Nga Ardit Qirici:

Në çdo vend ku jetojmë, shkojmë apo vizitojmë, ndeshemi me monumentet e qytetit. Ato janë si pika orientimi, të vendosura në vendet kyçe të qytetit. Duke njohur historinë e tyre, kuptojmë çfarë kanë dhënë ata për vendin dhe qytetin e tyre. Kur shohim pamjen e bustit, fillojmë të bëjmë lidhjen me atë që ata kanë bërë, për atë që vlerësohet me monumente, duke u bërë pjesë e historisë së tij.

Monumentet përfaqësojnë liderë, luftëtarë, njerëz të shquar në art, shkencë, udhëheqës që kanë dhënë për popullin e tyre. Janë monumente të njerëzve që lanë gjurmë në histori dhe që u vlerësuan për ato që u nderuan ,me mirënjohje.

Sot nuk ka më shumë monumente;

kanë ngelur vetëm ato të vjetrit dhe disa të fshehura, diku tek ish-tualetet e Pallatit të Kulturës. Themistokliu është bërë gjith glasa nga pellumbat mbi kokë dhe ne ditën e përvjetorit , pallton e pa larë, këpucët e mbuluara me baltë. Më tej, “Ushtari i Panjohur”, me pushkën e tij të thyer, tani në lokalet përreth njihet si vend takimi, i quajtur “Në ky Burri me pushkë”.

Ky qytet ka nevojë për zhvillim.

Me ritmet që po ecën, zhvillimet e sotme kërkojnë buste të reja, që tregojnë se historia e këtij qyteti nuk mbaron vetëm me ato monumente të vjetra, të cilat njihen pak nga brezat e rinj. Korça ka pasur monumente që koha i ka prishur, i ka rrëzuar ose janë shitur për bronx, por dy monumente që i kanë rezistuar këtyre viteve janë dy: Themistokli Germenji dhe “Ushtari i Panjohur”.

Sot, Korça njihet si vend turistik për atë që ofron.

Kjo rritje ekonomike dhe mirëqenie është falë bujtinave, hoteleve, lakrorëve, kernackave, misrave të pjekura, festës të birrës, asaj të mollëve dhe shumë aktiviteteve të tjera të ngjashme. Gjithçka këto meritojnë një monument, që të mbetet në histori dhe të njihet nga brezat e rinj, për të treguar çfarë ka përfaqësuar qyteti në ato kohë të lavdishme.

Boll me bustet e vjetra;

ato duhet të restaurohen, sepse askush tani nuk i njeh më. Duhet të ketë figura të reja që bëjnë këtë qytet një vend që lulëzon në çdo aspekt. Me këtë rast, hapet edhe një pjesë për tenderim investimesh në buste apo monumente. Por, për të qenë më ekonomikë dhe kursimtarë, sic na karakterizon ne në Korçë, do të ishte më e udhës që në dy pika kyçe të vendosen monumente me personazhet e rinj që do të mbahen mend për të mirat që i dhanë këtij qyteti.

Këta janë njerëz që i sollën qytetit investime pa fund, hapën vende pune, krijuan universitete që nuk përballojnë dot kërkesat, spitale të reja, aeroporte, stadiume, parqe te reja, pista ski, investitorë te huaj, filiale të firmave më prestigjose,OJQ nga te cilat ndihmuan bujqërit,te tjera me projekte nga më fantastiket, të gjitha për të mirën e qytetit. Ata bënë kaq shumë gjëra për qytetin e tyre, sa emigrantët mezi presin të kthehen në qytetin që ëndërronin, duke parë lulëzimin dhe mirëqenien që sot ekziston falë disa njerëzve që bëmë zgjedhjen e duhur, t’i nderojmë me monument.

Këta njerëz jo vetëm që nuk shkatërruan atë që gjetën, por i dhanë qytetit një tjetër dimension.

Ata përdorën taksat dhe të ardhurat vetëm për mirëqenien tonë; nuk shfrytëzuan qindarkën e qytetit, duke u sakrifikuar dhe jetuar në shtëpi me qira. Nuk vodhën asgjë, nuk u bënë pjesë e tenderave, nuk kërkuan përqindje nga asnjë investim. Çdo investim që ndodhte ishte transparent dhe u jepte mundësi të gjithëve të konkuronin,nuk u perfolën asnjëherë për abuzime as që lejuan produkte helmuese, as për përvetësime pronash publike dhe nuk u bënë asnjë herë aksionerë, sakrifikuan të gjitha për qytetin.

Po këta njerëz,

që qytetarëve u qanin hallin, i ndihmonin, u qëndronin pranë dhe i mbështesnin edhe për votimet kur ata ishin të pasigurt, janë modele të rralla për qytetin. Me njerëzit e lumtur që çdo ditë shohim në qytetin që lulëzon, pikërisht këtyre njerëzve duhet t’u ngrihen monumente, sepse do të mbahen mend nga të gjithë dhe historia do t’u tregojë brezave se në çfarë duarsh te pastra ra ky qytet.

