Një sherr mes dy familje fqinje në Pogradec për pak sa nuk përfundoi në tragjedi.Sipas Policisë, shtetasi I. H., 58 vjeç, banues në fshatin Buçimas, pasi ishte konfliktuar për motive të dobëta me fqinjin e tij I. J., 52 vjeç dhe bashkëshorten e këtij të fundit.Ai kishte qëlluar me armë zjarri tip pistoletë “Zastava” në drejtim të tyre.

Njoftimi i policisë

Ndërhyrja në kohë e policisë, parandalon përshkallëzimin e mëtejshëm të një konflikti. Tenton të vrasë me armë zjarri fqinjët e tij, kapet dhe arrestohet në flagrancë një 58-vjeçar. Sekuestrohet arma e zjarrit pistoletë me 4 fishekë të cilën autori e posedonte pa leje.

Pas marrjes së njoftimit se në fshatin Buçimas, dy familje fqinje po konfliktoheshin me njëra-tjetrën, shërbimet e Komisariatit të Policisë Pogradec në bashkëpunim me Forcat e Posaçme Operacionale në DVP Korçë, kanë shkuar menjëherë në vendngjarje ku konstatuan se: Shtetasi I. H., 58 vjeç, banues në fshatin Buçimas, pasi ishte konfliktuar për motive të dobëta me fqinjin e tij I. J., 52 vjeç dhe bashkëshorten e këtij të fundit, kishte qëlluar me armë zjarri tip pistoletë “Zastava” në drejtim të tyre.

Falë reagimit dhe ndërhyrjes në kohë të policisë, u bë kapja dhe arrestimi në flagrancë i autorit të dyshuar të ngjarjes si edhe parandalimi i përshkallëzimit të mëtejshëm të këtij konflikti, i cili mund të sillte pasoja të rënda për jetën. Në cilësinë e provës materiale 58-vjeçarit, iu gjet e sekuestrua arma e zjarrit me 4 fishekë në krëhërin e saj.Materialet i kaluan Prokurorisë Pranë Gjykatës së Shkallës së Parë Pogradec për veprat penale “Vrasja me dashje mbetur në tentativë” dhe “Mbajtja pa leje dhe prodhimi i armëve, armëve shpërthyese dhe i municionit”.

Autoritetet shtetërore kanë marrë vendimin që duke nisur nga java e ardhshme në Spanjë të hapen klubet e natës dhe diskot, por nuk do të lejohet kërcimi. Për shkak të rregullave të distancimit social, nisur nga COVID-19, Ministria e Shëndetësisë vendosi që hapësira që në këto klube përdorej për të kërcyer, tani do të përdoret për të vendosur tavolina për t’u ulur klientët.

Gjithashtu, vetëm 1/3 e kapaciteteve të klube do të përdoret, por autoritetet u kanë dhënë leje klubeve apo diskove që të përdorin edhe verandat.

Ky rregull i ri ka sjellë reagime nga pronarët e klubeve të natës dhe diskove të cilët nga njëra anë prisnin hapjen, porse nuk e mendonin që nuk do të lejohej vallëzimi, një nga aktivitetet më të preferuara të klientëve.

Ka shkuar në 1246 numri i personave të prekur nga koronavirusi në vendin tonë.Harta e të prekurve nga COVID-19 zgjerohet me 14 raste pozitive.Të shpërndara: 10 në Tiranë, 2 në Shkodër, 1 në Krujë dhe 1 në Durrës.”Në vendin tonë janë 274 pacientë aktive dhe pjesa më e madhe po ndiqet nga mjeku i familjes.Juglindja e vendit vazhdon të ketë 1 person pozitiv Covid-19.Numri i testeve ne total ne Qarkun e Korçes eshte 311.

