Trajneri i Skënderbeut Ilir Daja tregon se vazhdimësia e rezultateve pozitive të bardhekuqve po faktorizohet edhe nga mbështetja psikologjike që lojtarët me eksperiencë po japin.Me fitoren e sotme të Skënderbeut, Daja shprehu keqardhjen për rënien e Flamurtarit nga Kategoria Superiore ndersa shpreson që Skënderbeu të marrë përgjigje pozitive nga Gjykata Federale për të marrë pjesë në kompeticionet europiane.“
Daja (Skënderbeu):

Një trajner që ka dërguar formulën e suksesit kudo ku ka shkuar. Madje edhe në filozofinë e tij të lojës para çdo ndeshje hyn per 3 pike“Një fitore vlen sa tre barazime. Prandaj të provojmë dhe të rrezikojmë gjithçka”.

.“Skënderbeu në zonën europiane – Shpresojmë të marrim një përgjigje pozitive nga Gjykata Federalë. Të motivohemi për këtë ekip që i ka dhënë tonin futbollit shqiptar.

Të vjen keq që do ta shihni Europën nga shtëpia? Jo në fakt, ne presim një përgjigje pozitive. Në këtë mënyrë ne motivohemi me lojtarët dhe do të vazhdojmë kështu. Me rëndësi ndaj Flamurtarit ishte që realizoi Gripshi, një nga sulmuesit tanë, megjithëse nuk jam shumë i kënaqur me pjesën përmbyllëse të aksioneve tona. Ndiej keqardhje për situatën ku është Flamurtari, pasi meriton ta përfaqësojë në mënyrën më të mirë qytetin. Kam kaluar një periudhë shumë të mirë atje dhe kemi marrë mbështetjen e tifozëve vlonjatë që janë shumë të ndjeshëm. Ndiej dyfish keqardhje nga ana ime”.

Ecuria pozitive – Ky është një element që tregon mentalitetin fitues të ekipit. Kemi fituar dy takime në transferë. Ajo çfarë na lehtëson punën tonë është se lojtarët me eksperienvë po na bëjnë punën më të lehtë dhe po i japin mbështetje ekipit. Motivimi i brendshëm është më i nevojshëm sesa motivimi i trajnerit.

Krasniqi-Bregu – Do ta kem parasysh. Po ta analizojmë situatën, shkonim në zonën e Flamurtarit dhe nuk kishim marshin e duhur, veprimet e tyre duhet të ishin më befasuese. Nuk jam shumë i kënaqur për pjesën e aksioneve.

Keqardhje për Flamurtarin – Një qytet me shumë traditë në futbollin shqiptar meriton një ekip më dinjitoz ta përfaqësojë. Kemi marrë kënaqësi të jashtëzakonshme nga ky ekip. Publiku vlonjat është shumë i ndjeshëm karshi futbollit”, deklaroi Daja.

Në ditën e sotme u zhvilluan të gjitha ndeshjet e Superiores, në orën 17:00. Daja i beson të njëjtëve, në sulm me “treshen e frikshme” Gripshi-Bregu-Krasniqi.

Zhvillimet e fundit në lidhje me koronavirusin kanë sjellë edhe vendimin e FSHF-së për të mbyllur dyert për tifozët e takimeve të sotme, gjë që ka sjellë edhe një stadium të boshatisur.Skënderbeu ben detyren duke marë një trepikësh me shumë vlerë duke shfaqur pretendime për vendin e 2 dhe fitimin e Kupes se Shqiperise.

Goli i Nazmi Gripshit me kokë në minutën e 58-të i dha fitoren skuadrës korcare, ndërkohë që vlonjatët me këtë humbje kanë rënë matematikisht nga kategoria.

FLAMURTARI-SKËNDERBEU 0-1

Gripshi 58′

FLAMURTARI: Moçka, Gocaj, Qarri, Pjeshka, Muçollari, Rrapaj, Lucas Ramos, Indio Oliverira, Carlos Henrique, Haruni, Hoxhaj. Trajner: Marcello Troisi
SKËNDERBEU: Koliçi, Meksi, Jashanica, Pëllumbi, Imami, Dita, Elezi, Daja, Gripshi, Bregu, Krasniqi. Trajner: Ilir Daja.
GJYQTARE: Laver Alla, Devis Korreshi, Edlir Malo, Roxhers Muska

Ministria e Infrastrukturës dhe Energjisë jep lajmin për rinisjen e transportit publik, i cili është ndërprerë prej tre muajsh, për shkak të situatës së Covid-19.Ministria njofton se duke filluar nga 15 qershori do të rinisë punën transporti publik.