Tre bustet që sot ky qytet meriton janë, këto dy fytyra të vërteta të njerëzve që e dhanë gjithçka për qytetin ,njërit në “Themistokliu”,tjetrit në “Ushtari i panjohur” dhe qytetarve te Korcës, një monument tek “Lëndina e lotëve” që fatkeqësisht sot janë monumentet e munguara në vëndet e duhura që ju takon.

Dy persona janë arrestuar nga policia në lagje nr.3 në Pogradec teksa kanë tentuar që të marrin peng një 17-vjeçar me të cilin ishin konfliktuar më parë për motive të dobëta. Në pranga kanë rënë Marjo Xhangolli 33 vjeç dhe Aljan Hilaj 32 vjeç, të akuzuar për veprat penale “Heqja e paligjshme e lirisë”, kryer në bashkëpunim, mbetur në tentativë dhe “Plagosja e lehtë me dashje”.

Policia gjithashtu ka publikuar dhe videon ku është tentuar marrja me forcë i 17-vjeçarit për ta hipur në automjetin e tyre, të cilin e kanë dëmtuar dhe me thikë në dorë si dhe kanë ushtruar dhunë fizike. I mituri mori mjekim në spital dhe ndodhet jashtë rreziku për jetën.

Si rezultat i veprimeve të shpejta të shërbimeve të Policisë, në kuadër të operacionit të koduar “Fast”, u identifikuan shtetasit M. Xh. dhe A. H., të cilët ishin larguar nga vendngjarja, me automjet. Ata u kapën dhe u ndaluan në bashkëpunim me shërbimet e Stacionit të Policisë Prrenjas.

Në përfundim të veprimeve, u arrestuan në flagrancë shtetasit Marjo Xhangolli dhe Aljan Hilaj, banues në Pogradec, për veprat penale “Heqja e paligjshme e lirisë”, kryer në bashkëpunim, mbetur në tentativë dhe “Plagosja e lehtë me dashje”, kryer në bashkëpunim. Materialet procedurale iu referuan Prokurorisë së Korçës, për veprime të mëtejshme.

Kreu i Partisë Demokratike Sali Berisha, ka zhvilluar këtë të hënë takimin e radhës të foltores në sheshin përpara Kryeministrisë. Në fillim të fjalës së tij, Berisha falënderoi qytetarët për pjesëmarrjen e tyre, ndërsa u shpreh se njeriu që qëndron brenda kësaj ndërtese, duke iu referuar kryeministrit Edi Rama, “është armiku i popullit”.

“Mirëmbrëma dhe përshëndetjet më të përzemërta,

mirënjohjen më të pakufishme për të gjithë ju që çdo javë, çdo të hënë, mblidheni në këtë shesh për t’u rikujtuar mbarë shqiptarëve se njeriu që qëndron në këtë ndërtesë është një armik i egër i këtij kombi, një armik i egër i të rinjve shqiptarë, që detyrohen në këtë vend me pasuri të pafundme të marrin rrugët e dheut dhe së bashku me largimin dhe ëndrrën e tyre të bukur që duhet ta ndërtonin këtu në Shqipëri, por këtu nuk e ndërtojnë dot.

Mblidheni këtu për t’u dëshmuar shqiptarëve se njeriu që qëndron në këtë ndërtesë është një armik i ëndrrës evropiane të kombit shqiptar dhe se është i gatshëm për të mbrojtur veprimtarinë e tij kriminale, vjedhjet e tij, të marrë çdo vendim, të shkelmojë çdo interes, të rrënojë çdo të ardhme, çdo ëndërr të shqiptarëve”, tha Berisha.

Ai deklaroi se largimi i të rinjve nga Shqipëria është pasojë e keqqeverisjes, duke theksuar se vendi, sipas tij, nuk u ofron mundësi për të ndërtuar të ardhmen.

Thirrje për protestë më 17 prill

Berisha u bëri thirrje qytetarëve të Tirana dhe mbarë vendit që të bashkohen më 17 në atë që e cilësoi si “ditën e kryengritjes së madhe paqësore”, për të kërkuar, sipas tij, që kryeministri Edi Rama të përballet me ligjin.

“Me 17 kemi ditën e kryengritjes së madhe paqësore, ftoj qytetarët e Tiranës dhe të mbarë Shqipërisë, të bashkohemi për t’i thënë Edi Ramës se vendi yt është para ligjit, para ligjit, para ligjit! Të hënën tjetër, në ora 7, në këtë shesh, përsëri për t’i marrë fytyrën atij që s’ka fytyrë… Edi Ramës!“, tha Berisha.