Dr. Genta Qirjako nga Instituti i Shëndetit Publik dha detajet:

Ju informojmë rreth situatës së COVID 19 në Shqipëri, në 24 orët e fundit.Kanë vijuar testimet në Laboratorin e Virologjisë në ISHP për të dyshuar të prekur me Covid19 dhe vazhdon puna intensive e epidemiologëve në terren për gjurmimin aktiv të rasteve.Në 24 orët e fundit janë kryer 193 testime nga të cilat janë konfirmuar 14 raste pozitive, përkatësisht, 10 raste në Tiranë, 2 raste në Shkodër, 1 në Krujë, 1 në Durrës.Rastet e konfirmuara në 24 orët e fundit janë kontakte familjare te rasteve pozitive dhe disa raste të reja në proces hetimi.

Pjesa më e madhe e të prekurve në 24 orët e fundit janë simptomatikë, me shenja klinike të Covid19.Vijon të ketë shtrime të reja dhe rritje te rasteve në spitalin infektiv, ku aktualisht po trajtohen 30 të prekur, nga të cilët 6 janë në terapi intensive, 2 prej tyre jane të intubuar.Gjatë 24 orëve të fundit janë shëruar 13 qytetarë, duke e çuar në 938 numrin e të shëruarve që nga fillimi epidemisë. Në vendin tonë janë aktualisht 274 persona aktivë me COVID19, rreth 70% e të cilëve janë në Tiranë.

Nga fillimi i epidemisë janë kryer mbi 18 mijë testime molekulare dhe serologjike dhe janë konfirmuar pozitivë 1246 raste.Në Laboratorin e Mikrobiologjisë në QSUT janë kryer 2035 testime serologjike në personel shëndetësor, me një pozitivitet të përgjithshëm rreth 7 %.Ministria e Shëndetsisë dhe Mbrojtjes Sociale ju fton për t’u treguar të kujdesshëm për respektimin e distancës fizike me njëri-tjetrin dhe ruajtjen e higjienës vetjake.Nëse keni shenja të sëmundjes telefononi në numrin e Urgjencës Kombëtare 127 dhe në linjën e gjelbër 0800 40 40 për këshillim psikologjik apo çdo informacion për Covid19.

COVID-19 – Statistika (7 Qershor 2020)

Testime totale 18290
Testime molekulare 16250
Testime serologjike 2035
Raste pozitive 1246
Raste të shëruara 938
Raste Aktive 274
Humbje jete 34 (Qarku Tiranë 21, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:

Tiranë 187
Krujë 24
Shkodër 19
Kamëz 14
Durrës 10
Mat 9
Lushnje 6
Berat 2
Tropojë 2
Korçë 1
Librazhd 1
Mallakastër 1

Shoqata e Operatorëve Kombëtarë të Transportit, ka reaguar sot për situatën në të cilën ndodhet ky sektor që prej tre muajsh vijon të qëndrojë i mbyllur. Në një kohë, kur shumë aktivite të tjera janë hapur dhe masat kufizuese nuk ka më, kjo shoqatë kërkon që dhe transporti të bëhet sërish funksional. Në një letër publike ata shprehen se do nisin protesta, nëse qeveria nuk merr masa për të lejuar nisjen e aktiviteti. Shoqata e Operatorëve Kombëtarë të Transportit thekson faktin se qeveria nuk ka ende një datë se kur do të fillojnë nga puna linja interurbane.

DEKLARATA E PLOTË

Shoqata jonë, përfaqësuese e operatorëve kombëtarë të Transportit të udhëtarëve, kërkon t’ju bëjë me dije lidhur me situatën aktuale të aktivitetit të Transportit si një prej sektorëve më të rëndësishëm në ekonominë tonë kombëtare. Përpjekjet tona kanë ndjekur njëra-tjetrën.

Hapi yni i rradhës, është shkresa zyrtare e fundit dërguar Kryeministrit Rama dhe ministrave përkatës, lidhur me qëndrimet tona sa i përket funksionimit të sektorit tonë post Covid-19! Aktiviteti ynë vazhdon i pezulluar nga masat e Covid-19, duke mos patur në të kaluarën e mos marrë mbështetje nga shteti në asnjë formë suporti, përveç të vetmes ‘pagë-lufte’, kur sapo u mbushën 3 muaj pa asnjë aktivitet. Ndërkohë në emisionin Opinion TV Klan të datës 04/06, kryeministri Rama deklaron se çdo aktivitet është hapur.

