Shqiptarët janë komuniteti i dytë më i madh që jetojnë në Itali, pas rumunëve. Sipas të dhënave të Eurostat për strukturën e popullsisë së huaj sipas vendit të lindjes, rreth 557 mijë persona të lindur në Shqipëri jetonin në Itali, ndërsa rreth 416 mijë rezultojnë si shtetas shqiptarë.

Diferenca mes këtyre dy shifrave lidhet kryesisht me faktin që një pjesë e emigrantëve shqiptarë kanë marrë ndërkohë shtetësinë italiane, që vlerësohet rreth 141 mijë persona.

Kjo e konfirmon komunitetin shqiptar si të dytin më të madh në Itali pas atij rumun, duke ruajtur një prani shumë të konsoliduar në tregun italian të punës dhe në strukturën sociale të vendit. Shtetasit e lindur në Shqipëri përbëjnë 8.3% të totalit të emigrantëve në Itali.

Grupi më i madh i emigrantëve në Itali janë rumunët, me rreth 900 mijë shtetas të lindur në Rumani, ose 13.5% të totalit.

Duke pasur parasysh popullsitë aktuale të dy vendeve, Rumania me 19 milionë banorë dhe Shqipëria me 2.36 milionë banorë, komuniteti shqiptar në Itali, në raport me popullsinë në vendin mëmë, është disa herë më i madh se ai rumun.

Eurostat nuk raporton të dhënat për Greqinë, ku jetojnë një numër i lartë emigrantësh shqiptarë, që vlerësohet që janë në të njëjtin nivel, ose më shumë se në Itali.

Në raport me popullsinë, Shqipëria ka numrin më të lartë të emigrantëve në Europë, me afërsisht 1 në 2 shqiptarë jeton në BE, çka e vendos vendin dukshëm në krye të listës në raport me popullsinë.

Përmasa masive e emigracionit, Shqipëria kryeson listën e vendeve që kanë më shumë shtetas në BE

Eurostat ka raportuar për çdo shtet të BE-së, pesë kombësitë kryesore të qytetarëve të huaj. Në Slloveni, psh ka rreth 30 mijë shtetas të lindur në Kosovë, ose 9.3% të totalit.

Sipas Eurostat, më 1 janar 2024, 44.7 milionë persona të lindur jashtë BE-së jetonin në një vend të Bashkimit Europian, duke përfaqësuar 9.9% të popullsisë së BE-së. Kjo përfaqëson një rritje prej 2.3 milionë personash krahasuar me vitin e mëparshëm.

Përveç kësaj, 17.9 milionë persona që jetonin në një nga vendet e BE-së më 1 janar 2024 kishin lindur në një vend tjetër të BE-së, duke shënuar një rritje prej 0.2 milionë personash krahasuar me një vit më parë.

Në terma absolutë, numri më i madh i personave të lindur jashtë vendit që jetonin në BE më 1 janar 2024 gjendej në Gjermani (16.9 milionë), Francë (9.3 milionë), Spanjë (8.8 milionë) dhe Itali (6.7 milionë). Personat e lindur jashtë vendit në këto katër vende përbënin së bashku 66.6% të totalit të personave të lindur jashtë vendit që jetonin në BE, ndërsa të njëjtat katër vende përbënin 57.8% të popullsisë totale të BE-së.

Pesha më e lartë relative e personave të lindur jashtë vendit në raport me popullsinë totale u regjistrua në Luksemburg (51.0% e popullsisë rezidente), e ndjekur nga Malta (30.8%), Qipro (26.9%), Irlandë (22.6%), Austri (22.1%), Suedi (20.6%) dhe Gjermani (20.2%).

Në të kundërt, personat e lindur jashtë vendit përbënin më pak se 5% të popullsisë në Poloni (2.6%), Rumani (3.1%), Bullgari (3.3%) dhe Sllovaki (3.9%)./ Monitor

Kryeministri Edi Rama gjatë mbledhjes së Grupit Parlamentar të Partisë Socialiste ditën e sotme theksoi se asnjë prokuror dhe as mediat nuk mund të përcaktojnë fajësinë apo pafajësinë e deputetes Belinda Balluku, duke nënvizuar se vetëm procesi gjyqësor ka këtë kompetencë. Ai shtoi se rezultatet e punës në dy sektorë të rëndësishëm si Infrastruktura dhe Energjia janë meritë e gjithë skuadrës qeverisëse, jo vetëm e një individi.

