiton, ai pritet të lidhë një kontratë me Minos EMI / Universal.

Deputetin opozitar Arlind Çaçani e ka zënë stuhia e madhe e dëborës teksa po udhëtonte në aksin Korçë-Ersekë.

Përmes disa video-ve të publikuara prej tij, ai tregon situatën e rënduar nga stuhia e borës që ka goditur vendin tonë dy ditët e fundit.

Çaçani thotë se ndodhej në qafën e Qarrit kur nisi stuhia me erë të fortë.

“Leskovik-Ersekë-Korçë sot. Rruga ka shume probleme per shkak te stuhise, sa me shume kujdes”, shkruan ai.

Dhjetëra qytetarë janë bllokuar në doganën e Qafë-Thanës, për shkak të kushteve të vështira të motit.Atje është bllokuar edhe aktorja e njohur, Zamira Kita e cila ka treguar se kanë dy orë që presin që të zgjidhet situata.

Në një intervistë për News 24, ajo tha se fryn shumë erë dhe situata është shumë e vështirë për njerëzit që janë bllokuar.

“Kemi gati 2 orë që jemi këtu në Doganën shqiptare, për të dalë nga Maqedonia e Veriut dhe për të hyrë në Shqipëri. Ka një problem nga dogana deri në aksin nacional. Këto janë thashethemet nga qytetarët, por nuk e dimë saktësisht se çfarë ka ndodhur.

Mbase autoritetet po punojnë ku është problemi, se nuk e dimë. Por, dy orë në këtë të ftohtë, është shumë e vështirë për njerëzit që gjenden këtu. Këtu fryn shumë erë dhe bie pak borë.  Dua të bëj apel, që kjo gjendje urojmë të mbarojë sa më shpejt, të ketë zgjidhje”, tha Kita.

Mësohet se një autobus dhe kamion kanë rrëshkitur duke sjellë trafikun e rënduar në këtë zonë.

Një ngjarje e rëndë ka ndodhur në Pogradec, ku është gjetur i mbytur një i moshuar në liqen.I moshuari Sotiraq Ilo raportohet se është gjetur tek vendi i quajtur “Ura e Qytetit”, buzë liqenit të Ohrit.

Nga këqyrja paraprake e trupit të tij nuk janë konstatuar shenja dhune.

Pogradec/Informacion paraprak

Më datë 14.02.2021, rreth orës 17:10, në afërsi të vendit të quajtur “Ura e Qytetit”, buzë liqenit të Ohrit, është gjetur i mbytur një shtetas rreth 60 vjeç. 

Nga këqyrja paraprake e trupit të tij nuk janë konstatuar shenja dhune.

Trupi i pajetë do të dërgohet në morgun e Spitalit, nga ku do të pritet ekspertiza mjeko-ligjore që do të përcaktojë shkakun e vdekjes.

Grupi hetimor po punon për identifikimin e viktimës dhe zbardhjen e rrethanave të ngjarjes.