“Rama përdori mandatet e krimit për të mbrojtur veten, por doli lakuriq!”

Berisha akuzoi gjithashtu Ramën se mbron interesa personale dhe të bashkëpunëtorëve të tij, duke përmendur edhe zëvendëskryeministren Belinda Balluku.

“Miq, pak ditë më parë Edi Rama përdori mandatet e krimit në pamje të parë për të mbrojtur Lubi Ballukun, në fakt ai mbron veten e tij, mbron familjen e tij, mbron qindra milionë dhe miliarda para të vjedhura nga taksapaguesit shqiptarë dhe të vendosura në kontot e tij nëpër botë. Akti i tij ishte i shëmtuar, ishte i pashembullt.

Por të dashur miq, për të gjithë shqiptarët dhe për të gjithë njerëzit e lirë në botë, Edi Rama, ditën që mbrojti nga arrestimi Lubi Ballukun, kreu një akt të barabartë sikur të kishte dalë lakuriq në atë ballkon. Po, po, edhe ju o të nderuar policë, njëlloj sikur të kishte dalë lakuriq aty që ta shihte çdo shqiptar dhe çdo qytetar në Europë se ky është një hajdut që nuk ka ligj as moral. Atë ditë, ai tregoi veten se cili është, faktoi ato që ju i keni thënë këtu çdo të hënë. Atë ditë, ai mendoi se vendosi një mur mburojë për vjedhjet e tij. Por atë ditë ai harroi se ftoi një popull të tërë të ngrihet edhe më fuqishëm për t’i dhënë atë që meriton”, tha kryedemokrati.

Berisha: Çështja “Balluku” nuk mbyllet

Berisha deklaroi më tej se çështja që lidhet me zëvendëskryeministren Belinda Balluku nuk mund të konsiderohet e mbyllur, pavarësisht qëndrimit të kryeministrit Edi Rama.

“Miqtë e mi, ai votoi në parlament me mandatet e krimit dhe u paraqit sikur e mbylli. Çështja është e mbyllur, tha. E mbyll ti, por nuk ta mbyllim ne atë çështje. Nuk e mbyllim ne o hajdut. Ta dish mirë se nuk ka forcë në botë që të të mbrojë. Nuk ka ligj në botë që të të mbrojë ty nga aktet që ke kryer. Por e vërteta është, ua them këtu, se atë nuk e mbyllin as partnerët tanë. Ata e dinë se shqiptarët, ëndrrën më të bukur, kanë ëndrrën evropiane. Ata në fakt, në 32 vite, kanë ndihmuar shqiptarët me miliarda, miliarda, miliarda euro. Taksapaguesit e tyre janë aksionerë në ndryshimin dhe transformimin e Shqipërisë. Dhe tani që duhej të mbrohej, u tha rrini, nuk keni punë me mua. Jo, i thanë ata, ti nuk ke me ne, por ne kemi me ty.

Ndaj dhe sot përcollët mesazhet në të cilat mesazhi i parë ishte se gjersa drejtësia të funksionojë në Shqipëri, ai raport që është jetik për ecjen përpara, mbetet në klasë dhe vendnumëro”, tha Berisha duke shtuar se përballja e opozitës do të vazhdojë deri në, siç u shpreh, “fitoren” e opozitës, duke theksuar gjithashtu orientimin europian të qytetarëve shqiptarë dhe angazhimin për ta çuar vendin drejt integrimit.

Skënder Hita është drejtori i ri i Policisë së Shtetit. Vendimi është marrë dje në mbledhjen e qeverisë. Në fjalën e tij sot në ceremoninë ku të pranishëm ishin edhe zv kryeministrja Albana Koçiu dhe ministri i Brendshëm, Besfort Lamallari, Kryepolici u shpreh se marrjen e kësaj detyre të re e sheh si përgjegjësi të madhe ndaj qytetarëve.

Hita theksoi se prioritet i tij do të jetë lufta pa kompromis ndaj krimit të organizuar dhe korrupsionit, ndërsa shtoi se sfidë mbetet thellimi i rezultateve të mira dhe përmirësimi i imazhit të Policisë së Shtetit.

“Sot është ditë e rëndësishme e karrierës time, pas një rrugëtimi 25 vjeçar në uniformat blu, me dëshirën për t’u shërbyer pa kompromis qytetarëve dhe vendit, kam nderin të marr përgjegjësinë për këtë detyrë më të lartë. Këtë kurorëzim nuk e shoh thjesht si arritje personale, por si përgjegjësi të madhe ndaj qytetarëve dhe punonjësve të policisë së shtetit. Gjej rastin të falënderoj kryeministrin dhe qeverinë për besimin e dhënë si dhe çdo koleg me të cilin kemi ndarë këtë rrugëtim sakrificash.