Ashtu siç ishte parashikuar, e shtuna e 6 qershorit ka rikthyer motin e freskët me temperatura më të ulëta. Sot moti u karakterizua nga vranësira shoqëruar edhe me reshje shiu të herëpashershme me intensitet mesatar.

PARASHIKIMI I MOTIT NGA SHËRBIMI METEOROLOGJIK USHTARAK 

Moti për vendin tonë sa i përket fundjavës do të jetë i paqëndrueshëm. Dita e Shtunë do të karakterizohet nga moti i vranët shoqëruar me reshje shiu të herëpashershme me intensitet të ulët deri mesatar.

Reshjet do të jenë në formën e shtrëngatave dhe stuhive shoqëruar me shkarkesa elektrike. Lokalisht breshër.
Po kështu edhe për ditën e Diel moti pritet me vranësira mesatare deri të dendura por ndryshe nga dita e Shtunë reshjet do të jenë të herëpashershme por me intensitet të ulët.

Përgjatë relieveve malore lokalisht reshjet në formë shtrëngatash dhe stuhi afatshkurtër.

Ministrat e Brendshëm të bllokut evropian vendosën që nga 1 korriku të hapen kufijtë e jashtëm të BE-së. Kryeministri italian Giuseppe Conte dhe ai spanjoll, Pedor Sanchez kanë kërkuar që hapja të bëhet në mënyrë “ të koordinuar dhe jo diskriminuese”. Turistët gjermanë, francezë dhe zviceranë sipas mediave italiane, janë gati të kthehen në vendin fqinj duke filluar nga 15 qershori.

Në një letër të përbashkët drejtuar KE-së, Italia dhe Spanja theksojnë se është “ momenti të riaktivizojmë ekonomitë tona, të rekuperojmë normalitetin e bashkë me të, dhe një element thelbësor të projektit europian sic është liria e lëvizjes në zonën Schengen”, shkruajnë ata. Mbi këtë ka folur edhe ministri i Jashtëm italian, Luigi Di Maio, i cili e përshkroi 15 qershorin si “ ditën D për turizmin evropian”.

“Po punojmë me secilin vend, jo për t’i treguar sesa e bukur është Italia, sepse këtë e dinë të gjithë, por për t’i bërë të kuptojnë që mund të vijnë këtu me siguri të plotë”, u shpreh ai.«Di Maio kujton se “turizmi është një sektor themelor për ekonomitë tona” mbi të cilin është vendimtare “të mbash një qasje të përbashkët dhe evropiane”.

Në këtë kuptim, vendimi gjerman “tregon besnikëri dhe transparencë ndaj Italisë, të cilën ne e vlerësojmë shumë”. Jo të gjitha pllakat e mozaikut janë akoma në vend, megjithatë, për të bërë 15 qershorin, fjalët e ministrit, “Dita e Ditës së Turizmit Evropian”.Në ditët e ardhshme Di Maio do të vizitojë Greqinë dhe Slloveninë dhe ai gjithashtu pretendon “reciprocitet” prej tyre.

Me gati 33.800 vdekje dhe 234,000 infektime, Italia është kthyer në njërin prej shteteve më të prekura nga Covid-19, ndaj dhe ka ngurrim nga vendet e tjera për të liruar lëvizjen me të.

Departamenti Amerikan i Shtetit do të publikojë sot listën e plotë të përgjigjeve për fituesit e lotarisë amerikane. Përgjigjet që pritet të merreshin më 5 maj, u shtynë për në 6 qershor për shkak të pandemisë së koronavirusit.Megjithatë DASH, siguroi aplikantët që shtyrja për shkak të koronavirusit nuk do të ndikonte në përzgjedhjen e fituesëve.

Lotaria amerikane, e njohur ndryshe si “Green card” ka afro dy dekada e gjysëm që aplikohet edhe për shqiptarët, që pas mbërritjes së demokracisë. Viti pas viti me mijëra shqiptare dhe familjet e tyre janë bërë fitues të kësaj lotarije dhe kanë nisur një jetë të re në SHBA.Por vitet e fundit interesi për të aplikuar për Lotarinë Amerikane është rritur ndjeshëm.