Rama: Fajësinë apo pafajësinë e Belinda Ballukut nuk e përcakton dot as një prokuror, as dy uturakë mediatikë që mbledhin dhe hedhin jashtënxerrjet e urrejtejs ndaj nesh duke pastruar para nën sytë e mbyllur të prokurorisë që i ka dosjet e depozituara nga Tatimet e Republikës së Shqipërisë.

Tatimet janë të Republikës prandaj nuk janë aq të rëndësishme sa janë qimblellinjtë që janë të hurit dhe të litarit. Nuk e përcaktojnë as të gjitha tenxheret bashkë, fajësinë ose pavajësinë e përcakton vetëm procesi gjyqësor. Pasqyra e fakteve të një pune kolosale, nuk i takon vetëm një personi me një rol të pamohueshem në këto dy sektorë por të gjithë atyre që kanë pasur një rol për luajtur nga skuadra e qeverisë te ajo e ministrisë së Infrastrukturës.

Shefi i qeversisë iu drejtua edhe qytetarëve me një mesazh, duke theksuar se prezumimi i pafajësisë është një parakusht absolut i çdo procesi gjyqësor dhe vijë ndarëse mes demokracisë dhe diktaturës. Ai shtoi se mbrojtja e të vërtetës dhe e pavarësisë së drejtësisë mbetet një nga sfidat historike të qeverisë së tij.

Rama: Për të gjithë ata njerëz të zakonshëm të këtij vendi,

me kushtin që të mos jenë pjesë e turmës së shurdhave dhe qorrave me molotov në gojë dhe duar, dhe që e kanë gjykuar pa gjyq, dënuar pa i dhënë as të drejtën të mbrohet në Gjykatë dhe duan ta shohin në burg Belinda Ballukun pa pritur as të hapet dera e sallës së gjyqit, u them t’i bëjnë vetes një pyetje. Ku ndryshojmë ne, apo ku duhet të ndryshojmë ne shqiptarët e sotëm pavarësisht bindjeve politike nga ata që dje e deshën të pushkatuar gjyshin e saj. Kjo nuk është një pyetje që e bëj sot për të mbrojtur Ballukun nga e vërteta që i takon vetëm procesit mes saj dhe drejtësisë sepse unë nuk jam avokati i askujt këtu. Kjo është një pyetje që e bëj sot për të mbrojtur të vërtetën e madhe që i takon vetëm demokracisë nga të gjithë abuzuesit e saj sepse jam kryeministri i këtij vendi.

Kjo e vërtetë e madhe quhet prezumimi i pafajësisë si parakusht absolut i çdo hetimi dhe procesi gjyqësor dhe vijë ndarëse mes demokracisë dhe diktaturës, mes drejtësisë dhe arbitraritetit. Ndërsa sfida historike e kësaj partie është mbrojtja e pavarësisë së drejtësisë.

Belinda Balluku do të vazhdojë të jetë drejtuese politike e qarkut të Fierit. Kështu u shpreh kryeministri Edi Rama gjatë mbledhjes së grupit parlamentar të Partisë Socialiste, pasi PS shprehu publikisht qëndrimin kundër arrestimit të deputetes socialiste.

Në fjalën e tij, Rama tha se ndaj Ballukut nuk është ngritur akuzë për korrupsion apo vjedhje, por vetëm për dyshimin e shkeljes së barazisë në tendera publikë.

Sipas kreut të qeverisë, akuza është ngritur bazuar në disa mesazhe të gjetura vite më vonë në telefonin e një ish-zyrtari, duke iu referuar vartësit të Ballukut, Evis Berberi.

“Ndaj saj është ngritur një akuzë, jo për vjedhje, jo për korrupsion dhe të lidhur me ndonjë skenë krimi apo flagrancë në krye të një vepre të rëndë penale. Por vetëm për dyshimin e arsyeshëm se në cilësinë e ish-ministres ka kryer veprën penale të pabarazisë në tendera publikë, 6 vite më parë, bazuar në disa mesazhe të gjetura vite më vonë në celularin e një ish-drejtori”, tha Rama.