I jam mirënjohës çdo efektivi të policisë që shërben çdo ditë me përkushtim. Nderim për dëshmorët e policisë dhe respekt për veteranët që mbeten burim frymëzimi për ne. Është punuar dhe sakrifikuar shumë deri më sot, por mbetet sfidë thellimi i rezultateve dhe përmirësimi akoma më shumë i imazhit të policisë sepse një polici e denjë matet me besimin që fiton çdo ditë nga qytetarët.”, u shpreh Hita.

Reagimi i ministrit Besfort Lamallarit

Sot në mbledhjen e Këshillit të Ministrave miratuam vendimin për dhënien e gradës Drejtues Madhor dhe emërimin e Drejtorit të Përgjithshëm të Policisë së Shtetit, z.Skënder Hita. Ky është një vendim i bazuar në meritë, profesionalizëm dhe integritet.

Skënder Hita ka rezultuar ndër kandidatët më të vlerësuar nga një proces konkurrues, duke dëshmuar përvojë të spikatur, vizion të qartë strategjik dhe angazhim të palëkundur ndaj ligjit dhe qytetarëve.

Policia e Shtetit ka një rol kyç në garantimin e rendit dhe sigurisë publike. Prandaj, drejtimi i saj kërkon jo vetëm aftësi profesionale, por edhe ndershmëri, etikë dhe përgjegjësi të lartë publike. Jam i bindur se, nën drejtimin e tij, Policia e Shtetit do të vijojë të forcojë performancën, të rrisë besimin e qytetarëve dhe të përmbushë me përkushtim misionin e saj në shërbim të sigurisë dhe shtetit të së drejtës

Një ngjarje e rëndë është regjistruar në Selanik, ku një grua 59-vjeçare është gjetur e pajetë në banesën e saj në zonën e Evosmos. Sipas informacioneve paraprake, viktima, e cila jetonte në Gjermani, ishte denoncuar si e zhdukur nga një shoqe e saj e ngushtë, e cila nuk kishte mundur të lidhej me të.

Kjo e fundit ka njoftuar policinë, e cila më pas ka ndërhyrë në banesën në rrugën Arrianou.

Gjatë kontrollit, 59-vjeçarja u gjet gjysmë e zhveshur, me një rrip të mbështjellë rreth qafës, çka ka ngritur dyshime të forta për një vdekje të dhunshme.

Në vendngjarje ndodhet një mjek ligjor, ndërsa hetimet paraprake janë marrë përsipër nga strukturat përkatëse të hetimit të krimit të organizuar.

Mësohet se gruaja kishte ardhur në Greqi për një shërbim përkujtimor për fëmijën e saj dhe kishte paguar paraprakisht për blerjen e banesës ku u gjet e pajetë.

Autoritetet vijojnë hetimet për zbardhjen e plotë të rrethanave të kësaj ngjarjeje të rëndë.

Kreu i Partisë Demokratike Sali Berisha, ka zhvilluar këtë të hënë takimin e radhës të foltores në sheshin përpara Kryeministrisë. Në fillim të fjalës së tij, Berisha falënderoi qytetarët për pjesëmarrjen e tyre, ndërsa u shpreh se njeriu që qëndron brenda kësaj ndërtese, duke iu referuar kryeministrit Edi Rama, “është armiku i popullit”.

“Mirëmbrëma dhe përshëndetjet më të përzemërta,

mirënjohjen më të pakufishme për të gjithë ju që çdo javë, çdo të hënë, mblidheni në këtë shesh për t’u rikujtuar mbarë shqiptarëve se njeriu që qëndron në këtë ndërtesë është një armik i egër i këtij kombi, një armik i egër i të rinjve shqiptarë, që detyrohen në këtë vend me pasuri të pafundme të marrin rrugët e dheut dhe së bashku me largimin dhe ëndrrën e tyre të bukur që duhet ta ndërtonin këtu në Shqipëri, por këtu nuk e ndërtojnë dot.

Mblidheni këtu për t’u dëshmuar shqiptarëve se njeriu që qëndron në këtë ndërtesë është një armik i ëndrrës evropiane të kombit shqiptar dhe se është i gatshëm për të mbrojtur veprimtarinë e tij kriminale, vjedhjet e tij, të marrë çdo vendim, të shkelmojë çdo interes, të rrënojë çdo të ardhme, çdo ëndërr të shqiptarëve”, tha Berisha.

Ai deklaroi se largimi i të rinjve nga Shqipëria është pasojë e keqqeverisjes, duke theksuar se vendi, sipas tij, nuk u ofron mundësi për të ndërtuar të ardhmen.

Thirrje për protestë më 17 prill

Berisha u bëri thirrje qytetarëve të Tirana dhe mbarë vendit që të bashkohen më 17 në atë që e cilësoi si “ditën e kryengritjes së madhe paqësore”, për të kërkuar, sipas tij, që kryeministri Edi Rama të përballet me ligjin.