NJOFTIMI I AMBASADES MË 4 MAJ

PËRDITËSIM: Departamenti është duke e vonuar hapjen e kontrollit të statusit të regjistruesit për DV-2021, deri në datën 6 qershor 2020. Ky ndryshim është për shkak të përgjigjes tonë në lidhje me pandeminë COVID-19, e cila nuk do të ketë ndonjë impakt negativ në administrimin e DV-2021.

Për të parë nëse janë përzgjedhur, të regjistruarit e DV-2021 do të mund të përdorin numrin e tyre unik të konfirmimit të dhënë në regjistrim duke kontrolluar online Kontrollin e Statusit të të Regjistruarve në faqen zyrtare të E-DV-së. Kontrolli i Statusit të të Regjistruarve do të informojë pjesëmarrësit e përzgjedhur se si të aplikojnë për vizën e Lotarisë për veten e tyre dhe anëtarët e familjes së tyre. Të përzgjedhurit do të mund të mësojnë datën e tyre të intervistës për vizë duke hyrë tek Kontrolli i Statusit të të Regjistruarve.

Për të mësuar nëse jeni përzgjedhur fitues, duhet të klikoni këtu

Ka shkuar në 1232 numri i personave të prekur nga koronavirusi në vendin tonë.Harta e të prekurve nga COVID-19 zgjerohet me 20 raste pozitive.Të shpërndara: 10 ne Tirane, 3 ne Shkoder, 3 ne Kruje,2 ne Durres dhe 2 ne Tropoje.”Në vendin tonë janë 273 pacientë aktive dhe pjesa më e madhe po ndiqet nga mjeku i familjes.Juglindja e vendit vazhdon të ketë 1 person pozitiv Covid-19.Numri i testeve ne total ne Qarkun e Korçes eshte 311.

Dr.Flutra Beqo nga Instituti i Shëndetit Publik dha detajet:

COVID-19/ Ministria e Shëndetësisë: 20 raste të reja, shkon në 1232 numri i të prekurveNjë humbje jete në 24 orët e fundit. Rreth 70% e rasteve aktive janë në Tiranë. 925 të shëruar nga fillimi i epidemisë.

Dr. Flutra Beqo
Ministria e Shëndetësisë

Ju informojmë rreth situatës së COVID19 në Shqipëri.
Gjatë 24 orëve të fundit një 85 vjeçare nga Tirana ka humbur jetën në Spitalin Infektiv, e konfirmuar me COVID19, me disa sëmundje bashkëshoqëruese.
Deri me sot 34 qytetarë nuk e kanë fituar dot betejën me COVID19 pavarësisht përpjekjeve të stafit mjekësor.
Vijon të ketë shtrime të reja në spitalin infektiv, ku aktualisht po trajtohen 27 të prekur, nga të cilët 6 janë në terapi intensive, njëri prej tyre është i intubuar.

Ndërkohë në Laboratorin e Virologjisë në ISHP kanë vijuar testimet për të dyshuar të prekur me COVID19 dhe vazhdon puna intensive e epidemiologëve në terren për gjurmimin aktiv të rasteve ne te gjithë vendin. Në 24 orët e fundit janë kryer 253 testime nga të cilat janë konfirmuar 20 raste pozitive, përkatësisht, 10 raste në Tiranë, 3 raste në Shkodër, 3 në Krujë, 2 në Durrës, 2 në Tropojë. Rastet e identifikuara në 24 orët e fundit janë kontakte familjare dhe disa raste të reja në proces hetimi.

Aktualisht kemi një personel shëndetesor të riinfektuar pas thuajse 3 muajsh, pra i infektuar për herë të dytë, si kontakt familjar. Gjendja e tij shëndetesore është e stabilizuar.Gjatë 24 orëve të fundit janë shëruar 15 qytetarë, duke e çuar në 925 numrin e të shëruarve që nga fillimi epidemisë.Deri tani janë kryer mbi 18 mijë testime molekulare dhe serologjike dhe janë konfirmuar pozitivë 1232 raste.