Ai kritikoi gjithashtu vendimin për pezullimin e Ballukut nga detyra, duke thënë se ishte një masë absurde.

“Masë absurde sepse pezulloi funksionin dhe jo thjesht personin. Nuk ka ndodhur kurrë dhe askund tjetër në botë një budallallëk i kësaj natyre”, u shpreh kryeministri.

Rama shtoi se çështja po diskutohet në Kuvend në bazë të të drejtës kushtetuese për të autorizuar ose jo arrestimin e një deputeti.

Banorja e ‘BBVA’, Selin ka ndarë një rrëfim të ndjerë për jetën e saj personale, duke folur hapur për mungesën e figurës së babait dhe sfidat financiare që ka përjetuar në një nga momentet më të rëndësishme të karrierës së saj. Teksa po qendronte ne oborr me Kristin, ajo pranoi se babai i saj nuk ka qenë prezent në jetën e saj, duke theksuar se mungesa e tij ka lënë gjurmë.

“Figura e tij më mungon. Nuk kam qenë kurrë viktimë e gjërave që kanë ndodhur. Edhe babait i kam thënë: kthehu, më mungon. Dua të vijë dita të bëhemi bashkë prej meje,” tha ajo, duke lënë të kuptohet se dera e pajtimit ka qenë gjithmonë e hapur nga ana e saj.

Banorja e ‘BBVA’ foli edhe për një periudhë shumë të vështirë financiare, pikërisht në prag të një festivali të rëndësishëm për të. Ajo zbuloi se vetëm katër ditë para natës së festivalit, familja e saj përjetoi një humbje të madhe, çka e detyroi të merrte një vendim të vështirë.

“Katër ditë para na ndodhi një humbje e madhe. M’u desh ta shes makinën time,” tregoi ajo, duke vijuar me tej:

“Ditën e festivalit kam pasur 200 lekë në xhep”

Nje tjeter termet me magniture 3.2 balle lekund juglindjen e vendit. Lëkundjet, me epiqendër në Hocisht te Devollit u ndjenë edhe në qytetin e Korçës, duke alarmuar banorët për pasgoditje të mundshme. Sipas pedagoges Ermira Jashiku, Dr. e gjeografisë fizike dhe mjedisore, rajoni i Korçës është pjesë e një zone me aktivitet sizmik të njohur, ku lëkundje të tilla nuk janë të rralla.

Ajo shpjegon se kjo zonë ndodhet mbi struktura tektonike aktive dhe se tërmete mund të ndodhin herë pas here.

Emri i Luiz Ejlli vijon të jetë në qendër të vëmendjes, teksa fansat dhe mediat po spekulojnë për një rikthim të mundshëm të tij në ekranin televiziv. Gjatë një interviste për mediat në Kosovë, Luizi është pyetur drejtpërdrejt nëse do të marrë rolin e kryeplakut në edicionin e ri të Ferma VIP, i cili, sipas zërave, pritet të prezantohet nga Arbana Osmani.

Pa dhënë një përgjigje të prerë, fituesi i “Big Brother VIP Albania” zgjodhi të ruajë misterin, duke lënë të kuptohet se është në prag të një projekti të ri televiziv, por pa konfirmuar nëse bëhet fjalë pikërisht për “Ferma VIP”.

“Thonë ku ka zë, nuk është pa gjë. Ka pasur oferta. Por unë kam qejf me një lëvizje që do bëj… duroni dhe pak ditë,” u shpreh Luizi, duke shtuar se shumë shpejt gjithçka do të bëhet e qartë.

Ai theksoi se preferon që përgjigjen ta japë përmes një veprimi konkret, e jo me fjalë.

“Me një lëvizje që do bëj, do e marrin përgjigjen të gjithë. Duroni edhe pak, diku 10 ditë,” tha ai, duke nxitur edhe më shumë kureshtjen e publikut.

Luizi shtoi gjithashtu se për të, përfoljet janë pjesë e lojës mediatike. “Gjëja më e mirë është me u përfolur, por do jem diçka. Se ku… nuk e di,” u shpreh ai me humor, duke lënë të hapur çdo mundësi.

Deklarata e tij ka mjaftuar që rrjetet sociale të shpërthejnë në komente dhe hamendësime, ndërsa mbetet për t’u parë nëse Luizi do të shfaqet si kryeplak në “Ferma VIP” apo do të surprizojë publikun me një projekt tjetër televiziv.