“Me 17 kemi ditën e kryengritjes së madhe paqësore, ftoj qytetarët e Tiranës dhe të mbarë Shqipërisë, të bashkohemi për t’i thënë Edi Ramës se vendi yt është para ligjit, para ligjit, para ligjit! Të hënën tjetër, në ora 7, në këtë shesh, përsëri për t’i marrë fytyrën atij që s’ka fytyrë… Edi Ramës!“, tha Berisha.

“Rama përdori mandatet e krimit për të mbrojtur veten, por doli lakuriq!”

Berisha akuzoi gjithashtu Ramën se mbron interesa personale dhe të bashkëpunëtorëve të tij, duke përmendur edhe zëvendëskryeministren Belinda Balluku.

“Miq, pak ditë më parë Edi Rama përdori mandatet e krimit në pamje të parë për të mbrojtur Lubi Ballukun, në fakt ai mbron veten e tij, mbron familjen e tij, mbron qindra milionë dhe miliarda para të vjedhura nga taksapaguesit shqiptarë dhe të vendosura në kontot e tij nëpër botë. Akti i tij ishte i shëmtuar, ishte i pashembullt.

Por të dashur miq, për të gjithë shqiptarët dhe për të gjithë njerëzit e lirë në botë, Edi Rama, ditën që mbrojti nga arrestimi Lubi Ballukun, kreu një akt të barabartë sikur të kishte dalë lakuriq në atë ballkon. Po, po, edhe ju o të nderuar policë, njëlloj sikur të kishte dalë lakuriq aty që ta shihte çdo shqiptar dhe çdo qytetar në Europë se ky është një hajdut që nuk ka ligj as moral. Atë ditë, ai tregoi veten se cili është, faktoi ato që ju i keni thënë këtu çdo të hënë. Atë ditë, ai mendoi se vendosi një mur mburojë për vjedhjet e tij. Por atë ditë ai harroi se ftoi një popull të tërë të ngrihet edhe më fuqishëm për t’i dhënë atë që meriton”, tha kryedemokrati.

Berisha: Çështja “Balluku” nuk mbyllet

Berisha deklaroi më tej se çështja që lidhet me zëvendëskryeministren Belinda Balluku nuk mund të konsiderohet e mbyllur, pavarësisht qëndrimit të kryeministrit Edi Rama.

“Miqtë e mi, ai votoi në parlament me mandatet e krimit dhe u paraqit sikur e mbylli. Çështja është e mbyllur, tha. E mbyll ti, por nuk ta mbyllim ne atë çështje. Nuk e mbyllim ne o hajdut. Ta dish mirë se nuk ka forcë në botë që të të mbrojë. Nuk ka ligj në botë që të të mbrojë ty nga aktet që ke kryer. Por e vërteta është, ua them këtu, se atë nuk e mbyllin as partnerët tanë. Ata e dinë se shqiptarët, ëndrrën më të bukur, kanë ëndrrën evropiane. Ata në fakt, në 32 vite, kanë ndihmuar shqiptarët me miliarda, miliarda, miliarda euro. Taksapaguesit e tyre janë aksionerë në ndryshimin dhe transformimin e Shqipërisë. Dhe tani që duhej të mbrohej, u tha rrini, nuk keni punë me mua. Jo, i thanë ata, ti nuk ke me ne, por ne kemi me ty.

Ndaj dhe sot përcollët mesazhet në të cilat mesazhi i parë ishte se gjersa drejtësia të funksionojë në Shqipëri, ai raport që është jetik për ecjen përpara, mbetet në klasë dhe vendnumëro”, tha Berisha duke shtuar se përballja e opozitës do të vazhdojë deri në, siç u shpreh, “fitoren” e opozitës, duke theksuar gjithashtu orientimin europian të qytetarëve shqiptarë dhe angazhimin për ta çuar vendin drejt integrimit.

Programi shumë i ndjekur “Big Brother VIP” do të pësojë një ndryshim të përkohshëm në orarin e transmetimit këtë javë. Spektakli nuk do të shfaqet në ditën e zakonshme, pasi i është lënë hapësirë një ngjarjeje të rëndësishme sportive që pritet të mbajë të gozhduar para ekranit tifozët shqiptarë.

Bëhet fjalë për ndeshjen mes Kosovës dhe Turqisë, e vlefshme për kualifikueset e Kampionatit Botëror, e cila do të luhet të mërkurën në orën 20:45. Ky takim do të transmetohet ekskluzivisht në Top Channel dhe në platformën DigitAlb, duke marrë vëmendjen kryesore të mbrëmjes. 

Përfaqësuesja e Kosovës vjen në këtë përballje me moral të lartë, pas një fitoreje historike të arritur pak ditë më parë ndaj Sllovakisë, çka e ka rritur ndjeshëm entuziazmin dhe shpresat për një kualifikim të mundshëm.