Në vendin tonë janë aktualisht 273 persona aktivë me COVID19, rreth 70% e të cilëve janë në Tiranë.Ministria e Shëndetësisë dhe Mbrojtjes Sociale ju fton edhe njëherë për t’u treguar të kujdesshëm për respektimin e distancës fizike me njëri-tjetrin, evitimin e kontakteve, shtrengimit të duarve dhe përqafimeve, ruajtjen e higjienës vetjake dhe shmangien e grumbullimeve.Nëse keni shenja të sëmundjes telefononi në numrin e Urgjencës Kombëtare 127 dhe në linjën e gjelbër 0800 40 40 për këshillim psikologjik apo çdo informacion për COVID19.

COVID-19 – Statistika (6 Qershor 2020)
Testime totale 18097
Testime molekulare 16062
Testime serologjike 2035
Raste pozitive 1232
Raste të shëruara 925
Raste Aktive 273
Humbje jete 34 (Qarku Tiranë 21, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:
Tiranë 187
Krujë 23
Shkodër 17
Kamëz 14
Durrës 10
Mat 9
Lushnje 6
Berat 2
Tropojë 2
Korçë 1
Librazhd 1
Mallakastër 1

E shqetësuar që nuk u ndryshua sistemi zgjedhor për të shkuar drejt listave të hapura, por me një garanci nga ambasadorët që Shqipëria do shkojë drejt atij sistemi” Kështu u shpreh në përfundim të mbledhjes së Këshillit politik, deputetja Rudina Hajdari.Rudina Hajdari tha se ka marrë garanci nga SHBA, BE dhe OSBE që do të diskutohen në mbledhjet e radhës të Këshillit Politik.

Duhet të jemi vigjilent që në Shqipëri nuk ka vetëm dëmtim të zgjedhjeve, por edhe të demokracisë. E dimë që PS e ka kapur pushtetin dhe e trajton Shqipërinë, siç e ka plaçkë të vetë, për këtë arsye jam e bindur që shumë njerëz kur e kanë parë se sa e drejtë është kjo kauzë, një diskutim që nuk ishte fare në axhendë, dhe sot kjo bisedë është hapur në çdo tryezë. Hapja e listave është gjëja më e rëndësishme, që kushdo që të vijë pas Ramës të mos sillet si Rama.

Uroja që ta përfshinim këtë pikë, nuk mundemi të futemi në BE nëse nuk sillemi si BE. Mora garanci nga SHBA e BE se bisedimi për ndryshimin e sistemit do të vazhdojë, do të vijojmë të flasim për ndryshimin e sistemit dhe ligjin për referendumet. E rëndësishme është dhe vota e diasporës”, Ne i dhamë sot garancinë Shqipërisë të hapë negociatat”-tha Hajdari.

Me një shënim në facebook, Kryemadhi thekson se kjo reformë duhet implementuar pa humbur kohë, ndërsa shton se “pa zgjedhje të lira dhe të ndershme s’ka demokraci”.

Postimi i plotë:

“Rezultati i sotëm në Këshillin Politik, i arritur dhe me kontributin e partnerëve ndërkombëtarë është pozitiv dhe duhet implementuar pa humbur kohë, me integritet, ashtu siç e kërkon dhe kushti i radhës i BE, ashtu siç e meritojnë qytetarët shqiptarë. Reformat bëhen pikësëpari për njerëzit, të cilët presin ndryshimin dhe mundësinë e shprehjes së vullnetit të tyre lirisht në zgjedhje.

Pa zgjedhje të lira dhe të ndershme s’ka demokraci dhe pa demokraci s’ka ekonomi e mirëqenie për shqiptarët. LSI dhe Opozita e Bashkuar është e vendosur për realizim me sukses të angazhimeve të marra para popullit shqiptar përsa i përket forcimit e përmirësimit të themeleve të demokracisë në vendin tonë, si dhe përshpejtimit të rrugës së integrimit europian të Shqipërisë. 🇦🇱”, shprehet në reagimin e saj, kryetarja e LSI-së, Monika Kryemadhi.