Komisioni i Ligave dhe Garave ka zyrtarizuar oraret dhe datat e javëve 21 dhe 22 të kampionatit Kategoria e Parë. Java e 21-të zhvillohet më 7 dhe 8 shkurt 2026. Të gjitha ndeshjet luhen në orën 13:30. Skënderbeu, KF Laçi dhe Pogradeci, tre skuadrat e para të renditjes, luajnë në transfertë.

Java e 22-të zhvillohet më 14 dhe 15 shkurt 2026. Vetëm një ndeshje luhet në orën 16:30. Skënderbeu kundër Apolonisë në stadiumin “Skënderbeu”. Të gjitha ndeshjet e tjera janë programuar në orën 13:30

Java 21

Apolonia – Pogradeci, 07.02.2026 13:30

Korabi – Skënderbeu, 07.02.2026 13:30

Kastrioti – Kukësi, 07.02.2026 13:30

Lushnja – KF Laçi, 07.02.2026 13:30

Burreli – Iliria , 08.02.2026 13:30

Besa – AF Luftëtari, 08.02.2026 13:30

Java 22

KF Laçi – Besa, 14.02.2026 13:30

AF Luftëtari – Kastrioti, 14.02.2026 13:30

Kukësi – Korabi, 14.02.2026 13:30

Skënderbeu – Apolonia, 14.02.2026 16:30

Pogradeci – Burreli, 15.02.2026 13:30

Iliria – Lushnja, 15.02.2026 13:30

Të dhënat e Eurostat mbi ecurinë e popullsisë së moshës 15-29 vjeç në Europë tregojnë një tablo shqetësuese për Shqipërinë, e cila renditet e para për tkurrjen më të lartë demografike të kësaj grup-moshe. Në janar të vitit 2025 Shqipëria kishte 405,832 të rinj të grup-moshës 15-29 vjeç me tkurrje 18,300 brenda një viti, duke pësuar një rënie prej -4.32%.

Shpejtësia e zbrazjes së vendit tonë nga rinia është katër herë më e lartë se ajo e Serbisë, e cila pason me një rënie prej -1.03%.

Ndërsa vende si Sllovakia, Austria dhe Turqia regjistrojnë tkurrje minimale nën 1%, Shqipëria po përballet me një hemorragji demografike që tejkalon çdo mesatare rajonale.

Kjo diferencë bëhet akoma më i fortë kur krahasohemi me vendet që po shënojnë rritje të konsiderueshme të popullsisë së re. Për shembull, ndërkohë që Shqipëria humbet kapitalin e saj njerëzor, vende si Spanja (+2.76%), Bullgaria (+1.98%) dhe Rumania (+1.97%) po shohin një zgjerim të grup-moshës 15-29 vjeç, çka tregon një riorientim të rinisë drejt tregjeve të punës apo sistemeve të tyre arsimore.

Teksa shtete si Zvicra, Islanda dhe vendet e Bashkimit Europian po stabilizojnë ose po rrisin numrin e të rinjve të tyre, Shqipëria po thellon më tej rënien, duke treguar se nevoja për politika inkurajuese për të mbajtur rininë në vend është më urgjente se kurrë.

Tkurrja e të rinjve është specifikë alarmante shqiptare, jo ballkanike, që po e lë vendin pa forcë punëtore aktive dhe pa energji inovative.

Rënia me rreth 18,333 të rinjsh brenda një viti do të thotë se Shqipëria po humbet pothuajse një qytet të tërë të përbërë vetëm nga studentë dhe profesionistë të rinj çdo vit. Ndërkohë që Gjermania dhe Italia, dy destinacionet kryesore të emigracionit shqiptar, po shënojnë rritje të popullsisë së tyre të re (përkatësisht me 0.50% dhe 0.72%), pasi kapitali njerëzor që humbet Shqipëria po shërben si “karburant” për ekonomitë e vendeve të Bashkimit Europian.