Ndërkohë, brenda shtëpisë së “Big Brother VIP”, loja vazhdon me ritme të forta dhe tensione të shtuara. 

Në nominim këtë javë janë Mal, Edisa dhe Shëndrit, ku ky i fundit përfundoi në televotim pasi hapi të ashtuquajturën “Kutinë e Pandorës”, një vendim që ndikoi drejtpërdrejt në rrjedhën e lojës. 

Tashmë gjithçka mbetet në dorën e publikut, i cili do të vendosë se cili prej banorëve do të largohet nga gara. E mërkura do të jetë vendimtare për të zbuluar emrin e banorit më pak të votuar dhe për të parë se si do të ndryshojë dinamika në shtëpi pas eliminimit të radhës.

View this post on Instagram

Një i burgosur ka ndërruar jetë si pasojë e një arresti kardiak në Korçë. Drejtoria e Përgjithshme e Burgjeve bën me dije se 64-vjeçari Hysni Repaj, u dërgua me urgjencë në spitalin rajonal në Korçës, por nuk ka mundur të mbijetojë.  Ai po vuante dënimin me burg përjetë për vrasje me dashje. 

“Gjatë procedurave të ekzaminimit në këtë spital, gjendja shëndetësore e të dënuarit u përkeqësua, duke përfunduar në arrest kardiak respirator. Pavarësisht ndërhyrjes dhe ndihmës mjekësore të dhënë, ai nuk arriti të rikthehej në jetë, duke rezultuar në humbjen e jetës.”, thuhet në njoftimin për shtyp.

Në njoftim bëhet me dije se gjatë kryerjes së dënimit, ai është trajtuar edhe për probleme të shëndetit mendor.

Njoftimi i plotë:

Sot, më datë 30.03.2026, rreth orës 09:40, është shoqëruar me urgjencë në ambientet e Spitalit Rajonal Korçë i dënuari me burgim të përjetshëm, Hysni Qamil Repaj, i datëlindjes 15.01.1962, lindur dhe banues në Shkodër.

I dënuari vuante dënimin për veprat penale “Vrasje me dashje në lidhje me një krim tjetër” dhe “Armëmbajtje pa leje”, të parashikuara nga nenet 77 dhe 278 të Kodit Penal. Gjatë vuajtjes së dënimit, ai është trajtuar edhe për probleme të shëndetit mendor nga mjeku psikiatër.

Në konsultën e kryer sot nga mjeku i institucionit, Pajtim Hoxhaj, u konstatua përmes oksimetrit se të rrahurat e zemrës ishin të ulëta (bradikardi). Për këtë arsye, i dënuari u dërgua urgjentisht në shërbimin e urgjencës së Spitalit Rajonal Korçë për vlerësim të mëtejshëm nga mjekët specialistë.

Gjatë procedurave të ekzaminimit në këtë spital, gjendja shëndetësore e të dënuarit u përkeqësua, duke përfunduar në arrest kardiak respirator. Pavarësisht ndërhyrjes dhe ndihmës mjekësore të dhënë, ai nuk arriti të rikthehej në jetë, duke rezultuar në humbjen e jetës.

Janë njoftuar Prokuroria dhe SHKKB.

Një aksident automobilistik është regjistruar pasditen e sotme në aksin nacional Korçë–Maliq, pranë fshatit Bulgarec. Sipas informacioneve paraprake, një automjet tip “Opel Corsa”, teksa ka tentuar të hyjë në një rrugë dytësore, është përplasur kokë më kokë me një mjet tip “BMW” që lëvizte në aksin kryesor.

Si pasojë e përplasjes kanë mbetur të lënduar tre persona, pjesëtarë të një familjeje, babai dhe dy fëmijët e mitur. Ata janë transportuar me urgjencë drejt Spitalit Rajonal të Korçës, ku po marrin ndihmën e nevojshme mjekësore.

“Aksident në aksin Korçë-Pogradec, në afërsi të fshatit Çiflig. Dy mjete janë përplasur me njëra tjetrën duke shkaktuar dëme të shumta materiale. Në spitalin e Korçës janë dërguar dy të mitur, përkatësisht 9 dhe 10 vjeç që kanë qenë brenda mjeteve. Fëmijët po bëjnë kontrollet në spital, ndërsa policia po bën zbardhjen e rrethanave të aksidentit”, tha policia.

Burime nga spitali bëjnë me dije se dy të miturit ndodhen në repartin e pediatrisë dhe janë jashtë rrezikut për jetën.

Në vendngjarje ndodhen shërbimet e policisë, të cilat po punojnë për zbardhjen e plotë të rrethanave të aksidentit.

