Ky është Antonio Delilaj, 17-vjeçari gjeti vdekjen tragjike në orët e para të mëngjesit të sotëm në Orange Club në Sarandë ku punonte si kamerier. Ngjarja e rëndë ndodhi rreth orës 01:15 minuta të mëngjesit të sotëm, në lagjen “Nr. 1″ në lokalin në pronësi të Spiro Iliazit. Sipas policisë kavoja e ashensorit që përdorej kryesisht për furnizimin e lokalit është këputur duke zënë poshtë A. D., 17 vjeç, ndihmës/kamarier në këtë lokal.

Për pasojë, 17-vjeçari ka humbur jetën . Policia ka arrestuar në flagrancë Lulëzim Allkushi për veprën penale ”Shkelja e rregullave të mbrojtjes në punë”

Nga veprimet hetimore të kryera ka rezultuar se 43-vjeçari i arrestuar kishte montuar ashensorin e lokalit ndërsa 37-vjeçari i shpallur në kërkim është pronari i lokalit dhe vijon puna intensive për kapjen e tij. Pronari i lokalit Spiro Iliazi është larguar dhe është shpallur në kërkim.

Stafi ka shkuar me shpejtësi për t’i dhënë ndihmë, por ka qenë e pamundur që ta shpëtonte. Lokali i njohur i natës ku ndodhi ngjarja “Orange Club” urdhëroi fikjen e muzikës dhe u kërkoi klientëve që të largohen…