Aksident i frikshëm në Selanik/ 21- Vjeçari Shqiptar futet me të kuqe në semafor…përplas për vdekje babain e dy fëmijëve

Një aksident i rëndë ka ndodhur në mesnatë në qytetin e Selanikut në Greqi, me protagonist një 21-vjeçar shqiptar, raportojnë mediat e vendit fqinj. Sipas dëshmitarëve, i riu shqiptar ishte duke bërë gara me një makinë tjetër, teksa kaloi në semafor me të kuqe, dhe përplasi një 47-vjeçar me motor. Menjëherë pas aksidentit, 21-vjeçari shqiptar, që raportohet se nuk kishte as leje drejtimi, ka tentuar të braktisë makinë dhe të largohet nga vendi i ngjarjes, por është ndaluar disa metra më larg. Përplasja ka qenë aq e fortë sa që motori i viktimës u nda në dy pjesë ndërsa copat u gjetën deri në 200 metra larg vendit të aksidentit. Shqiptari ishte duke ngarë një Audi sportive. Viktima, i cili punonte si shpërndarës i ushqimeve të shpejta (Fast Food) la pas dy fëmijë, një djalë 19-vjeçar dhe një vajzë 16-vjeçare.