Një sherr i dhunshëm ka ndodhur ditën e sotme mes disa të rinjve në një servis makinash në Korçë ku mësohet se ka mbetur i plagosur njëri prej tyre. Mesohet se është goditur me gërshërë Renaldo Xhixho i cili ka pësuar dëmtime e për rrjedhojë është nisur drejt spitalit me urgjencë. Ai është pronar i një servisi për shërbim tapicerie në lagjen 10.

Ngjarja ka shpërthyer pasi tre klientët kanë sjellë makinën për të ndryshuar ngjyrën dhe, sipas pretendimeve të tyre, nuk ishin të kënaqur me rezultatin. Për më tepër, ata nuk kishin kryer pagesën për shërbimin, gjë që ka tensionuar situatën dhe ka çuar në një konflikt fizik me përdorim të një mjeti të mprehtë (gërshërë).

Gjatë përplasjes, Xhixho është plagosur me një mjet prerës, konkretisht gërshërë, dhe është transportuar në spital për të marrë ndihmë mjekësore.

Të lënduar kanë mbetur gjithashtu edhe Ergys Themelko, Erion Demolli dhe Lidi Meno. Ndërkohë, policia po punon për zbardhjen e plotë të rrethanave të ngjarjes, ndërsa pritet marrja në pyetje e personave të përfshirë dhe dëshmitarëve.

Ndërkohë, grupi hetimor po vijon punën për sqarimin e mëtejshëm të rrethanave të ngjarjes.

“Mëngjesin e sotëm, në lagjen nr. 10, Korçë, ka ndodhur një konflikt fizik midis disa shtetasve. Si pasojë e konfliktit, janë dëmtuar 3 prej tyre (njëri prej të cilëve me mjet prerës gërshërë) të cilët u dërguan për mjekim në spital, jashtë rrezikut për jetën.  Në ambientet e Komisariatit ndodhet i shoqëruar një shtetas, për veprime të mëtejshme procedurale” thuhet në njoftimin e policisë.

Një sherr i dhunshëm ka ndodhur ditën e sotme mes disa të rinjve në një servis makinash në Korçë ku mësohet se ka mbetur i plagosur njëri prej tyre. Burimet bëjnë me dije se është goditur me gërshërë Renaldo Xhixho i cili ka pësuar dëmtime e për rrjedhojë është nisur drejt spitalit me urgjencë. Ai është pronar i një servisi për shërbim tapicerie në lagjen 10.

Ngjarja ka shpërthyer pasi tre klientët kanë sjellë makinën për të ndryshuar ngjyrën dhe, sipas pretendimeve të tyre, nuk ishin të kënaqur me rezultatin. Për më tepër, ata nuk kishin kryer pagesën për shërbimin, gjë që ka tensionuar situatën dhe ka çuar në një konflikt fizik me përdorim të një mjeti të mprehtë (gërshërë).

Gjatë përplasjes, Xhixho është plagosur me një mjet prerës, konkretisht gërshërë, dhe është transportuar në spital për të marrë ndihmë mjekësore.

Të lënduar kanë mbetur gjithashtu edhe Ergys Themelko, Erion Demolli dhe Lidi Meno. Ndërkohë, policia po punon për zbardhjen e plotë të rrethanave të ngjarjes, ndërsa pritet marrja në pyetje e personave të përfshirë dhe dëshmitarëve.

Ndërkohë, grupi hetimor po vijon punën për sqarimin e mëtejshëm të rrethanave të ngjarjes.

“Mëngjesin e sotëm, në lagjen nr. 10, Korçë, ka ndodhur një konflikt fizik midis disa shtetasve. Si pasojë e konfliktit, janë dëmtuar 3 prej tyre (njëri prej të cilëve me mjet prerës gërshërë) të cilët u dërguan për mjekim në spital, jashtë rrezikut për jetën.  Në ambientet e Komisariatit ndodhet i shoqëruar një shtetas, për veprime të mëtejshme procedurale” thuhet në njoftimin e policisë.

Pas 1 dite rënie, shtrenjtohet sërish çmimi i naftës. Në mbledhjen që u mbajt mëngjesin e sotëm Bordi i Transparencës të Hidrokarbureve ka vendosur rritjen e çmimit të naftës me 15 lekë dhe të benzinës me 6 lekë për tregun e pakicës.

Nga 203 lekë çmimi i naftës u rrit në 218 lekë për litër.

Bordi i Transparencës në datë 28 Mars 2026, në mbledhjen e radhës vendosi:

Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 218 lekë/litri, ndërsa i shitjes me shumicë jo më shumë se 206 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 218 lekë/litri,ndërsa i shitjes me shumicë jo më shumë se 169 lekë/litër.

Çmimet e caktuara nga Bordi do të hynë në fuqi sot datë 28 Mars ora 10.30 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.