Ndërsa vendet e zhvilluara po arrijnë të thithin të rinj dhe të rrisin bazën e tyre demografike, Shqipëria po tkurret me ritme që vështirësojnë çdo plan afatgjatë për zhvillim të qëndrueshëm. Nëse ky trend i vitit 2025 nuk frenohet, presioni mbi sistemin e pensioneve dhe mbi bizneset vendase, që tashmë vuajnë për staf, do të shkojë drejt pikës së kolapsit, duke e bërë Shqipërinë vendin me plakjen më të shpejtë në Europë./Monitor.al

Një tjeter tërmet me magnitudë 4.1 ballë u regjistrua pak minuta më parë në zonen midis Korçës dhe Hoçishtit tek mali i Moraves.

Deri më tani fatmirësisht nuk raportohen dëme në njerëz apo materiale.

Një konflikt në një lokal në Korçë ka degraduar me plagosje me thikë ku mbeti i plagosur një 37-vjeçar, Bernard Qelemeni. Burime nga policia bëjnë me dije se autori i dyshuar, një 17-vjeçar, është larguar nga vendi i ngjarjes menjëherë pas konfliktit, por është kapur nga shërbimet e Policisë vetëm disa minuta më vonë dhe është shoqëruar në Komisariatin e Policisë Korçë.

Nga hetimet paraprake dyshohet se shkaku i përplasjes lidhet me një konflikt të mëparshëm mes palëve, konkretisht me një vjedhje të dyshuar të banesës së 17-vjeçarit, e ndodhur rreth dy vite më parë, për të cilën pretendohet se autor ka qenë i plagosuri, Bernard Qelemeni.

Sipas burimeve, 17-vjeçari e ka konstatuar 37-vjeçarin në ambientet e lokalit dhe mes tyre ka nisur fillimisht një debat verbal, i cili më pas ka degraduar në konflikt fizik. Gjatë përplasjes, dyshohet se i plagosuri e ka goditur të miturin, ndërsa ky i fundit e ka plagosur me thikë në krah.

37-vjeçari ka pësuar dëmtime në dorë nga mjeti prerës dhe ndodhet në spital, jashtë rrezikut për jetën. Ai rezulton një emër i njohur për policinë lokale për shkak të precedentëve të mëparshëm në fushën e vjedhjes së pasurisë.

Policia vijon hetimet për zbardhjen e plotë të rrethanave të ngjarjes, ndërsa materialet procedurale i janë referuar Prokurorisë.

Korçë/Informacion paraprak

Në lagjen nr.4, Korçë, gjatë një konflikti dyshohet se shtetasi P. K., ka dëmtuar në dorë me mjet prerës (thikë) shtetasin B. Q., rreth 37 vjeç, banues në Korçë, i cili aktualisht ndodhet në spitalin e Korçës, jashtë rrezikut për jetën.

Shërbimet e Policisë kanë kapur dhe shoqëruar në ambientet e komisariatit për veprime të mëtejshme autorin e dyshuar të ngjarjes, shtetasin P. K.

Grupi hetimor në bashkëpunim me Prokurorinë po punon për dokumentimin ligjor të rastit dhe sqarimin e plotë të rrethanave të ngjarjes.

Policia Rrugore e Elbasanit ka njoftuar se për shkak të punimeve që do të kryhen në aksin rrugor “Librazhd–Korçë”, në zonën e fshatit Dragostunjë, qarkullimi i automjeteve do të bllokohet përkohësisht gjatë orëve të natës. Sipas njoftimit zyrtar, bllokimi do të zbatohet nga data 3 shkurt 2026 deri më 5 shkurt 2026, në intervalin kohor 22:00 – 05:00.

Gjatë këtyre orareve, aksi rrugor do të jetë i pakalueshëm për të gjitha mjetet, veçanërisht për automjetet e tonazhit të rëndë. Për këtë situatë janë njoftuar edhe pikat e kalimit kufitar, me qëllim informimin e drejtuesve të mjeteve.

Gjatë kohës së bllokimit do të lejohen të qarkullojnë vetëm autoambulancat, mjetet zjarrfikëse dhe ato të Policisë.

Si rrugë alternative për mjetet e vogla, autoritetet bëjnë me dije se do të shërbejë aksi “Maliq – Lozhan – Moglicë – Gramsh”, në drejtim të Tiranës dhe anasjelltas.

Kujtojmë se para dy ditësh në zonën e Dragostunjës një shembje masive e gurëve dhe dherave bllokoi qarkullimin në këtë aks për disa orë.