Sakaq, bëhet me dije se do të punohet me 70% të kapacitetit dhe qytetarët do duhet të pajisjen me maska.

Ndërkohë, pritet të ketë një protokoll të veçantë nga Instituti i Shëndetit Publik.

Vendimi

Një lajm i mirë për 👫qytetarët dhe sektorin e 🚍transportit publik.15 QERSHOR rifillon shërbimi i transport publik, duke ju përshtatur rregullave të reja, sipas protokollit të miratuar nga ISHP.

Gjatë ditës së sotme është publikuar lajmi i vetëvrasjes në burgun e Krujës e një të burgosuri nga Korça. Ngjarja e rëndë ka ndodhur në mbrëmjen e djeshme në burgun e Zaharisë ku trajtohen dhe vuajnë dënimin të gjithë ata persona me probleme të shëndetit mendor. Viktima ishte autor i një ngjarje të rëndë të ndodhur 4 muaj më parë. Zamir Topi qëlloi me sëpatë një shitës bananesh në Korçë duke e lënë të vdekur në vend.

Zamir Topi, autori i vrasjes me sëpatë të Dashnor Osmanit, ka varur veten në qelinë e tij në orët e vona të darkës. Burimet konformojnë se Zamir Topi kurohej me mjekim të detyruar për shkak të gjendjes së rënduar psikologjike

Zamir Topi deklaroi në polici se shkak për ngjarjen e rëndë është bërë një sherr me Dashnor Osmanin për varrin e nënës. Autori pretendonte se Topi, i cili shiste banane në zonën e Pazarit të Korçës, i ka dëmtuar varrin e nënës.Topi dhe Osmani kanë varrosur në 2014 në Korçë të afërmit pranë njëri-tjetrit, dhe autori i krimit kishte ngritur pretendimet se Dashnor Osmani i kishte dëmtuar rëndë varrin e nënës së tij.

Zamir Topi ka deklaruar se i kishte kërkuar Osmanit të hiqte varrin e të afërmit nga aty dhe t’i rregullonte varrin e nënës. Mes Osmanit dhe Topit ka pasur konflikt të vazhdueshëm për këtë çështje.Gjatë marrjes në pyetje mësohet se Topi ka shfaqur pendesë për krimin.Ndërkohë që familja e autorit, të cilët kishin më shumë se 1 muaj që nuk kishin komunikuar me të, ka hapur dyert e mortit në fshatin Pocestë.

Një sherr mes dy familje fqinje në Pogradec për pak sa nuk përfundoi në tragjedi.Sipas Policisë, shtetasi I. H., 58 vjeç, banues në fshatin Buçimas, pasi ishte konfliktuar për motive të dobëta me fqinjin e tij I. J., 52 vjeç dhe bashkëshorten e këtij të fundit.Ai kishte qëlluar me armë zjarri tip pistoletë “Zastava” në drejtim të tyre.

Njoftimi i policisë

Ndërhyrja në kohë e policisë, parandalon përshkallëzimin e mëtejshëm të një konflikti. Tenton të vrasë me armë zjarri fqinjët e tij, kapet dhe arrestohet në flagrancë një 58-vjeçar. Sekuestrohet arma e zjarrit pistoletë me 4 fishekë të cilën autori e posedonte pa leje.

Pas marrjes së njoftimit se në fshatin Buçimas, dy familje fqinje po konfliktoheshin me njëra-tjetrën, shërbimet e Komisariatit të Policisë Pogradec në bashkëpunim me Forcat e Posaçme Operacionale në DVP Korçë, kanë shkuar menjëherë në vendngjarje ku konstatuan se: Shtetasi I. H., 58 vjeç, banues në fshatin Buçimas, pasi ishte konfliktuar për motive të dobëta me fqinjin e tij I. J., 52 vjeç dhe bashkëshorten e këtij të fundit, kishte qëlluar me armë zjarri tip pistoletë “Zastava” në drejtim të tyre.

Falë reagimit dhe ndërhyrjes në kohë të policisë, u bë kapja dhe arrestimi në flagrancë i autorit të dyshuar të ngjarjes si edhe parandalimi i përshkallëzimit të mëtejshëm të këtij konflikti, i cili mund të sillte pasoja të rënda për jetën. Në cilësinë e provës materiale 58-vjeçarit, iu gjet e sekuestrua arma e zjarrit me 4 fishekë në krëhërin e saj.Materialet i kaluan Prokurorisë Pranë Gjykatës së Shkallës së Parë Pogradec për veprat penale “Vrasja me dashje mbetur në tentativë” dhe “Mbajtja pa leje dhe prodhimi i armëve, armëve shpërthyese dhe i municionit”.