Në rast të shkeljeve të konstatuara nga operatorë të ndryshëm do të vendoset pezullimi i aktivitetit.

Ministria e Ekonomisë dhe Inovacionit sëbashku me Ministrinë e Financave dhe Ministirinë e Infrastrukturës dhe Energjisë janë angazhuar të mbrojnë interesat e konsumatorëve shqiptarw dhe ruajtjes së parimeve të konkurencës së ndershme në treg.

Në mbledhjen e parë të zhvilluar ditën e premte, Bordi i Transparencës vendosi të ulë çmimet. Nga 214 lekë për litër që çmimi qëndroi për 8 ditë u ul në nivelin e 203 lekë për litër. Ndërsa Benzina nga 199 lekë për litër u vendos në 175 lekë për litër.

Policia e Korçës ka arrestuar dy grekë në pikën kufitare të Kapshticës. Ata janë identifikuar si Thomas Kathreptis, 48-vjeç dhe Antiopi Marinou, 34-vjeç. Sipas të njoftimi të bluve pas informacioneve të marra se një automjet me targa greke do të transportonte lëndë narkotike drejt Maqedonia e Veriut, me destinacion final Greqi, nisën menjëherë kontrollet.

Gjatë kontrollit, përfshirë edhe skanimin e automjetit, u zbuluan 37 pako me lëndë të dyshuar narkotike kanabis sativa, të fshehura në një hapësirë të modifikuar në pjesën e poshtme të mjetit.

Sasia totale e sekuestruar e lëndës narkotike arrin rreth 34 kilogramë.

Oficerët e policisë së Lasithi, në Kretë të Greqisë, kanë arrestuar një shqiptar për vjedhjen e 11,000 eurove nga shoku i tij i dhomës, një shtetas egjiptian. Sipas informacioneve nga “Protothema”, vjedhja ndodhi në një shtëpi në Elounda, ku jetonin shqiptari dhe dy burra nga Egjipti. Të tre nuk janë vetëm shokë dhome, por edhe kolegë, pasi punojnë në të njëjtin kantier ndërtimi në zonë.

Njëri nga dy egjiptianët raportoi në polici dje, të martën, se i ishin vjedhur afërsisht 11,000 euro, të cilat i kishte fshehur në shtëpi.

Edhe shqiptari pretendoi se i ishin vjedhur paratë e tij, afërsisht 400 euro, ndërsa dyshohet se i kishte thënë policisë se bëhej fjalë për vjedhje me thyerje, pasi dera ishte hapur me forcë, duke inskenuar krimin e plaçkitjes.

Në kuadër të hetimit paraprak, oficerët e Policisë greke u informuan se shqiptari ishte kthyer vetëm në një moment të papritur, duke thënë se “kishte harruar diçka”. Pas analizimit të pamjeve filmike të kamerave, policia kuptoi se vjedhja ishte kryer nga shqiptari dhe jo nga një person i panjohur.

Vlerësohet se autori i krimit kishte parë se ku egjiptiani po i fshihte paratë, shfrytëzoi rastin dhe i rrëmbeu ato. Atij iu gjetën afërsisht 8,000 euro, të cilat iu kthyen pronarit të tyre.

Shqiptarin tha se pjesën tjetër të parave i “investoi” në lojërat e fatit.

Partia Mundësia ka nisur përgatitjet për zgjedhjet e ardhshme vendore, me përzgjedhjen e kandidatëve për kryetarë të Bashkive dhe për këshilltarë bashkiakë. “Mundësia” do të garojë me kandidatët e saj në të gjitha Bashkitë e Shqipërisë, teksa kryetari Agron Shehaj ka bërë thirrje që qytetarë të interesuar për t’u bashkuar me forcën politike që ai drejton, të përfshihen në këtë proces.

“Ne do të jemi prezentë në të gjitha Bashkitë e Shqipërisë me kandidatët tanë për Bashkitë dhe për këshilltarët bashkiakë.

Sot kemi filluar dhe me takimet me kandidatë që duan, me qytetarë që duan të na afrohen dhe duan të bëhen pjesë e garës për Bashkitë në të gjithë Shqipërinë. Pres nga secili prej jush që të vijë, të propozohet, të na bashkohet. Kemi nevojë për mbështetjen e të gjithëve. Na duhen pothuajse 1600 kandidatë për këshillat bashkiakë”, shprehet Shehaj në videon e publikuar në rrjetet sociale.

Thirrja e Agron Shehajt u bë pas një takimi me koordinatorët e forcës politike në të gjithë vendin, të cilët kontribuuan në mbledhjen e 100 mijë firmave në mbështetje të drejtësisë dhe luftës kundër korrupsionit.

Gjatë fjalës së tij, Shehaj vlerësoi angazhimin e strukturave dhe besimin e qytetarëve në këtë iniciativë të rëndësishme.