ITALI- Qytetarët italianë kanë protestuar në sheshet e Italisë pasi pretendojnë se koronavirusi është një farsë dhe se nuk është i rrezikshëm. Mediat fqinje kanë bërë me dije se ato po udhëhiqen nga një lëvizje që e quajnë veten jelek-portokallinjtë, ku kanë bërë thirrje që njerëzit të mos vaksinohen.Ish- gjenerali është duke mbledhur njerëz rreth vetes me retorika populiste dhe nacionaliste. Ai premtoi se do t’ia kthejë pushtetin njerëzve. Ai ka fyer qeverinë, po ashtu ka sulmuar politikanë dhe figura të profilit të lartë.

Protestat kanë nisur nga Milano në Bolonjë, nga Torino në Romë e qindra u mblodhën në piazza Duomo të udhëhequr nga ish gjenerali i karabinierëve Antonio Pappalardo.

Disa janë të zemëruar me kryeministrin Giuseppe Conte dhe qeverinë e tij për trajtimin e krizës së koronavirusit, e disa të tjerë janë të shqetësuar për vaksinat, për të cilat ata thonë se do të injektojnë merkur në venat e njerëzve, sistemin gjyqësor ose teknologjinë 5G.

Ndërkohë disa të tjerë janë ankuar edhe për karantinën pasi sipas tyre karantinimi më shumë i ka dëmtuar se sa i ka ndihmuar.Antonio Pappalardo veshi një xhaketë të ndritshme portokalli dhe drejtoi turmën në thirrjet “Liri!”

Ish- gjenerali është duke mbledhur njerëz rreth vetes me retorika populiste dhe nacionaliste. Ai premtoi se do t’ia kthejë pushtetin njerëzve. Ai ka fyer qeverinë, po ashtu ka sulmuar politikanë dhe figura të profilit të lartë.

Burimi:.ilmessaggero.it

Pas shumë muajve diskutime e debate, më në fund është arritur marrëveshja për Reformën Zgjedhore. Mazhoranca dhe opozita kanë arritur marrëveshjen për reformën zgjedhore.

Në zgjedhjet e ardhshme, do të ketë Identifikim biometrik i të gjithë zgjedhësve në vendin tonë.
Kjo shihet si mundësia më e mirë për të ndaluar votiminë shumë se një herë. Palët zgjidhën edhe çështjen që mbajti pezull dakordësinë për 4 ditë, atë të përbërjes së komisioneve zgjedhore. 

PS u tërhoq nga depolitizimi i administratës zgjedhore në zgjedhjet e ardhshme. PS e mori këtë vendim të papritur, pasi PD kërkoi që administrata publike të jetë e përjashtuar sipas një formule të propozuar nga BE.
Palët kanë rënë dakord që depolitizimi i komisioneve zgjedhore të shtyhet për zgjedhjet e ardhshme, komisionet do të mbeten siç janë aktualisht.

Pjesë e dakordësisë mes palëve për administrimin zgjedhor është edhe riformatimi i KQZ. Ky do të jetë një organ i ndarë në tre trupa të balancuara politike. Kryetari zgjidhet me konsensus, nënkryetari nga opozita.
Mësohet se rol kyç në dakordësinë mes palëve ka patur Komisioni Europian.

Në mbledhjen e thirrur nga OSBE-ja, marrin pjesë edhe ambasadorja Yuri Kim si dhe ambasadori i BE-së në Tiranë, Luigi Soreca si dhe përfaqësuesi i OSBE, Bernd Borchardt.Gjithashtu të pranishëm janë edhe përfaqësuesi demokrat, Oerd Bylykbashi, ai socialist, Damian Gjiknuri, i LSI-së, Petrit Vasili .

Palët kanë arritur marrëveshje deri më tani për identifikimin elektronik biometrik, çka do të thotë se votuesit do të japin shenjën e gishtit, në mënyrë që të shmanget votimi familjar apo votimi për ata që janë jashtë.

Ndërkohë, një nga ngërçet kryesore është depolitizimi i komisionerëve të zgjedhjeve, ku socialistët propozojnë që këtë proces ta kryejnë punonjës të administratës.