Autoritetet shtetërore kanë marrë vendimin që duke nisur nga java e ardhshme në Spanjë të hapen klubet e natës dhe diskot, por nuk do të lejohet kërcimi. Për shkak të rregullave të distancimit social, nisur nga COVID-19, Ministria e Shëndetësisë vendosi që hapësira që në këto klube përdorej për të kërcyer, tani do të përdoret për të vendosur tavolina për t’u ulur klientët.

Gjithashtu, vetëm 1/3 e kapaciteteve të klube do të përdoret, por autoritetet u kanë dhënë leje klubeve apo diskove që të përdorin edhe verandat.

Ky rregull i ri ka sjellë reagime nga pronarët e klubeve të natës dhe diskove të cilët nga njëra anë prisnin hapjen, porse nuk e mendonin që nuk do të lejohej vallëzimi, një nga aktivitetet më të preferuara të klientëve.

Ka shkuar në 1246 numri i personave të prekur nga koronavirusi në vendin tonë.Harta e të prekurve nga COVID-19 zgjerohet me 14 raste pozitive.Të shpërndara: 10 në Tiranë, 2 në Shkodër, 1 në Krujë dhe 1 në Durrës.”Në vendin tonë janë 274 pacientë aktive dhe pjesa më e madhe po ndiqet nga mjeku i familjes.Juglindja e vendit vazhdon të ketë 1 person pozitiv Covid-19.Numri i testeve ne total ne Qarkun e Korçes eshte 311.

Dr. Genta Qirjako nga Instituti i Shëndetit Publik dha detajet:

Ju informojmë rreth situatës së COVID 19 në Shqipëri, në 24 orët e fundit.Kanë vijuar testimet në Laboratorin e Virologjisë në ISHP për të dyshuar të prekur me Covid19 dhe vazhdon puna intensive e epidemiologëve në terren për gjurmimin aktiv të rasteve.Në 24 orët e fundit janë kryer 193 testime nga të cilat janë konfirmuar 14 raste pozitive, përkatësisht, 10 raste në Tiranë, 2 raste në Shkodër, 1 në Krujë, 1 në Durrës.Rastet e konfirmuara në 24 orët e fundit janë kontakte familjare te rasteve pozitive dhe disa raste të reja në proces hetimi.

Pjesa më e madhe e të prekurve në 24 orët e fundit janë simptomatikë, me shenja klinike të Covid19.Vijon të ketë shtrime të reja dhe rritje te rasteve në spitalin infektiv, ku aktualisht po trajtohen 30 të prekur, nga të cilët 6 janë në terapi intensive, 2 prej tyre jane të intubuar.Gjatë 24 orëve të fundit janë shëruar 13 qytetarë, duke e çuar në 938 numrin e të shëruarve që nga fillimi epidemisë. Në vendin tonë janë aktualisht 274 persona aktivë me COVID19, rreth 70% e të cilëve janë në Tiranë.

Nga fillimi i epidemisë janë kryer mbi 18 mijë testime molekulare dhe serologjike dhe janë konfirmuar pozitivë 1246 raste.Në Laboratorin e Mikrobiologjisë në QSUT janë kryer 2035 testime serologjike në personel shëndetësor, me një pozitivitet të përgjithshëm rreth 7 %.Ministria e Shëndetsisë dhe Mbrojtjes Sociale ju fton për t’u treguar të kujdesshëm për respektimin e distancës fizike me njëri-tjetrin dhe ruajtjen e higjienës vetjake.Nëse keni shenja të sëmundjes telefononi në numrin e Urgjencës Kombëtare 127 dhe në linjën e gjelbër 0800 40 40 për këshillim psikologjik apo çdo informacion për Covid19.

COVID-19 – Statistika (7 Qershor 2020)

Testime totale 18290
Testime molekulare 16250
Testime serologjike 2035
Raste pozitive 1246
Raste të shëruara 938
Raste Aktive 274
Humbje jete 34 (Qarku Tiranë 21, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:

Tiranë 187
Krujë 24
Shkodër 19
Kamëz 14
Durrës 10
Mat 9
Lushnje 6
Berat 2
Tropojë 2
Korçë 1
Librazhd 1
Mallakastër 1