Sonte në mbrëmje në datë 4 shkurt 2026 janë regjistruar lëkundje sizmike në qarkun e Korçës. Epiqendra e tërmetit ka qenë në zonën Drenove- Hoçisht – Bilisht- Korçë, bazuar në të dhënat e Institutit të Gjeo-Shkencave.

Magnituda maksimale e lëkundjeve sizmike ishte 4.1-4.2 ballë, ndërsa thellësia ishte 5-15 km.

Një tërmet me magnitudë 4.1 të shkallës Rihter është regjistruar mbrëmjen e sotme, në orën 19:50, në vendin tonë. Sipas të dhënave sizmologjike, epiqendra e tërmetit ka qenë në afersi te fshatit Hoçisht me një thellësi prej rreth 10 kilometrash, çka ka bërë që lëkundjet të ndihen më të forta në zonat përreth.

Lëkundjet janë ndjerë edhe në qytetin e Bilishtit, i cili ndodhet shume prane epiqendrës.

Banorët e qytetit te Korçes kanë pohuar se lëkundjet e tërmetit kanë qenë të forta dhe zgjatën për disa sekonda, duke shkaktuar shqetësim dhe frikë.

Deri më tani nuk raportohet për dëme materiale apo persona të lënduar.

E donte jetën, ajo sapo kishte nisur karrierën në spitalin Rajonal të Korçës. Shfaqej e qeshur por fati mizor ia ndërpreu ëndrrat në mes duke lënë pas dhimbje dhe trishtim për familjarët, të afërmit, miqtë dhe kolegët. Pasi luftoi me sëmundjen për më shumë se një vit, infermierja e Spitalit Rajonal të Korçës, një nga studentet me të mira të infermierisë,

27 vjeçarja Laura Avdolli ka ndërruar jetë ditën e sotme.

Për me shume se një vit, Avdolli vuante nga karcinomë hepatike me metastaza pulmonare ndërsa pati një ndërgjegjësim të gjerë nga qytetarët për gjetjen e fondeve për operimin e saj. Por pavarësisht kësaj, Laura nuk ka mundur të mposhtë sëmundjen dhe sot ka mbyllur sytë.

Një aksident fatal me shtatë viktima ndodhi në Rumani, ku pjesë ishin tifozë të PAOK-ut, ndërsa ishin nisur për të ndjekur ndeshjen e skuadrës së tyre të zemrës në Francë. Në furgon ishin dhjetë persona mes tyre, dy me kombësi shqiptare, por me nënshtetësi greke. Ndersa eshte konfirmuar se 29-vjecari Vasil Palo është një nga viktimat, ndërsa shqiptari tjetër Genci Sadiku është i plagosur, por jashtë rrezikun për jetën.

Korcablog shpreh solidaritetin më të thellë me familjarët, miqtë dhe gjithë komunitetin e PAOK Selanik, pas lajmit tragjik për humbjen e jetës së disa tifozëve, të cilët po udhëtonin drejt Rumanisë për të mbështetur skuadrën e tyre të zemrës.

Ngushëllime për familjen e Vasil Palos, korçarit që humbi jetën në aksident tragjik.

Rumunët e njohin atë si “rruga e vdekjes” dhe jo pa arsye.

DN6, rruga kombëtare e vendit, ku dje pasdite ndodhi aksidenti vdekjeprurës rrugor, duke përfshirë tifozët e PAOK-ut, ka shënuar qindra aksidente rrugore dhe dhjetëra vdekje çdo vit. Autostrada fillon në Bukuresht dhe kalon shumë zona lokale të Rumanisë, duke përfshirë Aleksandrinë, Kraiovën, Filiasin, Caransebeş-in, Lugojin dhe Timishoarën, dhe përfundon në kufirin me Hungarinë.

Sipas mediave të huaja, vetëm në vitin 2025, u regjistruan 325 aksidente të rënda rrugore me 479 të lënduar dhe 43 persona humbën jetën, ndërsa viti 2017 ishte një nga vitet më vdekjeprurëse për këtë rrugë me 87 viktima. Mungesa e korsive dhe vijave ndarëse të trafikut dhe rreziku i vazhdueshëm që mund të shkaktohet nga parakalimet janë shkaqet kryesore të shumë aksidenteve rrugore.